Frábær sýning listamanna á Korpúlfsstöðum í kvöld.

Gaman að sjá allt þetta handverk og ótrúlega gaman að hitta listafólkið á vinnustofum sínum.

Það er flott að hvað húsið er vel notað af öllum sem eru með aðstöðu þarna og vonum að þetta verði þarna áfram.

Gallerí Korpúlfsstaðir var stofnað 27. maí 2011. Galleríið er rekið af 15 listamönnum sem flestir eru með vinnustofur á Korpúlfsstöðum. Þeir skipta með sér vöktum og álagning því í lágmarki.

Fjölbreytt úrval verka er í galleríinu, málverk, grafík, vatnslitir, teikningar, gler, leir, tré, skart, textíll og barnaföt.
Listamennirnir eru: Ásdís Þórarinsdóttir, Bryndís G. Björgvinsdóttir, Dóra Kristín Halldórsdóttir, Edda Þórey Kristfinnsdóttir, Elísabet Stefánsdóttir, Guðfinna Anna Hjálmarsdóttir, Katrín V. Karlsdóttir, María Valsdóttir, Marilyn Herdís Mellk, Sigurður Valur Sigurðsson, Sæunn Þorsteinsdóttir, Valgerður Björnsdóttir, Þórdís Elín Jóelsdóttir, Þóra Björk Schram og Þuríður Ósk Smáradóttir.

Opnunartími:

Fimmtud-Föstud kl 14.00-18.00

Laugard-Sunnud kl 12.00-14.00

Follow

Við byrjuðum rekstur þann 20. ágúst 2012 og erum því nýorðin eins árs.  Við höfum öll langa reynslu af gleraugnasölu og að sjálfsögðu ríka þjónustulund.

Við bjóðum Grafarvogsbúum 40% afslátt af margskiptum glerjum, ef keyptar eru umgjarðir hjá okkur.

Follow

Karlakór Grafarvogs

Yfir bænum heima í Grafarvogskirkju á laugardaginn
Stórtónleikar Ragga Bjarna með Karlakórum Grafarvogs og Rangæinga

Ragnar Bjarnason syngur á stórtónleikum með Karlakór Grafarvogs og Karlakór Rangæinga í Grafarvogskirkju laugardaginn 30. nóvember nk. Tónleikarnir bera yfirskriftina „Yfir bænum heima“ sem er skírskotun til eins þeirra skemmtilegu laga sem flutt verður á tónleikunum. Það má búast við mikilli stemningu í Grafarvogskirkju þegar kórarnir tveir leggja saman krafta sína með hinum eina sanna Ragnari Bjarnasyni sem enn er í fullu fjöri – kominn fast að áttræðu.

Þetta er þriðja starfsár Karlakórs Grafarvogs, en í kórnum eru yfir 30 söngmenn á öllum aldri. Karlakór Rangæinga er forfrægur og hefur gert garðinn frægan víða um land í meira en tvo áratugi. Ragnar Bjarnason er óþarft að kynna, en hann hefur átt greiðan aðgang að hjörtum tónelskra Íslendinga í tæp 60 ár.

Það er hinn ungi Karlakór Grafarvogs sem hefur veg og vanda að undirbúningi þessara tónleika. Íris Erlingsdóttir er stjórnandi Karlakórs Grafarvogs en hún stofnaði kórinn árið 2011. Karlakór Grafarvogs er sérstakur að því leyti að hann er fyrsti karlakórinn á Íslandi sem stofnaður er af konu, en Íris tók sig til haustið 2011 og fékk til liðs við sig hóp vaskra pilta á öllum aldri sem hafa sungið undir hennar stjórn síðan. Íris þekkir einnig vel til Karlakórs Rangæinga, en hún stjórnaði kórnum sl. vetur í forföllum kórstjóra hans. Segir hún sína menn hlakka mjög til tónleikanna og þá ekki síst að taka lagið með hinum sívinsæla Ragnari Bjarnasyni sem orðinn er goðsögn í lifanda lífi, en Ragnar mun syngja nokkur af sínum vinsælustu lögum við þetta tækifæri. Íris segist vonast til þess að tónleikarnir verði vel sóttir, enda eigi Karlakór Grafarvogs tryggan hóp aðdáenda, ekki síður en Karlakór Rangæinga sem árlega heldur fjölsótta tónleika í Reykjavík sem og í sinni heimabyggð. Og síðast en ekki síst sé Ragnar Bjarnason elskaður og dáður um land allt.

Á efnisskránni verða lög úr ýmsum áttum, bæði innlend og erlend og verður léttleikinn hafður í fyrirrúmi. Píanóleik með Karlakór Grafarvogs annast Kjartan Valdemarsson, en útvarpsmaðurinn góðkunni, Þorgeir Ástvaldsson, leikur með Ragnari Bjarnasyni. Stjórnandi Karlakórs Rangæinga er Guðjón Halldór Óskarsson, en píanóleikari kórsins er Glódís Margrét Guðmundsdóttir.

Tónleikarnir hefjast kl. 17 og verða aðgöngumiðar seldir við innganginn.

Allar nánari upplýsingar gefur Íris Erlingsdóttir kórstjóri, GSM: 698 4760.

Follow

Ungur maður reyndi að lokka börn upp í bíl sinn í norðurhluta Grafarvogs fyrir síðustu helgi. Annars vegar unga stúlku og hins vegar ungan dreng, en hvorugt barnið lét plata sig.

Í báðum tilvikum var um ungan mann á rauðleitum bíl að ræða.

Foreldrar barna í Vættaskóla í Grafarvogi fengu í gær sendan tölvupóst þar sem Jóhanna S. Vilbergsdóttir skólastjóri biður foreldra að ræða alvarlega við börnin um að þiggja ekki far, gjafir eða gylliboð frá ókunnugu fólki. Lögregla rannsakar málið en maðurinn er ófundinn.

„Það er venja að láta foreldra vita af slíku svo þau geti varað börnin við. Við erum mikið að minna börnin á þetta sjálf, eins og foreldrarnir heima. Við pössum hvert upp á annað,“ segir Jóhanna.

Follow

Góð mæting

Mjög góður og gagnlegur fundur var haldinn í Rimaskóla 27 nóvember.

Fyrirlesarar voru Hrefna Sigurjónsdóttir og Björn Rúnar Egilsson frá Heimili og skóla.

Síðan var hún Guðrún Björg Ágústsdóttir frá Vímulausri æsku með gott erindi um starfið hjá þeim.

Góð þáttaka var í umræðum að loknum kynningum og almenn ánægja með fundinn.

Björn Rúnar

Follow

Korpúlfsstaðir verða opnir frá kl. 17-21.

Vinnustofur listamanna verða opnar.

Samsýningin „Brotabrot“ í stóra salnum.

Kaffihúsið „Litli bóndabærinn“ verður með veitingar auk þess að þar verður upplestur:
Lísa Rún flytur eigin ljóð.
Guðný Hallgrímsdóttir les upp úr bók sinni „Sagan af Guðrúnu Ketilsdóttur“
(einsögurannsókn á ævi 18. aldar vinnukonu).

Tónlist mun óma um salarkynni Korpúlfsstaða:
Tríóið Dimma mun syngja nokkra negrasálma og jólalög.
List Einn: Atli Steinn Hrafnkelsson flytur frumsamin lög.
Hjónin Íris Ólöf Sigurjónsdóttir og Hjörleifur Hjartarson koma með tóninn að norðan.
Íris Edda Jónsdóttir syngur jólalög við undirleik Ragnars Ólasonar.

Korpúlfarnir verða með opið hjá sér og bjóða upp á fagran söng og harmónikkuleik.

Gallerí Korpúlfsstaðir opnar kl. 14 og verður opið til kl. 21.  Þess ber að geta að nú stendur yfir LIKE-leikur gallerísins og verður dregið úr pottinum fimmtudagskvöldið 28.11.’13 á Myrkurkvöldi Korpúlfsstaða.
Verðlaunin eru 15.000.- listmunur.
Við hvetjum alla til þess að taka þátt í leiknum.
Slóðin er:  https://www.facebook.com/gallerikorpulfsstadir

Kær kveðja,
Þóra Björk Schram
thorab@atlantik.is

Þórdís Elín Jóelsdóttir
thordisej@islandia.is

Follow

Heimili og skóli

Viltu vita hvað þú getur gert sem
foreldri til að efla forvarnir og styðja
barnið þitt í uppvextinum?

Sólveig Karlsdóttir, verkefnastjóri
hjá Heimili og skóla og SAFT
– Samtaka foreldrar
Björn Rúnar Egilsson, verkefnastjóri
hjá Heimili og skóla og SAFT
– Rafrænt uppeldi
Guðrún Björg Ágústsdóttir,
ICADC ráðgja hjá Vímulausri
Æsku-Foreldrahúsi
– Hvað er til ráða?

FORELDRAR ERU HVATTIR TIL AРFJÖLMENNA

Follow

Miðvikudaginn 13. nóvember buðu forvarnafulltrúar þjónustumiðstöðva Reykjavíkurborgar foreldrum barna í 10. bekk í Reykjavík á fræðslukvöld um skaðsemi kannabisreykinga. Rætt var um viðhorf ungmenna til kannabisreykinga og andlegar og líkamlegar afleiðingar þeirra.

Fyrirlesarar kvöldsins voru Hera Hallbera Björnsdóttir, forvarnafulltrúi í Grafarvogi og á Kjalarnesi, sem fjallaði um mikilvægi umhyggju, aðhalds og eftirlit foreldra. Brynhildur Jensdóttir, fíkniráðgjafi hjá Foreldrahúsi, fór hún yfir þær áskoranir sem foreldrar og unglingar standa frammi fyrir og viðhorf unglinga til kannabisreykinga. Guðrún Dóra Bjarnadóttir, geðlæknir, sem fjallaði um hvað kannabis er og hvaða áhrif það hefur á andlega og líkamlega heilsu ungs fólk til lengri eða styttri tíma.

Brynhildur kom m.a. inn á það að viðhorf til kannabis hefur breyst mikið á seinustu árum og er kannabis orðið samfélagslega samþykkt. Má það t.d. sjá í hinum ýmsu bíómyndum, sjónvarpsþáttum, tónlist, tölvuleikjum og umfjöllun fjölmiðla þar sem kannabis er lagt upp sem „norm“ og hættulaust efni. Þá kom Brynhildur inn á það að á Internetinu er að finna hafsjó af upplýsingum um kannabis og að foreldrar þurfa að vera undir það búnir að rökræða við unglinga sína um hvort kannabis er skaðlegt eða óskaðlegt efni.

Guðrún Dóra útskýrði með hvaða hætti kannabis virkar í líkamanum, þá með sérstaka áherslu á virkni þess á heilann þar sem kannabis hefur fyrst og fremst þau áhrif að það eykur á losun dópamíns sem veldur vellíðunar tilfinningu. Þá kom Guðrún Dóra inn á það að kannabis er „vinsælasta ólöglega eiturlyfið“ og að efnið sé eiturlyf unga fólksins og að talið er að um 4% íbúa jarðarinnar noti kannabis reglulega. Eins sýndi Guðrún Dóra niðurstöður rannsókna sem sýna fram á að neysla á kannabis veldur aukinni áhættu á geðklofasjúkdómum og að sjúklingar með geðklofa leiti meira í kannabis en aðrir. Kannabis meðal unglinga veldur því að þeim gengur verr í skóla og hætta frekar skólagöngu. Ef misnotkun á kannabis hefst á unglingsárum getur hún valdið vitrænni skerðingu sem ekki gengur til baka.

Hvert geta foreldrar leitað eftir upplýsingum:

Þjónustumiðstöðvar Reykjavíkurborgar; www.reykjavik.is

Barnavernd; www.reykjavik.is

Vímulaus æska – Foreldrahús; www.vimulaus.is

Foreldrasíminn 581 1799

SÁÁ; www.saa.is

Lögreglan; www.lrh.is

Embætti landlæknis; www.landlaeknir.is

Al-Anon samtökin; www.alanon.is

Landlæknir

Heilsugæslan

SÁÁ

Miðgarður

Follow

Herrakvöld Fjölnis verður haldið föstudaginn 22. nóv. í Félagsheimili Fáks í Víðidal.
Veislustjóri verður Ari Edwald og ræðumaður kvöldsins verður sjónvarpsmaðurinn og sprelligosinn Gísli Einarsson.
Glæsilegt hlaðborð með kalkúnabringum, nautafille og gómsætu meðlæti.
Happdrætti með frábærum vinningum og uppboð með skemmtilegu ívafi.
Húsið opnar 19:00 og borðhald hefst kl. 20:00
Miðaverð verður 7.500 kr.

Það er takmarkað miðaframboð og líkt og undanfarin ár verður uppselt og því rétt að kaupa sér miða strax.
Vilji menn tryggja sér 10 manna borð er hægt að kaupa heilt borð á 75.000 kr og það verður þá frátekið í nafni þessi sem kaupir borðið.

Hægt er að ganga frá kaupum á miðum/borðum í gegnum iðkendakerfið eða með því að senda tölvupóst á frida@fjolnir.is eða gummi@fjolnir.is og taka þá fram hversu marga miða/borð menn vilja kaupa + kortaupplýsingar (númer korts og gildistími)

Follow