Tvö sterkustu stúlknaskákmót ársins voru haldin í Rimaskóla um helgina. Íslandsmót grunnskólasveita stúlkna og Íslandsmót stúlkna. Skemmst er frá því að segja að Rimaskólastúlkur urðu sigurvegarar í öllum aðalflokkum mótanna. A sveit Rimaskóla vann sinn stærsta sigur þegar skáksveitin vann allar sínar viðureignir 4-0 og hefur engum skóla tekist að afreka það fyrr.

Rimaskóli er ekki óvanur að sigra á þessu Íslandsmóti því að þetta var í 11. sinn á 13 árum sem skólinn sigrar. B sveit skólans var í 5 sæti, efst B sveita og til að kóróna frábæra frammistöðu Grafarvogs þá varð efnileg skáksveit Foldaskóla í 3. sæti. Flestar þessar stúlkur hafa æft með skákdeild Fjölnis þar sem barna og unglingastarfið virðist árangursríkt svo ekki sé meira sagt.

Miðað við yfirburði Rimaskóla og að allar þessar stelpur eiga 2 – 3 ár eftir í grunnskóla þá er framtíðin björt. Íslandsmeistarar Rimaskóla eru Nansý Davíðsdóttir, Valgerður Jóhannesdóttir, Ásdís Birna Þórarinsdóttir, Heiðrún Anna Hauksdóttir og Tinna Sif Aðalsteinsdóttir.

Á Íslandsmóti stúlkna daginn eftir unnu Rimaskólastúlkurnar Valgerður Jóhannesdóttir eldri flokk og Nansý Davíðsdóttir yngri flokk. Til hamingju stúlkur með þennan frábæra árangur.

Follow

Aðalfundur félagsins verður haldinn mánudaginn 2. febrúar 2015 kl. 20:00.

Dagskrá

Venjuleg aðalfundarstörf

Fundarefni

Elín Lóa Kristjánsdóttir, trúarbragðafræðingur og kennari við Guðfræði- og trúarbragðafræðideild Háskóla Íslands, fjallar um helstu grundvallaratriði Íslam – Hvað er sameiginlegt með Kristinni trú og Íslam og hvað aðskilur þessi tvö stærstu trúarbrögð heimsins? Leitað verður svara við áleitnum spurningum sem spretta af atburðum undanfarinna missera.

Við hvetjum Grafarvogsbúa til að nýta þetta tækifæri til að fræðast um málefni sem koma okkur öllum við. Ennfremur hvetjum við ykkur til að fjölmenna á aðalfundinn og nýta möguleikann á að hafa áhrif á starfsemi félagsins og eiga í leiðinni ánægjulega stund í góðum hópi. Kaffi og úrvals meðlæti ☺

Hlökkum til að sjá ykkur!
Stjórnin

Follow

Grafarvogskirkja

Guðsþjónusta kl. 11.00
Fundur með foreldrum og fermingarbörnum úr Vættaskóla Engi og Kelduskóla Vík
Prestar: séra Vigfús Þór Árnason og séra Arna Ýrr Sigurðardóttir
Kór kirkjunnar syngur
Organisti: Hákon Leifsson

Sunndagaskóli kl. 11.00
Prestur: séra Guðrún Karls Helgudóttir
Umsjón hefur Ásthildur Guðmundsdóttir
Undirleikari: Stefán Birkisson

Kirkjuselið í Spöng

Selmessa kl. 13.00
Prestur: séra Guðrún Karls Helgudóttir
Stúlknakór Reykjavíkur syngur undir stjórn Margrétar Pálmadóttur
Organisti: Hákon Leifsson

Sunnudagaskóli á sama tíma
Umsjón hefur Þóra Björg Sigurðardóttir
Undirleikari: Stefán Birkisson

Follow

Grafarvogur er eitt af þeim hverfum sem verða með forritunar- og tæknikennslu í boði eftir skóla nú á vorönn 2015 og er þetta í fyrsta skipti sem slík forritunarkennsla er færð inn í hverfið.

Kennslan fer fram í Rimaskóla á mánudögum frá kl. 16 – 17.15 fyrir aldurinn 7-10 og frá kl. 17.30 – 18.45 fyrir eldri hópinn eða 11-16 ára. Fyrsti kennsludagurinn er miðvikudagurinn 9. febrúar.

Hér er um að ræða 10 vikna námskeið og er hægt að nýta frístundastyrki sveitarfélaganna sem greiðslu fyrir námskeiðin.

Báðir hópar læra undirstöðuatriði forritunar í gegnum þrívíða forritunarumhverfið Alice. Notast verður við hugarkort og söguborð við hönnun tölvuleikja. Alice er sjónrænt ,,drag and drop” umhverfi sem kemur í veg fyrir villuskilaboð við keyrslu. Þátttakendur geta því einbeita sér að því sem skiptir máli á þessu stigi, að ná hugsuninni á bak við forritun.

Góð kveðja
Árdís, framkvæmdastjóri Skema

Follow

Marilyn Herdís er á vaktinni frá 12-16 í dag og tekur hjartanlega vel á móti ykkur!

Útskriftir, útskriftir úrval fallegra útskriftagjafa.
The gallery is open today from 12-16. Marilyn Herdís will be there to welcome you!

Mikið af fallegum gjafahugmyndum.

Follow

Fjölnir tryggði sér í kvöld efsta sætið í A-riðli Reykjavíkurmótsins með 2-1 sigri á KR.

Fínn hraði var á leiknum og voru það KR-ingar sem skoruðu fyrsta markið. Það gerði Gunnar Þór Gunnarsson á 17. mínútu þegar hann skallaði boltann í netið.

Fjölnismenn jöfnuðu metin rúmum 20 mínútum síðar þegar Aron Sigurðarson kom með þrumufleyg utan teigs sem söng í samskeytunum.

Sigurmark leiksins kom síðan skömmu eftir leikhlé. Birnir Snær Ingason gerði markið, en hann er 18 ára gamall.

Bæði lið fara í undanúrslit mótsins ásamt Leikni, en á morgun kemur í ljós hvert fjórða liðið verður

Follow

Annað kvöld, föstudaginn 30. janúar, eigast við ÍR og Fjölnir við í Dominosdeild karla í körfuknattleik. Leikurinn er gríðarlega mikilvægur fyrir bæði lið til að halda sér í deild þeirra bestu. Með sigri komast Fjölnisstrákar enn lengra frá botnsætinu og ætla strákarnir sér að fylgja eftir góðum sigri á Haukum í síðustu viku.

Stuðningur úr stúkunni er alltaf mikilvægur og enn mikilvægari í svona stórum leik eins og leikurinn á föstudag verður. Þess vegna viljum við sjá alla Grafarvogsbúa og Fjölnismenn í Seljaskóla að hjálpa strákunum okkar að ná fram sigri.

Körfuknattleiksdeild Fjölnis ætlar að hita upp fyrir leikinn í Dalhúsum og bjóða öllu Fjölnisfólki upp á hamborgara og gos frá kl. 17.30 á föstudaginn í hátíðarsal Dalhúsa. Hjalti þjálfari kemur og segir okkur aðeins frá leiknum og síðan förum við öll saman í Seljaskóla og hvetjum strákana okkar áfram !

Stuðningsmenn eru hvattir til að mæta í  Fjölnisbúning / gulu og gera þannig stemminguna ennþá betri en í tveimur síðustu leikjum !

Follow

Tillaga um að sundferðir og bókasafnsskírteini verði áfram gjaldfrjáls fyrir atvinnulausa og einstaklinga með fjárhagsaðstoð til framfærslu í Reykjavík árið 2015 var samþykkt á fundi velferðarráðs í lok árs.

Einstaklingur getur sótt um sundkort og bókasafnsskírteini á þjónustumiðstöð í sínu hverfi. Þegar þjónustufulltrúi hefur samþykkt beiðni getur umsækjandi valið í hvaða sundlaug hann sækir sundkort og í hvaða útibúi Borgabókasafnsins hann vill sækja bókasafnskírteinið.

Kostnaðarmat gerir ráð fyrir um 5,6 m.kr. kostnaði Reykjavíkurborgar á árinu 2015 og er það miðað við fjölda sundferða og bókasafnsskírteina undanfarin ár að teknu tilliti til verðlagshækkana.

Þjónustumiðstöðvar:

Þjónustumiðstöð Vesturbæjar – Vesturgarður, Hjarðarhaga 45-47, s. 411 1700
Þjónustumiðstöð Miðborgar og Hlíða, Laugavegi 77, s. 411 1600
Þjónustumiðstöð Laugardals og Háaleitis, Síðumúla 39, s. 411 1500
Þjónustumiðstöð Grafarvogs og Kjalarness, Miðgarður, Gylfaflöt 5, s. 411 1400
Þjónustumiðstöð Breiðholts, Álfabakka 12, s. 411 1300
Þjónustumiðstöð Árbæjar og Grafarholts, Hraunbæ 115, s. 411 1200

Þjónustuver Reykjavíkurborgar sími 4 11 11 11

Follow

Meistaraflokkur Fjölnis tryggði sér í kvöld farseðilinn í undanúrslit Reykjavíkurmótsins.

Liðið mætti Fylki í hörkuleik í kvöld, þar sem ekkert var gefið eftir, ekki frekar enn fyrri daginn.

Aron Sigurðarson kom Fjölni yfir í leiknum með góðri vítaspyrnu, eftir að Kristján Hauksson hafði brotið á Gunnar Már Guðmundsson inní teig. Hnitmiðuð spyrna niðrí í vinstra hornið.

Lið Fjölnis spilaði mun betri leik en þeir gerðu gegn Fram í síðasta leik, allt annað var að sjá sóknarleik liðsins, en líkt og gegn Fram, var varnarleikurinn mjög góður. Það dró þó af mönnum þegar leið á leikinn og lá mark Fylkis í loftinu lengi vel, en Steinar Örn sem stóð á milli stanganna í kvöld varði oft á tíðum glæsilega og hélt Fjölni á floti. Fylkir jafnaði leikinn þegar rúmar 10 mínútur voru eftir af leiktímanum. En Fjölnismenn spýttu þá all verulega í lófana og uppskáru frábært mark eftir gott uppspil sem endaði hjá Viðari Ara sem lagði boltann út á Birni Ingason sem tryggði stigin þrjú og sæti í undanúrlsitum keppninnar.

Nú er eina vitið fyrir fólk að gera sér ferð í Egilshöllina næsta Fimmtudag þegar liðið mætir KR í lokaleik riðilsins og úrslitaleik uppá sigur í riðlinum, en bæði lið hafa nú þegar tryggt sér sæti í undanúrlslitum.

Follow