Lesskimun sem gerð var í grunnskólum Reykjavíkur vorið 2014 sýnir að 66% nemenda í 2. bekk luku tilskildum árangri í lesskimunarprófi og teljast því samkvæmt skilgreiningu geta lesið sér til gagns.

Þeir nemendur sem ekki ná tilskildum árangri í lesskilningi, eða 483 af þeim 1.407 sem tóku prófið, þurfa stuðning í lestri með einstaklingsáætlun eða einstaklingsnámskrá. Sá hópur er samkvæmt skimuninni misstór eftir skólum eða frá engum nemenda upp í 40% nemenda í árgangi.

Niðurstöður skimunarinnar nú (66%) eru  jafnar meðaltalshlutfalli þeirra sem hafa getað lesið sér til gagns síðastliðin 12 ár.Hlutfall nemenda sem les sér til gagns 2014 er um 3 prósentustigum hærra en árið 2013 en það ár var hlutfallið það lægsta síðan 2005. Þrátt fyrir hækkun á milli ára er hlutfallið lægra nú en það var árin 2008-2012.

Skúli Helgason, formaður skóla- og frístundaráðs segir að enda þótt niðurstöðurnar fari ekki undir meðaltalið undanfarin ár þá megi alltaf gera betur.
„Við höfum sett okkur það markmið að allur þorri barna geti lesið sér til gagns á fyrstu árum grunnskólans. Það er einmitt verkefni nýs fagráðs um eflingu lestrarfærni og lesskilnings að móta tillögur um hvernig megi ná því marki, hvaða viðmið séu raunhæf  og sömuleiðis hvort tilefni sé til að endurskoða lesskimunarprófið sem borgin hefur notað frá 2002, svo greina megi fyrr og þjónusta þau börn sem þurfa á sérstakri aðstoð að halda í sínu lestrarnámi.“

Follow

Skóla- og frístundaráð hefur samþykkt tillögur starfshóps um notkun snjalltækja í skólastarfi. Lagt er til að við spjaldtölvuvæðingu grunnskólanna verði áhersla lögð á nemendur í sérkennslu, nemendur með íslensku sem annað mál og vel skilgreind þróunarverkefni.

Skóla- og frístundaráð samþykkti á fundi sínum í dag tillögur starfshóps um notkun snjalltækja í skólastarfi. Meðal þess sem ráðið vill gera er að meta notkun upplýsingatækni í grunnskólunum, s.s. fyrirkomulag kennslu og inntak náms, og skoða hvernig bæta megi aðgengi kennara að símenntun í upplýsingatækni. Þá var samþykkt að setja á laggirnar starfshóp til að skoða nýtingu upplýsingatækni í leikskólastarfi.

Á þessu skólaári verður m.a. ráðist í að meta inntak upplýsingatækni í skólanámskrám, aðstöðu, búnað, þjónustu, fagþekkingu, forystu, fyrirmyndarverkefni í upplýsingatækni og tækifæri til umbóta. Þá verður leitað leiða til samstarfs við símennunaraðila um átak í fræðslu til kennara um möguleika upplýsingatækni, m.a. í samstarfi við Menntavísindasvið HÍ.

Meðal þess sem starfshópurinn leggur til er að við spjaldtölvuvæðinguna verði sérstök áhersla lögð á nemendur í sérúrræðum, nemendur með íslensku með annað mál, vel skilgreind þróunarverkefni og verkefni tengd almennri kennslu. Jafnframt að hugað verði að jöfnuði nemenda varðandi aðgengi að búnaði og tryggt verði að þráðlaus net skóla verði í senn öflug, örugg og nægilega opin til að nýtast í kennslufræðilegu samhengi.

Í greinargerð með tillögu meirihlutans í skóla- og frístundaráði segir m.a.
– Nýleg dæmi um skóla sem hafa tekið frumkvæði í notkun snjalltækja hafa leitt í ljós ýmis jákvæð áhrif sem tengja má við aukna námsvirkni, áhuga og einstaklingsmiðun, meira sjálfstæði nemenda í námi, aukna faglega þróun kennara og ánægju foreldra.

Einnig segir í tillögu um nýtingu upplýsingatækni í leikskólastarfi;
– Ef gætt er að samfellu skólastiga má nýta spjaldtölur sem eðlileg og gagnleg verkfæri sem ríma vel við læsisáherslur og starfshætti bæði í leikskólum og yngstu bekkjum grunnskólans. Því er æskilegt að í læsis- og lestrarstefnum leik- og grunnskóla og í samráði um samfellu skólastiga sé upplýsingum um spjaldtölvuverkefni miðlað milli samstarfsaðila.

Sjá skýrslu starfshóps um snjalltæki í skólastarfi. 

Follow

Frábær gangur á Evrópu mótinu í keilu.

Íþróttamennirnir allir stóðu sig vel og voru allir ánægðir með mótið.

Hægt er að fylgjas með útsendingu í beinni útsendingu á morgun föstudag á Sport TV og á laugardag er Rúv íþróttir með útsendingu.

Einnig má sjá stigin beint á www.ecc.bowl.jarvis.is/#

Myndir: Baldvin Örn Berndsen

Ástrós Pétursdóttir

Follow

Lögreglan á höfuðborgarsvæðinu vill koma á framfæri þakklæti til vegfarenda sem veittu lögreglu aðstoð á Gullinbrú í gærmorgun þar sem alvarlegt umferðarslys varð. „Vegfarendur aðstoðuðu lögreglu við að koma slösuðum einstaklingi til hjálpar, en slík aðstoð er ómetanleg þegar á þarf að halda,“ skrifar lögreglan á Facebook í dag.

Slysið varð á tíunda tímanum í gærmorgun á Gullinbrú í Grafarvogi. Maður slasaðist alvarlega í slysinu. Vísir greindi frá því í gærkvöldi að hann væri á gjörgæslu, þar sem honum var haldið sofandi í öndunarvél.

Bíllinn sem maðurinn ók valt á miðjum veginum og þurfti að loka Gullinbrú um tíma vegna slyssins.

Follow

Miðvikudaginn 15. október kl. 15-17 er öllum boðið að koma í Grasagarðinn og fá græna fræðslu á vettvangi. Þar verður hægt að kynna sér starfsemina og taka þátt í að upplifa náttúruna og nærumhverfið á nýjan og eftirminnilegan hátt. Boðið verður upp á heita skógarsaft og jurtate.

Reykjavík iðandi af lífi, Náttúruskóli Reykjavíkur, Grasagarðurinn og Fjölskyldu- og húsdýragarðurinn standa árið um kring að víðtækri umhverfis- og náttúrufræðslu í borginni fyrir skólahópa og almenning. Miðvikudaginn 15. október kl. 15 er borgarbúum boðið að koma í Grasagarðinn og kynna þér þeirra skemmtilegu starfsemi og taka þátt í að upplifa náttúruna og nærumhverfið á nýjan og eftirminnilegan hátt.
Þátttaka ókeypis og allir velkomnir.

Reykjavík – iðandi af lífi er fræðsluátak um líffræðilega fjölbreytni í borginni, í umsjón umhverfis- og skipulagssviðs Reykjavíkur. Það er lykilmarkmið í umhverfistefnu borgarinnar að vernda náttúruleg svæði innan borgarmarka og viðhalda líffræðilegri fjölbreytni og starfsemi vistkerfa en hvoru tveggja er forsenda fyrir ákjósanlegum umhverfisgæðum og sjálfbærri nýtingu náttúruauðlinda. Afar mikilvægt er að efla vitund og þátttöku almennings til að tryggja að þessum markmiðum sé náð. Reykjavík- iðandi af lífi býður upp á fjölbreytta fræðslu um hið fjölskrúðuga lífríki borgarinnar fyrir alla, grunn- og leikskólabörn, kennara, erlenda ferðamenn og ekki síst almenning á öllum aldri. Fræðsluefni hefur verið gefið út á vef, prenti og fræðsluskiltum en einnig eru reglulegir fræðsluviðburðir, einkum náttúruskoðanir á vettvangi.

Meginmarkmið Náttúruskóla Reykjavíkur er að efla menntun til sjálfbærni, útinám og umhverfismennt í leik- og grunnskólum borgarinnar og starfsstöðum frístundastarfs. Skólinn leggur áherslu á að efla færni kennara til að starfa utandyra með börnum og veitir ráðgjöf við innleiðingu menntunar til sjálfbærni, útináms og umhverfismenntar með hliðsjón af markmiðum nýrrar aðalnámskrár. Náttúruskólinn býður upp á fjölbreytt námskeið og fræðslu fyrir þá sem starfa með börnum og unglingum á vegum borgarinnar, starfrækir jafningjafræðsluteymi og heldur utan um gerð samninga við leik- og grunnskóla um græn svæði í nágrenni skóla sem notuð eru sem vettvangur útináms.

Grasagarðurinn býður upp á fjölbreytta fræðslu og leiðsagnir fyrir almenning og skólahópa á  öllum aldri þar sem áhersla er lögð á ánægjulega upplifun og þátttöku. Grasagarðurinn er lifandi safn undir berum himni og safndeildir garðsins eru nýttar til fræðslu um náttúruna, umhverfið, garðyrkju, garðmenningu, flóru og fánu garðsins. Á viðburðadagskrá hvers árs eru fræðsluviðburðir, námskeið, sýningar og tónleikar.

Heimsókn í Fjölskyldu- og húsdýragarðinn og til dýranna sem þar búa getur aukið skilning nemenda á einum af grunnþáttum menntunar sem er sjálfbærni. Líkt og segir í aðalnámskrá er mikilvægt að nemendur geri sér grein fyrir þeim takmörkum sem vistkerfi jarðarinnar setja okkur og að þeir læri að virða, þekkja og umfram allt skilja náttúruna sem umlykur allt mannlegt samfélag.  Nám í náttúrugreinum og þá helst þeim sem snúa að náttúrufræði, lífvísindum og umhverfismennt eiga hvað mesta samleið með viðfangsefnum þeirra námskeiða sem í boði eru í Fjölskyldu- og húsdýragarðinum.

Follow

Fjölnir 22-26 Víkingur (9-13 )
Mörk Fjölnis: Sveinn Þorgeirsson 8, Kristján Örn Kritjánsson 4, Brynjar Loftson 4, Bjarki Lárusson 2, Bergur Snorrason, Aðalsteinn Aðalsteinsson, Breki Dagsson og Björgvin Páll Rúnarsson allir með 1 mark.
Mörk Víkinga: Jóhann Reynir Jóhannsson 8,  Hlynur Óttarsson 4, Ottar Filip Pétursson 4, Hjálmar Þór Arnarsson 4, Arnar Theodórsson 3, Jón Hjálmarsson, 2,Jónas Bragi Hafsteinsson 1, Einar Gauti Ólafsson 1.

Follow

Eins og kunnugt er verður keppni Evrópubikars einstaklinga í keilu 2014 í Keiluhöllinni Egilshöll næstu daga. Fyrir Íslands hönd keppa þau Magnús Magnússon ÍR og Ástrós Pétursdóttir ÍR en þau eru Íslandsmeistarar einstaklinga 2014. Erlendu keppendurnir og aðstoðarmenn þeirra eru flestir komnir til landsins og óformlegar æfingar eru hafnar. Á morgun hefst svo mótið með formlegum æfingum kl. 10:00 og standa þær fram til kl. 19:00. Að þeim loknum verður síðan opnunarhátíð mótsins og hefst hún stundvíslega kl 20:00. Keppendur munu þá ganga fylktu liði inn í salinn ásamt því að ræður verða fluttar. Einnig munu Andrés Haukur Hreinsson, fyrir hönd starfsfólks mótsins, og Ástrós Pétursdóttir, fyrir hönd leikmanna, fara með drengskaparheit starfsmanna og keppenda.

Keppnin hefst svo með því að fyrsti riðill kvenna hefur leik miðvikudaginn kl 09:00. Karlarnir hefja svo keppni en fyrsti riðill þeirra hefur leik sama dag kl 14:30. Leiknir verða þrisvar sinnum 8 leikir í forkeppni og fara svo átta efstu karlar og átta efstu konur í 8 manna úrslit.

Úrslitakeppnin verður laugardaginn 18. október og hefst hún kl 09:00. Úrslitakeppnin er leikin þannig að um útsláttarkeppni er að ræða og þarf keppandi að sigra andstæðing sinn í tveim leikjum til að komast áfram. Sá sem er efstur eftir forkeppni mætir þeim sem er í áttunda sæti, annað sætið keppir á móti þeim sem var í sjöunda og svo koll af kolli. Undanúrslitin verða þannig að sá sem var ofar eftir forkeppni keppir við þann sem var lægstur og þeir sem voru í miðjunni keppa sín á milli. Sá sem fyrr vinnur 2 leiki kemst í sjálfan úrslitaleikinn og keppir um titilinn Evrópumeistari einstaklinga 2014. Áætlað er að sjálf úrslitin hefjist kl 12:30 hjá konunum en kl 14:00 hjá körlum. Sjónvarpað verður frá laugardeginum á bæði sportrás RÚV sem og á SportTV.

Húsið verður opið fyrir áhorfendur og eru keilarar hvattir til að mæta og fylgjast með enda er hér um að ræða sterkasta mót sem haldið hefur verið hér á landi og fágætt tækifæri til að sjá bestu keilara í Evrópu spila. Aðgangur er ókeypis. Úrslit og aðrar upplýsingar verða svo birtar hér á síðu Keilusabandsins og á vef mótsins www.ecc2014.is

Follow

Vetrarfrí verða í grunnskólum borgarinnar frá 17. – 22. október. Margt verður í boði fyrir fjölskylduna þessa frídaga, hvort heldur í frístundamiðstöðvum eða menningarstofnunum og frítt verður fyrir fullorðna í fylgd með börnum inn á söfn borgarinnar.

Gufunesbær í Grafarvogi verður með fjölbreytta dagskrá fyrir alla fjölskylduna bæði föstudaginn 17. október og mánudaginn 20. október með klifri, útieldun og frisbígolfmóti. Þá verður sundlaugapartí í Grafarvogslaug kl.14. 00 á föstudaginn.

Bókasöfnin í borginni, Borgarsögusafn og listasöfnin verða með margvísleg tilboð fyrir alla fjölskylduna í vetrarfríinu. Þannig verður t.d. hægt að fara í ratleik með rúnum í Landsnámssýningunni, föndra á Borgarbókasafninu og kynna sér stelpumenningu á Ljósmyndasafni Reykjavíkur.

Ratleikur verður einnig í boði í Fjölskyldu – og húsdýragarðinum og Gerðuberg býður upp á sýningar fyrir alla fjölskylduna. Þar verður einnig leiksýningin Langafi prakkari sýnd sunnudaginn 19. október kl. 15.00.

Frístundamiðstöðin Gufunesbær verður með skemmtilega dagskrá í vetrarleyfinu.

[su_button url=“http://grafarvogsbuar.is/wp-content/uploads/2014/10/Vetrarleyfi-viðburðir-Október1.pdf“ target=“blank“ style=“3d“ background=“#1065bd“ radius=“0″]Dagskrá[/su_button]

Follow

Heilbrigðiseftirlit Reykjavíkur fylgist náið með eldsumbrotunum í Holuhrauni og áhrifum þeirra og gefur út viðvaranir ef þörf er á. Á vefsíðu Heilbrigðiseftirlitsins má sjá kort yfir staðsetningu loftgæðamælistöðva í Reykjavík en þar er hægt að fylgjast með styrk brennisteinsdíoxíðs og annarra efna. Liturinn er grænn ef styrkurinn er undir heilsuverndarmörkum fyrir öll efni en sýndur er hæsti styrkur efna á hverjum tíma.

Follow