Sr. Arna Ýrr Sigurðardóttir þjónar, Kór Grafarvogskirkju leiðir söng, organisti er Hákon Leifsson.
Sunnudagaskóli kl. 11. Umsjón hefur Benjamín Pálsson, undirleikari Stefán Birkisson.
Selmessa sunnudaginn 17. apríl kl. 13 í Kirkjuselinu
Sr. Arna Ýrr Sigurðardóttir þjónar, Vox Populi leiðir sönginn, Hilmar Örn Agnarsson spilar undir.
Sunnudagaskóli kl. 13. Umsjón, Rósa Ingibjörg Tómasdóttir, undirleikari Stefán Birkisson.
Borgarstjóri býður til fundar með íbúum Grafarvogs þriðjudaginn 19. apríl, kl. 20.00 í Rimaskóla. Heitt á könnunni frá kl. 19.45
Danski framherjinn Marcus Solberg hefur skrifað undir samning við Fjölnis þess efnis að leika með liðinu í Pepsídeildinni í knattspyrnu í sumar. Þetta er sjötti erlendi leikmaðurinn sem Fjölnir hefur fengið í sínar raðir fyrir verkefnin í sumar.
Solberg 21 árs framherji og hefur leikið með dönskum liðunum Aarhus og Silkeborg auk þess sem hann á leiki með yngri landsliðum Dana.
Dagur B. Eggertsson borgarstjóri mun flytja skrifstofu sína í félagsheimilið Borgir í Spönginni 43. Hann mun heimsækja skóla, stofnanir, íþróttafélög og fyrirtæki í hverfinu.
Þetta er í sjötta sinn sem borgarstjóri færir sig um set innan borgarinnar en hann var í Árbæjarhverfi í mars, í Breiðholti í apríl, í Hlíðum og Norðurmýri í september, í Laugardal í nóvember á síðasta ári. í janúar á þessu ári var hann í Háaleiti-Bústöðum.
Haldinn verður opinn hverfafundur með íbúum í hverfinu þriðjudaginn 19. apríl nk. Til umræðu á fundinum verður allt sem tengist hverfinu, framkvæmdir, þjónusta og hverfisskipulag verður kynnt. Hverfisskipulaginu er ætlað að auðvelda skipulag, áætlanagerð og hvetja fólk til að hafa aukin áhrif á hverfið sitt.
Góðan daginn,
Þriðjudaginn 12. apríl kl. 17:00 mun Dagur B. Eggertsson borgarstjóri koma í heimsókn til okkar Fjölnismanna í Sportbitann í Egilshöll, fundurinn er opinn öllum Fjölnismönnum. Á fundinum er kjörið tækifæri fyrir okkur að segja hvað okkur býr í brjósti, við hvetjum fólk til að mæta og vera með málefnalegar fyrirspurnir varðandi íþróttamálin í hverfinu okkar.
Hlökkum til að sjá ykkur,
Bestu kveðjur,
Málfríður Sigurhansdóttir
Íþrótta- og félagsmálastjóri
Ungmennafélagsins Fjölnir
frida@fjolnir.is
578-2700
Íslandsmót barnaskólasveita 2016 í skák var haldið í Rimaskóla um helgina. Alls mættu rúmlega 30 skáksveitir til leiks frá um 20 skólum alls um 150 krakkar á aldrinum 6 – 12 ára. Rimaskóli átti flestar skáksveitir á mótinu og frammistaða sveitanna ekkert til að skammast sín fyrir. Skólinn vann fyrstu verðlaun í flokkum B , C og D. Það var aðeins í A flokki sem verðlaun náðust ekki að þessu sinni en í þeirri sveit voru einungis drengir í 5. bekk sem eiga tvö ár eftir í barnaskólaflokki. Í frétt á vefnum www.skak.is mátti lesa eftirfarandi:
„Rimaskóli blandaði sér ekki í baráttunni um Íslandsmeistaratitilinn að þessu sinni en náði þó frábærum árangri. Þannig urður b-d sveitir skólans efstar b-d sveita og sýnir það þá miklu breidd skákmanna sem einkennir skákstarf skólans. Lítill getumunur virtist vera á sveitum skólans enda vann b-sveitin a-sveitin 4-0 í fyrstu umferð! Sannarlega öflugur og jafn hópur skákkrakka sem Helgi Árnason hefur komið upp.“
Helgi á hrós skilið fyrir frábæran árangur skákkrakka í Grafarvoginum.
Séra Guðrún Karls Helgudóttir hefur verið skipaður sóknarprestur í Grafarvogskirkju frá 1. maí að telja. Guðrún Karls sagði í samtali við grafarvogsbuar.is vera glöð og stolt og hlakka til að takast á við nýju verkefnin og halda áfram því góða starfi sem unnið hefur verið í kirkjunni. Hún er íbúum hverfisins að góðu kunn en hún hefur gegnt prestmennsku í Grafarvogssókn í átta ár en þess má geta að Vigfús Þór Árnason lætur senn af störfum við kirkjuna.
,,Starfsfólkið í kirkjunni er stórkostlegt sem gerir starfið svo lifandi og skemmtilegt. Okkur stærstu sóknarfæri núna er það sem tengist kirkjuselinu og því sem er að gerast þar upp frá. Við erum að vinna í stefnumótun og verið í samtali við hinar ýmsu stofnanir og félög í hverfinu um samstarf og samvinnu. Það er komið nokkuð langt á veg og þar getum við sagt að sé mikill vaxtabroddur,“ sagði Guðrún Karls.
– Eru íbúar í Grafarvogi duglegir að sækja kirkjuna?
,,Já, það eru þeir og við getum sagt að það sé ágætis messusókn í Grafarvogi. Það er mikið líf í kirkjunni allt árið um kring má segja. Sú umræða sem kemur stundum fram í fjölmiðlun að það sé minnkandi traust á kirkjunni, sem reyndar er að aukast aftur, höfum við ekki fundið fyrir hér í Grafarvogssókn. Við finnum bara fyrir aukinni kirkjusókn og hér fara í gegn þúsundir í hverri viku og fólk er glatt og ánægt með þjónustuna sem það fær hér,“ sagði Guðrún Karls.
Hún var innt eftir starfinu sem fram færi í kirkjunni og kom hún sérstaklega inná barna- æskulýðs, og kórastarfið.
,,Í kirkjunni er ennfremur mikil sálgæsla og alls kyns og hópastarf fyrir fullorðna og eldri borgara. Svo eru hér helgistundir marga daga vikunnar. Allt þetta sem ég nefndi er fyrir utan starfið sem unnið er um helgar þar sem eru guðþjónustur á tveimur stöðum og tveir sunnudagaskólar. Grafarvogskirkja sér í auknum mæli um ýmsar athafnir og í því sambandi er hægt að nefna jarðarfarir, oft fjóra daga vikunnar. Það er svo sannarlega í mörg horn að líta í einni stærstu sókn landsins,“ Guðrún Karl Helgudóttir nýskipaður prestur í Grafarvogsprestakalli.
Þess má geta að 15.maí næstkomandi útskrifast Guðrún Karls sem ,,Doctor of ministry“ í prédikunarfræðum. Hún hefur verið að stunda það nám undanfarin fjögur ár og varði ritgerð sína í síðustu viku í Svíþjóð og heldur síðan til Chicago í maí til að útskrifast. Að sögn Guðrúnar Karls hefur hún stundað námið í lotum, farið út tvisvar á ári, fyrst til Uppsala í Svíþjóð þar sem hún tók fyrri hlutann og síðan til Chicago þar sem hún tók síðari hlutann.
Frestur fyrir hugmyndaríka einstaklinga eða hópa til að taka að sér almenningssvæði í borginni og gæða þau meira lífi hefur verið framlengdur til 18. apríl.
Verkefnið sem heitir Torg í biðstöðu felur í sér að endurskilgreina not af svæðum sem ekki eru fastmótuð til framtíðar. Verkefnin eiga að vekja íbúa og aðra hagsmunaaðila til umhugsunar um sitt nánasta umhverfi og virkja þá til að taka þátt í að þróa svæðin til framtíðar. Í ár er einkum leitað eftir verkefnum sem lífga svæði með auknu mannlífi, en það geta verið markaðir, leikir eða annað sem dregur fleiri borgarbúa út undir bert loft.
Hóparnir sem taka að sér verkefni finna tímabundnar og skemmtilegar lausnir á sínu svæði og kanna möguleika þeirra með tilraunum. Gert er ráð fyrir því að byrjað verði á verkefnunum í maí. Frjálst er að sækja um hvaða svæði sem er en einkum er horft til eftirfarandi svæða:
Frestur til að sækja um þátttöku hefur verið framlengdur til 18. apríl 2016. Umsóknir skal merkja „umsókn um biðsvæði“ og senda á Hildi Gunnlaugsdóttur, netfang hildurg@reykjavik.is.
Fjölnismenn komu sér í úrslit 1. deildar karla í körfuknattleik er þeir lögðu ÍA að velli í undanúrslitunum, 77:72, en leikið var á Akranesi.
Grafarvogspiltar unnu þar með einvígið 3:1 og mæta þar annað hvort Valsmönnum eða Skallagrími. Þar er staðan hnífjöfn eftir leik kvöldsins.
Borgnesingar jöfnuðu einvígið í kvöld með sigri á heimavelli í Borgarnesi, 78:71, staðan 2:2 og því úrslitaleikur framundan að Hlíðarenda.
Akranes – Vesturgata, 1. deild karla, 07. apríl 2016.
Gangur leiksins:: 5:2, 8:12, 8:15, 11:18, 19:26, 28:33, 31:38, 38:38, 38:45, 44:45, 48:53, 51:59, 58:62, 60:66, 64:72,72:77.
ÍA: Sean Wesley Tate 28/6 fráköst, Jón Orri Kristjánsson 11/11 fráköst, Fannar Freyr Helgason 9/6 fráköst, Áskell Jónsson 7, Erlendur Þór Ottesen 7/7 fráköst, Ómar Örn Helgason 6, Magnús Bjarki Guðmundsson 4/4 fráköst.
Fráköst: 22 í vörn, 14 í sókn.
Fjölnir: Róbert Sigurðsson 21/7 fráköst/6 stoðsendingar, Bergþór Ægir Ríkharðsson 14, Árni Elmar Hrafnsson 12, Collin Anthony Pryor 11/15 fráköst/6 stoðsendingar, Garðar Sveinbjörnsson 7, Hreiðar Bjarki Vilhjálmsson 5, Sindri Már Kárason 4/4 fráköst, Egill Egilsson 3.
Fráköst: 25 í vörn, 10 í sókn.
Nú fjölmennum við á úrslitaleikina.
