Grafarvogsdagurinn, hverfishátíð Grafarvogsbúa, var haldin í 19. sinn laugardaginn 28. maí. Sem fyrr er markmið dagsins að sameina íbúa hverfisins og skapa vettvang til að hittast og gera sér glaðan dag.
Hérna er hægt að skoða myndir frá nokkrum viðburðum…….
Fjölnishlaupið fór fram 26. maí við Grafarvogslaug.
Sigurvegarar í skemmtiskokki voru Guðbjörg Jóna Bjarnadóttir ÍR og Mikael Daníel Guðmarsson ÍR. Í 10 km hlaupinu sigraði Arndís Ýr Hafþórsdóttir Fjölni kvennaflokkinn á tímanum 38:21, Andrea Kolbeinsdóttir ÍR varð önnur á tímanum 39:15 og Helga Guðný Elíasdóttir Fjölni varð þriðja á tímanum 41:29.
Þórólfur Ingi Þórsson ÍR sigraði karlaflokkinn á tímanum 34:09, Hugi Harðarson Fjölni var í öðru sæti á persónulegi meti 34:21 og Ingvar Hjartarson Fjölni varð þriðji á tímanum 35:25.
Frekar blautt var í veðri en hlauparar létu það ekki á sig fá. Fjöldi útdráttarverðlauna voru dregin út að loknu hlaupi. Nánari úrslit eru hér.
Á myndunum eru Arndís Ýr og Þórólfur sem unnu 10 km og Guðbjörg Jóna og Mikael Daníel sem unnu skemmtiskokkið.
Grunnskólamót höfuðborga Norðurlanda hófst í Helsinki á mánudaginn og lýkur í dag fimmtudag. Fyrir hverja borg keppir 41 nemandi, 14 ára og yngri, í knattspyrnu drengja, handknattleik stúlkna og frjálsum íþróttum drengja og stúlkna. Reykvísku ungmennin hafa staðið sig einstaklega vel á mótinu í ár og verið sér og sínum til sóma innan vallar sem utan.
Lið Reykjavíkur vann mótið í knattspyrnu drengja. Þeir sigruðu lið Kaupmannahafnar 3-0, Osló 2-1, Stokkhólm 7-2 og Helsinki 12-0. Þetta er þriðja árið í röð sem lið Reykjavíkur sigrar í knattspyrnu drengja á þessu móti.
Í handknattleik stúlkna varð lið Reykjavíkur í öðru sæti. Þær sigruðu Helsinki 23-10, Stokkhólm 11-10 og Kaupmannahöfn 12-11 en biðu lægri hlut fyrir sigurvegurum mótsins liði Osló 11-25. Þetta er besti árangur sem Reykjavík hefur náð í handknattleik á þessu móti og mikil gleði hjá hópnum með niðurstöðuna.
Frjálsíþróttalið stúlkna varð í 3.sæti í stigakeppni mótsins og frjálsíþróttalið drengja í 5.sæti. Keppt var í 5 greinum frjálsíþrótta: 100 m hlaupi, kúluvarpi, hástökki, langstökki og 800 m hlaupi. Bestum árangri í liði Reykjavíkur náðu Signý Hjartardóttir sem sigraði í kúluvarpi og Kristján Viggó Sigfinnsson sem var í öðru sætinu í hástökki.
Grunnskólamót höfuðborga Norðurlanda hefur verið haldið að vori árlega frá árinu 1948 fyrir utan eitt ár. Frá upphafi hafa höfuðborgirnar Kaupmannahöfn, Osló, Helsinki og Stokkhólmi tekið árlega þátt í mótinu en Reykjavík tók fyrst þátt í mótinu árið 2006. Reykjavík hefur tvisvar sinnum haldið mótið, árið 2011 og árið 2014. Í úrvalsliði Reykjavíkur sem tekur nú þátt í mótinu er 41 keppandi, fjórir þjálfarar og tveir fararstjórar. Keppendur í úrvalsliði Reykjavíkur eru 15 leikmenn í knattspyrnu drengja , 10 leikmenn í handknattleik stúlkna, 8 drengir og 8 stúlkur í frjálsum íþróttum.
Hér má finna lista yfir þátttakendur Reykjavíkur í mótinu: http://ibr.is/grunnskolamot-hofudborga-nordurlanda/urvalslie-reykjavikur
Hér má finna nánari upplýsingar um Grunnskólamót höfuðborga Norðurlandanna: http://ibr.is/grunnskolamot-hofudborga-nordurlanda
Á Facebooksíðu ÍBR má finna myndir og umfjöllun um mótið: https://www.facebook.com/%C3%8D%C3%BEr%C3%B3ttabandalag-Reykjav%C3%ADkur-209177262441263/
f.h. ÍBR
Anna Lilja Sigurðardóttir, Upplýsingafulltrúi
s. 535 3705/ 868 6361
Skólahljómsveit Grafarvogs kemur fram.
Vöfflu- og kaffisala til styrktar Koprúlfum ásamt sýningu og sölu á handverki Korpúlfa.
Grafarvogsdagurinn dagskrá hérna……
Skákakademían á leik!Menningarhús Spönginni, laugardaginn 28. maí kl. 13-15
Viltu læra að tefla eða rifja upp gamlar hrókeringar? Skákakademía Reykjavíkur heimsækir Borgarbókasafnið Spönginni og kynnir starfsemi sína, kennir ungum sem öldnum mannganginn og leiðir gesti inn í leyndardóma skáklistarinnar.
Skákakademía Reykjavíkur hefur starfað frá árinu 2008 og vinnur ötullega að eflingu skáklistarinnar í Reykjavíkurborg. Stefán Bergsson framkvæmdastjóri akademíunnar fræðir gesti safnsins og taflborð verða á staðnum.
Engin brögð í tafli, allir velkomnir!
Umsjón: Sigríður Stephensen, sigridur.steinunn.stephensen@reykjavik.is
Sláttur í Reykjavík hófst í byrjun vikunnar og er það nokkrum dögum fyrr en á síðasta ári enda sprettan meiri nú en þá, að sögn Björns Ingvarssonar, deildarstjóra þjónustumiðstöðvar borgarlandsins.
Það eru starfsmenn verktaka sem sinna slætti meðfram þjóðvegum í þéttbýli, svo sem við Hringbraut og Miklubraut, Breiðholtsbraut og Gullinbrú. Hluti sumarstarfsfólks er nú þegar komið til vinnu en fleiri koma til starfa í næstu viku og þá hefst sláttur fyrir alvöru.
Korpúlfsstaðir – 14:00-18:30
14:00-18:30 Listasýning og opin kaffistofa.
Gallerí Korpúlfsstaðir fagnar sínu fimmta starfsári um
þessar mundir.
Úrval fallegra listmuna eftir 11 listakonur sem reka
galleríið, en þær vinna í hina ýmsu miðla s.s. myndlist,
leirlist, textíl og skartgripahönnun.
Verið velkomin í hlýlega galleríið á Korpúlfsstöðum.
14:00 Skólahljómsveit Grafarvogs leikur fyrir gesti.
Máttarstólpinn afhentur.
15:00-17:00 Vinnustofa í sjálfbærri tónlist með Ara Hróðmarssyni
og Brasshópi Ýlis.
17:00-18:30 Tónleikar í boði ungs fólks í Grafarvogi.
Fram koma: Kæsingur, Erla Guðmundsdóttir,
Helga Fanney Malmberg og Kyrrð.
Nemendaverðlaun skóla- og frístundaráðs voru afhent í 14. sinn 23. maí og fór athöfnin fram í Vættaskóla í Grafarvogi.
Grafarvogsdagurinn, hverfishátíð Grafarvogsbúa, fer nú fram í 19. sinn laugardaginn 28. maí. Sem fyrr er markmið dagsins að sameina íbúa hverfisins og skapa vettvang til að hittast og gera sér glaðan dag.
Mikil vinna hefur verið lögð í dagskrárundirbúning og nú er komið að íbúum hverfisins að taka virkan þátt í því sem boðið verður upp á. Fjölmörg fyrirtæki í hverfinu styðja rausnarlega við bakið á verkefninu og eru þeim hér með færðar sérstakar þakkir fyrir þeirra framlag.
Gerum okkur glaðan dag á laugardaginn!
Follow