Þrjú erindi um séra Jón Steingrímsson kl. 09.30 – 11.00

                                Ávarp tileinkað séra Jóni
Jón Helgason fyrrverandi forseti Alþingis og Kirkjuþings flytur.

   „Eldklerkurinn“

Möguleikhúsið sýnir úr einleik um séra Jón Steingrímsson.

Höfundur handrits og leikari er Pétur Eggertz.

Leikstjóri Sigrún Valbergsdóttir.

                     „Skáldsagan um Jón“
höfundur bókarinnar: Ófeigur Sigurðsson flytur erindi.

Skáldsagan um Jón var valin ein af tólf bestu skáldsögum í Evrópu árið 2010
á Bókamessunni í Frankfurt 2011

Sjá nánar um dagskrá hér 

Follow

Atli framlengir um 2 ár

Atli Þórbergsson var í stóru hlutverki hjá Fjölnisliðinu í sumar, spilaði 18 leiki og skoraði tvö sérlega þýðingarmikil mörk fyrir félagið, sigurmark gegn KF í uppbótartíma í fyrstu umferðinni sem og jöfnunarmark gegn KA á 90 mínútu í annarri umferðinni. Já Atli engum líkur…

Atli er 21 árs varnarmaður sem gefur ekki þumlung eftir og verður gaman að fylgjast með honum í Pepsi deildinni næsta sumar.
Atli var lánaður til Fylkis tímabilið 2012 en meiðsli komu í veg fyrir að hann væri búinn að eignast úrvalsdeildarreynslu.

Til gamans má geta að Atli er hugsanlega sá eini í liðinu sem tekur meira í bekkpressu en þjálfarinn Ágúst Gylfason…

Follow

Skákdeild Fjölnis býður öllum grunnskólanemendum að taka þátt í hinu árlega TORG-skákmóti sem deildin heldur nú í 10. skiptið. Mótið verður haldið n.k. laugardag, 9. nóvember kl. 11:00 – 13:00, í Foldaskóla í Grafarvogi. Að venju gefa fyrirtækin í verslunarmiðstöðinni Hverafold alla vinninga, um 20 talsins. Auk þess býður NETTÓ Hverafold öllum þátttakendum upp á ókeypis veitingar í skákhléi. Tefldar verða 6 umferðir með 7 mínútna umhugsunarfresti. NETTÓ Hverafold gefur þrjá glæsilega eignarbikara til keppninnar en flokkarnir eru, 1998 og yngri, 2003 – 2007 og stúlknaflokkur. Þátttaka í mótinu er ókeypis og foreldrum velkomið að fylgjast með. Heiðursgestur mótsins verður Hrafn Jökulsson skákfrömuður sem nýkominn er til baka úr velheppnuðum Grænlandsleiðangri Hróksins. Hrafn var einn af stofnendum skákdeildar Fjölnis og hefur stutt starfsemina frá fyrsta degi. Meðal þátttakenda verða hinir nýbökuðu Íslandsmeistarar, Oliver Aron Jóhannesson (20)og Vignir Vatnar Stefánsson (13). Skákstjórar verða þeir Helgi Árnason formaður skákdeildar Fjölnis og Páll Sigurðsson formaður TG. Í fyrra varð metþátttaka á TORG skákmótinu og því eru væntanlegir þátttakendur hvattir til að mæta tímanlega til skráningar.

Follow

Unglingar í Grafarvogi dansa úti á góðum degi.

Miðvikudaginn 6. nóvember standa félagsmiðstöðvar á Íslandi og SAMFÉS fyrir svokölluðum Félagsmiðstöðvadegi. Félagsmiðstöðvar í Reykjavík taka af því tilefni vel á móti gestum á öllum aldri og kynna starfsemi sína.

Á Félagsmiðstöðvadegi blómstrar unglingamenning í Reykjavík enda bera unglingar og unglingaráðin hitann og þungann af undirbúningi dagsins. Menning þeirra fær að njóta sín í hönnun, kvikmyndagerð, tónlist, dansi, leiklist og myndlist. Lögð er megináhersla á að sýna sköpunargleði unglinga, enda eru þeir mótandi menningarafl í nútíð og framtíð. Í öllum félagsmiðstöðvum borgarinnar verður gestum boðið upp á kaffi og kökur og þeir leiddir með í leik og spil. Þá verða víða sýnd brot úr splunkunýjum Skrekks-atriðum, en undirbúningur að hæfileikakeppninni sem fram fer í Borgarleikhúsi síðar í þessum mánuði, stendur nú sem hæst.

SAMFÉS, Samtök félagsmiðstöðva á Íslandi, standa fyrir Félagsmiðstöðvadeginum en dagurinn á rætur að rekja til Reykjavíkur þar sem fyrst var haldinn slíkur dagur á árinu 2005.

Markmið Félagsmiðstöðvadagsins er að gefa ungum og öldnum tækifæri til að kynna sér unglingamenningu í sínu hverfi, kynnast því metnaðarfulla fagstarfi sem fer fram félagsmiðstöðinni, unglingunum sjálfum og daglegum viðfangsefnum þeirra.  Allir eru velkomnir, sérstaklega foreldrar og „gamlir“ unglingar sem vilja rifja upp kynnin við gömlu félagsmiðstöðina sína.

Dagskrá félagsmiðstöðvanna er fjölbreytt og eru áhugasamir  hvattir til að kynna sér dagskrá félagsmiðstöðvanna á heimasíðum þeirra. 

Follow

Skáksnillingurinn í Fjölni, Oliver Aron Jóhannesson sem er nemandi í 10. bekk Rimaskóla, varð um helgina unglingameistari Íslands 20 ára og yngri. Mótið fór fram á Akureyri dagana 2. – 3. nóvember og tóku flestir sterkustu unglingar landsins þátt í mótinu. Oliver Aron var þeirra yngstur en samt stigahæstur og líklegastur fyrirfram að vinna þetta Íslandsmót. Þrátt fyrir eitt tap í upphafi mótisins þá gaf hann ekkert eftir það sem eftir var keppninnar og vann allar sínar skákir. Oliver Aron vann Íslandsmót unglinga 20 ára og yngri líka í fyrra þá aðeins 14 ára gamall. Hann er núverandi skákmeistari Rimaskóla, Íslands-og Norðurlandameistari með skólanum og vann fyrr á árinu Landsmótið í skólaskák og Haustmót Hellis. Aðeins einn skákmaður 20 ára og yngri er stigahærri en Oliver Aron en það er sjálfur stórmeistarinn nýbakaði Hjörvar Steinn Grétarsson sem einnig býr í Grafarvogi og tefldi fyrir Rimaskóla. Á eftir þeim á íslenska skákstigalistanum 20 ára og yngri kemur síðan þriðji Rimaskólaskákmaðurinn,  Dagur Ragnarsson nýnemi í MH.

Follow

Þessi skemmtilegi göngustígur tengir Staðahverfi í Grafarvogi við Korputorg.

Betri aðstaða í öllum hverfum Reykjavíkur. 1. Nóvember sl. , var opnað fyrir innsetningu nýrra hugmynda fyrir Betri hverfi 2014 á samráðsvefnum Betri Reykjavík.  Opið verður fyrir innsetningu hugmynda  til 1. desember nk.

Síðustu tvö ár hafa íbúar sent inn hugmyndir sínar að nýjum verkefnum til að fegra og bæta hverfin í Reykjavík. Þetta hafa þeir gert á samráðsvefnum Betri Reykjavík. Í fyrra bárust um 600 hugmyndir frá íbúum í Reykjavík. Farið er yfir allar hugmyndir, þær metnar að verðleikum og kostnaðarmetnar. Hverfisráð borgarinnar hafa síðan hönd í bagga með því hvaða hugmyndum er stillt upp til rafrænna hverfakosninga.

Á síðustu tveimur árum hafa íbúar forgangsraðað yfir 200 verkefnum í rafrænum hverfakosningum sem Reykjavíkurborg hefur framkvæmt.
Sum verkefnanna sem kosin voru til framkvæmda  á þessu ári eru enn á framkvæmdastigi en verkefnin sem kosin voru árið 2012 hafa þegar verið framkvæmd.
Reykjavíkurborg hefur alls varið 600 milljónum til verkefnanna á tveimur árum. Á næsta ári verður 300 milljónum varið til framkvæmda á verkefnum í hverfum sem íbúar kjósa sér. Haldnar verða rafrænar hverfakosningar í mars 2014 og kosið á milli hugmynda sem settar verða inn á undirvefinn Betri hverfi 2014.

Íbúar eru hvattir til að taka þátt í hugmyndavalinu strax á fyrsta stigi. Það geta þeir gert með því að fylgjast með innsendum hugmyndum á vefnum. Þar er hægt að styðja hugmyndir og skrifa rök með eða á móti. Farið verður yfir innsendar hugmyndir á íbúafundum í öllum hverfum sem Reykjavíkurborg mun standa fyrir í janúar.
Kíktu á www.betrireykjavik.is og settu inn þína hugmynd.

Follow

Forvarnafulltrúar Reykjavíkurborgar bjóða foreldrum barna í 10. bekk í Reykjavík á fræðslukvöld þar sem fjallað verður um skaðsemi kannabisreykinga (maríjúana).

Sjá dagskrána með því að ýta á hnappinn hérna.

Kær kveðja,

f.h. forvarnafulltrúa Reykjavíkurborgar,

Hera Hallbera

Follow

Sambíómót Fjölnis í körfubolta barna hefur verið frábært. Góð aðsókn með rúmleg 400 krakka af öllu landinu.

Gist var í Rimaskóla í nánast öllum kennslustofunum.

Leikir voru spilaðir í íþróttasal Rimaskóla ásamt íþróttamiðstöðinni Dalhúsum.

Follow

„Þann 27. október sl. tóku 4 krakkar frá karatedeild Fjölnis og ein stúlka frá karatedeild Aftureldingar þátt í Kobe Osaka karatemóti í Skotlandi.  Á mótinu var fjöldi krakka frá Skotlandi og Englandi.  Íslensku keppendurnir stóðu sig með miklum sóma.  Þeir Guðjón Már Atlason, Óttar Finnsson og Viktor Steinn Sighvatsson hrepptu gullið í hópkata í sínum aldursflokki en að auki náði Viktor Steinn öðru sæti í kata einstaklinga, kumite og gladiator.  Glæsilegur árangur það.  Sigríður Þórdís Pétursdóttir tryggði sér þriðja sætið í sínum aldursflokki sem er mjög góður árangur.

Stjórn karatedeildar Fjölnis og þjálfarar eru að sjálfsögðu stolt af þessum flottu fulltrúum sínum og óska þeim innilega til hamingju með góðan árangur.“

Óttari Finnssyni, Viktori Steini Sighvatssyni og Guðjóni Má Atlasyni

Á myndinni frá vinstri eru Sigríður Þórdís, Óttar, Viktor Steinn, Valdís Ósk og Guðjón Már.

Follow