Núna styttist í jólin og eru Grafarvogsbúar duglegir að skreyta hjá sér eins og sést á myndunum í þessari frétt. Snjó hefur kyngt niður og er orðið ansi jólalegt í hverfinu sem og borginni allri. Veðurspár gera ráð fyrir hvítum jólum og bæta mun í snjóinn áður en hátíðin gengur í garð en rúm vika er til jóla.

Verslanir í hverfinu eru komnar í jólabúning og hefur jólaverslunin tekið kipp síðustu daga. Grafarvogsbúar eru hvattir til að versla í hverfinu sínu en úrval verslanna er í öllum verslunarkjörnum.

Sorphirða

Mikið álag er á starfsmenn við sorphirðu í Reykjavík þegar draga þarf sorpílát óruddar slóðir í snjónum.  Íbúar eru því hvattir til að hreinsa snjó frá sorpgeymslum þá daga sem hirt er. Á morgun verður sorp hirt í Grafarvogi og í Vesturbæ á miðvikudag.

Starfsmenn í sorphirðu hjá Reykjavíkurborg hafa þurft að vinna lengur síðustu daga til að halda áætlun og einnig unnu þeir aukalega á laugardag til að halda uppi góðri þjónustu. Víða eru íbúar til mikillar fyrirmyndar og eru búnir að ryðja öllum snjó frá. Starfsmenn kunna þeim bestu þakkir fyrir.

Rétt er að hafa í huga að starfsmenn við sorphirðu fara af stað árla dags og þarf því að huga að snjóhreinsun daginn áður. Einnig er gott að athuga hvort hægt sé að opna hurðir að sorpgeymslu þar sem þær vilja frjósa fastar þegar ekki hefur verið mokað frá.

Á sorphirðudagatalinu á vefnum www.pappirerekkirusl.is  geta íbúar slegið inn götuheiti og koma þá sorphirðudagarnir fram.

Áætlun sorphirðu næstu daga er þessi:

. Þriðjudag 17. desember í Grafarvogi

Fútsal

Seinni umferðin í Fútsal fer fram í íþróttahúsinu að Varmá í Mosfellsbæ á morgun laugardag. Strákarnir unnu alla leikina sína í fyrri umferðinni gegn Stál-Úlfi, Víði Garði og Aftureldingu. Spilað verður við sömu liðin en stöðuna í riðlinum sem og leikjaniðurröðunina má sjá hér. Liðið sem vinnur riðilinn fer í úrslitakeppnina sem haldin er í janúar.

3ja sætið í Bose mótinu (Staðfest)

Fjölnir vann Fylki 2-1 í leiknum um þriðja sætið í Bose mótinu sem lauk um seinustu helgi. Gummi Kalli skoraði fyrra mark Fjölnis eftir frábæran undirbúning Arons Sig. Verkfræðingurinn Árni Kristinn teiknaði (kannski í Autocad) svo eina gullsendingu af kantinum beint á kollinn á Aroni Sig sem hamraði honum í markið. Fylkismenn þjörmuðu vel að okkur í lokinn en náðu ekki að jafna leikinn. KR vann svo Breiðablik í úrslitaleiknum og hlutu að launum Bose dokku í klefann sinn.
Með því að smella á myndina hér að ofan er hægt sjá stiklur úr leiknum.

Gunnar Steinn Jónsson, sem lék upp alla yngri flokka Fjölnis í handboltanum, átti stórleik með Nantes í franska handboltanum í kvöld. Nantes gerði sér lítið fyrir og sigraði hið stjörnuprýdda lið PSG, 30-26. Gunnar Steinn tók mikið þátt í leik Nanets og skoraði 7 mörg og úr jafnmörgum skottilraunum. Þess má geta að Gunnar Steinn var í dag valinn í 28 manna landsliðshóp fyrir Evrópumótið sem verður í Danmörku í janúar.

Eins og áður sagði lék Gunnar Steinn upp alla yngri flokka Fjölnis áður en hann gekk í raðir HK. Gunnar Steinn gekk í Húsaskóla og stundaði síðar nám við Menntaskólann við Sund og HR.

Hann lék í nokkur ár með sænska liðinu Drott en gekk síðan í raðir Nantes fyrir síðasta keppnistímabil.

Fjölskylda Davíðs Arnar, sem safnað var fyrir í fyrra.

Dagana 9. – 13. desember munu unglingar og félagsmiðstöðvar á vegum frístundamiðstöðvarinnar Gufunesbæjar í Grafarvogi standa fyrir Góðgerðaviku til styrktar Thelmu Ósk Þórisdóttur 13 ára stúlku með meðfæddan efnaskiptagalla. Góðgerðaráð unglinganna sér um framkvæmd og útfærslu vikunnar í samstarfi við starfsfólk.

Meginmarkmið Góðgerðavikunnar er að unglingar kynni sér góðgerðamálefni og vakni til vitundar um það hvernig þeir geta komið öðrum til hjálpar og haft uppbyggileg áhrif á samfélag sitt.

Góðgerðaráðið hefur undanfarinn mánuð undirbúið þessa viku og hafa unglingarnir skipulagt tvo stóra viðburði. Fyrst ber að nefna bingókvöld fyrir alla Grafarvogsbúa sem haldið var í Fjörgyn í gærkvöldi. Allmörg fyrirtæki lögðu til vinninga og kann góðgerðaráð þeim miklar þakkir. Hinn viðburðurinn er ball í Sigyn fyrir alla unglinga í Grafarvogi þar sem dj-ar úr röðum unglinganna koma fram.

Allur ágóði sem safnast rennur óskiptur til Thelmu Óskar. Vonast góðgerðaráðið til þess að geta létt undir með Thelmu en hún þarf að halda erlendis á næstu mánuðum í erfiða aðgerð.

Þetta er í áttunda sinn sem unglingar í Grafarvogi efna til Góðgerðarviku, en hugmyndina fengu unglingarnir sjálfir á sínum tíma og hrintu í framkvæmd af miklum hug.

Nánari upplýsingar um vikuna er hægt að nálgast hjá Þorsteini í síma/vefpósti 695-5180/thorsteinnv@reykjavik.is.

Aðventufundur Korpúlfa var í dag miðvikudaginn 11. des. í Hlöðunni við Gufunesbæ  og þótti takast mjög vel og hátíðlega.. sr. Petrína Mjöll Jóhannesdóttir prestur í Grafarvogskirkju flutti hugvekju, leikskólabörn frá Fífuborg sýndu jólahelgileik og sungu börnin síðan með kór Kórpúlfa  Korpusystkin ásamt einsöngvara. Leynigestur dagsins var Guðni Ágústsson sem sýndi á sér sínar bestu hliðar og það var mikið hlegið að sögum og vísum Guðna. Boðið var uppá  heitt súkkulaði,smákökur og konfekt.

Aðventufundurinn endaði í fjöldasöng þar sem jólalögin voru sungin og endað á Heims um ból.

Aðventufundur Korpúlfa var í dag miðvikudaginn 11. des. í Hlöðunni við Gufunesbæ  og þótti takast mjög vel og hátíðlega.. sr. Petrína Mjöll Jóhannesdóttir prestur í Grafarvogskirkju flutti hugvekju, leikskólabörn frá Fífuborg sýndu jólahelgileik og sungu börnin síðan með kór Kórpúlfa  Korpusystkin ásamt einsöngvara. Leynigestur dagsins var Guðni Ágústsson sem sýndi á sér sínar bestu hliðar og það var mikið hlegið að sögum og vísum Guðna. Boðið var uppá  heitt súkkulaði,smákökur og konfekt.

Aðventufundurinn endaði í fjöldasöng þar sem jólalögin voru sungin og endað á Heims um ból.

Aðventufundur Korpúlfa miðvikudaginn 11. Des. í Hlöðunni það verður afar hátíðlegt, sr. Petrína Mjöll Jóhannesdóttir prestur í Grafarvogskirkju flytur hugvekju, leikskólabörn frá Fífuborg mun leika jólahelgileik og síðan syngja leikksólabörnin með kór Kórpúlfa  Korpusystkin og með kórnum mun verða einsöngur. Leynigestur, heitt súkkulaði og smákökur.

Fjölnir Íþrótta akademía

Nú í haust var hrundið af stað verkefni sem kallast Íþróttaakademía Fjölnis [ÍAF] og er það tækifæri ætlað unglingum sem æfa boltaíþrótt í Fjölni og í 9. og 10. bekk. Verkefnið snýst um að bjóða upp á skipulagða tækniþjálfun í handbolta, fótbolta og körfubolta ásamt hagnýtri fræðslu í þeim þáttum sem skipta máli, s.s. íþróttasálfræði og næringarfræði. Aðalmarkmið ÍAF er að bjóða upp á þjálfun og fræðslu sem styður við það sem þegar er gert í flokkum félagsins, annað og fleira en gert er nú þegar í deildunum. Þetta verkefni er hugsað fyrir þá íþróttamenn sem vilja ná langt í sinni íþrótt og eru tilbúin að leggja mikið á sig, til að svo megi verða.

ÍAF byggir á samstarfi unglingadeilda grunnskóla Grafarvogs og Umf. Fjölnis og felst tækifærið fyrir unglingana að fá að velja ÍAF sem valgrein í náminu sínu í stað hefðbundinna námsgreina. Þess má geta að verkefnið er unnið að fyrirmynd sem hefur gengið afar vel hjá Haukum í Hafnarfirði, Afreksskóla Hauka, undir stjórn Kristjáns Ómars Kristjánssonar.

Skráning í verkefnið var mjög góð og um 36 nemendur eru nú skráðir, og koma þeir úr boltagreinunum þremur af báðum kynjum. Haldinn var kynningarfundur með foreldrum og iðkendum í byrjun annar og verkefnið kynnt.  (sjá mynd)

Ein megin forsenda þess að verkefnið gengur eins vel og raunin er, eru þeir góðu þjálfarar sem fengust til að starfa með okkur. Til að stýra bóklegu tímunum þar sem allar greinarnar koma saman fengum við Elmar Hjaltalín yfirþjálfara fótboltans og Arnór Ásgeirsson íþróttafræðing til liðs við okkur. Um tækniþjálfunina sem er einnig einu sinni í viku sjá þeir Pétur Sigurðsson (körfubolti), Elmar Hjaltalín (fótbolti) og Guðmundur Rúnar Guðmundsson (handbolti).

Haustönnin sem er senn á enda runnin var vonandi aðeins fyrsta af mörgum og mun verkefnið vera í stöðugri þróun næstu misserin. Vonast er til að í framtíðinni verði hægt að bjóða upp á þetta tækifæri fyrir fleiri greinar úr Fjölni. Forsvarsmenn eru þess fullvissir að æfingarnar og fræðslan mun hjálpa íþróttamönnum Fjölnis að ná fram sínum besta árangri þegar fram í sækir.