Menntavísindasvið Háskóla Íslands kallar eftir tilnefningum frá almenningi um góða kennara. Tilgangurinn með átakinu er að vekja athygli þjóðarinnar á kennarastarfinu; hversu áhugavert og skemmtilegt það er og hversu mikil áhrif kennarar geta haft á einstaklinga og samfélagið. Niðurstöður átaksins verða kynntar við hátíðlega athöfn í húsnæði Menntavísindasviðs við Stakkahlíð þann 1. júní kl. 17:00.

Þjóðþekktir einstaklingar hafa lagt átakinu lið og í stuttum myndböndum segja þeir frá þeim kennurum sem hafa haft áhrif á líf þeirra og störf. Meðal þeirra eru: Ari Eldjárn, textahöfundur og uppistandari, Auður Bjarnadóttir jógakennari, Benedikt Hermann Hermannsson tónlistarmaður, Illugi Gunnarsson mennta- og menningarmálaráðherra og Páll Óskar Hjálmtýsson tónlistarmaður.

Við hvetjum landsmenn til að taka þátt í þessu átaki, tilgreina eiginleika sem prýða góða kennara og heiðra þá sem hafa haft jákvæð áhrif á líf þeirra.

Vertu með og tilnefndu þinn eftirlætiskennara!

Hægt er að senda inn tilnefningar og fræðast nánar um átakið á hafduahrif.is

Hafðu áhrif á Facebook

Nánari upplýsingar veitir Ingunn Eyþórsdóttir (ingunney@hi.is / 661-2566) markaðs- og kynningarstjóri Menntavísindasviðs Háskóla Íslands.

Vinsamlegast vekið athygli á þessu skeyti meðal foreldra í ykkar skóla.

Björn Rúnar Egilsson

Verkefnastjóri hjá Heimili og skóla og SAFT

Menningarhús Spöngin, þriðjudagur 17. maí, 14 – 15

Foreldrar eru mikilvægustu málfyrirmyndir barna sinna í frumbernsku og fyrstu ár ævinnar. Gott málumhverfi heimafyrir þar sem lesið er fyrir börn og spjallað við þau um lífið og tilveruna hefur bein áhrif á þróun málþroska barna, sem er undirstaða læsis. Í þessari samverustund verður fjallað um það hvernig foreldrar geta auðgað málumhverfi barna sinna og leitað svara við helstu spurningum og vangaveltum foreldra.

Fríða B. Jónsdóttir er leikskólakennari og verkefnisstjóri fjölmenningarlegs leikskólastarfs hjá Skóla- og frístundasviði Reykjavíkurborgar.

Í Spönginni eru fjölskyldustundir á hverjum þriðjudegi fyrir foreldra með lítil börn. Þriðja þriðjudag í mánuði er boðið upp á ýmis fróðleg og skemmtileg erindi eða námskeið.

Hér má sjá nánari upplýsingar um fjölskyldustundir í Borgarbókasafninu.

Kæru foreldrar og skólafólk.

Við minnum á málþingið Sæktu þér að lesa sögur eða ljóð sem haldið verður í Norræna húsinu þann 12. maí kl 14-16 þar sem fjallað verður um gildi og áhrif upplestrar, þá möguleika sem felast í upplestrarkeppni í skólum, tengsl lesskilnings og vandaðs upplestrar og horf fram á veginn. Áhugafólk um lestur ætti því ekki að láta það fram hjá sér fara.

Nánari upplýsingar má lesa hérna……

Björn Rúnar Egilsson

Verkefnastjóri hjá Heimili og skóla og SAFT

Vinnuvélar frá borginni að hreinsa göturnar síðustu vikur

Vorhreinsun í götunni þinni 

Nú er komið að árvissri hreinsun gatna og göngustíga í þínu hverfi. Það flýtir mjög fyrir og skilar betri þrifum þegar bílar eru færðir úr götunni og er ekki lagt á ný fyrr en hreinsun er að fullu lokið. Þetta gildir eingöngu um almenn stæði í götunni og á borgarlandi, en ekki stæði innan lóðarmarka íbúðarhúsa og fyrirtækja. 

Við vinnum eftirtalda daga frá kl. 08:00 – 18:00. 

Miðvikudaginn 1. júní 2016.

Hallsvegur, Gagnvegur, Dalhús, Grundarhús, Vallarhús, Hlíðarhús, Garðhús, Brekkuhús, Völundarhús, Veghús, Vesturhús, Baughús, Miðhús, Sveighús, Suðurhús, Garðsstaðir, Brúnastaðir, Bakkastaðir, Barðastaðir. 

Fimmtudaginn 2. júní 2016.

Hamravík, Breiðavík, Ljósavík, Gautavík, Mosavegur, Vallengi, Fróðengi, Gullengi, Reyrengi, Laufengi, Starengi.

Föstudaginn 3. júní 2016.

Vættaborgir, Móavegur, Dísaborgir, Álfaborgir, Æsuborgir, Tröllaborgir, Jötnaborgir, Hulduborgir, Dofraborgir, Melavegur, Goðaborgir, Dvergaborgir.

Mánudaginn 6. júní 2016.

Gylfaflöt, Bæjarflöt, Stararimi, Smárarimi, Viðarrimi, Sóleyjarimi, Hrísrimi, Flétturimi, Berjarimi, Langirimi, Laufrimi, Klukkurimi, Mosarimi, Lyngrimi, Rósarimi, Mururimi, Hvannarimi, Grasarimi, Fífurimi. 

Þriðjudaginn 7. júní 2016.

Fannafold, Fjallkonuvegur, Reykjafold, Logafold, Hverafold, Funafold, Jöklafold, Frostafold, Austurfold, Vesturfold. 

Miðvikudaginn 8. júní 2016.

Neshamrar, Leiðhamrar, Krosshamrar, Hesthamrar, Salthamrar, Rauðhamrar, Hlaðhamrar, Gerðhamrar, Sporhamrar, Geithamrar, Lokinhamrar, Dyrhamrar, Dverghamrar, Bláhamrar, Lokinhamrar, Vegghamrar, Svarthamrar, Stakkhamrar.

Sunnudaginn 8. maí er uppskeruhátíð barnastarfsins í Grafarvogskirkju kl. 11. Umsjón hafa sr. Arna Ýrr Sigurðardóttir og Benjamín Pálsson og undirleikari er Stefán Birkisson.

Jói og Sóley frá Sirkus Íslands koma og skemmta.
Sænski Nacka unglingakórinn syngur einnig í messunni.
Hoppukastali, grillaðar pylsur og gos.

Viltu hafa áhrif í kirkjunni þinni?
Nú þarf að kjósa fólk í nokkur sæti í sóknarnefnd safnaðarins og í kjörnefnd sem sér um að kjósa nýja presta safnaðarins. Í kjörnefndina þarf 29 aðalmenn og 11 varamenn. Sóknarbörn í Grafarvogssókn sem eru 16 ára og eldri hafa atkvæðisrétt og kjörgengi. Ef þú hefur áhuga væri gott að hafa samband við formann sóknarnefndar, Önnu Guðrúnu Sigurvinsdóttur í netfangið annasigurvins@gmail.com og láta hana vita.

Hér er hægt að lesa starfsreglur um val og veitingu prestsembætta.

Að öðru leyta verða aðalfundarstörfin hefðbundin.

Hér er netútgáfa af blaði Knattsprynudeildar sem var að koma út. Einfaldlega smella á tengilinn hér að neðan

Skoða blaðið hérna…..

Ágætu Fjölnismenn

Sumarið er tíminn. Nú styttist í að knattspyrnuvertíðin hefjist. Glæsilegir fulltrúar Fjölnis, stelpur og strákar, reimi á sig skóna, og við sem stöndum fyrir utan völlinn öskrum okkur hás við að styðja okkar lið. Við eigum fjölmennustu knattspyrnudeildina í Reykjavík og eigum að vera stolt af okkar fulltrúum.

Grafarvogsbúar eiga að sameinast um að styðja liðið okkar, hver sem bakgrunnurinn er. Flest okkar sem í hverfinu búa eigum okkar fortíð með öðrum liðum, en þó fer gegnheilum Fjölnismönnum jölgandi enda styttist í að félagið komist á fertugsaldurinn. Öflugt íþróttastarf og góður árangur félagsins okkar, gerir Grafarvog að enn meira spennandi hverfi og áhugaverðari stað til að búa á.

Segir Árni Hermannsson formaður knattspyrnudeildar meðal annars í blaðinu.

Sæmundur Árnason ,Ágúst Ívar Árnason, Svandís Gunnarsdóttir

Vikulegar skákæfingar Fjölnis á miðvikudögum hafa undantekningarlaust verið afar vel sóttar í vetur. Um 30 – 40 börn og unglingar hafa mætt á hverja einustu æfingu, bæði drengir og stúlkur. Á síðustu æfingu vetrarins voru krýndir afreks-og æfingameistarar vetrarins líkt og undanfarin ár.

Sæmundur Árnason fyrirliði skáksveitar Foldaskóla hlaut afreksbikarinn að þessu sinni og Ágúst Ívar Árnason í Rimaskóla var valinn æfingameistari vetrarins en þar var valið erfitt þar sem fjöldi Fjölniskrakka voru með 100% mætingu.

Í fyrsta sinn var verðlaunað fyrir peðaskák. Leikskólabarnið Svandís Gunnarsdóttir er óumdeilanlega peðaskákdrottning Fjölnis því þessi væntanlegi Rimaskólanemi varð í 1. – 3. sæti á Peðaskákmóti Fjölnis á sumardaginn fyrsta og var einnig efst stúlkna á Peðajólaskákmóti Hugins í des. sl.

Helgi Árnason formaður skákdeildar Fjölnis hefur haft umsjón með Fjölnisæfingunum í vetur og haft unga og efnilega Fjölnisskákmenn sér til aðstoðar ásamt hópi foreldra sem hefur séð um veitingar og aðra ómetanlega aðstoð við þessar fjölmennu skákæfingar.

Menningarhús Spönginni, laugardagur 7. maí kl. 14

Skólahljómsveit Grafarvogs var stofnuð 1993 og sinnir nú á annað hundrað grunnskólanemendum í Grafarvogi, Grafarholti og Úlfarsárdal.

Starfinu er að jafnaði skipt í þrjár hljómsveitir, A B og C sveit. Sveitin gegnir veigamiklu hlutverki í hverfunum við tónlistarflutning við hátíðleg tækifæri. Elsta hljómsveitin fer að jafnaði í tónleikaferðir til útlanda annað hvert ár til viðbótar við fjölmargar æfingaferðir innanlands. Hljómsveitin hefur hlotið viðurkenningu Nótunnar fimm sinnum og komið fram í sjónvarpi fjölmörgum sinnum.

Hópurinn sem kemur fram á bókasafninu í Spönginni er næstelsta sveitin, svokölluð B-sveit, aðallega krakkar í 5. – 7.bekk. Þau leika fjörug lög og skemmtileg lög: allt frá Thriller til tónlistar úr teiknimyndinni Alladín.

Umsjónarmaður er Ásta Halldóra Ólafsdóttir, asta.halldora.olafsdottir@reykjavik.is.