Á myndinni eru Jón Margeir Sverrisson sundmaður íþróttamaður Fjölnis 2012 og Steinar Ingimundarson Fjölnismaður ársins 2012
Hvetjum alla Fjölnismenn og Grafarvogsbúa að fjölmenna og heiðra íþróttafókið okkar.
Léttar veitingar í boði.
Afreksmaður hverrar deildar er heiðraður sérstaklega.
Þetta er í 25 skiptið sem íþróttamður og Fjölnismaður ársins eru valdir.
Hlökkum til að sjá sem flesta.
SÁÁ
Haldið verður upp á afmæli sjúkrahússins Vogs í dag, en þrjátíu ár eru liðin frá því að fyrstu sjúklingarnir gengu þar inn. SÁÁ býður að því tilefni til veislu í Von, húsnæði samtakanna í Efstaleiti 7 kl. 15-17.
Forseti Íslands mun halda ávarp, Páll Óskar og Monika Abendroth munu stíga á stokk og opnuð verður ljósmyndasýning með svipmyndum frá sögu Vogs.
Kanada – handbolti
Kvennalið í handbolta frá Kanada er hér á landi um áramótin í æfinga- og keppnisferð. Liðið leikur í ferðinni hingað til lands tvo leiki við 18 ára lið Fjölnis 28. desember klukkan 12.30 og seinni leikinn 2. janúar við 16 ára lið Fjölnis klukkan 10. Aðgangur er ókeypis á leikina sem báðir fara fram í íþróttamiðstöðinni í Dalhúsum.
Kanadíska liðið sem hér er á ferð ber heitið Alberta Team Handball Federation og er í árlegri ferð hingað til lands en þetta er þriðja árið í röð sem lið frá Alberta ver hér áramótunum.
Ástæða er til að hvetja fólk til að mæta á leikina og styðja við bakið á stúlkunum. Það er ekki á hverjum degi sem lið frá öðru landi spilar á okkar heimavelli. Á meðfylgjandi mynd er U-18 ára liðið frá Alberta.
Hlaupahópurinn í Kirkjuhlaupi 2013
Sá siður hefur tíðkast undanfarin ár að hlaupahópur Grafarvogs hittist á annan í jólum í Grafarvogskirkju og hleypur þaðan svokallað kirkjuhlaup. Í ár hlupum við frá kirkjunni okkar að Árbæjarkirkju, Fella og Hólakirkju, Seljakirkju, Maríukirkjunni, Breiðholtskirkju, Bústaðakirkju, Langholtskirkju og þaðan heim í Grafarvoginn aftur samtals rúmir 17km. Fallegt, táknrænt og skemmtilegt hlaup. Jóla og nýárskveðjur frá Hlaupahópnum.
Brennur um áramót
Um þessi áramót verða brennur á tíu stöðum í Reykjavík, eins og verið hefur undanfarin ár. Umsjón með þeim er ýmist á hendi borgarinnar eða félagasamtaka, sem huga vel að því sem sett er á brennurnar og tryggja að frágangur sé í lagi.
Á Grafarvogssvæðinu ef svo má segja verða tvær brennur, önnur við Geirsnef og hin í Gufunesi við gömlu öskuhaugana. Um er að ræða stórar brennur á báðum þessum stöðum. Eldur verður borinn að köstunum kl. 20:30 á gamlárskvöld á öllum stöðum nema einum, en á Úlfarsfelli, á athafnasvæði Fisfélagsins ofan við Lambhagaveg, lítil brenna, er tendrað kl. 14:30 um daginn.
Fólk er hvatt til að skjóta ekki upp flugeldum við brennurnar. Stjörnuljós og blys eru betri kostur enda barnvænni og hættuminni. Flugeldar og tertur eru betur geymd heima.
Byrjað verður að taka á móti efni á kestina föstudaginn 27. desember. Best er að fá hreint timbur á brennurnar. Stærstur hluti þess sem fer á brennurnar eru vörubretti en einnig er fenginn afgangur af jólatréssölunni. Plast, gúmmí og unnið timbur á ekki erindi í köstinn.
Starfsmenn hverfastöðva Reykjavíkurborgar verða á vettvangi við flestar brennurnar og leiðbeina þeim sem koma með efni. Hætt verður að taka á móti efni þegar brennurnar eru orðnar hæfilega stórar eða í síðasta lagi kl. 12:00 á gamlársdag.
Fjölnir handbolti
NÝÁRSNÁMSKEIÐ HANDBOLTANS!
FRÍTT Í BOÐI… DOMINOS
FYRIR STEPLUR OG STRÁKA Í 1.-4. BEKK
Námskeiðið fer fram dagana 2.-4. janúar
Farið verður í leiki og þrautir ásamt spili. Grunnatriði handboltans kennd og skemmtun höfð að leiðarljósi!
Þekktir leikmenn úr úrvalsdeildum karla og kvenna kíkja í heimsókn.
Fimmtudagur 2. janúar kl. 11:30-13:00
Föstudagur 3. janúar kl. 09:30-11:00
Laugardagur 4. janúar kl. 09:30-11:00
Mætið í íþróttafötum og í íþróttaskóm með smá nesti
Umsjónarmenn og leiðbeinendur:
Umsjónarmenn námskeiðs: Sveinn Þorgeirsson og Arnór Ásgeirsson
Leiðbeinendur: Leikmenn meistaraflokks karla og elstu flokka kvenna
Dominos Pizza
Hinn efnilegi 15 ára skákmaður úr Fjölni, Oliver Aron Jóhannesson, tók þátt í hinu geysivinsæla alþjóðlega skákkmóti London Ches Classic í London, dagana 7. – 15. desember. Tefldar voru níu umferðir á mótinu og þrátt fyrir ungan aldur náði Oliver Aron 4,5 vinningum sem hækkar hann á skákstigum um 27 stig. Oliver Aron er með 2078 ELÓ skákstig en var að tefla eins og skákmaður með 2245 vinninga eða skákstig. Alls tóku 191 skákmenn þátt í mótinu og lenti OLiver Aron í sæti rétt fyrir ofan miðju. Frammistaða Olivers Arons á London Classic sýnir og sannar að drengurinn á mikið inni og ætti fyrr en varir að vera kominn með 2200 aljóðleg skákstig. Þess má geta að Oliver Aron hefur sigrað á öllum skákmótum Fjölnis á árinu.
Frábær dagskrá í barna og fjölskylduguðþjónustunni í Grafarvogskirkju í morgun.
Krakkar spiluðu á hljóðfæri og sungu jólalög.
Síðan var dansað í kringum jólatré með tveimur jólasveinum sem heimsóttu kirkjuna okkar.
Mikið fjör og gaman.
