Fermingar 2020

Fermingartímar 2019 – 2020

Grafarvogskirkja

Þriðjudagar kl. 16:00 – Foldaskóli I

Miðvikudagar kl. 14:00 – Foldaskóli II
Miðvikudagar kl. 15:00 – Foldaskóli III

Fimmtudagar kl. 15:30 – Rimaskóli II

Kirkjusel

Þriðjudagar kl. 14:10 – Kelduskóli I
Þriðjudagar kl. 15:10 – Kelduskóli II og Vættaskóli I
Þriðjudagar kl. 16:10 – Vættaskóli II og Rimaskóli I

Samverur vetrarins

Fermingarfræðsla hjá nemendum í Kelduskóla og Vættaskóla verður í kirkjuselinu í Borgum í Spöng samkvæmt stundaskrá.
Fermingarfræðsla hjá Foldaskóla verður í kirkjunni samkvæmt stundaskrá.
Fermingarfræðsla hjá Rimaskóla verður í Kirkjuselinu á þriðjudögum og kirkjunni á fimmtudögum skv. stundaskrá

Þemadagarnir verða þrjá laugardaga 18. janúar, 8. febrúar og 29. febrúar kl. 9:00 – 12:00.
Með fyrirvara um breytingar.

Vetrarfrí

Fermingarferð í Vatnaskóg

Foldaskóli fer í fermingarferðalag í Vatnaskóg 26. – 27. september.

Rima-, Vætta og Kelduskóli fara í fermingarferðalag í Vatnaskóg 10. og 11. október.

Foreldrar þurfa því að sækja um leyfi frá skóla. Það er ekki skyldumæting en Vatnaskógur er góður staður til að hrista hópinn saman og blanda saman fræðslu og skemmtun.

Guðsþjónustur

Fermingarnámskeiðið samanstendur af vikulegum samverum í kirkjunni fram að áramótum, þremur þemadögum eftir áramót, ferð í Vatnaskóg og guðsþjónustum. Til þess að fermast þarf að mæta í samverurnar og í 14 guðsþjónustur yfir veturinn, sjö fyrir áramót og sjö eftir áramót. Guðsþjónustur eru alla sunnudaga í kirkjunni kl. 11:00 og í Kirkjuselinu í Borgum í Spönginni kl. 13:00. Fermingarbörn fá ekki stimpil fyrir að mæta í sunnudagaskóla þó þau séu velkomin þangað. Nokkrum sinnum yfir veturinn býðst fermingarbörnunum að taka sérstakan þátt í guðsþjónustunni (vera messuþjónar) og fá auka stimpla. Þau sem hafa áhuga á því hafa samband við þann prest sem hefur umsjón með hópnum þeirra. Með þessu móti er hægt að vera fljótari að safna þessum 14 stimplum. Hægt er að vera messuþjónn í messu sem umsjónarprestur hópsins er með.

Æskulýðsfundir í kirkjunni á þriðjudögum kl. 20:00

Ferming

Æskulýðsfundir eru í boði fyrir fermingarbörn alla þriðjudaga kl. 20:00. Fjölbreytt dagskrá verður í boði. Þeim sem mæta reglulega gefst kostur á að taka þátt í Landsmóti æskulýðsfélaga í október og í Febrúarmóti í Vatnaskógi. Umsjón hefur Þóra Björg Sigurðardóttir.

Veikindi og forföll

Ef fermingarbarn kemst ekki í tíma vegna veikinda er mikilvægt að hafa samband við prestinn sem hefur umsjón með hópnum. Það er hægt að láta viðkomandi prest vita með tölvupósti. Ef fermingarbarn kemst ekki í tíma af öðrum ástæðum er mikilvægt að láta vita og mæta í einhvern annan tíma í vikunni í staðinn. Í boði eru nokkrir mismunandi tímar í hverri viku þannig að yfirleitt er hægt að finna einhvern tíma sem passar.

Fermingar

Fermingarbörn og fjölskyldur þeirra skrá sig sjálf á fermingardaga. Hver skóli fær úthlutað ákveðnum fermingardögum en einnig er velkomið að velja daga sem merktir eru öðrum skólum.