Fyrri hluti Íslandsmóts skákfélaga 2016-2017 fer fram dagana 29. sept – 2. okt.  nk.  Mótið fer fram í Rimaskóla í Reykjavík.  1. umferð (eingöngu í 1.deild) mun hefjast kl. 19.30 fimmtudaginn 29. september.

Aðrar deildir munu hefja taflmennsku föstudaginn 30. september. kl. 20.00 og síðan tefla 1. október  kl. 11.00 og kl. 17.00 sama dag.  Síðasta umferðin í fyrri hlutanum hefst kl. 11.00 sunnudaginn 2. október.

Umhugsunartími er 90 mín. á skákina + 30 sek. viðbótartími bætist við eftir hvern leik.

Veitingasala er á staðnum og eru það krakkar úr 10.bekk sem sjá um það.

Allir velkomnir.

Mynd: Baldvin Örn Berndsen

Í kvöld verður slökkt á götulýsingu á völdum stöðum í Reykjavík svo íbúar og gestir geti notið magnaðrar norðurljósasýningar sem spáð er á himni þegar aldimmt verður orðið í kvöld og nótt.

Norðurljósin hafa glatt Reykvíkinga að undanförnu og svo verður einnig í kvöld 28. september samkvæmt norðurljósaspá. Reykjavíkurborg hefur því ákveðið að slökkva götulýsingu í völdum hverfum milli kl. 22 og 23 en þá eru góðar líkur á mikilli virkni norðurljósa.

Virknin var góð seint í gærkvöldi og náði svo hámarki milli kl. 2 og 3 um nóttina. Miklar líkur eru á að svo verði einnig í kvöld. Til að norðurljósin sjáist betur og víðar mun verða slökkt á götuljósum í Reykjavík í kvöld á milli kl. 22 og 23. Verður slökkt á lýsingu í Vesturbæ, Miðborg, Hlíðum, Grafarvogi, Laugarási, Heima- og Vogahverfi, Túnum, Skólavörðuholti, Fellum, Bergum og Hólum í Breiðholti ásamt Seljahverfi.

Reykvíkingum ætti því að gefast einstakt tækifæri á því að sjá magnaða norðurljósasýningu í kvöld við betri aðstæður en oft áður. Enginn veit þó fyrr en eftir á hvenær virknin verður mest.

Íbúar eru hvattir til að taka þátt og slökkva ljósin í íbúðarhúsum sínum líka svo myrkvunin verði sem mest og ljósmengun sem minnst. Þá mætti gjarnan slökkva á lýsingum bygginga í borginni.

Lögreglan, slökkviliðið og Orkuveita Reykjavíkur hefur verið upplýst um málið. Fólk er hvatt til að aka einstaklega varlega á þessum svæðum og sýna tillitssemi á meðan myrkvun stendur.

Segulmælingastöðin í Leirvogi

Fróðleikur um norðurljósin 

2. flokkur karla Fjölnis varð í gær bikarmeistari í knattspyrnu þegar að liðið lagði Keflavík/Njarðvík að velli úrslitaleik sem fram fór á Nettóvellinum í Keflavík. Fjölnir lenti undir fljótlega í leiknum en Djorde Pjanic jafnaði fyrir Fjölni á 37. mínútu. Ægir Karl Jónasson skoraði tvívegis fyrir Fjölni í síðari hálfleik og gulltryggði glæsilegan sigur.

Strákarnir úr Fjölni léku á köflum mjög góða knattspyrnu og unnu sanngjarnan sigur. Á leið sinni í úrslitaleikinn lögðu Fjölnisstrákarnir m.a. Fram að velli í undanúrslitunum.

Fjölnir tyllti sér í kvöld í efsta sæti 1. deildar karla í handknattleik þegar liðið lagði ÍR að velli, 27-25, í Dalhúsum í Grafarvogi. Fjölnir hefur unnið alla leiki sína mótinu til þessa en þremur umferðum er lokið.

Gestirnir úr Breiðholtinu voru með yfirhöndina fram af en í hálfleik var staðan, 11-15, fyrir ÍR. Þeir voru síðan með yfirhöndina fram eftir síðari hálfleik en Fjölni tókst að jafna metin, 25-25, og bæta síðan tveimur mörkum við áður en yfir lauk.

Kristján Örn Kristjánsson var markahæstur í liði Fjölnis og Breki Dagsson skoraði fjögur mörk.

Næsti leikur Fjölnis er á Akureyri á föstudagskvöldið þegar Hamrarnir taka á móti Grafarvogsliðinu.

Fjöln­ir missti Stjörn­una og KR upp fyr­ir sig í næst­síðustu um­ferð Pepsi-deild­ar karla í knatt­spyrnu í dag þegar Stjarn­an mætti í Grafar­vog­inn og vann afar tor­sótt­an 1:0-sig­ur. Stjörnu­menn eru komn­ir í 2. sæti deild­ar­inn­ar fyr­ir lokaum­ferðina eft­ir þrjá sig­ur­leiki í röð.

Fjöln­is­menn voru tals­vert sterk­ari í fyrri hálfleikn­um og sköpuðu sér nokk­ur færi sem þeim tókst ekki að nýta. Snemma í seinni hálfleik virt­ust þeir eiga heimt­ingu á víta­spyrnu þegar bolt­inn fór í hönd Heiðars Ægis­son­ar inn­an teigs, en Þor­vald­ur Árna­son dóm­ari sá at­vikið vel og var ekki sam­mála.

Fjölnismenn voru einfaldlega ekki nógu beittir í vítateig andstæðingana og nýttu ekki þau tækifæri sem þeir fengu til að skora hjá Stjörnumönnum í dag. Garðbæingar voru slakir í fyrri hálfleik og það hefðu heimamenn átt að nýta sér betur.

Í síðari hálfleik komu gestirnir grimmari til leiks og innkoma Baldurs á 55.mínútu gaf þeim kraft. Þeir skoruðu gott mark eftir eina af sínum fimm hornspyrnum en Fjölnismenn fengu átta hornspyrnur í leiknum sem sköpuðu sjaldan hættu.
Heimamenn fengu þar að auki nokkur tækifæri til að skora úr aukaspyrnum en spyrnumenn Fjölnis voru ekki á skotskónum í dag. Undir lokin settu Fjölnismenn pressu á Garðbæinga sem vörðust vel og Guðjón Orri Sigurjónsson var þar að auki öflugur í markinu.

Myndir frá leiknum hérna…..

Selmessa verður í Kirkjuselinu sunnudaginn 25. september kl. 13.

Sr. Arna Ýrr Sigurðardóttir þjónar, Vox Populi leiðir söng og organisti er Hilmar Örn Agnarsson.

Sunnudagaskólinn verður á sama tíma í umsjá Matta og Stefáns

Oft er þörf en nú er nauðsyn!

SÍÐASTI HEIMALEIKUR ÁRSINS – Fjölnir tekur á móti Stjörnunni í Grafarvoginum á sunnudaginn 25. september kl. 14:00 í 21. umferð Pepsi-deildarinnar.

Við hvetjum alla Grafarvogsbúa og allt Fjölnisfólk til þess að mæta með alla fjölskylduna snemma á þennan stórleik og saman málum við stúkuna gula. Evrópusæti er undir og því er stuðningur þinn mikilvægur!

Á vellinum verður sjoppan opin, seldar gómsætar pizzur og grillaðir hamborgarar.

Vertu vitni að sögunni og mættu á völlinn!

 

Endilega addið Fjölni á:
Twitter: Fjolnir_FC
Snapchat: umf.fjolnir

#ÁframFjölnir

 

Borgarstjórn samþykkti í gær, 20. september, að frá og með 1. október 2016 hækki  fæðisgjald í leik- og grunnskólum borgarinnar um 100 krónur á dag.

Hækkuninni mun alfarið renna til skólamötuneyta í kaup á hráefni.

Með þessu ætti að skapast svigrúm til að auka gæði matarins verulega.

Breytingin hefur það í för með sér að  fæðisgjald vegna barna í leikskóla sem eru skráð í  sjö til níu klukkustundir á dag hækkar úr 8.320 krónum á mánuði  í 10.480 krónur á mánuði.

Hjálagður listi yfir breytingar

Nemendur í 6. – 9. bekk Rimaskóla komu sáu og sigruðu í öllum þeim fjórum árgöngum sem keppt var í á Grunnskólamótinu í frjálsum 2016.

Mótið var haldið í Laugardalshöll fyrstu daga septembermánaðar.

Sjötíu Rimaskólakrakkar fjölmenntu í Höllina og sigruðu örugglega í öllum árgöngum.

Af þeim 16 greinum sem keppt var í hrepptu nemendur Rimaskóla 8 gullverðlaun, 4 silfurverðlaun og 5 bronsverðlaun.

Mikil verðlaunahátíð var haldin í sal Rimaskóla þegar ólympíufararnir Aníta Hinriksdóttir og Guðni Valur Guðnason mættu í skólann með glæsilega verðlaunagripi og afhentu afrekskrökkunum verðlaunin og óskuðu þeim til hamingju með einstakan árangur.

Það er Frjálsíþróttaráð Reykjavíkur sem sér um framkvæmd mótsins í samstarfi við frjálsíþróttadeildir Ármanns, Fjölnis og ÍR.