Skráning er opin á haustnámskeið Leynileikhússins 2020 á www.leynileikhusid.is.

Námkskeiðin eru í Rimaskóla á þriðjudögum og í Húsaskóla á fimmtudögum.

RIMASKÓLI Á ÞRIÐJUDÖGUMKl. 16.00-17.00 / 2.-3. bekkur / almennt námskeið / kennt í tómstundarými skólansKl. 17.00-18.00 / 3.-5. bekkur / almennt námskeið / kennt í tómstundarými skólansKl. 18.00-19.00 / 5.-7. bekkur / almennt námskeið / kennt í tómstundarými skólans

Hefst þriðjudaginn 22. september

HÚSASKÓLI Á FIMMTUDÖGUMKl. 15.00-16.00 / 2.-3. bekkur / almennt námskeið / kennt í sal skólansKl. 16.00-17.00 / 4.-6. bekkur / almennt námskeið / kennt í sal skólans

Hefst fimmtudaginn 24. september

Unglinganámskeið fara fram í Kársnesskóla og í Leikhúsi LK í Funalind 2, KópavogiLeynileikhúsið byggir allt sitt starf á leikgleði, frumsköpun og spuna.

Sjáumst í leikgleðikasti.

Kær kveðja frá Leynileikhúsinu

info@leynileikhusid.iss.8649373

---

Hinar vinsælu skákæfingar Fjölnis hefjast að nýju fimmtudaginn 10. september í Rimaskóla kl. 16.30 – 18.00.

Gengið inn um íþróttahús. Skákæfingar Fjölnis eru vikulega og ókeypis fyrir alla áhugasama grunnskólakrakka í Grafarvogi, Grafarholti og Úlfarsárdal.

Ætlast er til að þátttakendur kunni að tefla, þ.e. undirstöðuatriðin í skák. Á hverri skákæfingu er efnt til skákmóts og boðið upp á veitingar í skákhléi.

Í lok hverrar æfingar fer fram verðlaunaathöfn og dregið er í happadrætti.

Á skákæfingum Fjölnis er krökkunum skipt upp í 2 – 3 hópa eftir getu, aldri eða jafnvel kyni.

Umsjón með skákæfingum Fjölnis á fimmtudögum hefur Helgi Árnason formaður Skákdeildar Fjölni og honum til aðstoðar eru efnilegir skákmenn úr hópi skákdeildarinnar.

Nóg af spritti verður til staðar og skákkrakkar minntir á að spritta sig og eða þvo sér um hendur.   

---

Sunnudaginn 23. ágúst verður kaffihúsamessa í Grafarvogskirkju. Hún verður með örlítið breyttu sniði líkt og undanfarna sunnudaga.

Sr. Arna Ýrr Sigurðardóttir þjónar og undrileikari er Stefán Birkisson.

Við tryggjum hreinlæti, virðum fjarlægðamörk og hámarksfjölda.

Verið hjartanlega velkomin í Grafarvogskirkju.

14. ágúst tók í gildi ný auglýsing um takmörkun á samkomum vegna farsóttar sem heilbrigðisráðuneytið birti 12. ágúst sl. Auglýsingin gildir til 27. ágúst kl. 23:59. Markmið breytinganna sem nú taka gildi er sem fyrr að hægja eins og unnt er á útbreiðslu COVID-19 (tekið af vef isi.is).

Stærsta breytingin sem snýr að íþróttahreyfingunni er 6. grein auglýsingarinnar sem á við um nálægðartakmarkanir í íþróttum. Sérsambönd ÍSÍ eiga að setja sér reglur í samstarfi við ÍSÍ um framkvæmd æfinga og keppna í sínum greinum þannig að snertingar séu heimilar (tekið af vef isi.is).

Almenna reglan er sú að áhorfendur eru ekki leyfðir á íþróttaviðburðum hjá iðkendum fædd árið 2004 og fyrr, þann tíma sem auglýsingin gildir, samanber minnisblað sóttvarnalæknis. Á íþróttaviðburðum yngri iðkenda gildir 100 manna fjöldatakmörkun og 2 metra fjarlægð.

Samantekt og áherslupunktar:

• Virðum 2 metra regluna á íþróttasvæðinu okkar, þetta á við um öll rými s.s. búningsklefa, íþróttsali og fundarými.
• Hugum að einstaklingsbundnum sóttvörnum og smitvörnum. Handþvottur og spritt og notkun gríma ef það er ómögulegt að viðhalda 2 metra fjarlægð.
• Forðumst blöndun flokka og hópa.
• Forðumst margmenni að óþörfu og höldum áfram að vera skynsöm.
• Höldum í bjartsýni og jákvæðni, það er gott að brosa.

Reglur KSÍ um sóttvarnir vegna COVID-19

Auglýsing um takmörkun á samkomum vegna farsóttar

Minnisblað sóttvarnalæknis til ráðherra, dags. 11. ágúst

Reglur HSÍ og KKÍ um sóttvarnir á æfingum og æfingaleikjum vegna COVID-19

Reglur annarra sérsambanda sem hafa fengið samþykki ÍSÍ og sóttvarnarlæknis

Með Fjölniskveðju,

Virðing – Heilbrigði – Samkennd – Metnaður

Arnór Ásgeirsson | Markaðsfulltrúi Fjölnis

Fossaleyni 1 | 112 Reykjavík | Sími: 578 2700

arnor@fjolnir.is | www.fjolnir.is

Fjölnir á FACEBOOK

#FélagiðOkkar

---

Það er með mikilli ánægju sem við kynnum yfirþjálfara yngri flokka knattspyrnudeildar Fjölnis.Knattspyrnudeildin hefur á síðustu misserum farið í gegnum ákveðnar skipulagsbreytingar með það fyrir augum að freista þess að ná ennþá meiri sérhæfingu og fókus í þegar öflugt yngri flokka starf félagsins. Þessar ráðningar á tveimur yfirþjálfurum í fullt starf er stór hluti af því.

Arngrímur Jóhann Ingimundarson, eða Addi eins og hann er kallaður, hefur verið ráðinn sem yfirþjálfari yngri flokka kvenna og samhliða því mun hann frá 1. október þjálfa 3. og 4. fl kvenna. Addi er að koma nýr inn til félagsins en hann var áður m.a. yfirþjálfari hjá Grindavík og hefur margra ára reynslu af knattspyrnuþjálfun á Íslandi.Gunnar Már Guðmundsson mun vera yfirþjálfari yngri flokka karla ásamt því að þjálfa 4. fl karla frá 1. október.

Gunnar Má þarf vitanlega ekki að kynna sérstaklega fyrir okkar félagsmönnum en hann þekkir félagið út og inn og býr yfir mikilli reynslu og þekkingu á öllu starfi deildarinnar.Gunnar Már og Addi hafa báðir lokið UEFA A þjálfaragráðu og KSÍ Afreksþjálfun Unglinga (UEFA Elite A Youth) þjálfaragráðu.Það er mikill fengur að fá þessa öflugu einstaklinga til að leiða yngra flokka starfið hjá okkur næstu árin, knattspyrnudeildin fagnar því og væntir mikils af samstarfinu.

#FélagiðOkkar

---

---

Þorpið vistfélag úthlutaði í dag fyrstu 43 íbúðum félagsins til ungs fólks og fyrstu kaupenda í Gufunesi. Samhliða úthlutun á fyrstu íbúðunum í Gufunesi var tilkynnt um lækkun á verði íbúðanna.

Alls vildu 132 einstaklingar fá íbúð í þessum fyrsta áfanga, en 82 náðu greiðslumati til kaupa. Dregið var á milli þeirra í ráðhúsi Reykjavíkur af fulltrúa sýslumanns í dag. Þrír umsækjendur voru um hverja íbúð, en tæplega tveir um hverja íbúð með gilt greiðslumat sem dregið var um.

Umsækjendur fá póst í dag um niðurstöðu útdráttar, en einnig þau skilaboð að kaupverð íbúða þeirra hefði lækkað um 470 til 900 þúsund vegna aðgerða ríkisstjórnarinnar um endurgreiðslu á virðisaukaskatti sem hefur lækkað byggingarkostnað umtalsvert. Þorpið hefur ákveðið að láta kaupendur njóta þess og lækkað áður auglýst verð þrátt fyrir mikla eftirspurn. Meðaltalslækkun á kaupverði íbúða sem tilkynnt var kaupendum í dag eftir útdrátt, eru rúmar 700 þúsund frá því verði sem kynnt var umsækjendum fyrir útdrátt.

Kaupendur fá nú vikufrest til að staðfesta kaupin. Í kjölfarið verður gerður kaupsamningur og kaupendur greiða 5% af kaupverði sem innborgun. Til að tryggja réttindi kaupenda verður innborgun þeirra varðveitt á vörslureikningi í nafni viðkomandi fram til þess að íbúðin verður fokheld í haust.

Uppbygging Þorpsins í Gufunesi er hluti af verkefni Reykjavíkurborgar um hagkvæmt húsnæði fyrir ungt fólk og fyrstu kaupendur og er Þorpið fyrsta verkefnið sem fer af stað.

„Það er ánægjulegt að sjá með þessum skýra hætti ávinning af aðgerðum stjórnvalda til lækkunar á byggingakostnaði“ segir Runólfur Ágústsson, verkefnastjóri Þorpsins. „Með sama hætti er það dapurt að upplifa hve margir ná ekki gildu greiðslumati. Sú staða að einstaklingar á leigumarkaði geti ekki komist í eigið húsnæði vegna þess hve hátt hlutfall tekna þeirra fer í leigu, er óviðunandi. Fólk sem greiðir 250 þúsund í mánaðarleigu og myndi lækka greiðslubyrði sína um helming með kaupum á íbúð hjá Þorpinu fær ekki greiðslumat til að fjármagna kaup sín. Sama gildir um námsmenn sem eru án tekna en í flestum tilfellum með góðar framtíðartekjur. Úr þessu átti frumvarp um hlutdeildarlán að bæta, en það var því miður ekki afgreitt á Alþingi nú fyrir þinglok.“ segir Runólfur.

Verð íbúða Þorpsins er sem hér segir:

• Stúdíóíbúðir eru á 19 milljónir króna, tveggja herbergja íbúðir á 27,1 mkr., þriggja herbergja íbúðir á 31,6 mkr og fjögurra herberga íbúðir á 36,5 mkr. 
• Íbúðum fylgir mikil sameign s.s. sameiginlegt þvottahús, veislusalur/kaffihús og pósthús/búr. Einnig fylgja íbúðum grænmetisgarðar og deilibílar.

Mikil umframeftirspurn var eftir öllum íbúðargerðum nema fjögurra herbergja íbúðum, þar sem enn eru óseldar 5 af 12 íbúðum í þessum fyrsta áfanga. Mest var ásóknin í tveggja herberga íbúðir þar sem 25 manns sóttu um 10 íbúðir og í stúdíóíbúðir þar sem 14 manns sóttu um 4 íbúðir.

---

Stjórnendur eru farnir að undirbúa skóla- og frístundastarfið sem hefst 24. ágúst og er gert ráð fyrir því að það verði með hefðbundnum hætti. Óvenjumargir nýir skólastjórnendur eru að hefja störf þetta haustið. 

Grunnskólum borgarinnar fjölgar þetta haustið úr 36 í 38 þar sem þrír nýir skólar taka til starfa í norðanverðum Grafarvogi í stað tveggja áður. Áður voru þar Vættaskóli og Kelduskóli en verða frá og með hausti Borgaskóli og Engjaskóliog Víkurskóli sem er nýsköpunarskóli á unglingastigi. Þá mun Háaleitisskóli sem rekinn var á tveimur starfsstöðvum skiptast í tvo skóla að nýju, Álftamýrarskóla og Hvassaleitisskóla.

Nýir skólastjórnendur
Óvenjumargir nýir skólastjórnendur eru að hefja störf þetta haustið eða átta.  

• Arnheiður Helgadóttir er nýr skólastjóri Klettaskóla en hún starfaði áður sem verkefnastjóri sérkennslu á skóla- og frístundasviði borgarinnar.
• Árný Inga Pálsdóttir er nýr skólastjóri Borgaskóla en hún var áður skólastjóri Kelduskóla.
• Álfheiður Einarsdóttir er nýr skólastjóri í Engjaskóla en hún var áður aðstoðarskólastjóri í Vættaskóla.
• Berglind Stefánsdóttirer nýrskólastjóri í Hlíðaskóla en hún starfaði síðast sem skólastjóri Ål folkhögskole í Noregi.
• Dagný Kristinsdóttir verður skólastjóri í Hvassaleitisskóla en hún starfaði síðast sem framkvæmdastjóri kennslu og þjónustu við Háskólann á Bifröst.
• Helgi Gíslason er nýr skólastjóri í Fellaskóla en hann hefur verið aðstoðarskólastjóri þar síðastliðin ár. 
• Rósa Harðardóttir tekur við stjórnartaumum í Selásskóla en hún starfaði áður sem verkefnastjóri við skólann.
• Þuríður Óttarsdóttir er nýr skólastjóri í Víkurskóla en hún stýrði áður Vættaskóla.

Meira hérna https://reykjavik.is/frettir/undirbuningur-fyrir-skolastarfid-kominn-fullt

---

---

Sunnudaginn 9. ágúst verður kaffihúsamessa með breyttu sniði í Grafarvogskirkju kl. 11:00.

Sr. Guðrún Karls Helgudóttir þjónar og Guðrún Eggertsdóttir predikar. Organisti er Hákon Leifsson.

Við tryggjum hreinlæti, virðum fjarlægðamörk og hámarksfjölda

Verið hjartanlega velkomin í Grafarvogskirkju.

Ásta Vilhelmína Guðmundsdóttir og Soffía Sæmundsdóttir sýna textílverk, málverk og teikningar.“Að fara að heiman og koma sér fyrir á nýjum stað þar sem allt er ókunnugt hreyfir við hugsuninni og opnar á nýja hluti. Rýmið sem skapast virðist stórt og mikið pláss og frelsi. En hvað kemur þá? Hvað situr eftir?“Sýningin er afrakstur mánaðardvalar tveggja listakvenna frá Íslandi á gestavinnustofum í Düsseldorf í Þýskalandi.Ásta Vilhelmína Guðmundsdóttir er listakona og hönnuður.

Verk hennar jafnt í hönnun sem listsköpun eru gjarnan undir áhrifum frá veðráttu og náttúru. Þau eru full af andstæðum líkt og íslensk náttúra, eins og kraftmikill stormur eða draumkennt íslenskt landslag. www.astaclothes.isSoffía Sæmundsdóttir hefur verið virk á myndlistarvettvangi undanfarinn áratug.

Soffía er einkum kunn af málverkum sínum, en vinnur einnig teikningar og grafík og sækir innblástur í náttúru og landslag og veltir fyrir sér sambandi manneskjunnar við það. http://soffia-malarinn.blogspot.com/Verið öll velkomin á opnun sýningarinnar, miðvikudaginn 15. júlí kl. 17!Nánari upplýsingar:

Sigríður Stephenesen
sigridur.steinunn.stephensen@reykjavik.is

---

---