Kæru foreldrar.

Menntamálastofnun gaf út ný lesfimiviðmið fyrir 1. – 10. bekk grunnskóla fyrir skemmstu. Viðmið um læsi barna eru verkfæri fyrir nemendur, kennara og foreldra til að fylgjast með framförum, styðja við læsi og auka þannig líkurnar á því að sem flestir geti aflað sér menntunar í samræmi við þær kröfur sem gerðar eru í nútímasamfélagi. Markmiðið með setningu lesfimiviðmiða, ásamt væntanlegum viðmiðum um lesskilning og ritun, er að stuðla að bættu læsi barna og ungmenna í íslensku skólakerfi.

Menntamálastofnun hefur nú einnig útbúið hnitmiðaðan kynningarbækling um lesfimiviðmið til upplýsinga fyrir foreldra, kennara og aðra hagsmunaaðila.

Bestu kveðjur,  

Björn Rúnar Egilsson

Verkefnastjóri hjá Heimili og skóla og SAFT

Grafarvogskirkja:

Sunnudagaskóli kl. 11:00 – Umsón hafa Þóra Björg Sigurðardóttir og sr. Sigurður Grétar Helgason. Undirleikari er Stefán Birkisson.

Aðventuhátíð kl. 20:00 – Andri Snær Magnason flytur hugleiðingu. Fermingarbörn lesa guðspjall. Kórar kirkjunnar flytja fallega jóla- og aðventutónlit þ.e. Kór Grafarvogskirkju, Vox Populi og Barnakór Grafarvogskirkju. Prestarnir og organistarnir leiða dagskránna ásamt Siggu Soffíu sem stjórnar barnakórnum. Nemendur úr Tónlistarskóla Grafarvogs leika á hljóðfæri.

Kirkjuselið kl. 13:00:

Gospelmessa þar sem Vox Populi flytur m.a. gospellög eftir Áslaugu Helgu Hálfdánardóttur. Áslaug Helga syngur með kórnum, Stefán Birkisson leikur undir ásamt hljómsveit og Hilmari Erni Agnarssyni organista sem leikur á bassa. Séra Guðrún Karls Helgudóttir prédikar og þjónar fyrir altari.

Sunnudagaskóli í umsjá Matthíasars Guðmundssonar ofl.

Vekomin í kirkjuna og Kiskjuselið!

Öllum skákáhugamönnum á grunnskólaaldri er boðið að taka þátt í hinu árlega TORG-skákmóti Fjölnis sem hefst í Rimaskóla laugardaginn 26. nóvember kl. 11:00. Mótinu lýkur með happadrætti og verðlaunahátíð kl. 13:15.

Að venju verður mikið um dýrðir á þessu vinsæla skákmóti og fjöldi vinninga. Emmess ís býður upp á ókeypis veitingar í skákhléi, Emmessís og Prins póló. Heiðursgestur mótsins verður enginn annar en hinn vinsæli rithöfundur, leikari, sjónvarpsstjarna og vísindamaður Ævar Þór og verða fjögur árituð eintök af nýjustu bókinni hans á  meðal 20 aðalvinninga sem keppt er um.

Ævar Þór mun ávarpa skáksnillingana í upphafi móts og leika fyrsta leik mótsins. Aðrir vinningar eru pítsur frá Pizzunni, íspakkar frá Emmess og gjafabréf frá fyrirtækjum á Torginu í Hverafold í Grafarvogi. Nammipokar í happadrætti. Tefldar verða 6 umferðir og umhugsunartíminn er 7 mínútur.

Björn Ívar Karlsson frá Skákakademíu Reykjavíkur sér um að skrá niður alla sem vilja taka þátt í mótinu og er mælst til þess að keppendur mæti tímanlega á mótsstað. Áhugasamir skákkrakkar eru hvattir til að taka félaga sína, vini og systkini með sér á mótið, alla sem kunna að tefla.

Kaffi á könnunni fyrir foreldra.

Í fyrra mætu tæplega 80 krakkar á grunnskólaaldri og þeir verða tæplega færri nú.

Mótsstjóri verður Helgi Árnason formaður skákdeildar Fjölnis.

Síðustu jazztónleikar í tónleikaseríunni Jazz í hádeginu á þessu misseri verða helgaðir bandaríska tónskáldinu Cole Albert Porter (1891-1964) en hann var einkum þekktur fyrir söngleiki sem settir voru upp á Broadway á öðrum og þriðja áratug síðustu aldar. Hver man ekki eftir söngleiknum Kiss me Kate og lögum á borð við I‘ve Got You Under My Skin og Night and Day sem jazztónlistarmenn fyrr og síðar hafa verið óþreytandi að flytja í ótal mismunandi útgáfum.

Leifur Gunnarsson er listrænn stjórnandi tónleikaraðarinnar og hefur að þessu sinni fengið til liðs við sig Andrés Þór gítarleikara og Scott McLemore slagverksleikara sem munu gera verkum Porters góð skil.

Leifur og félagar verða í Borgarbókasafninu Spönginni laugardaginn 26. nóvember kl. 13.15 – 14.00.

Aðgangur er ókeypis og allir velkomnir.

Listamenn á Korpúlfsstöðum bjóða gesti velkomna á vinnustofur sínar.

Einsktakt tækifæri til að skoða fjölbreytta myndlist og hönnun í einu allra sögufrægasta húsi hverfisins. 

Fjölmargar vinnustofur myndlistarmanna eru staðsettar á 1. hæð hússins og á

tveimur hæðum ráðsmannsíbúðarinnar.  Textílmarkaður á textílverkstæði á 2. hæð og leirlist í kjallaranum. 

Úrvals tónlistarfólk skemmtir gestum allt kvöldið.  Íris Björk Gunnarsdóttir syngur fyrir

fyrstu gestina í Galleríi Korpúlfsstaða kl. 17:00. Síðan skemmtir kvennakórinn Stöllurnar okkur á hlöðuloftinu kl.18:00.  Seinna um kvöldið skemmtir Þórunn Lárusdóttir, Margrét Eir og unga söngparið Alex Ford og Hektor Ingólfur. 

Gallerí Korpúlfsstaðir hlaut í vor Máttarstólpann, menningarverðlaun Grafarvogs.  Það er rekið af 12 listamönnum og má þar finna einstakt úrval listmuna. 

Á hlöðuloftinu er sýning Þórgerðar Einurðar „Straumar“ og samsýning KorpArt á Kaffistofunni.  Þar verður hægt að fá veitingar og hlusta á ljúfa tónlist. 

Við hlökkum til að sjá ykkur sem flest næstkomandi fimmtudagskvöld,

Verið velkomin,       

                              -KorpArt-

Íbúar í Reykjavík völdu 112 verkefni til framkvæmda á næsta ári í kosningunum Hverfið mitt, sem lauk aðfararnótt fimmtudags.  Mun fleiri tóku þátt nú en áður og er um 30% auking frá því síðast. Heildarfjöldi kjósenda nú var 9.292 en í fyrra auðkenndu sig 7.103 íbúar.

Kjörstjórn fór í gær yfir niðurstöðu kosninga um úthlutun fjármagns til smærri nýframkvæmda- og viðhaldsverkefna í hverfum Reykjavíkurborgar. Á kjörskrá voru 99.034 íbúar en af þeim kusu 9.292. Kosningaþátttakan var því 9.4% og hækkar úr 7.3% árið 2015.

Hér í fréttinni eru teknar saman helstu niðurstöður, en þær má skoða nánar í ítarlegri samantekt verkefnisstjóra:  Hverfið mitt 2016 – samráðsverkefni um úthlutun fjármagns: Niðurstöður rafrænna kosninga sem fram fóru dagana 3. – 17 nóvember 2016

Grafarvogur – Valin verkefni

1. Ný vatnsrennibraut  í sundlaug Grafarvogs
2. Fjölga ruslastömpum í hverfinu
3. Leiktæki fyrir yngri börn við Gufunesbæ
4. Gróðursetja á svæðið við Spöng
5. Fleiri bekki við göngustíga
6. Fleiri ungbarnarólur í hverfið
7. Bekkur við útsýnisspjald við Melaveg
8. Skógrækt við Gufunesbæ
9. Tengja göngustíga við Rimaskóla
10. Gróðursetning við gatnamót Hallsvegar og Strandvegar
11. Útiæfingatæki
12. Gera göngustíga úr botnlöngum í Vættaborgum
13. Pétanque völlur við Gufunesbæ
14. Bekkur í Fjölnislitum

Ísland og Þýskaland mætast á fimmtudag og laugardag

U17 ára landslið karla leikur vináttuleiki við Þýskaland á morgun, fimmtudag, og á laugardaginn. Fyrri leikurinn er klukkan 19:15 en leikurinn á laugardag er klukkan 16:00, báðir leikirnir fara fram í Egilshöll.

Grafarvogskirkja kl. 11:00

Messa. Séra Guðrún Karls Helgudóttir prédikar og þjónar fyrir altari ásamt messuþjónu og fermingarbörnum.Kór kirkjunnar syngur. Organisti er Hilmar Örn Agnarsson.

Sunnudagaskóli. Þóra Björg Sigurðardóttir og séra Arna Ýrr Sigurðardóttir hafa umsjón með stundinni. Undirleikari er Stefán Birkisson.

Kirkjuselið kl. 13:00

Selmessa. Séra Arna Ýrr Sigurðardóttir prédikar og þjónar fyrir altari ásamt messuþjónum og fermingarbörnum. Vox populi syngur undir stjórn Hilmar Arnar Agnarssonar.

Dómkirkjan kl. 14:00

Prestsvígsla. Frú Agnes Sigurðardóttir biskup Íslands vígir dr. Grétar Halldór Gunnarsson til prestsþjónustu í Grafarvogskirkju. Vígslan er öllum opin og eru sóknarbörn Grafarvogssóknar hjartanlega velkomin.

Listamenn á Korpúlfsstöðum taka á móti gestum á vinnustofum sínum fimmtudagskvöldið 24. nóvember frá kl. 17:00 til 21:00.
Gallerí Korpúlfsstaða opið frá kl.14:00 til 21:00.
Tónlist og veitingar.
Velkomin ! KorpArt