Gróska forvarnafélag Grafarvogs og Kjalarness stendur fyrir fræðslufundum fyrir foreldra í vetur.
Þriðjudaginn 22. október n.k. kl. 19:30-21:30 verður fræðslufundur fyrir foreldra í Hlöðunni við Gufunesbæ.

Á þessum fyrsta fundi verður fjallað um stöðu barna og unglinga í Grafarvogi út frá könnun Rannsóknar og greiningar. Jafnframt verður fjallað um hvernig foreldrar geti stutt við börn sín til að efla þau í að takast á við áhættuþætti og hópþrýsting.

Að lokum er lögð áhersla á samstarf foreldra að bættu samfélagi.
Margrét Lilja Guðmundsdóttir sérfræðingur Rannsóknar og greiningar og Sigríður Björk Einarsdóttir Framkvæmdastjóri SAMFOK verða með erindið:
„Það eru engir töfrar“
Að loknu erindi verða almennar umræður um efnið.

Gróska er forvarnafélag Grafarvogs og Kjalarness. Í Grósku sitja fulltrúar skólastjóra, leiksskólastjóra, Borgarholtsskóla, foreldra, unglinga, Gufunesbæjar, Fjölnis, Heilsugæslunnar, Lögreglunnar, Grafarvogskirkju og Miðgarðs.

Hvet foreldra Rimaskóla til að fjölmenna og sjá hvernig staðan er á börnum okkar hér í hverfinu.

---

---

Umhverfismessa verður í kirkjunni kl. 11:00. Dr Jim Antal prédikar í messunni, en hann hefur verið aðgerðarsinni í umhverfismálum frá fyrsta Jarðardeginum árið 1970. Séra Antal starfar innan United Church of Christ (UCC) í Bandaríkjunum sem er framsækin kirkjudeild sem telur milljón fullorðinna einstaklinga í 5000 söfnuðum. Frá 2006 til 2018 var hann leiðtogi kirkjunnar í Massachusetts fylki. Nú starfar hann sem sérstakur ráðgjafi landsleiðtoga UCC í umhverfismálum. Í messunni þjónar einnig séra Arna Ýrr Sigurðardóttir. Organisti er Hákon Leifsson og Kór Grafarvogskirkju leiðir söng. Eftir messuna gefst tækifæri til að ræða við Dr Jim Antal um umhverfismál.

Sunnudagaskóli verður á neðri hæð kirkjunnar kl. 11:00. Umsjón hefur Þóra Björg Sigurðardóttir og Hólmfríður Frostadóttir. Undirleikari er Stefán Birkisson.

Selmessa í Kirkjuselinu kl. 13:00. Séra Guðrún Karls Helgudóttir prédikar og þjónar. Organisti er Hilmar Örn Agnarsson og Vox Populi leiðir söng.

Skemmtileg skákhelgi að baki. Fyrri hluti Íslandsmóts skákfélaga fór fram með  hefðbundnu sniði í Rimaskóla. Skólinn rúmar nokkuð auðveldlega umfangið og allan þann fjölda skákmanna og gesta sem mættir eru til keppni og skemmtunar. 

Við Fjölnismenn mættum líkt og í fyrra með fjórar skáksveitir til leiks. Einkennandi fyrir okkar sveitir er að liðsmenn eru flestir Fjölnismenn allt frá upphafi eða í langan tíma. Aðeins einn nýliði í ár, Tinna Kristín Finnbogadóttir sem naut sín vel í nýjum félagsskap og prýðir sannarlega okkar glæsilega ungmennahóp. Til að standa undir nafni ungmennafélagsandans þá reynast allir liðsmenn ungir í anda hvort sem um var að ræða okkar ástsæla Finn Kr. Finnsson 84 ára eða Emilíu Emblu B. Berglindardóttur 7 ára skákprinsessu. Bæði elska þau að tefla og styrkja heilastöðvarnar til framtíðar. Ef til vill tímamót á Íslandsmóti, 77 ára aldursmunur á liðsfélögum í hópíþrótt. Önnur líkleg tímamót í sögu Skákdeildar Fjölnis og íslenskrar skákhreyfingar þegar á þremurr efstu borðum 2. deildar skáksveitar röðuðust þrjár ungar konur sem héldu merki B sveitarinnar á lofti. Sveitin skilaði 5. sæti eftir fyrri hlutann í stað þess 8. eins og spáð var fyrirfram og það alls ekki út í loftið. 

A sveit Fjölnis er enn eitt árið skemmtileg blanda ungra framtíðarskákmanna og stabílla reynslubolta. Sveitin mætti heldur veikari til leiks í samanburði við 2018 sem skýrist af því að Davíð Kjartansson tók sér skákhvild og ekki fyllt í skarðið. A sveitin fékk ólíkt í fyrra erfiðari dagskrá í fyrri hluta Íslandsmótsins. Undirritaður liðsstjóri stefndi á 20 vinninga eða 50% vinningshlutfall og við það stóðu Fjölnismenn með sinni alkunnu samheldni og þeim metnaði að tefla með A sveit Fjölnis. Enn eitt árið hefur liðstjóri A sveitar ekki þurft að skipta inn á í 8 manna uppstilltu liði.

Á fyrsta borði tefldi að þessu sinni Eistlendingurinn Kaido Külaots, sterkasti skákmaður Eistlands sem síðast tefldi fyrir Grafrvogsliðið árið 2010. Hann tefldi af miklu öryggi og tapaði aðeins fyrir landsliðsmanni okkar Hjörvari Steini,  með afleik í jafnteflisskák. Stjarnan okkar Fjölnismanna og mótsins að mínu mati var hinn tvítugi fv. Evrópumeistari Jesper Thybo sem skilaði 4,5 vinningum án mikillar fyrirhafnar. Stórskemmtileg taflmennska, ekki síst á laugardeginum þegar hann lagði þá Hannes Hlífar og Helga Áss. Sigurbjörn J. Björnsson er okkar Aron Einar og átti góða seriu í 5 baráttuskákum. Tommi Björns heldur áfram að verja 8. borðið taplaus og annar reynslubolti Jón Árni Halldórsson hækkaði mest allra A sveitar manna í þessari lotu. 

Íslandsmót skákfélaga er skáhreyfingunni til mikils sóma. Skákmenn eru baráttuglaðir fyrir hönd sinna félaga, heilsast sem vinir og félagar. Kynslóðabilið ósýnilegt og kærumál eða önnur leiðindi grafin í gleymskunnar dá.  

Sunnudaginn 6. október verður helgihaldið í Grafarvogssöfnuði eftirfarandi:

Messa í kirkjunni kl. 11:00. Séra Sigurður Grétar Helgason prédikar og þjónar. Organisti er Hákon Leifsson og Kór Grafarvogskirkju leiðir söng.

Sunnudagaskóli á neðri hæð kirkjunnar kl. 11:00. Umsjón hefur Þóra Björg Sigurðardóttir og Hólmfríður Frostadóttir. Undirleikari er Stefán Birkisson.

Selmessa kl. 13:00 í Kirkjuselinu í Spöng. Séra Grétar Halldór Gunnarsson prédikar og þjónar. Organisti er Hilmar Örn Agnarsson og Vox Populi leiðir söng.

Verið velkomin!

Messa verður í kirkjunni kl. 11:00. Séra Grétar Halldór Gunnarsson prédikar og þjónar. Organisti er Hákon Leifsson og Kór Grafarvogskirkju leiðir söng.

Sunnudagaskóli verður á neðri hæð kirkjunnar kl. 11:00. Umsjón hefur Þóra Björg Sigurðardóttir og undirleikari er Stefán Birkisson.

Selmessa verður í Kirkjuselinu í Spöng kl. 13:00. Séra Sigurður Grétar Helgason prédikar og þjónar. Hilmar Örn Agnarsson er organisti er Söngfjelagið leiðir söng.

Hérna er kynningarmyndband um fyrirhugaða skólalokun sem meirihlutinn í Reykjavík ætlar að knýja fram. http://skolalokun.is/

---

Á sunnudag verður uppskerumessa í kirkjunni kl. 11. Þar þökkum við fyrir gott og gjöfult sumar, uppskeru sumarsins verður safnað saman og hún síðan boðin upp eftir messu. Kirkjugestir mega gjarnan koma með eitthvað sem tengist uppskeru haustsins, t.d.  dæmis grænmeti, kartöflur, ávexti, brauð, kökur, sultur eða hvað annað sem því dettur í hug. Góðgætinu verður stillt upp í kór kirkjunnar, það borið út að lokinni messu og síðan boðið upp. Ágóðinn af uppboðinu rennur í líknarsjóð Grafarvogskirkju. Séra Arna Ýrr Sigurðardóttir þjónar í messunni, organisti er Hákon Leifsson og Kór Grafarvogskirkju leiðir söng.

Á neðri hæð kirkjunnar verður sunnudagaskóli kl. 11. Umsjón hefur Hólmfríður Frostadóttir og undirleikari er Stefán Birkisson. Söngvar, sögur, myndband og límmiðar.

Selmessa verður í Kirkjuselinu í Spöng kl. 13. Séra Sigurður Grétar Helgason prédikar og þjónar. Organisti er Hilmar Örn Agnarsson og Vox Populi leiðir söng.

Niðurstöður fundar foreldrafélags Kelduskóla með foreldrum barna i skólanum sem haldinn var 16. September í Kelduskóla Vík

Þær áætlanir sem Reykjavíkurborg leggur til um breytingu skólahalds í norðanverðum Grafarvogi hafa í för með sér gríðarlegt umferðaróöryggi og slysahættu fyrir börnin. Með þessum breytingum þá þarf stór fjöldi barna að ganga langar vegalengdir til skóla í og við umferðaþungar götur. Þess má að geta að við sameiningu Víkurskóla og Korpuskóla árið 2012 þá lofaði Reykjavíkurborg að umferðaöryggi barnanna í hverfinu yrði bætt, en frá þeim tíma til dagsins í dag hafa engar aðgerðir til að bæta umferðaöryggi þeirra verið framkvæmdar.

Það er álit foreldra barna í skólanum að viðkomandi áætlanir Skóla og Frístundaráðs Reykjavíkurborgar séu ekki til þess fallnar að bæta skólastarfið í hverfinu og vinni þvert gegn hagsmunum barna. Rekstur skóla er lögbundin grunnþjónusta og öll börn eiga rétt á að ganga í skóla í sínu nærumhverfi. Foreldrar telja þær tillögur og ástæður sem Skóla og Frístundaráðs Reykjavíkurborgar hefur lagt fram vegna fyrirhugaðra breytinga órökstuddar og muni eingöngu koma niður á börnunum í skólanum.

Foreldar barna í skólanum vilja koma á framfæri til Skóla og Frístundaráðs Reykjavíkurborgar að allar áætlanir, umtal og rask hefur streituvaldanndi áhrif á börnin. Mörg börn kvíða fyrirhugðum breytingum og sum hver óttast það að vera tvístrað í sundur frá systkinum og vinum.

Þar af leiðandi óskar stjórn foreldrafélagsins og foreldrar barna í skólanum eindregið eftir því að Skóla- og frístundaráð láti tafarlaust af öllum áætlunum um lokanir og breytingar á skólum og skólastarfi í hverfinu.

Þess ber að geta að Kelduskóli var nú í vor verðlaunaður af Skóla og Frístundasviði Reykjavíkurborg fyrir framúrskarandi starf og var tilnefndur sem einn af þremur þekkingarskólum í Reykjavíkurborg.

Eftirfarandi yfirlýsing var samþykkt á fjölmennum foreldrafundi Kelduskóla mánudaginn 16.9.2019 

Fyrir hönd foreldrafélagsins

Sævar Reykjalín Formaður foreldrafélags Kelduskóla. 

Nú er formaður Skóla- og frístundaráðs (SFR), Skúli Helgason, komin í ham og er að reyna flýta því sem mest hann má að loka hluta af Kelduskóla. Enda má engan tíma missa því borgarstjórinn tilkynnti í vikunni að hönnunarsamkeppni er framundan um skóla í hverfi formannsins. Bara svo það sé tekið fram strax þá styð ég heilshugar byggingu skóla í Skerjafirði, en það er leitt að það skuli þurfa að vera á kostnað menntunar og öryggis barna í Grafarvogi.

Í síðustu viku kom út skýrsla frá Innri Endurskoðun Reykjavíkurborgar (IE) þar sem mátti finna ýmislegt athyglisvert. Skúli Helgason las það út úr skýrslunni að loka þyrfti Kelduskóla í hvelli og stokka upp allt skólastarf í Grafarvogi.

Því er gott að geta flett upp skýrslunni og séð hver megin niðurstaða hennar er:

„Meginniðurstaða þessarar skýrslu er að mismunandi skilningur virðist vera á milli skólastjórnenda og skóla- og frístundasviðs annars vegar og fjárveitingarvalds borgarinnar hins vegar um hvað er nauðsynlegt fjármagn til reksturs á grunnskólum borgarinnar…“

Þetta hér að ofan eru ekki mín orð heldur er þetta meginniðurstaðan samkvæm skýrsluhöfundum IE.

Fagfólk í skólunum okkar segist ekki hafa næga fjármuni til að reka skólana þannig að þeir geti sinni öllum börnum og sínum skildum samkvæmt lögum. Formaður SFR er þessu ósammála ef marka má viðtöl við hann nýlega. 

Hvort ættum við að trúa orðum stjórnenda og fagfólks sem vinnur í skólunum og hittir börnin okkar á hverjum degi, ásamt niðurstöðu IE eða pólitíkusu?

Það er hvergi nægjanlegu fjármagni veitt til skólamála í Reykjavík og á þeim tíma sem núverandi formaður hefur leitt SFR hefur staan verðsnað. Sífellt er verið að seinka framkvæmdum á Dalskóla í Úlfarsársdal. Það hefur gengið svo ill að á síðasta skólavetri notuðust börnin þar einmitt við hluta að húsnæði Kelduskóla þar sem þau voru á hrakhólum. Viðhald skóla hefur ekki verið sinnt og er samkvæmt skýrslunni kominn tími á margar og dýrar framkvæmdir. Börn með sérþarfi fá ekki þá þjónustu sem þau þurfa því að hún er svo kostnaðarsöm og staða frístundar er á mörgum stöðum óboðleg. Leggja á niður skólaakstur í hverfum borgarinnar sem bitnar á öryggi barna og eykur akstur og skutl til muna. Á Skóla- og frístundasviði (SFS) er einn starfsmaður sem kann á Excel skjalið sem úthlutar fjármunum til skólana og skjalið er yfir 20 ára gamalt. Þetta hefur verið vitað lengi og er heldur áfram á vakt formannsins. Einhversstaðar í heiminum þættu svona vinnubrögð ekki eðlileg, en ekki í Reykjavík, þar er þetta normið. Formanninum finnst sjálfsagt að spara 8 miljónir í skólaakstur, jafn sjálfsagt og að veita 8 milljónum að skattfé borgarbúa í tónlistarhátíð og þiggja svo frímiða fyrir sig og einn vin.

En það er búið að lofa formanninum skóla í hans hverfi. Sá skóli verður byggður á tillögu úr skýrslu sem kom út árið 2016 sem fjallaði um skólamál í Grafarvogi og þá sérstaklega Staðahverfi. Þá þótti formanninum þetta of dýrt og ekki vera fyrirkomulag sem hentar í Reykjavík. Raunin er hinsvegar að það hefði skapað sterkari og fjölbreyttari skóla. Í dag á ekki bara að loka hluta af Kelduskóla heldur á að rugla með 3 aðra skóla, skipta nemendum þvers og krus um Grafarvoginn og láta þau svo ganga langar vegalengdir yfir óupplýstar, ómerktar og umferðaþungar götur.

Á næstu vikum og mánuðum mun reyna á samstöðu íbúa í Grafarvogi því að skólarnir eru hjartað í sínu hverfi. Stöndum saman fyrir skólann okkar.

---

---