Mikilvægt að fylgjast með tilkynningum og skilaboðum á upplýsingaskjá í Borgum.

Félagsmiðstöðin Borgir, Spönginni 43

Sími 517-7055

Hádegisverður er alla daga í Borgum, panta þarf mat fyrir kl 16.00 deginum áður.

Hún Anna Stefanía Magnúsdóttir tekur við pöntunum í síma 517-7056

[su_button url=“http://grafarvogsbuar.is/wp-content/uploads/2014/09/Korpúlfar-dagskrá-2014-til-2015-Sheet2.pdf“ target=“blank“ style=“3d“ background=“#1065bd“ radius=“0″]Sækja dagskrá [/su_button]

Follow

Árið 1965 samþykktu Sameinuðu þjóðirnar að gera 8. september að árlegum degi læsis til að vekja athygli á mikilvægi læsis og lestrarfærni um allan heim. Af því tilefni, og auðvitað vegna þess að nú er skólastarf vetrarins komið á fullt, vildi ég minna okkur foreldra á að gefa okkur tíma til að lesa með krökkunum í vetur. Ég tek það fram að ég mætti sjálfur vera duglegri og ætla að taka mig á. Ekki bara fyrir krakkana, heldur ekki síður mig, því þetta er gaman. Rannsóknir sýna líka að pabbarnir skipta miklu máli í þessu. Sérstaklega fyrir strákana.

Langaði að nefna við ykkur tvennt skemmtilegt til að hafa á bak við eyrað. Í október er sérstök lestarhátíð á vegum Bókmenntaborgarinnar en UNESCO útnefndi Reykjavík með því sæmdarheiti 2011. Hátíðin heitir – Tími fyrir sögu og er tilvalin til þátttöku (sjá slóð hér að neðan).

Landsleikur í lestri, lestarævintýrið Allir lesa, hefst svo 17. okt. og lýkur 16. nóv. nk. á Degi íslenskrar tungu. Um er að ræða liðakeppni þar sem gaman er að taka þátt og fylgjast með: fjölskyldur, vinnustaðir, vinahópar og aðrir geta myndað lið og haldið lestrardagbók.

Í stuttu máli: Njótum vetrarins framundan – og munum að lesa saman!

Með kærri kveðju,

Dagur B. Eggertsson borgarstjóri

Nánari upplýsingar um þessi verkefni er að finna á vef Bókmenntaborgarinnar http://bokmenntaborgin.is/ eða www.allirlesa.is.

Borgarbókasafnið heldur úti fjölbreyttri starfsemi sem er öllum opin: http://www.borgarbokasafn.is/

Follow

Skáksveit Rimaskóla endaði í 2. sæti á Norðrulandamóti grunnskóla sem haldið var í Stokkhólmi í . Svíþjóð helgina 5. – 7. september. Sveitin hlaut 14 vinninga af 20 mögulegum og háði harða baráttu við norsku og sænsku meistarana um Norðurlandameistaratitilinn. Skáksveitin var lengstum í 3. sæti á mótinu en með góðum endaspretti í tveimur síðustu umferðunum læddust Rimskælingar upp fyrir sænsku sveitina og aðeins sú norska varð hærri og vann mótið með 15,5 vinninga. Í skáksveit Rimaskóla eru þau Oliver Aron, Nansý 7-EH, Jóhann Arnar 9-BAS og Kristófer Jóel í 10-SG. Liðstjóri var Jón Trausti Harðarson fyrrv. nemandi í Rimaskóla og fararstjóri Helgi Árnason skólastjóri. Oliver Aron stóð sig best allra á mótinu því hann vann allar skákir á 1. borði sem er einstakur árangur gegn sterkum andstæðingum. Rimaskóli var að taka þátt í sínu 13. Norðurlandamóti og hefur unnið til verðlauna 11 sinnum og þar af orðið Norðurlandameistari 6 sinnum.

Helgi Árnason

Follow

Framkvæmdir á vegum borgarinnar standa víða yfir í Grafarvoginum sem lúta að fegrun umhverfis og bættu aðgangi fyrir gangandi- og hjólreiðafólks sem og þeirra sem nota strætisvagna sem er ört vaxandi hópur.

Við Víkurveg skammt frá gatnamótunum við Brekkuhús sem er N1 er með þjónustustöð standa nú yfir framkvæmdir og lagfæringar á biðstöð og ýmsum öðrum úrbótum fyrir strætisvagna sem þar fara um. Þessi framkvæmd er svo sannarlega til hagsbóta fyrir viðskiptavini Strætó.

Áætlað er að þessu verkefni ljúki í október. Fleiri framkvæmdir standa nú yfir á stöðum víðs vegar um í Grafarvogi.

Follow

Eitt af frístundaheimilum Gufunesbæjar, sem áður hét Vík og staðsett er í Kelduskóla-Vík, hefur nú fengið nýtt nafn og heitir Galdraslóð. 

Á vorönn var haldin nafnasamkeppni meðal barnanna á frístundaheimilinu. Nokkrar tillögur bárust og kusu börnin á milli þeirra og varð niðurstaðan þetta skemmtilega og margræða heiti. Þeim og starfsfólkinu í Galdraslóð er óskað til hamingju með nýja nafnið á frístundaheimilinu.

Follow

Þessi mynd ásamt fleirum eftir Dóru er að finna í Gallerí Korpúlfsstöðum.

Kíkið endilega við.

Follow

Samgönguviðurkenning Reykjavíkurborgar verður veitt nú í haust í tengslum við samgönguvikuna sem haldin er 16. – 22. september ár hvert.

Follow

Úrslitakeppni 1. deildar kvenna – mætum og styðjum stelpurnar í baráttunni

um sæti í Pepsí-deild

Meistaraflokkur kvenna mætir Þrótti Reykjavík í umspili um sæti í Pepsí-deild kvenna á næstu leiktíð. Fyrri leikur liðanna verður á Valbjarnarvelli nú á laugardaginn kl.14.00 og sá síðari á Fjölnisvelli næsta þriðjudag kl.16.30. Það lið sem nær betri úrslitum samanlagt úr leikjunum tveimur tryggir sér sæti í Pepsí-deild á næsta ári auk þess að mæta annað hvort HK/Víkingi eða KR í úrslitaleik um Íslandsmeistaratitil 1. deildarinnar.

Nú köllum við eftir stuðningi alls Fjölnisfólks – Allir á völlinn – Áfram Fjölnir!!!

Follow

Sunnudagaskólar eru alla sunnudaga klukkan 11.00 í Grafarvogskirkju og í Borgarholtsskóla.
Tekið er fagnandi á móti fjölskyldunni allri en foreldrar eru hvattir til að mæta með börnum sínum í þessar líflegu guðsþjónustur.
Sunnudagaskólarnir byggja á efni frá Fræðslusviði Biskupsstofu sem útgefið er af Skálholtsútgáfunni.
Þóra Björg Sigurðardóttir hefur umsjón með sunnudagaskóla í Grafarvogskirkju og Ásthildur Guðmundsdóttir hefur umsjón með sunnudagaskóla í Borgarholtsskóla.

6-9 ára starf
Er í kirkjunni á mánudögum frá 17:30 – 18:30. Þar er farið í leiki, sungið og æft gospel, helgistundir, náttfataböll og annað skemmtilegt. Umsjón hefur Þóra Björg Sigurðardóttir.

Listasmiðja 9-11 ára
Í kirkjunni á þriðjudögum kl.18:00-19:00. Í listasmiðju er áhersla lögð á að rækta listræna tjáningu. Í listasmiðjunni munum við föndra, syngja, dansa, vera með leikræna tjáningu og margt fleira. Umsjón hefur Þóra Björg Sigurðardóttir.

10 – 12 ára starf
Í kirkjunni á fimmtudögum kl. 17:30-18:30. Umsjón hefur Þóra Björg Sigurðardóttir.

Æskulýðsfélag
Í kirkjunni á mánudögum kl. 20:00-21:30 fyrir 8-10.bekk. Umsjón hefur Þóra Björg Sigurðardóttir.

Bendum við foreldrum að heimsækja síðuna www.barnatru.is ásamt börnum sínum.

Upplýsingar um barnastarfið gefur Þóra Björg Sigurðardóttir.

Follow