Skákmenn
Minni á páskaæfingu Skákdeildar Fjölnis á morgun föstudag kl. 14.00 .
Allir velkomnir af þeim sem hafa verið að æfa hjá okkur og öðrum sem hafa áhuga á að mæta og þiggja a.m.k. eitt lítið páskaegg.
Með kveðju
Helgi Árnason
Flottur útsrkiftarhópurinn
Á mánudaginn var brautskráning nemenda á tölvufærninámskeiði Korpúlfa í samvinnu við Kelduskóla/Korpu
Útskriftarhátíðin var haldinn á Korpúlfsstöðum og það voru 24 eldri borgarar sem luku námskeiðinu, en leiðbeinendur sem voru
nemendur 7 bekkjar Kelduskóla/Korpu voru heiðraðir sérstaklega fyrir þeirra glæsilega framlag við kennslu á námskeiðunum.
Sendi hér fína mynd af útskriftarhópnum ásamt fræðslunefnd Korpúlfa, en athöfnin hófst með því að Steini Sævar Þorsteinsson spilaði á sög og Jóhann Helgason á harmonikku.
Allir fengu síðan viðurkenningarskjöl og tóku þátt í veislukaffi þar sem bornar voru fram vöfflur með rjóma.
„Við grófsópum fyrst og í seinni umferðinni spúlum við með vatni allar húsagötur og ákveðnar tengibrautir,“ segir Guðjóna Björk Sigurðardóttir skrifstofustjóri reksturs og umhirðu borgarlandsins um verklagið sem viðhaft er við hreinsun gatna og stíga.
„Fyrir seinni umferðina þegar við þvoum og sópum verður íbúum gert viðvart með bréfi og skiltum og þeir beðnir um að liðka til fyrir hreinsun með því að færa bíla úr götum sem verið er að hreinsa hverju sinni“, segir Guðjóna Björk.
Síðustu daga hefur verið grófsópað en gert er ráð fyrir að hefja götuþvottinn um miðja næstu viku. Um helgina verður byrjað að spúla lóðir við skólana sem þá eru komnir í páskafrí.
Helstu hjólastígar klárir fyrir páska
Allir hjólastígar og gönguleiðir innan hverfa eru sópaðar samhliða hreinsun í hverfinu, en allir helstu hjólastígar eða svokallaða stofnstígar milli borgarhluta verða hreinsaðir fyrir páska. Til verksins eru notaðir 8 götusópar, 3 vatnsbílar og 8 gangstéttasópar. Guðjóna Björk segir að vinna við fyrstu yfirferð gangi vel þrátt fyrir að óvenju mikill sandur sé bæði á götum og gönguleiðum. Miklu magni af sandi var dreift í vetur til að bæta öryggi gangandi vegfarenda í hálkunni.
Upplestur í Hamraskóla
Nemendur í 2. bekk spiluðu fyrir gesti á sal í dag. Helga Vala spilaði á blokkflautu, Herdís Hörn, Freydís Klara og Eyrún Anna spiluðu á píanó. Bekkurinn kynnti síðan fyrir okkur sögupersónuna Línu Langsokk og sungu lagið um Línu. Allir nemendurnir stóðu sig mjög vel og var gaman að hlusta á þau.
Krakkar frá leikskólanum Klettaborg komu í heimsókn og tóku þátt í samsöng.
Aðalsteinn í U-16 landsliðið
Aðalsteinn Örn Aðalsteinsson nemandi í 10.RÓ er þessa dagana á keppnisferðalagi um Pólland og Þýskaland með U-16 landsliðinu í handbolta. Aðalsteinn mun keppa fyrir Íslands hönd í Póllandi dagana 4.-6. apríl við landslið Noregs, Póllands og Ungverjalands. Síðan fara þeir þann 7. til Berlínar og keppa tvo leiki við unglingalið Fusche-Berlín. Hér er hægt að lesa um U-16 landsliðið á vef HSÍ.
Sigursveit Rimaskóla
2014
Íslandsmót grunnskólasveita í skák , 1. – 10. bekkur, var haldið í Stórutjarnaskóla í Þingeyjarsýslu að þessu sinni. Rimaskóli sendi eina sveit til keppni, langa og stranga leið norður, og er skemmst frá því að segja að skólinn vann Íslandsmeistaratitil grunnskólasveita fjórða árið í röð eftir hreina úrslitaviðureign við skáksveit Álfhólsskóla í Kópavogi 3,5 – 0,5 í níundu og síðustu umferð mótsins. Skólarnir tveir höfðu verið jafnir nánast alla keppnina og því þótti sígurinn sætur í lokaumferðinni. Í skáksveit Rimaskóla eru Oliver Aron 10- ILK, Nansý 6-EHE, Jóhann Arnar 8-BAS og Kristófer Jóel 9-AKJ. Þjálfari krakkanna og liðsstjóri er stórmeistarinn Hjörvar Steinn Grétarsson fyrrverandi nemandi skólans sem heldur tryggð við sinn gamla skóla og á mikinn þátt í glæsilegum árangri ár eftir ár. Skáksveit Rimaskóla hlaut 30,5 vinninga á Íslandsmótinu af 32 mögulegum. Skáksveitin öðlast þátttökurétt á Norðurlandamóti grunnskóla sem fram fer í Svíþjóð í haust og fær þar tækifæri á að verja Norðurlandameistaratitil síðustu tveggja ára.
__________________________________
Tekið á móti Íslandsmeisturum Rimaskóla eftir frægðarför þeirra norður
Skáksveit Rimaskóla fór stranga en árangursríka keppnisferð á Íslandsmót grunnskólasveita sem haldið var að Stórutjörnum í Þingeyjarsýslu.
Strætó kl. 17.30 á föstudag. Komið norður 00:30. Tefladar 8 umferðir. Tekið á móti bikurum og svo beint í strætó frá Akureyri kl. 17:00. Fengu 30,5 vinninga af 32 mögulegum. Frábært lið undir forystu Hjörvars Steins — with Oliver Aron Jóhannesson, Kristofer Joel Johannesson and Hjörvar Steinn Grétarsson.
Fjölnismenn eru komnir í úrvalsdeild karla í körfuknattleik á ný eftir eins árs fjarveru eftir sigur Hetti, 98:81, í öðrum umspilsleik liðanna á Egilsstöðum í kvöld.
Fjölnir vann fyrsta leikinn á sínum heimavelli og gat því gert útum málin fyrir austan í kvöld. Hattarmenn byrjuðu betur og voru yfir eftir fyrsta leikhluta, 21:17. Grafarvogspiltar sneru blaðinu við með því að skora 33 stig gegn 13 í öðru leikhluta og voru því komnir í 50:34 í hálfleik.
Munurinn hélst þannig lengi vel í seinni hálfleik og staðan var 75:57 eftir þriðja leikhluta. Hattarmenn gerðu gott áhlaup og höfðu minnkað muninn í sex stig þegar tvær mínútur voru eftir en nær komust þeir ekki.
Daron Lee Sims skoraði 27 stig fyrir Fjölni og tók 18 fráköst, Páll Fannar Helgason skoraði 25 stig og Róbert Sigurðsson 15.Gerald Robinson skoraði 26 stig fyrir Hött og tók 14 fráköst.
Það eru því Tindastóll og Fjölnir sem koma í stað KFÍ og Vals í úrvalsdeildinni á næsta keppnistímabili.
Á meðfylgjandi mynd fagna Fjölnismenn sigrinum á Egilsstöðum í kvöld. Austurfrétt/Gunnar
Megas og Magga
Það var árið 1969 sem Megas spreytti sig fyrst á því að semja lag við Passíusálm Hallgríms Péturssonar. Síðan árið 1973 lauk hann við að semja lag við alla sálmana.
Nú, rúmum fjórum áratugum síðar þá heyrast þeir allir með tölu.
Það er engin tilviljun að ákveðið var að flytja alla sálmana nú í ár, þegar 400 ár eru , liðin frá fæðingu Hallgríms Péturssonar. Mesta verka Hallgríms, Passíusálmarnir hafa fylgt þjóðinni gegnum aldir og sjálfur er Megas alinn upp við sálmana.
Það dylst engum sem hlustar á Passíusálmalög Megasar að ýmislegt hefur vissulega síast inn af textum Hallgríms og að hann hefur kynnt sér efni þeirra í þaula við lagasmíðarnar.
Þessir fyrstu tónleikar í Grafarvogskirkju voru alveg frábærir. Mikið af fólki sem skemmti sér vel við þennan flutning hjá Megas sem ásamt Margrét Kristín Blöndal og Ungmeyjakór voru stórkostleg.
Caput skipa
Kolbeinn Bjarnason og Áshildur Haraldsdóttir , flauta
Grímur Helgason og Rúnar Óskarsson, klarinett
Sigrún Eðvaldsdóttir og Zbigniew Dubik, fiðla
Þórunn Ósk Marínósdóttir, víóla
Bryndís Halla Gylfadóttir og Gunnhildur Halla Guðmundsdóttir, selló
Hrynsveit skipa
Agnar Már Magnússon, píanó
Gunnar Hrafnsson, kontrabassi
Kjartan Guðnason, trommur.
Stjórnandi; Guðni Franzson
Listrænn stjórnandi: Hilmar Örn Agnarsson
Útsetningar: Þórður Magnússon
Myndir..
Follow