- HEIM
- FRÉTTIR
- MYNDIR
- HVERFIÐ OKKAR
- AÐSENT EFNI
- ÍÞRÓTTIR
- UM OKKUR
Fjölnismenn tóku á móti Skallagrím í Dominos-deild karla í körfuknattleik í kvöld. Leikurinn hafði gríðarlega þýðingu fyrir bæði lið, sem voru með 6 stig fyrir umferðina. Að henni lokinni eru það Fjölnismenn sem fagna því áttunda því gerðu sér lítið fyrir og unnu sannfærandi sigur á Skallgrím 88:78 eftir að hafa nánast rotað meðvitundarlitla Skallagrímsmenn í seinni hálfleik.
Fyrri hálfleikurinn var fjörugur; leikmenn beggja liða sýndu að þeir voru tilbúnir í þennan mikilvæga leik, sem og vildu sigra. Baráttan var mikil, á kostnað gæðanna en það skipti engum togum; leikurinn var skemmtilegur og ef merkja mátti mun voru það gestirnir sem voru betri í fyrri hálfleiknum ef eitthvað var.
Leikurinn hin mesta skemmtun því allir leikmenn sem koma inná sýna það að þeir gera sér fullvel grein fyrir mikilvægi leiksins. Þetta skapar rafmagnaða spennu og baráttan alveg skínandi hjá flestum. Munurinn á liðinum er nánast enginn; Skallarnir hafa að vísu sýnt meiri stöðugleika í sókninni en alveg ljóst að Fjölnismenn munu ekki missa þá of langt frá sér í þessum leik nema eitthvað stórkostlegt gerist! VArnarleikur beggja liða hefur verið viðunandi en ástæða lágs stigaskors reiknast alls ekki á varnarleikinn heldur hann í bland við klaufalegar sóknir liggja þar að baki. Þetta skiptir hinsvegar engu máli; stigin eftir hann er það eina sem skiptir máli og ljóst að fagurfræði er ekki undirliggjandi mótíf hjá leikmönnum og þjálfurum liðanna.
Liðin sem ná upp góðri stemningu og liðsanda; sjálfstrausti og áræðni, munu halda sér uppi en mér finnst eins og öll þrjú liðin séu á nákvæmlega á þessum stað? Góð liðsstemning, áræðni, þor og geta, prýða öll liðin þessa dagana, þó svo að sigrum rigni ekki inn þá sést það bara á holningunni. En burtséð frá þessum vangaveltum þá fer að hefjast hér mikilvægasti leikur leiktíðarinnar, á því er enginn vafi!
Liðin eru með 6 stig á botni deildarinnar, ásamt ÍR-ingum, og allt stefnir í harðan slag þessara þriggja liða um hvert þeirra heldur sæti sínu. Ljóst er að sigurliðið í kvöld sleppur úr fallsæti, allavega bili, en ÍR verður í öðru tveggja neðstu sætanna eftir að hafa tapað fyrir Tindastóli í gærkvöld.
Innbyrðis úrslit þessara þriggja liða geta skipt gífurlega miklu máli og ráða úrslitum ef þau verða jöfn að stigum í lokin. Fjölnir vann Skallagrím 113:110 í fyrri leik liðanna í Borgarnesi og því þarf Skallagrímur fjögurra stiga sigur í kvöld til að vera með betri innbyrðis stöðu.
Biblíumessa kl. 11.00, þemamessa í tilefni Biblíudagsins.
Séra Guðrún Karls Helgudóttir þjónar fyrir altari.
Kór kirkjunnar syngur.
Organisti: Hákon Leifsson.
Sunnudagaskóli kl. 11.00
Séra Arna Ýrr Sigurðardóttir
Umsjón hefur Þóra Björg Sigurðardóttir
Undirleikari: Stefán Birkisson.
Selfie messa kl. 13.00
Sr. Arna Ýrr leiðir stundina, KK sér um tónlistina og segir frá, auk innleggs frá Fritz Má Jörgenssyni og Díönu Ósk Óskarsdóttur. Fermingarbörn og foreldrar þeirra eru sérstaklega hvött til að koma.
Að messu lokinni verður fræðslusamvera með foreldrum fermingarbarna. Þar verður fjallað um mikilvægi þess að foreldrar veiti börnum sínum umhyggju, aðhald og eftirlit, Brynhildur fíkniráðgjafi talar um nýjar áskoranir sem foreldrar unglinga standa frammi fyrir og Guðrún Dóra geðlæknir greinir frá áhrifum kannabisefna á andlega og líkamlega heilsu til lengri og styttri tíma.
Sunnudagaskóli á sama tíma.
Umsjón hefur Ásthildur Guðmundsdóttir.
Undirleikari: Stefán Birkisson.
Ánægja íbúa Reykjavíkur með þjónustu borgarinnar og umhverfi var könnuð undir lok síðasta árs og liggja niðurstöður nú fyrir. Annars vegar var gerð viðhorfskönnun á þjónustu sveitarfélagsins í heild og hins vegar þjónustu í hverfum borgarinnar.
Með skiptingu könnunarinnar eftir hverfum verður hægara um vik að bæta þjónustuna. Almennt séð voru svarendur ánægðari með þjónustu í sínu hverfi en Reykjavík í heild. Íbúar í Vesturbæ og Laugardal eru á pari við ánægju íbúa þeirra sveitarfélaga sem skoruðu hæst í heildarkönnun.
79% íbúa telja Reykjavík góðan stað til að búa á og þegar spurt er um hverfið þá telja 89% hverfið sitt góðan stað til að búa á. 57% Reykvíkinga eru ánægðir með þjónustu borgarinnar á heildina litið og hefur hlutfall ánægðra hækkað um 10 prósentustig frá árinu 2010.
Capacent sá um framkvæmd kannana og svöruðu 984 Reykvíkingar 18 ára og eldri í heildarkönnun og 1031 Reykvíkingur 18 ára og eldri í könnun um þjónustu í hverfunum. Sömu spurningar voru lagðar fyrir nema að því leyti að spurt var um Reykjavík sem heild í sveitarfélagakönnuninni en spurt um afstöðu til hverfa í seinni könnuninni. Kannanirnar voru framkvæmdar í október – desember.
Niðurstöður kannana Capacent Gallup:
Stórleikur er hjá Fjölnismönnum í knattspyrnunni í kvöld þegar liðið mætir Valsmönnum í undanúrslitum á Reykjavíkurmótinu. Fjölnismenn hafa leikið á köflum ágætlega til þessa á mótinu og er ljóst að um jafna og spennandi viðureign verður um ræða gegn Hlíðarendapiltum í Egilshöllinni. Leikur liðanna hefst klukkan 18.45.
Athygli skal vakin á því að ekkert kostar á leikinn og verður hann einnig á beinni útsendingu á Sporttv.is. Grafarvogsbúar er hvattir til að fjölmenna og hvetja sína menn til dáða.
Rafrænar íbúakosningar undir merkinu Betri hverfi 2015 verða haldnar í Reykjavík dagana 17. – 24. febrúar nk. Þetta er í fjórða sinn sem slíkar kosningar eru haldnar um verkefni í hverfum borgarinnar en hugmyndirnar að verkefnunum eiga íbúarnir sjálfir.
Allir sem eiga lögheimili í Reykjavík og eru orðnir 16 ára geta tekið þátt í kosningunum. Til að komast inn á kosningavefinn verða íbúar að eiga Íslykil eða rafræn skilríki til auðkenningar og er nauðsynlegt að hafa slík auðkenni tiltæk áður en haldið er á „kjörstað“ í tölvunni sinni eða spjaldtölvu.
Kosið er á milli allt að 20 hugmynda í tíu hverfum borgarinnar.
Hugmyndum að verkefnum í hverfum borgarinnar var safnað í október á síðasta ári og bárust 690 hugmyndir frá íbúum inn á vefinn Betri hverfi 2015 sem var metfjöldi í hugmyndasöfnun fyrir hverfin.
Alls hafa verið verðmerktar hugmyndir að verkefnum fyrir rúmlega 820 milljónir króna en fjárheimild hverfanna er um 300 milljónir á þessu ári.
Í kosningunum forgangsraða íbúar verkefnum í sínum hverfum. Niðurstöður kosninganna eru bindandi fyrir Reykjavíkurborg sem skuldbindur sig til að framkvæma þau verkefni sem kosin eru.
Þegar hafa verið framkvæmd verkefni fyrir 900 milljónir króna sem kosin hafa verið af íbúum í Reykjavík sl. þrjú ár. Með kosningunum núna hefur Reykjavíkurborg alls lagt 1.200 milljónir króna í að framkvæma hugmyndir íbúa í hverfum borgarinnar.
Þér er boðið á frábæran fyrirlestur um vináttu barna og unglinga.
Fyrirlesari: Vanda Sigurgeirsdóttir, lektor við Háskóla Íslands
Tími: Miðvikudagurinn 11. febrúar kl. 20:00
Staður: Hlaðan í Gufunesbæ
Fjallað verður um mikilvægi vináttu fyrir börn og unglinga. Megináhersla verður lögð á leiðir fyrir foreldra til að geta aðstoðað
börn sín við að eignast vini og halda þeim.
Léttar veitingar í boði.
Við vonumst til að foreldrar fjölmenni á fyrirlesturinn. Miklu máli skiptir að börnum okkar líði vel og það eru leiðir til þess að bæta líðan þeirra. Það er einnig mikilvægt að við foreldrarnir fáum tækifæri til að hittast og efla samstöðu okkar.
Hlökkum til að eiga góða kvöldstund með ykkur, fyrirlesturinn er sameiginlegur öllum foreldrafélögum í Grafarvogi og Kjalarnesi
Umsjón í ár er í höndum Foreldrafélags Foldaskóla
Vinátta barna og unglingaÞér er boðið á frábæran fyrirlestur um vináttu barna og unglinga
Fyrirlesari: Vanda Sigurgeirsdóttir, lektor við Háskóla Íslands
Tvö sterkustu stúlknaskákmót ársins voru haldin í Rimaskóla um helgina. Íslandsmót grunnskólasveita stúlkna og Íslandsmót stúlkna. Skemmst er frá því að segja að Rimaskólastúlkur urðu sigurvegarar í öllum aðalflokkum mótanna. A sveit Rimaskóla vann sinn stærsta sigur þegar skáksveitin vann allar sínar viðureignir 4-0 og hefur engum skóla tekist að afreka það fyrr.
Rimaskóli er ekki óvanur að sigra á þessu Íslandsmóti því að þetta var í 11. sinn á 13 árum sem skólinn sigrar. B sveit skólans var í 5 sæti, efst B sveita og til að kóróna frábæra frammistöðu Grafarvogs þá varð efnileg skáksveit Foldaskóla í 3. sæti. Flestar þessar stúlkur hafa æft með skákdeild Fjölnis þar sem barna og unglingastarfið virðist árangursríkt svo ekki sé meira sagt.
Miðað við yfirburði Rimaskóla og að allar þessar stelpur eiga 2 – 3 ár eftir í grunnskóla þá er framtíðin björt. Íslandsmeistarar Rimaskóla eru Nansý Davíðsdóttir, Valgerður Jóhannesdóttir, Ásdís Birna Þórarinsdóttir, Heiðrún Anna Hauksdóttir og Tinna Sif Aðalsteinsdóttir.
Á Íslandsmóti stúlkna daginn eftir unnu Rimaskólastúlkurnar Valgerður Jóhannesdóttir eldri flokk og Nansý Davíðsdóttir yngri flokk. Til hamingju stúlkur með þennan frábæra árangur.
Aðalfundur félagsins verður haldinn mánudaginn 2. febrúar 2015 kl. 20:00.
Venjuleg aðalfundarstörf
Elín Lóa Kristjánsdóttir, trúarbragðafræðingur og kennari við Guðfræði- og trúarbragðafræðideild Háskóla Íslands, fjallar um helstu grundvallaratriði Íslam – Hvað er sameiginlegt með Kristinni trú og Íslam og hvað aðskilur þessi tvö stærstu trúarbrögð heimsins? Leitað verður svara við áleitnum spurningum sem spretta af atburðum undanfarinna missera.
Við hvetjum Grafarvogsbúa til að nýta þetta tækifæri til að fræðast um málefni sem koma okkur öllum við. Ennfremur hvetjum við ykkur til að fjölmenna á aðalfundinn og nýta möguleikann á að hafa áhrif á starfsemi félagsins og eiga í leiðinni ánægjulega stund í góðum hópi. Kaffi og úrvals meðlæti ☺
Hlökkum til að sjá ykkur!
Stjórnin