Um síðastliðna helgi fór fram Haustmót í áhaldafimleikum. Keppnin fór fram á Akureyri og sendi fimleikadeildin 22 iðkendur til keppni ásamt dómurum, þjálfurum og fararstjórum. Ferðin gekk vel í alla staði og árangur keppenda glæsilegur á mótinu.

Í fyrsta hluta mótsins fór fram keppni í 5.þrepi 9 ára og þar sigraði Aldís Leoní Rebora í samanlögðum árangri ásamt því að vinna gull á tvíslá, slá og gólfi. Unnur Eva Hlynsdóttir fékk einnig verðlaun en það var fyrir 3 sæti í samanlögðum árangri og á stökki vann Jóna Katrín Björnsdóttir til bronsverðlauna. Eftir hádegi var keppt í 5.þrepi 10 ára og 4.þrepi 9 ára og áfram héldu Fjölnisstúlkur að bæta við verðlaunum. Vensu Sara Hrórasdóttir fékk gullverðlaun fyrir sínar sláaræfingar og lenti í 3 sæti í samanlögðum árangri.

Þær Alísa Helga Svansdóttir og Heba El Asri lönduðu 5 og 10 sæti í samanlögðum árangir í 5.þrepi 10 ára stúlkna. Seinni part á laugardag mættu þær Kristín Sara Stefánsdóttir og Iðunn Ösp Hlynsdóttir til þess að keppa í 3.þrepi. Þarf sást greinilega keppnisreynsla þeirra og einbeiting sem skilaði þeim verðlaunapeningum. Iðunn Ösp landaði 2 sæti í samanlögðum árangri, fékk silfur á tvíslá og gull fyrr æfingar á slá. Kristín Sara fékk silfurverðlaun fyrir slá og bronsverðlaun fyrir gólfæfingar.

Strákarnir okkar tveir Sigurður Ari og Þorsteinn Brimar kepptu í 5.þrepi drengja og á sínu fyrsta Fsí móti og stóðu sig með prýði.

Það er okkur sönn ánægja að tilkynna að knattspyrnumaðurinn Gunnar Már Guðmundsson hefur gert þriggja ára samning við Fjölni.
Það þarf ekki að kynna Fjölnismönnum fyrir Gunna Má því hann er einn leikjahæsti og vinsælasti leikmaðurinn í sögu Fjölnis, ólst upp í voginum fagra og spilaði alla sína barnæsku fyrir Fjölni.

Það varð mikil eftirsjá af Gunna Má þegar Fjölnir féll árið 2009 eftir tvö ár á meðal þeirra bestu og Gunni gekk til liðs við FH. Til að gera langa sögu stutta, þá er Fjölnir komið að nýjan leik á meðal þeirra bestu og var það aldrei spurning að hugurinn leitaði heim.

Gunni er búinn að spila 101 leik í efstu deild á Íslandi og skorað í þeim 22 mörk, og eru þá ótaldir bikarleikirnir þar sem Gunnar hefur leikið fjórum sinnum til úrslita (1 sigur með FH).

Gunni mun einnig koma að þjálfun hjá klúbbnum, hann mun þjálfa 4. flokk karla sem og taka að sér sérverkefni sem koma að afreksstefnu félagsins.
Nú verður skálað í Grafarvoginum…

Leikir Gunnars í deildarkeppni á Íslandi

PAPPÍR ER EKKI RUSL

Allur endurvinnanlegur pappír fer framvegis í bláa tunnu eða bláan grenndargám.

Hér færð þú allar upplýsingar um hvaða pappír er ekki rusl og hvernig best er að flokka hann og koma honum til endurvinnslu. Þú getur líka pantað bláa tunnu með einum smelli.

Á 20 ára afmælishátíð Rimaskóla í maí sl. tilkynntu fulltrúar Foreldrafélags Rimaskóla frá því að félagið myndi færa skólanum Ipad spjaldtölvur að gjöf í tilefni afmælisins. Á starfsmannafundi í Rimaskóla 29. október afhentu þau Salvör Davíðsdóttir og Baldvin Berndsen stjórnarmenn í foreldrafélaginu skólanum formlega gjöfina glæsilegu. Um er að ræða fjórar Ipad spjaldtölvur. Helgi Árnason skólastjóri tók við gjöfinni fyrir hönd skólans. Hann þakkaði foreldrafélaginu og sagði gjöfina einstaklega veglega og nytsama í skólastarfi. Nú er þegar farið að nota spjaldtölvur markvisst í sérkennslu og í einstaka árgöngum Rimaskóla. Margir kennarar og starfsmenn skólans hafa kynnt sér kosti og möguleika spjaldtölvunnar í kennslu og því ljóst að gjöfin góða kemur í góðar þarfir frá fyrsta degi. (HÁ)

Búið er að leggja malbikaðan göngu- og hjólastíg frá Egilshöll yfir að Korputorgi. Þá hefur ný brú verið smíðuð yfir Korpu. Þetta auðveldar íbúum Staðahverfis í Grafarvogi að komast gangandi og hjólandi að verslunarmiðstöðinni auk þess sem stígurinn opnar mikla möguleika til útivistar á svæðinu. Stígurinn er upplýstur.

Verkefnið var kosið af íbúum í Grafarvogi í hverfiskosningum árið 2012 og kostaði 12 milljónir.

Í nóvember verður opnað fyrir innsetningu á hugmyndum frá íbúum inn á vefinn Betri hverfi 2014 en til stendur að halda rafrænar hverfiskosningar í mars 2014. Fylgist með og sendið endilega sem flestar hugmyndir fyrir hverfin ykkar. Með því verður borgin blómlegri.

Þeir Rimaskóladrengir Ísak Atli Kristjánsson 9-JÓ og Torfi Timoteus Gunnarsson 9-IMF voru í hópi landsliðs U15 karla í knattspyrnu sem tryggði sér sæti á Ólympíuleikum ungmenna 2014 sem fram fer í Nanjing í Kína. Landslið íslands U15 lék tvo landsleiki í Sviss nú í október og unnust þeir báðir nokkuð örugglega gegn Finnum og Moldóvum. Þetta kemur fram á vefsíðu Rimaskóla.

Þeir Ísak Atli og Torfi voru báðir valdir í byrjunarlið Íslands í þessum leikjum. Þetta er frábær árangur hjá okkar yngsta landsliði í knattspyrnu og mikið ævintýri sem bíður Ísaks Atla og Torfa á næsta ári sem spennandi verður að fylgjast með. Rimaskóli óskar þessum efnilegu knattspyrnumönnum skólans til hamingju með árangurinn. (HÁ)

Grafarvogsbúinn Hjörvar Steinn Grétarsson náði þeim stórkostlega árangri um helgina að verða stórmeistari í skák. Hjörvar náði þessu merka áfanga á Evrópumóti taflfélaga sem fram fór á eyjunni Rhodos í Grikklandi. Hjörvar er þar með þrettándi íslenski stórmeistari í skák. Hann hlaut fimm vinninga í sjö skákum á mótinu. Alþjóða skáksambandið, FIDE, mun útnefna Hjört Stein stórmeistara á næstunni.

Hann er tvítugur að aldri og þar með næst yngsti íslenski skákmaðurinn sem verður stórmeistari. Næg verkefni er hjá þessum frábæra skákmanni á næstunni en í næsta mánuði keppir hann með íslenska landsliðinu á Evrópumóti sem haldið verður í Póllandi.

Malbikun er nú lokið við nýjan göngu- og hjólastíg meðfram Gufuneskirkjugarði við Borgaveg. Frágangur er að mestu eftir en verkinu á að verða lokið að mestu í byrjun nóvember. Verkefnið var kosið af íbúum Grafarvogs í rafrænum íbúakosningum vegna Betri hverfa á þessu ári. Kostnaður við verkefnið er 14 milljónir.

Í nóvember verður opnað á ný fyrir innsetningu hugmynda frá íbúum inn á vefinn Betri hverfi 2014 en til stendur að halda rafrænar íbúakosningar í mars 2014. Fylgist með og sendið endilega sem flestar hugmyndir fyrir hverfin ykkar. Með því verður borgin blómlegri.

Á íbúafundi um hverfaskipulag Grafarvogs sem haldinn var í síðasta mánuði kom fram megn óánægja hve mikið af þjónustu hefur horfið úr hverfinu á síðustu árum og er í því sambandi hægt að nefna ýmsar verslanir, pósthús, banka og verslun ÁTVR. Íbúum hverfisins finnst þetta slæm þróun en í Grafarvogi búa um 18 þúsund manns.

Áfengisverslun var í nokkur ár í Spönginni en hátt í fimm ár eru síðan henni var lokað. Íbúar þurfa því að leita út fyrir hverfið til að sækja þjónustu ÁTVR.

,,Það hefur engin ákvörðun verið tekin um opnum áfengisverslunar á ný í Grafarvogi. Við vorum ekki ánægð með húsnæði búðarinnar sem var í Spönginni á sínum tíma og því var búðinni lokað. Sala á áfengi hefur líka dregist saman eftir hrun og eins og ég sagði áður hefur ákvörðun um opnum á nýjan leik ekki verið tekin eins og málum háttar,“ sagði Sigrún Ósk Sigurðardóttir, aðstoðarforstjóri ÁTVR, í samtali við Grafarvogsbúa.is.