Sturlubúðir

 Skákbúðir Fjölnis helgina 1. – 2. feb. 2014

Skákdeild Fjölnis, í samstarfi við Skákakademíu Reykjavíkur og Skákskóla Íslands býður áhugasömum skákkrökkum á grunnskólaaldri upp á tveggja daga æfingabúðir í útilífsmiðstöð skáta að Úlfljótsvatni.

Fjöldi skákkennara og leiðbeinenda sjá um skákkennslu og skákmót undir forustu Helga Ólafssonar landsliðsþjálfara og skólastjóra Skákskóla Íslands og Stefáns Bergssonar og Björns Ívars frá Skákakademíu Reykjavíkur. Verð á hvern þátttakenda er 10.000 kr fyrir tvo daga og eina nótt. Innifalið í gjaldinu er uppáhaldsmatur krakkanna í hvert mál, kennsla, skálaleiga, námsgögn, þátttaka í Nóa-Síríus skákmótinu og rútuferð fram og til baka. Skákdeild Fjölnis með stuðningi Gúmmívinnustofunnar Skipholti styrkir þátttöku þeirra krakka sem æfa með Skákdeild Fjölnis og þurfa þeir einungis að greiða 2.500 kr. Þátttakendurur eiga ekki að hafa með sér nesti né peninga til ferðarinnar. Þátttökugjaldið greiðist í upphafi ferðar eða inn á reikning Umf. Fjölnis, skákdeildar, kt. 631288-7589, bankareikning 0114 – 26 – 1160. Skákbúðirnar eru einstakt tækifæri fyrir alla áhugasama skákkrakka til að nýta sér skákkennslu eins og hún gerist best og efla samfélag við aðra skákkrakka. Dagskrá skákbúðanna er fjölbreytt þar sem skiptist á kennsla, frjáls tími og skemmtun. Skráning fer fram á skrifstofu Skáksambands Íslands s. 568 9141 netfang skaksamband@skaksamband.is.

Sturlubúðir

Skrifstofa Skáksambandsins er einnig tilbúin að sendar í tölvupósti frekari upplýsingar um skákbúðirnar.Þetta er í þriðja sinn sem Skákdeild Fjölnis stendur fyrir skákbúðum yfir eina helgi og að þessu sinni bera þær nafn Sturlu Péturssonar sem var þekktur skákmaður á miðri 20. öld og leiðbeindi mörgum efnilegum skákkrökkum um áratuga skeið.

KSI logo

8-liða úrslitin í Fútsal fara fram í kvöld ( föstudag ) og þá spilar mfl karla við Leikni í íþróttahúsinu í Kórnum í Kópavogi kl. 21:30. Ef sá leikur vinnst verður spilað við Aftureldingu eða Víking Ólafsvík á laugardeginum kl. 18:00 í íþróttahúsinu á Álftanesi (undanúrslit). En hér má sjá leikjaniðurröðunina.

Mfl. kvenna er einnig að spila um helgina á Selfossi en þær eiga leik gegn Val kl. 14:00 og er það undanúrslitaleikurinn. En hér má sjá leikjaniðurröðunina.

Skákmenn

Íslandsmót barna í skák fer fram í Rimaskóla laugardaginn 11. janúar og hefst klukkan 12. Þátttökurétt hafa börnfædd 2003 og síðar og sigurvegarinn fær sæmdarheitið Íslandsmeistari barna 2014 og keppnisrétt á Norðurlandamótið í skólaskák sem haldið verður í Danmörku um miðjan febrúar, nánar tiltekið í Legolandi!

Alls verða tefldar 9 umferðir með 10 mínútna umhugsunartíma. Eftir 5 umferðir verður keppendum fækkað þannig að þeir sem hafa 3 vinninga eða fleiri halda áfram keppninni um Íslandsmeistaratitilinn en þeir sem hafa færri en 3 vinninga hafa lokið þátttöku.

Peðaskákmót verður haldið samhliða mótinu og hefst klukkan 13:00. Það er ætlað fyrir leikskólabörn og þau allra yngstu í grunnskólum sem eru ekki tilbúin fyrir Íslandsmótið.Skákdeild Fjölnis verður með veitingasölu á meðan mótinu stendur.

Þetta er í 21. sinn sem keppt er um Íslandsmeistaratitil barna. Sigurður Páll Steindórsson sigraði á fyrsta mótinu árið 1994, en meðal annarra meistara má nefna titilhafana Dag Andra Friðgeirsson, Nansý Davíðsdóttur og Hjörvar Stein Grétarsson. Núverandi Íslandsmeistari barna er Vignir Vatnar Stefánsson.

Skáksamband Íslands og Skákakademían annast framkvæmd mótsins. Keppendur eru hvattir til að skrá sig sem fyrst hér á Skák.is. Fram þarf að koma fullt nafn, grunnskóli og fæðingarár. Þátttökugjald er 1.000 kr (1.500 að hámarki á systkini) og greiðist á mótsstað fyrir upphaf umferðar.

Veitt eru sérstök verðlaun fyrir bestan árangur í hverjum árgangi.

Öllum nemendum í 1. – 5. bekk Rimaskóla sem kunna að tefla og hafa gaman af skák er boðið að vera með.

Helgi Árnason

Rimaskóli

Egilshöll

Laugardaginn 4. janúar opnar World Class nýja og glæsilega 2.400m² heilsuræktarstöð í Egilshöll. Margvíslegar nýjungar verða kynntar í Egilshöll og má þar meðal nefna Energy+ frá PaviGym.

Tækjasalur og 3 hóptímasalir
Í Egilshöll eru 3 hóptímasalir, einn fjölnota salur og einnig sérstakir salir fyrir Hot Yoga salur og Spinning.  Tækjasalur Egilshallarinnar er mjög stór og er fullbúinn með glæsilegum þol- og lyftingartækjum frá LifeFitness.  Í stöðinni verður einnig massahorn.

Barnagæsla
Í Egilshöll verður barnagæsla þar sem börn geta stytt sér stundir meðan foreldrar stunda sínar æfingar.

Hin árlega þrettándagleði Grafarvogsbúa

Dagskrá

17:00 Kakó– og kyndlasala í Hlöðunni.
Skólahljómsveit Grafarvogs leikur létt lög ásamt stúlknakór Reykjavíkur
17:40 Blysför frá Hlöðunni
17:45 Kveikt í brennu, skemmtun á sviði
Álfar og aðrar furðuverur mæta á svæðið

Skot kökusýning í boði Íslenska gámafélagsins og
Frístundamiðstöðvarinnar Gufunesbær
Skemmtum okkur saman ungir sem aldnir og brennum út jólin eins og
Grafarvogsbúum einum er lagið
BÍLASTÆÐI við Gylfaflöt og Bæjarflöt
Fyrir hönd íbúanna í hverfinu hafa eftirtalin félög og stofnanir undirbúið þrettándagleðina:
Miðgarður, þjónustumiðstöð Grafarvogs og Kjalarness, frístundamiðstöðin Gufunesbær, ungmennafélagið
Fjölnir, skólahljómsveit Grafarvogs, skátafélagið Hamar og Íslenska gámafélagið

World Class

Laugardaginn 4. janúar opnar World Class nýja og glæsilega 2.400m² heilsuræktarstöð í Egilshöll. Margvíslegar nýjungar verða kynntar í Egilshöll og má þar meðal nefna Energy+ frá PaviGym.

Tækjasalur og 3 hóptímasalir
Í Egilshöll eru 3 hóptímasalir, einn fjölnota salur og einnig sérstakir salir fyrir Hot Yoga salur og Spinning.  Tækjasalur Egilshallarinnar er mjög stór og er fullbúinn með glæsilegum þol- og lyftingartækjum frá LifeFitness.  Í stöðinni verður einnig massahorn.

Barnagæsla
Í Egilshöll verður barnagæsla þar sem börn geta stytt sér stundir meðan foreldrar stunda sínar æfingar.

Sérstakir kynningartímar á opnunardag, 4. janúar.

Kynning á nýjungum í tímatöflu sem hefst þann 6. janúar.

Energy + 09.00 (30 mín) Kennari Tinna Arnard.
Foamroll 09.45 (30 mín) Kennari Helga Camilla

Energy + 10.30 (30 mín) Kennari Tinna Arnard.
Foamroll 11.15 (30 mín) Kennari Helga Camilla

Ókeypis verður að æfa í Egilshöll laugardaginn 4. janúar og bjóðum við alla velkomna!

Egilshöll Grafarvogi

Næsta kynslóð

Vetur 2014

Næstu námskeið.

Öll námskeið eru í 8 skipti + eftirfylgni.

Námskeið fyrir 10-12 ára – 5.-7.bekkur kl.17-20.00

Námskeið hefst 13.janúar, mánudagar. 9 sæti laus.

Námskeið hefst 11.febrúar, þriðjudagar.

Námskeið fyrir 13-15 ára – 8.-10.bekkur kl.17-20.30

Námskeið hefst 8.janúar, miðvikudagar.  9 sæti laus

Námskeið hefst 4.febrúar, þriðjudagar.

Akranes – áætlað að halda námskeið þar í feb/mars – dagsetningar auglýstar síðar.

Námskeið fyrir 16-20  ára -menntakskóli – kl.18-22

Námskeið hefst 14.janúar, þriðjudagar.UPPSELT/BIÐLISTI

Námskeið hefst 5.febrúar, miðvikudagar.

3 daga námskeið – frábær kostur fyrir þá sem geta ekki skuldbundið sig í 8 vikur.

7.-9.mars. Föstudag kl.17-21. Laugardag og sunnudag kl.08.30-17.

Námskeið fyrir 21-25 ára – háskóli/vinnumarkaður – kl.18-22

Námskeið hefst 15.janúar, miðvikudagar. UPPSELT/BIÐLISTI

Námskeið hefst 6.febrúar, fimmtudagar.

3 daga námskeið – frábær kostur fyrir þá sem geta ekki skuldbundið sig í 8 vikur.

14.-16.mars. Föstudag kl.17-21. Laugardag og sunnudag kl.08.30-17.

Skráning er hafin í síma 555-7080, eða á   jon@dale.is

Verð og greiðsluskilmálar
Verð á námskeiðinu Næsta kynslóð fyrir 10-12 ára er kr.79.900
Verð á námskeiðinu Næsta kynslóð fyrir 13-15 ára er kr.104.000.
Verð á námskeiðinu Næsta kynslóð fyrir 16-20 ára er kr.104.000.
Verð á námskeiðinu Næsta kynslóð fyrir 21-25 ára er kr.104.000.

Verð á þriggja daga námskeiðinu Næsta kynslóð er kr. 79.000
Hægt er að dreifa greiðslum í allt að 3 mánuði vaxtalaust (léttgreiðslur) með 2% lántökugjaldi. Við bjóðum einnig upp á raðgreiðslur með vöxtum í allt að 36 mánuði.

Unglingar undir 18 ára aldri geta nýtt styrki frá sveitarfélögum svo sem frístundakort upp í greiðslu.
Kostar álíka og gosdrykkur og súkkulaðistykki í 10 mánuði.
Gosflaska og súkkulaði kosta í kringum 320 kr. Ef þú kaupir eina gos og eitt súkkulaði á dag í níu mánuði kostar það um 96.000 krónur eða álíka og þjálfunin.

Dale Carnegie

Íþróttamaður Fjölnis 2013

Oliver Aron Jóhannesson

Oliver Aron sem er 15 ára er óumdeilanlega besti skákmaður landsins undir 20 ára aldri á Íslandi. Það sýnir og sanna helstu afrek hans á sviði skáklistarinnar í ár.

Þessi 15 ára drengur (þá 14ára) hóf árið með því að verða Hraðskákmeistari Reykjavíkur 2013.

Hann vann Íslandsmótið í skólaskák mjög örugglega í maí sl.   bestur á grunnskólaaldri.

Hann varð unglingameistari Íslands 20 ára og yngri í nóv. sl.

bestur á aldrinum 19 ára og yngri.

Sigraði á meistaramóti taflfélagsins Hellis í sept sl.

Yngstur skákmanna til að ná þeim titli.

Norðurlandameistari, Íslandsmeistari og Reykjavíkurmeistari með skáksveit Rimaskóla 2013.

Vann öll fjölmenn skákmót á vegum Skákdeildar Fjölnis, s.s. Skákmót Árnamessu, Torgmót Fjölnis og Skákmót Rimaskóla

Á fast sæti í skáksveit Fjölnis sem teflir í 1. deild 2013 – 2014, yngstur allra þátttakenda í deildinni.

Teflir á London Classic í desember sem er eitt virtasta og vinsælasta skákmót ársins á vegum Alþjóðlega Skáksambandsins FIDE.

Er í stífri þjálfun hjá Helga Ólafssyni stórmeistara og skólastjóra Skáksambands íslands, Hjörvari Steini Grétarssyni stórmeistara og liðsstjóra Rimaskóla og Guðmundi Kjartanssyni alþjóðlegum meistara.

Fjölnismaður ársins 2013

Ásta Björk Matthíasdóttir og Kristján Einarsson

Allir sem hafa eitthvað komið nálægt starfi félagsins hafa örugglega heyrt um dugnaðarhjónin sem Ástu Björk og Kristján, en þau hafa stýrt knattspyrnudeild félagsins til nokkra ára með mikilli prýði og eru þau að öðrum ólöstuðum lykillinn af fjárhagsstöðu deildarinnar ásamt þeim metnaði sem þar ríkir.  Það er sama hvort ber að vinnu við leiki, fjáröflun, meistaraflokks- eða yngriflokkastarf, starfsemi á vegum aðalstjórnar þau eru alltaf mætt og tilbúin að leggja sitt af mörkum.

Afreksmenn deilda Ungmennafélagsins Fjölnis

Fimleikadeild – Aníta Lív þórisdóttir

Frjálsíþróttadeild – Óskar Hlynsson

Handknattleiksdeild – Arnar Sveinbjörnsson

Karatedeild – Viktor Steinn Sighvatsson

Knattspyrnudeild – Aron Sigurðsson

Körfuknattleiksdeild – Arnþór Freyr Guðmundsson

Skákdeild – Oliver Aron Jóhannesson

Sunddeild – Jón Margeir Sverrisson

Tennisdeild – Hera Björk Brynjarsdóttir

Við óskum þeim öllum til hamingju og gleðilegt nýtt ár.

Kjartan Long við afgreiðslu á sölustað Hjálparsveitar Skáta í Spönginni.

Flugeldasala stendur nú yfir sem hæst en gamla árið verður kvatt með stæl á miðnætti annað kvöld. Landsmenn hafa verið duglegir í gegnum tíðina að skjóta flugeldum á loft og kveðja þannig gamla árið og fagna hinu nýja. Það hefur ekki farið framhjá neinum manni að Grafarvogsbúar hafa alltaf verið duglegir að skjóta upp flugeldum á þessum tímamótum. Í Spönginni mörg undanfarin ár hefur Hjálparsveit skáta í Reykjavík verið með sölu ýmiss konar flugelda og blys og annan varning tengdum áramótunum. Grafarvogsbúar í stórum hópum hafa lagt leið sína á sölustað skátanna í Spönginni en um leið eru þeir að styðja gott málefni.

Vefsíðan grafarvogsbuar.is var á ferðinni í hverfinu í kvöld og kom við á sölustað Hjálparsveitar Skáta í Spönginni og þar var nóg að gera og búið að vera í allan dag að sögn Kjartans Long verslunarstjóra.

,,Það er búið að vera góður straumur fólks til okkar í dag. Salan tók mikinn og góðan kipp í dag en á morgun, gamlársdag, er aðalsöludagurinn en þá fer fram um 70% af allri sölu hjálparsveitanna. Ég er búinn að vinna á þessum sölustað í Grafarvogi undanfarin ár og alltaf koma sömu andlitin og versla hjá okkur sem svo sannarlega ánægjulegt. Ég get ekki séð annað en að góð sala verði í flugeldum fyrir áramótin en svo er að sjá að veðrið á gamlárskvöld verði gott,“ sagði Kjartan Long, verslunarstjóri á flugeldasölu Hjálparsveita Skáta í Spönginni.

Opnunartími flugeldasölunnar er til klukkan 10 í kvöld, föstudag 30. desember,  en á morgun, gamlársdag, verður opnað klukkan 10 og verður opið til 16 síðdegis.

Landsbjörg