Ólafsvík í gærkvöld – Mynd: Guðlaugur H. Guðjónsson

Vörn og markvarsla skópu sigurinn í Ólafsvík

Það voru frábærar aðstæður til knattspyrnuiðkunar í Ólafsvík í gærkvöldi þegar stelpurnar í meistaraflokknum heimsóttu Víking í A-riðli 1. deildarinnar, flott veður og góður völlur.

Fjölnir byrjaði af krafti og fengu óskarbyrjun, strax á 6. mínútu skoraði Aníta gott mark með skoti úr teignum eftir góðan undirbúning Erlu og Estherar. Fljótlega jafnaðist leikurinn og bæði lið áttu sín færi, Víkingur kannski það besta þegar boltinn small í slánni á Fjölnismarkinu en inn vildi boltinn ekki. Fjölnir leiddi því í 1-0 í háflleik.

Seinni hálfleikurinn var svipaður, liðin skiptust á að sækja, fengu nokkur ágæt færi og varði Helena meðal annars boltann vel í slánna en fleiri mörk litu ekki dagsins ljós og mikilvægur sigur Fjölnis því í höfn.

„Þetta var heldur dauf frammistaða hjá okkur í dag. Við vorum undir í bardaganum víða á vellinum og héldum bolta illa í liðinu en sigurinn kannski því sætari. Ég var mjög ánægður með Helenu í markinu og varnarleikinn okkar í leiknum, að halda hreinu í níunda leiknum í sumar er frábært. Víkingsliðið er flott, duglegar og baráttuglaðar. Það sem skyggði á leikinn og maður nennir varla að tuða yfir eru dómaramálin en það er langt síðan maður hefur séð svona einhliða dómgæslu eins og var í leiknum í gær.“ -Sagði Siggi þjálfari að leik loknum.

Liðið: Helena, Elvý, Íris, Eyrún, Kristjana (Regína 79.mín), Ásta (Oddný 53.mín), Aníta, Theresa, Erla (Kamilla 70.mín), Esther, Hrefna (Lovísa 66.mín), Bjarklind kom ekki inn á.

—

Staðan í riðlinum er nú þannig að Fjölnir er á toppnum með 36 stig, HK/Víkingur í öðru sæti með 31 stig og Grindavík svo í þriðja sæti með 26 stig en öll lið eiga þrjá leiki eftir og níu stig í pottinum. Okkar konur eru þar með öruggar í fjögurra liða úrslitakeppnina um sæti í úrvalsdeild þar sem Grindavík á ekki möguleika á að ná þeim að stigum. Það getur þó skipt sköpum að vinna riðilinn til að fá næstefsta liðið úr B-riðli í umspilinu í stað þess efsta en þau lið sem vinna umspilið og komast í úrslitaleik deildarinnar spila í Pepsí-deildinni að ári!

Follow

Markaðsnefnd Íbúasamtaka Laugardals langar að benda ykkur nágrönnum okkar á að árlegur útimarkaður ÍL verður haldinn á laugardaginn 16 ágúst við Snarfarahöfnina í Elliðavogum. Rétt við nýju hjólabrýrnar og steinsnar frá Bryggjuhverfinu.

Kær kveðja, fh. markaðsnefndar ÍL:

Hildur

Follow

Hátt í 1.600 sex ára börn hefja nám í grunnskólum borgarinnar nú í ágúst en skólarnir verða settir föstudaginn 22

Follow

Það var safnað í 3 poka af óskiladóti í nýjustu ferðinni um hverfið okkar.

Follow

Fjöln­ir og Breiðablik gerðu 1:1 jafn­tefli í 15. um­ferð Pepsi deild­ar­inn­ar í Grafar­vog­in­um í kvöld. Fylgst var með gangi mála í beinni texta­lýs­ingu hér á mbl.is.

Eft­ir hræðilega slak­an fyrri hálfleik þar sem hvor­ugu liðinu tókst að skapa sér færi kom Árni Vil­hjálms­son Blik­um yfir á 52. mín­útu en Mark Char­les Magee jafnaði á 76. mín­útu fyr­ir Fjölni en þetta var fyrsti leik­ur hans fyr­ir fé­lagið.

Liðin þurftu sár­lega á þrem­ur stig­um að halda í kvöld til að losa siga aðeins frá fallsæt­un­um, en það tókst ekki.

Myndir: Baldvin Örn Berndsen

Follow

Mynd | Baldvin Örn Berndsen

Það verður sannkallað sólarsamba á Fjölnisvellinum í kvöld þegar Breiðablik mætir okkur Fjölnismönnum í 15. umferð Pepsi deildar.

Breiðablik er í 9 sæti í deildinni og er það langt fyrir neðan væntingar þeirra fyrir sumarið. Blikarnir gerðu jafntefli við Keflavík í seinustu umferð 4-4 þar sem þeir sýndu mikinn karakter og náðu að jafna leikinn undir lokinn eftir að hafa verið 2-4 undir þegar skammt var til leiksloka. Guðmundur Benediktsson tók við Blikunum þegar lítið var liðið sumars þegar Ólafur Kristjánsson var ráðinn þjálfari Norsjælland í Danmörku. Þekktustu leikmenn Breiðabliks eru Gunnleifur Gunnleifsson (landsliðsmarkvörður), Árni Vilhjálmsson (framherji), Guðjón Pétur Lýðsson, Stefán Gíslason og Arnór Sveinn Aðalsteinsson.

Í seinustu umferð töpuðum við Fjölnismenn fyrir Val á Hlíðarenda 4-3 eftir að hafa verið 3-0 undir í hálfleik og er fyrri hálfleikurinn hugsanlega það slakasta sem við höfum séð til liðsins okkar í sumar. Aron Sig og Viðar Ari komu svo inn í seinni hálfleikinn og gersamlega breyttu spilamennsku liðsins og voru strákarnir einfaldlega óheppnir að fá ekkert út úr leiknum.

Tveir uppaldir Blikar eru í Fjölnisliðinu en það eru þeir Árni Kristinn og Mágnús Páll Gunnarsson, en einnig er Kristó aðstoðarþjálfari Fjölnis fyrrverandi leikmaður Breiðabliks. Það er engin í Blikaliðinu sem hefur einhverja Fjölnis tengingu.

Í seinasta leik gegn Val voru fjölmargir stuðningsmenn Fjölnis sem mættu á leikinn og létu vel í sér heyra. Þetta gaf strákunum mikinn kraft og vona þeir innilega að þeir fái sama stuðning í kvöld frá ykkur.

Það verða grillaðir hamborgarar fyrir leik og í hálfleik og verður special price for you my friend eða 1.000 kr. fyrir eðal hamborgara og ískalda Pepsi.

Allir á völlinn í kvöld, ÁFRAM FJÖLNIR.

Follow

Mánudaginn 11. ágúst er unnið við malbikun á hringtorgi á Hallsvegi við Veturfold og Langarima. Áætlað er að vinna standi milli kl. 9:00  og 15:00.

Vegfarendur eru beðnir um að virða merkingar á vinnusvæðinu.

Follow

Opið í dag.
Vala verður á vaktinni frá 12 – 16.
Allir velkomnir í fallega galleríið!

Follow

Það hef­ur varla farið fram­hjá nein­um að Gleðigang­an fer fram í dag. Hefst gang­an klukk­an 14 frá Vatns­mýr­ar­vegi og verður gengið niður á Arn­ar­hól. Vegna göng­unn­ar verða tölu­verðar lok­an­ir á göt­um í miðborg­inni eins og lög­regl­an á höfuðborg­ar­svæðinu út­skýr­ir á meðfylgj­andi mynd.

Lög­regl­an biður íbúa gatn­anna af­sök­un­ar á óþæg­ind­un­um sem kunna að skap­ast vegna lok­an­anna. Þá hvet­ur hún fólk til að kynna sér lok­an­irn­ar til þess að forðast taf­ir og sekt­ir.

Follow