Lengjubikarinn
Strákarnir spila sinn annan leik í Lengjubikarnum föstudaginn 21. febrúar kl. 21.00 í Egilshöllinni. Strákarnir töpuðu fyrir lærisveinum Ásmundar Arrnarssonar í Fylki um seinustu helgi í hörku leik sem endaði 4-3 fyrir Fylki.
Hér má sjá mörkin úr leiknum ásamt fleiri mörkum úr þessarri fyrstu umfeð. Mörk okkar í leiknum skoruðu Ragnar Leósson og Guðmundur Karl var með tvennu.
Hér má sjá riðil Fjölnis í Lengjubikarnum og stöðuna
Karate
Íslandsmeistaramót barna og unglinga í KATA haldið var sunnudaginn 9. febrúar í íþróttahúsinu Dalhúsum.
Að venju stóðu krakkarnir í Fjölni sig vel og voru félaginu til mikils sóma.
Á unglingamótinu varð Viktor Steinn Sighvatsson í 2. sæti og Óttar Finnsson í 3. sæti í flokki 13 ára pilta. Sigríður Þórdís Pétursdóttir varð í 2. sæti í flokki 16-17 ára stúlkna. Lið Fjölnis náðu bæði 1. og 2. sæti í hópkata táninga 12-13 ára, í liðinu sem varð í fyrsta sæti voru þeir Viktor Steinn Sighvatsson, Óttar Finnsson, Guðjón Már Atlason og í liðinu sem varð í 2. sæti voru þeir Baldur Sverrisson, Steinar Ingi Þorfinnsson og Finnbogi Óskar Magnússon.
Í flokki 9 ára barna varð Joshua Davíðsson í 2.sæti.
Þær Anna Marý Gylfadóttir 7-IK, systir hennar Berglind Birta Gylfadóttir 5-BB og bekkjarsysturnar Halldóra Hlíf Þorvaldsdóttir og Birta María Þórðardóttir 6-EHE stóðu sig afbragðsvel á síðasta innanfélagsmóti fimleikadeildar Fjölnis sem haldið var í Ármannsheimilinu.
Þessar stúlkur, sem allar eru nemendur í Rimaskóla, urðu í 1. sæti í B flokki.
Fyrst er að telja stofnstíga sem unnið er að í samvinnu við Vegagerðina. Þar eru bæði nýir stígar og endurbætur á eldri stígum þar sem áhersla er lögð á að skilja að gangandi umferð og hjólandi.
Kostnaður við ofangreind verkefni er áætlaður um 275 milljónir króna og þar sem þeir eru hluti af stofnstígakerfinu skiptist kostnaður til helminga milli Vegagerðarinnar og Reykjavíkurborgar.
Góður samgöngumáti
Einnig er gert ráð fyrir að gera nýja hjólastíga á nokkrum stöðum samhliða endurnýjun gönguleiða.
Kostnaðaráætlun ofangreindra verka er 85 milljónir króna.
Þá verður áfram unnið við hjólaleiðir í Borgartúni, en gatan tók miklum breytingum í fyrra. Áætlun 2014 gerir ráð fyrir 80 milljónum króna til hjólastíga í Borgartúni.
Á fundi borgarráðs í gær var einnig heimilað að hefja undirbúning og hönnun vegna göngu- og hjólastíga í Elliðaárdal, auk brúar yfir Elliðaár við Rafstöð. Í fjárhagsáætlun 2014 er gert ráð fyrir 50 milljónum króna til þessa verkefnis.
Hjóla og göngustígar
Vetrarleyfismót
Vetrarleyfisskákmót Fjölnis og Gufunesbæjar í Hlöðunni næsta föstudag
Næsta föstudag 21. febrúar verður haldið hið árlega Vetrarleyfisskákmót Skákdeildar Fjölnis og Gufunesbæjar í Hlöðunni við Gufunesbæ.
Mótið hefst kl. 13:00. Tefldar verða 6 umferðir og umhugsunartíminn er 7 mínútur. Fjöldi verðlauna verður í boði: bíómiðar, pítsur, aðgangskort að skíðasvæðum og sundstöðum. Í fyrra mættu 30 keppendur til leiks og nýttu vetrarleyfistímann til skákiðkunar. Mótstjórar á Vetrarleyfismótinu verða þeir Stebbi Bergs og Björn Ívar frá Skákakademíu Reykjavíkur.
Börnin í skákdeild Fjölnis komu færandi hendi á skákæfingu í Rimaskóla í dag. Þau komu með fjölmargar skemmtilegar og nytsamlegar gjafir til barnanna á Grænlandi, en þangað halda liðsmenn Hróksins í næstu viku.
Hrafn Jökulsson og Róbert Lagerman úr Hróknum komu í heimsókn á æfinguna og veittu gjöfunum viðtöku. Þarna voru meðal annars litir og litabækur, púsluspil og leikföng, föt og marskyns fínerí. Og ekki nóg með það: Krakkarnir söfnuðu líka næstum 30 þúsund krónum, sem duga til að kaupa 15 góð taflsett handa grænlensku börnunum!
Frumkvæði að þessum góðu gjöfum átti Helgi Árnason skólastjóri og formaður skákdeildar Fjölnis, en hann hefur tvisvar komið í skákferðir til Grænlands ásamt börnum úr Rimaskóla. Hrafn og Róbert færðu Helga og hans knáu liðsmönnum djúpar þakkir fyrir að sýna okkar næstu nágrönnum á Grænlandi vinarþel í verki.
Öll fengu hin gjafmildu börn póstkortaseríu Hróksins frá skákstarfinu á Grænlandi, auk þess sem Hrafn sagði þeim dálítið frá okkar stórbrotna nágrannalandi.
Mikið líf var á æfingunni hjá Fjölni, og tugir stráka og stelpna skemmtu sér konunglega og sýndu góða takta, enda er Rimaskóli einhver mesti skákskóli í heiminum!
Takk fyrir frábært framtak, Fjölnismenn!
Fjölbreytt dagskrá fyrir alla fjölskylduna verður í boði hjá frístundamiðstöðvum og menningarstofnunum borgarinnar í vetrarfríi grunnskólanna 20. og 21. febrúar.
Í vetrarfríinu bjóða frístundamiðstöðvarnar upp á fjölbreytta fjölskyldudagskrá með leikjum, kaffihúsi og tónlist. Menningarstofnanir bjóða fjölskyldum grunnskólabarna frítt inn á sýningar. Þá verður frítt fyrir grunnskólabörn og fjölskyldur þeirra í sundlaugarnar báða vetrarfrísdagana frá kl. 13.-16 og lyftur á skíðasvæðum borgarinnar opna fyrr en venjulega eða kl. 12.00.
Í Fjölskyldu- og húsdýragarðinum má svo bregða sér ókeypis í hringekju.
Gufunesbær – Grafarvogur
Fimmtudagur 20. febrúar
• Kl. 10:00 – 12:00 verður boðið upp á klifur í turninum við Hlöðuna.
• Kl. 11:00 hefst ratleikur við Hlöðuna í Gufunesbæ. Verðlaun fær það lið sem leysir allar þrautir og lýkur leiknum fyrst.
• Kl. 11:00-12:00 Kósí stund í lundinum við Gufunesbæ þar sem gestum verður boðið upp á kakó en þeir geta líka notað eldstæðið til að baka hikebrauð eða grilla sykurpúða.
• Kl. 13:00 Útileikar Gufunesbæjar fyrir alla fjölskylduna.
Föstudagur 21. febrúar
• Kl. 13:00 – 15.00 verður vetrarleyfisskákmót Skákakademíu Reykjavíkur og Gufunesbæjar haldið í Hlöðunni. Grunnskólanemar í 1. – 7. bekk geta tekið þátt í mótinu. Tefldar verða fimm umferðir og er umhugsunartími sex mínútur á skák. Keppendur eru hvattir til að mæta tímanlega til að skrá sig.
Viðburðir í fjölskyldu- og húsdýragarðinum og í menningarstofnunum
Fjölskyldu og húsdýragarðurinn
Það verður margt um að vera í Fjölskyldu-og húsdýragarðinum í vetrarfríinu. Í tenglsum við lífræðilega fjölbreytni verða þrautir um allan garð. Í veitingahúsinu verður tilboð á heitu kaffi / kakó ásamt pönnukökum með rjóma og sultu á 550 kr. Hringekja skreytt norrænu goðunum verður í gangi kl: 13-17 báða dagana og kostar ekkert í hana í vetrarfríinu.
www.mu.is
Landnámssýningin
Fimmtudag 20. og föstudag 21. febrúar.
Leiksvæði Freyju fornleifafræðings – Þar má finna forn leikföng sem má prófa og spreyta sig á ýmsum þrautum.
Ratleikur með rúnum fyrir alla fjölskylduna – Ráða þarf í fornar rúnir og bera kennsl á aldagamla gripi. Að leik loknum má reyna rúnaritun og er skorað alla gesti að reyna að rita nafn sitt með rúnum! Þorir þú að taka áskoruninni?
www.minjasafnreykjavikur.is
Víkin Sjóminjasafn Grandagarði 8
Fimmtudag 20. og föstudag 21. febrúar.
Kl. 11.00-17.00 Skuggalegur ratleikur fyrir fjölskylduna. Hákarlinn Skuggi skelfilegi hefur falið þrautir og vísbendingar um safnið, tekst þér að leysa þær? Ratleikurinn um hákarlinn og hvernig hann var veiddur og nýttur hér á Íslandi fyrr á tímum.
Kl. 13.00 Þrælkun, þroski, þrá? Fjölskylduleiðsögn um ljósmyndasýningu sem að sýnir börn við vinnu til sjós og landi á árunum 1930-1950.
Kl. 15.00 Velkomin um borð! Fjölskylduleiðsögn um borð í Varðskipinu Óðni.
www.sjominjasafn.is
Ljósmyndasafn Reykjavíkur
Salur: Betur sjá augu. Ljósmyndun Íslenskra kvenna 1872-2013
Skotið: Elo Vázquez, Behind.
Kubburinn: Vincent Malassis, Petites Pauses.
www.ljosmyndasafn.is
Listasafn Reykjavíkur
Fullorðnir í fylgd með börnum fá frítt inn á Listasafn Reykjavíkur – Hafnarhús, Kjarvalsstaði og Ásmundarsafn dagana 20. og 21. febrúar.
Hafnarhús
Augnablik – staður til að staðnæmast kallast nýtt sérhannað rými í Hafnarhúsi sem er hannað fyrir yngri gesti safnsins af Daníel Magnússyni myndlistarmanni.
Kjarvalsstaðir
Föstudag 21. febrúar kl. 13:00-16:00
Hugmyndasmiðja – Berglind Jóna Hlynsdóttir myndlistarmaður leiðir námskeið um vörumerki og lógó í tengslum við sýninguna Harro. Hugmyndasmiðjan hefur þann tilgang að veita börnum og fullorðnum innblástur í skapandi samvinnu við að skoða og rannsaka myndlist, uppgötva eitthvað nýtt og verða fyrir áhrifum af heimi listarinnar.
Menningarmiðstöðin Gerðuberg
Föstudaginn 21. febrúar kl. 14:00
Þetta vilja börnin sjá! – Sýning á myndskreytingum úr íslenskum barnabókum sem komu út á árinu 2013. Anna Margrét Árnadóttir býður börnum og fjölskyldum þeirra upp á líflega leiðsögn um sýninguna.
Laugardagur 22. febrúar kl. 14:00
Café Lingua – Albönsk tunga og menning. Áhugafólk um tungumál, mannlíf og samskipti hittist í kaffihúsinu, fræðist um albanska menningu og spjallar saman.
Sunnudagur 23. febrúar kl. 14-16:00
Óradrög – Bjarni Ólafur Magnússon myndlistarmaður tekur á móti gestum á öllum aldri og gefur þeim innsýn í verk sín.
www.gerduberg.is
Borgarbókasafn
Í vetrarfríinu verða skemmtileg borðspil til afnota fyrir gesti í öllum söfnum Borgarbókasafns. Auk þess er boðið upp á föndursmiðju fyrir alla fjölskylduna í Foldasafni og aðalsafni og bingó í Sólheimasafni. Í Gerðubergssafni er boðið upp á sögustundir á ýmsum tungumálum í samstarfi við samtökin Móðurmál á Alþjóðlega móðurmálsdeginum 21. febrúar. Sjá nánari dagskrá og tímasetningar á heimasíðu Borgarbókasafns www.borgarbokasafn.is.
Grafarvogslaug.
Sundlauganótt verður haldin annað kvöld, laugardagskvöldið 15. febrúar, og verður boðið upp á skemmtilega dagskrá sem mun skapa einstaka stemningu í laugunum. Á 8 sundstöðum verður boðið upp á skvettuleika, Zumba, öldudiskó og margt fleira.
Mögnuð dagskrá verður í Álftaneslaug, Lágafellslaug, Árbæjarlaug, Breiðholtslaug, Grafarvogslaug, Laugardalslaug, Sundhöll Reykjavíkur og Ylströndinni þar sem ljós, myrkur og gleði verða allsráðandi. Íbúar og gestir borgarinnar á öllum aldri geta notið dagskrárinnar frá átta til miðnættis sér að kostnaðarlausu.
Meðal viðburða er öldudiskó í Álftaneslaug, Zumba í Lágafellslaug, skvettuleikar í Grafarvogslaug, tónleikar í Laugardalslaug og slökun á Ylströndinni. Gestir eru hvattir til að taka þátt með því að dansa, syngja eða slaka á og njóta stundarinnar.
Allar sundlaugar í Reykjavík eru opnar á Sundlauganótt og er gestum boðið að koma og njóta notalegrar stemningar. Frítt er inn frá klukkan átta til miðnættis.
Sundlauganótt er síðasti viðburður Vetrarhátíðar sem var sett fimmtudaginn 6. febrúar með tendrun 10 ljósalistaverka. Ljósaverkin lýsa upp fegurð borgarinnar á skemmtilegan máta en verkin eru öll í göngufæri við hvert annað. Njóta má skammdegis febrúarmánaðar með ljósagöngu milli ljósalistaverkanna til miðnættis 15. febrúar.
Komdu, sjáðu og upplifðu sundlaugarnar á nýjan og skemmtilegan hátt á Sundlauganótt!
Sundlauganótt Grafarvogslaug
15.02.2014
Dagskrá
Flóðljós
kl. 19:00 -24:00
Allt önnur stemming flæðandi um hús og sundlaugabakka. Sjáðu, finndu og upplifðu hvernig umhverfið breytist með kyndlum og kertaljósum. Listasýning á verkum Korpúlfa í anddyri og óvænt uppákoma . Kaffi á könnunni.
Tónaflóð
kl. 19.00 – 19:30
Hvernig ætli sé að synda við undirleik lúðrasveitar? Skólahljómsveit Grafarvogs kyndir undir stemmingu kvöldsins og setur Sundlauganótt
Vatnsfimi og samhæfð hreyfing
kl. 19:30 – 19:50
Samhæfð hreyfilist í vatni með Korpúlfum undir taktfastri stjórn Öldu Maríu. Allir vita að léttara er að hreyfa sig í vatni þó gefur vatnið mikla mótstöðu og eflir hreyfinguna. Komdu og prufaðu
Ljóð um ljós
Kl. 19:50 – 20:10
Hvaða ljóð skyldu verða fyrir valinu. Félagar úr Korpúlfum flytja fyrir okkur nokkur ljóð um ljós.
Skvettuleikar
kl. 20:00 – 22:00
Hver getur skvett hæst? Taktu þátt í að búa til stórar skvettur í leiklauginni. Sjáðu og finndu aðdráttarafl jarðar í virkni.
Tónadýrð Korpúlfa.
kl. 20:10 – 20:30
Slökun við söng, hvernig er það? Geislandi kórtónar Korpúlfa gera vatnið mýkra að liggja í. Harmonikka og sög leika undir.
Söngleikar
kl. 20:30 – 21:30
Þau eru flink og þau eru framtíðin. Fulltrúar félagsmiðstöðvanna í Grafarvogi sem keppa á SAMFÉS og sem kepptu á RÍMNAFLÆÐI flytja fyrir okkur atriðin sín.
Tveir Kassar
kl. 21:30 -22:30
Annar plokkar strengi og hinn slær trommu. Örugglega allt önnur stemming í pottaspjallinu við þeirra undirleik.
dj. flugvél og geimskip
kl. 22:30 – 23:30
dj. flugvél og geimskip hefur þróað saman sjónræna og hljóðræna upplifun sem samanstendur af ljósum og tónlist. Tónleikarnir eru upplifun fyrir augu og eyru sem hrífa áhorfandann með inn í annan heim. Sérstakt ljósashow og sögur lokka hugann frá stað og stund.
Dagskrá....
Rúmlega 120 grunnskólanemendur fylltu Skákhöllina Faxafeni 12 þegar þar fór fram Reykjavíkurmót grunnskólasveita í skák 2014. Alls mættu 28 skáksveitir til leiks og þar af 6 úr skólum Grafarvogs, skipuð krökkum sem æfa með skákdeild Fjölnis. Á myndinni eru þeir 16 nemendur Rimaskóla að fagna frábærri frammistöðu en þeir skipuðu fjórar skáksveitir skólans á mótinu. Sveitir Rimaskóla unnu allt sem hægt var að vinna. A sveit Rimaskóla vann mótið nokkuð örugglega og Rimaskólastúlkur höfðu einnig sigur eftir hörkubaráttu við Melaskólastúlkur. B og C sveitir Rimaskóla voru einnig í efstu sætum B og C liða. Sveit Kelduskóla varð í 5. sæti og kornungar Foldaskólastúlkur stóðu sig vel. Þessi frammistaða Grafarvogskrakka er ánægjuleg og til vitnis um öflugt starf Skákdeildar Fjölnis alla laugardaga kl. 11:00 – 12:30. Undantekningarlaust er þar frábær mæting áhugasamra skákkrakka, flestra úr Rima-og Kelduskóla. Krakkarnir taka skáktímann á laugardögum næstum fram yfir allt annað sem í boði er um helgar. Áhuginn er ósvikinn, skákin skemmtileg og árangurinn sýnilegur. Hinar velheppnuðu skákbúðir Fjölnis að Úlfljótsvatni helgina fyrir mótið höfðu ábyggilega líka sitt að segja um þennan góða árangur á einu fjölmennasta skákmóti landsins.
Úrslit í Reykjavíkurmóti grunnskólasveita í skák 10. feb. 2014
Úrslit mótsins:
1 Rimaskóli A,25,0
2.-3.Ölduselsskóli A,21,5
Hagaskóli,21,5
4 Árbæjarskóli A,18,5
5.-7.Kelduskóli,16,5
Fossvogsskóli A,16,5
Rimaskóli B,16,5
8 Ölduselsskóli B,15,5
9.-10. Ingunnarskóli A,15,0
Sæmundarskóli A,15,0
11.-12. Rimaskóli C,14,5
Rimaskóli S,14,5
13 Sæmundarskóli B,14,0
14-17 Ingunnarskóli B,13,5
Melaskóli S,13,5
Hlíðaskóli,13,5
Háteigsskóli,13,5
18-20 Sæmundarskóli C,13,0
Ingunnarskóli S1,13,0
Breiðholtsskóli S,13,0
21 Laugalækjarskóli,12,5
22 Fossvogsskóli B,12,0
23 Árbæjarskóli B,11,5
24 Ingunnarskóli C,10,5
25 Breiðagerðisskóli,9,5
26 Foldaskóli S,7,0
27 Árbæjarskóli C,6,5
28 Ingunnarskóli S2,5,0
