Keiluhöllin Egilshöllin

Íslendingar mæta Króötum í kvöld í mikilvægasta leik í sögu landsliðsins, þar getur íslenska liðið tryggt sig inn á HM í fyrsta sinn í sögunni. Leikurinn verður sýndur á fjölmörgum risaskjám í Keiluhöllinni Egilshöll á stöðunum Grand Prix og Fellini.

Við ætlum að gefa nokkrum heppnum lesendum fríar máltíðir á meðan á leiknum stendur á facebook síðunni okkar: Hægt er að bóka borð í síma: 511-5300

Ef að Ísland kemst áfram á HM þá ætlum við að bjóða öllum frítt í keilu í Keiluhöllinni í Egilshöll.

Alls er um að ræða yfir 20 skjái og skjávarpa sem leikurinn verður sýndur á og ættu allir að hafa gott útsýni.
1 x 65″
18 x 40″
4 x Skjávarpar

Boðið verður upp á sérstakt boltatilboð á meðan á leik stendur á hamborgurum, pizzum og drykkjum.
– Ostborgari og gos – 1200 kr.
– Ostborgari og stór Egils Gull – 1600 kr.
– Pizza m/2 áleggsteg. og gos – 1500 kr.
– Pizza m/2 áleggsteg. og Egils Gull – 1900 kr

Follow

Sigyn

Félagsmiðstöðin Sigyn – Rimaskóla
Sími: 695-5186 og 411-5600

sigyn@reykjavik.is    www.gufunes.is/sigyn

Félagsmiðstöðin Sigyn var vígð 2. desember 1997. Hún var fyrst útibú frá Fjörgyn í Foldaskóla en féll síðan undir hatt Gufunesbæjar þegar hann var stofnaður. Nafnið Sigyn er úr goðafræðinni og er nafn á eiginkonu Loka samkvæmt Snorra-Eddu. Sigyn er staðsett í Rimaskóla og þjónustar því mjög stóran hópa af unglingum og börnum á miðstigi. Starfsfólki Sigynar hlakkar til að sjá ykkur og að eiga með ykkur ánægjulegar stundir.

Félagsmiðstöðvar í Reykjavík starfa samkvæmt Starfsskrá skrifstofu tómstundamála (ÍTR)sem kom út vorið 2007 og er megináherslan lögð á starf fyrir unglinga á aldrinum 13-16 ára. Starf fyrir börn á aldrinum 10-12 ára hefur þó verið að aukast í félagsmiðstöðvunum í Grafarvogi undanfarin ár. Í starfi félagsmiðstöðva er lögð áhersla á að þjálfa samskiptafærni, auka félagsfærni, styrkja sjálfsmynd og efla samfélagslega virkni og þátttöku. Barna- og unglingalýðræði er hugmyndafræðin sem starfið byggir á og tryggir áhrif barna og unglinga á starfið. Kosningar í miðstigs- og unglingaráð eru í anda þessarar hugmyndafræði en mikilvægasta hlutverk ráðanna er að virkja sem flesta til þátttöku í starfinu ásamt því að standa fyrir og skipuleggja dagskrána.

Follow

Púgyn

Félagsmiðstöðin Púgyn í Kelduskóla

Sími: 695-5082 og 411-5600

pugyn@reykjavik.is    www.gufunes.is/pugyn

Félagsmiðstöðin Púgyn er starfrækt af Gufunesbæ og er félagsmiðstöð fyrir Kelduskóla, áður Víkurskóli og Korpuskóli. Fyrir Púgyn þá voru reknar tvær félagsmiðstöðvar í sitthvorum skólanum. Það voru félagsmiðstöðin Frígyn í Víkurskóla sem var rekin sem nokkurs konar útibú frá félagsmiðstöðinni Sængyn (nú Borgyn) í Borgaskóla og félagsmiðstöðin Tegyn í Korpuskóla sem nokkurs konar útibú frá félagsmiðstöðinni Engyn í Engjaskóla. Árið 2006 var ákveðið að það væri hentugra að sameina Frígyn og Tegyn í eina félagsmiðstöð sem myndi þjónusta báða skólana. Kosið var um nýtt nafn og stóðPúgyn uppi sem sigurvegari og sigraði örugglega andstæðinga eins og Steigyn, Klagyn og fleiri nöfn.

Félagsmiðstöðvar í Reykjavík starfa samkvæmt Starfsskrá skrifstofu tómstundamála (ÍTR)sem kom út vorið 2007 og er megináherslan lögð á starf fyrir unglinga á aldrinum 13-16 ára. Starf fyrir börn á aldrinum 10-12 ára hefur þó verið að aukast í félagsmiðstöðvunum í Grafarvogi undanfarin ár. Í starfi félagsmiðstöðva er lögð áhersla á að þjálfa samskiptafærni, auka félagsfærni, styrkja sjálfsmynd og efla samfélagslega virkni og þátttöku. Barna- og unglingalýðræði er hugmyndafræðin sem starfið byggir á og tryggir áhrif barna og unglinga á starfið. Kosningar í miðstigs- og unglingaráð eru í anda þessarar hugmyndafræði en mikilvægasta hlutverk ráðanna er að virkja sem flesta til þátttöku í starfinu ásamt því að standa fyrir og skipuleggja dagskrána.

Follow

Sjálfstæðisflokkurinn
Hamrahverfinu

Prófkjörið er opið öllum flokksbundnum sjálfstæðismönnum. Athuga ber að þeir stuðningsmenn Sjálfstæðisflokksins sem ganga í flokkinn á kjördegi skulu hafa náð 18 ára aldri á kjördag 31. maí 2014, þ.e. hafa atkvæðisrétt í borgarstjórnarkosningunum. Flokksbundnir sjálfstæðismenn þurfa hins vegar aðeins að vera 15 ára þegar prófkjörið fer fram.

Kjósa skal 6 frambjóðendur, hvorki fleiri né færri. Kosið skal með því að setja tölustafina 1 til 6 fyrir framan nöfn frambjóðenda.  Þannig skal kjósandi setja töluna 1 fyrir framan nafn þess frambjóðanda sem hann óskar að hljóti fyrsta sætið í prófkjörinu, töluna 2 fyrir framan nafn þess sem hann vill að hljóti annað sætið í prófkjörinu og þannig koll af kolli þar til kosnir hafa verið 6 frambjóðendur.

Follow

Borgarráð ákvað á fundi sínum í dag að hætta við áformaðar hækkanir á gjaldskrám í öllum helstu þjónustuflokkum Reykjavíkurborgar sem taka áttu gildi 1.janúar. Með þessu tekur Reykjavíkurborg frumkvæði í því að farin verði ný leið í komandi kjarasamningum með því að sporna við verðbólgu og auka kaupmátt.

Hætt verður við hækkanir á gjaldskrám vegna leikskóla, skólamáltíða, frístundaheimila, bókasafnsskírteina, sundlaugakorta og vegna þjónustu sem velferðarsvið Reykjavíkurborgar veitir.

„Með þessu viljum við sýna vilja okkar í verki og leggja okkar af mörkum til að hér náist sátt um að efla kaupmátt og almenn lífskjör á landinu,“ segir Jón Gnarr borgarstjóri.

Í greinargerð með tillögu borgarstjóra um gjaldskrár segir að forystumenn aðila vinnumarkaðarins hafi átt fundi með borgarstjóra og formanni borgarráðs að undanförnu og kallað eftir því að

Reykjavíkurborg endurskoði áformaðar gjaldskrárhækkanir til að unnt sé að fara nýja leið við kjarasamninga og tryggja að launahækkanir hverfi ekki í verðbólgubáli.

„Við lítum á þetta sem framlag til komandi kjarasamninga,“ segir Dagur B. Eggertsson formaður borgarráðs. „Við erum með þessu líka að viðurkenna að við undirbúning fjárhagsáætlunar gerðum við einsog vant er, að reikna verðhækkanir í samfélaginu inn í gjaldskrárnar okkar. Við höfum nú hlustað á rök fyrir því að verðbólguna verði að stöðva með sameiginlegu átaki. Auðvitað þurfa allir að taka þátt til að það takist en við erum tilbúin að stíga fram, vera fyrst og segja stopp. Hingað og ekki lengra. Þannig vonumst við til að fá aðra að borðinu, ríkið, verslun og þjónustu, því allt skiptir máli til að ná böndum á verðhækkanir sem skipta launafólk máli,“ segir Dagur B. Eggertsson formaður borgarráðs. „Nú mun reyna á hvort við náum samstöðu og  komum í veg fyrir sjálfkrafa hækkun verðlags sem gera launahækkanir að engu. Við eigum öll mikið undir því að þetta takist,“ segir Dagur.

Frumvarp að fjárhagsáætlun Reykjavíkurborgar byggir á forsendum Þjóðhagsspár Hagstofu Íslands frá því í júní sl. Náist almenn samstaða um átak til að sporna við víxlverkunum launa og verðlags og þess í stað lögð áhersla á varanlega aukningu kaupmáttar í komandi kjarasamningum geta gjaldskrárhækkanir borgarinnar staðið óbreyttar út næsta ár. Ef forsendur bregðast hins vegar áskilur Reykjavíkurborg sér rétt til að taka gjaldskrár til endurskoðunar á síðari hluta árs 2014.

Tekið skal fram að einstakt gjald fyrir sund mun þó hækka ásamt aðgangseyri að listasöfnum borgarinnar en þessar gjaldskrár snúa ekki síst að ferðamönnum, þar sem borgarbúum bjóðast kort sem hækka ekki. Sorphirðugjöld hækka á svarta tunnu (óflokkað sorp) en lækka á bláar tunnur (flokkað sorp) en í heildargjaldtöku af sorpi er borginni skylt að láta enda ná saman og standa undir kostnaði við þjónustuna. Þannig má segja að íbúar í Reykjavík hafi val um að  lækka sorphirðugjöld sín umtalsvert með því að flokka heimilissorpið.  Taka ber fram að þrátt fyrir boðaðar gjaldskrárhækkanir hefði Reykjavíkurborg engu að síður verið með ódýrari þjónustu en flest íslensk sveitarfélög.

Follow

Stórtónleikar
14 nóvember kl 20.00

Lionsklúbburinn Fjörgyn stendur fyrir tónleikum til styrktar

Barna- og unglingadeild LSH og Líknarsjóði Fjörgynjar

Margir af okkar bestu flytjendum taka þátt.

Ágóði tónleikanna rennur til Barna- og unglingageðdeildar LSH og Líknarsjóðs Fjörgynjar.

Verð aðgöngumiða kr: 4000.

Miðasala til 13. nóvember

Sjá nánar hérna 

Follow

Ágætu foreldrar

Út er komið nýtt fréttabréf um skóla- og frístundastarfið í borginni. Í því  er meðal annars fjallað um nýja læsisstefnu fyrir leikskóla borgarinnar, spjaldtölvur í skólastarfi, útikennsluapp, landvinninga Biophiliu-verkefnisins, unglinga og samskiptamiðla, vendikennslu og fleira.

Follow

Námsstefna fyrir alla starfsmenn grunnskólanna í Grafarvogi og á Kjalarnesi

Á sameiginlegum starfsdegi allra grunnskólanna í Grafarvogi og á Kjalarnesi var öllum starfsmönnum skólanna boðið til sameiginlegrar námsstefnu í Rimaskóla frá kl. 8:30 – 12:00. Námsstefnan bar heitið „Hverfi sem lærir“ en það er heiti á samstarfi skólanna í hverfinu sem hlaut hvatningarverðlaun Skóla-og frístundaráðs Reykjavíkur árið 2010.

Janus Guðlaugsson íþróttafræðing flytja erindið „Frá aðalnámskrá í skólanámskrá“. Eftir fyrirlesturinn valdi hver námsstefnugestur sér tvær smiðjur sem í boði voru í kennslustofum Rimaskóla. Grunnþættir aðalnámskrár voru viðfangsefni smiðjanna. Í skipulagsnefnd námsstefnunnar að þessu sinnu voru þær Hrafnhildur Inga Halldórsdóttir deildarstjóri í Rimaskóla, Svava Margrét Ingvarsdóttir deildarstjóri Vættaskóla og Ásta Bjarney Elíasdóttir skólastjóri Húsaskóla. (HÁ)

Follow

Forvarnafulltrúar Reykjavíkurborgar bjóða foreldrum barna í 10. bekk í Reykjavík á fræðslukvöld þar sem fjallað verður um skaðsemi kannabisreykinga (maríjúana).

Sjá dagskrána með því að ýta á hnappinn hérna.

Kær kveðja,

f.h. forvarnafulltrúa Reykjavíkurborgar,

Hera Hallbera

Follow