Fjölmargar borgir í Evrópu standa fyrir hreinsunarátaki helgina 8. – 10. maí bæði til að fegra umhverfið og vekja fólk til umhugsunar um neysluvenjur.

Reykjavíkurborg tekur þátt í evrópsku hreinsunardögunum 8. – 10. maí 2015. Markmiðið er að fegra ásýnd borgarinnar með því að taka til í hverfinu sínu og finna leiðir til að draga úr sóun með breyttum venjum.

Næsta helgi er kjörin fyrir íbúa, húsfélög, íbúasamtök og heilu göturnar til að fegra umhverfi sitt fyrir sumarið með því að safna rusli í svarta plastpoka. Starfsfólk Reykjavíkurborgar mun svo fara um hverfin mánudaginn 11. maí og tína pokana upp. Hér er ekki átt við garðaúrgang því fólk fer sjálft með hann á endurvinnslustöðvar SORPU bs. eða endurnýtir í garðinum til dæmis með moltugerð.

Mjög mikilvægt er að taka til eftir veturinn og fyrir sumarið því annars er hætta á mengun ef plast og annað rusl fýkur út á haf eða festist í trjám og runnum. Evrópsku hreinsunardagarnir eru einnig ætlaðir til að vekja fólk til umhugsunar um mikilvægi þess að ganga vel um umhverfi sitt og draga úr sóun.

Hér eru nokkur ráð til að draga úr rusli og sóun: Henda aldrei rusli út á götu, hætta að nota plastpoka til innkaupa og nota frekar margnota innkaupapoka, finna leiðir til að draga úr matarsóun, drekka kranavatn – ekki flöskuvatn, spara prentarann, endurnýta fatnað, samnýta stærri tæki eins og sláttuvélar, fara með skó í viðgerð í stað þess að henda þeim.

Reykjavíkurborg leggur nú metnað sinn í að hreinsa og fegra borgina og hvetur borgarbúa til að taka þátt í evrópsku hreinsunardögunum helgina 8. – 10. maí. Endurvinnslustöðvar SORPU bs. eru opnar og auk þess mun starfsfólk hverfabækistöðva borgarinnar sækja svarta ruslapoka sem komið hefur verið fyrir á völdum stöðum t.d. eftir hreinsunarátak í hverfisgötum. Borgarbúar fara sjálfir með stærri hluti, húsgögn og timbur en almennt rusl í svörtum ruslapokum er sótt.

Tenglar

The European Clean-Up Day.

Endurvinnslustöðvar SORPU.

-Stórtónleikar í Grafarvogskirkju á fimmtudagskvöldið
Bergþór Pálsson óperusöngvari og Brynhildur Guðjónsdóttir söng- og leikkona munu flytja nokkrar af söngperlum bræðranna Jónasar og Jóns Múla Árnasona á stórtónleikum með Karlakór Grafarvogs í Grafarvogskirkju fimmtudagskvöldið 7. maí nk. k. 20:00.
Yfirskrift tónleikanna er Undir Stórasteini og dregur nafn sitt af samnefndu lagi úr hinum geysivinsæla söngleik Járnhausinn eftir þá bræður. Járnhausinn var frumfluttur í Þjóðleikhúsinu fyrir 50 árum, en í því verki er m.a. að finna lögin Án þín og Stúlkan mín, en þessi lög verða m.a. flutt á tónleikunum á fimmtudagskvöldið. Söngleikurinn Járnhausinn var sýndur alls 55 sinnum sem er til marks um vinsældir hans árið 1965.

[su_button url=“http://grafarvogsbuar.is/wp-content/uploads/2015/05/Fréttatilkynning-Karlakór-Grafarvogs-3-maí-2015_end.pdf“]Dagskráin….[/su_button]

Ólafur Páll Snorrason

Fjöln­ir sigraði ÍBV 1:0 á Fjöln­is­velli í fyrsta leik um­ferðar­inn­ar í Pepsi-deild karla í knatt­spyrnu, en spilað var í sól og blíðu.

Fjöln­is­menn voru tölu­vert beitt­ari í fyrri hálfleik en þeir Aron Sig­urðar­son og Þórir Guðjóns­son voru í því að ógna marki Eyja­manna.

Gest­irn­ir voru ein­fald­lega ekki klár­ir í fyrstu um­ferð deild­ar­inn­ar, en liðinu tókst þó að halda út hálfleik­inn.

Þórir Guðjóns­son kom Fjöln­ismönn­um verðskuldað yfir á 49. mín­útu leiks­ins. Hann slapp í gegn­um vörn Eyja­manna og kláraði af yf­ir­veg­un fram­hjá Guðjóni Orra Sig­ur­jóns­syni í mark­inu.

Aron Sig­urðar­son fékk gullið tæki­færi til að bæta við öðru marki stuttu síðar er hann átti skot í þverslá, en bolt­inn hafði þá viðkomu af varn­ar­manni Fjöln­is.

Fjöln­ir bar því sig­ur úr být­um í kvöld 1:0, en liðið er því með þrjú stig eft­ir fyrstu um­ferð.Næsti leik­ur er gegn Fylki 11. maí næst­kom­andi.

[su_button url=“https://www.facebook.com/pages/Grafarvogsb%C3%BAar/111119802396520?ref=hl“]Fleiri myndir…….[/su_button]

Nansý

Norðurlandamótinu í skólaskák stúlkna 2015 var að ljúka í bænum Kolding í Danmörku. Sex íslenskar unglingalandsliðsstúlkur tóku þátt í mótinu og þar af tvær frá Fjölni, Nansý Davíðsdóttir 7-bekk Rimaskóla í C og yngsta flokki og Hrund Hauksdóttir í A og elsta flokki.

Fjölnisstúlkurnar stóðu sig langbest því að Nansý Davíðsdóttir (1676) varð Norðurlandameistari í yngsta flokki, hlaut 4,5 vinning úr 5 skákum og varð vinningi á undan helsta keppinaut sínum, sænsku stúlkunni Önnu Cramling Bellon (1925) sem er dóttir Piu Cramling fv. heimsmeistara kvenna í skák. Nansý varði titil sinn frá í fyrra en þá sigraði hún líka örugglega á Norðurlandamótinu sem haldið var á Bifröst.

Hrund

Hrund stóð sig ekki síður vel því hún endaði í 1. – 2. sæti með 4 vinninga ásamt sænsku stúlkunni Jessica Bengtson. Jessica kom í mark á hærri stigaútreikningi en árangur Hrundar er athyglisverður þar sem hún var næst lægst á skákstigum af þeim 8 keppendum sem tefldu í A flokki.

Þær Hrund og Nansý hafa báðar hampað Norðurlandameistaratitlum með Rimaskóla, Hrund árið 2012 og Nansý árin 2011, 2012 og 2013.

Til hamingju Fjölnisstúlkur, frábær afrek hjá ykkur á NM.

Fjölnisvöllur kemur bara vel undan vetri. Undirbúningur fyrir leikinn á móti ÍBV stendur yfir og allt að verða klárt.

Pepsídeildin í knattspyrnu karla hefst í dag og taka þá Fjölnismenn á móti Eyjamönnum á Fjölnisvelli klukkan 17. Mikil spenna ríkir ávallt við upphaf Íslandsmótsins enda langt undirbúningstímabil að baki og eftirvænting hjá leikmönnum mikil að hefja leik fyrir alvöru. Þó nokkur breyting hefur orðið á leikmannahópi Fjölnis fyrir tímabilið og skiptir miklu máli að byrja deildina vel.

Stefnt er að því að hafa umgjörðina sem besta í kringum leikina á Fjölnisvelli í sumar og er vonast eftir að stuðningsmenn og Grafarvogsbúar láti ekki sitt eftir liggja í þeim efnum.

Við litum við á vallarsvæðið í Dalhúsum í morgun og stóð þá undirbúningur yfir á fullum krafti fyrir leikinn. Er ekki annað sjá en að völlurinn líti bara vel út miðað við árstíma.

Fólk er hvatt til að mæta tímanlega á leikinn, mynda góða stemningu og styðja vel við bakið á Fjölnismönnum.

[su_button url=“http://grafarvogsbuar.is/wp-content/uploads/2015/05/Leikskra_Fjolnir-IBV_1Umf1-_2015.pdf“]Leikskrá……[/su_button]

Tvö ný fræðsluskilti hafa verið sett upp í Reykjavík og er viðfangsefni þeirra lífríki fjörunnar með áherslu á þörunga og smádýralíf. Skiltin eru á tveimur stöðum, annars vegar í Skerjafirði, nánar tiltekið við Faxaskjól í Vesturbæ Reykjavíkur, og hins vegar við Gorvík milli Víkur- og Staðahverfis í Grafarvogi, við göngustíginn sem liggur milli Geldinganess og Blikastaðakrór.

Víkingar eru komnir í Olís-deildina að ári eftir góðan sigur á Fjölni sem var þó ekkert auðveldur og Víkingar geta þakkað markverði sínum Magnúsi Gunnar sætið.

Fyrsta markið kom ekki fyrr en á 5 mínút og það var heimamark. Ef það var einhver spurning hvort Magnús markmaður heimamanna væri klár svaraði hann því játandi með flottum vöörslum í upphafi leiks og ekki var Ingvar verri hinumeginn. Stórsýning markvarðanna í upphafi.

Staðan 1-3 eftir 10 mínútna leik fyrir Fjölni sem var að spila fantagóða vörn og Víkingar ekki búnir að gera nema 1 mark í 10 mínútur. Magnús markmaður þeirra að bjarga þeim frá því að vera ekki komnir í mun meiri vandræði.

Fáránlega lítið skorað miða við leik þessara liða og staðan þegar fyrri hálfleikur var hálfnaður, 3-4, Fjölnir með frumkvæðið og fyrri til að skora. Víkingar að gera sig seka um allt of marga tækniferila sóknarlega sem eiga ekki að sjást hjá svo reyndum leikmönnum og gátu einungis þakkað markverði sínum fyrir að vera ekki 6-7 mörkum undir.

Staðan 5-7 eftir 20 mínútna leik og það seig bara enn meira á ógæfuhlið Víkinga sem voru farnir að’ kasta boltanum upp í stúku. Ágúst tók leikhlé þó fyrr ehfði verið í stöðunni 6-9. Víkingar aðeins rönkuðu við sér og minnkuðu muninn í 1 mark 8-9 undir lok hálfleiksins.
Kristján Örn stórskytta Fjölnismanna meiddist og varð að fara af leikvelli og virtist sárþjáður á hægri hendi. Víkingar komust yfir í fyrsta skiptið í leiknum 10-9 og skoruðu svo síðasta mark fyrri hálfleiksins, staðan 11-9 í hálfleik.

Kristján virtist ná sér í hálfleik og kom inná vafinn. Magnús hélt uppteknum hætti og varði vítakast ásamt tveim skotum í upphafi seinni hálfleiks. Allt annað að sjá til sóknarleiks heimamanna í upphafi seinni háfleiks og þeir héldu áfram að leiða með 1-2 mörkum.
varnarleikur heimammanan góður á þessum kafla og með að taka Kristján Örn úr umferð varð sóknarleikur Fjölnis stirður. Víkingar virtust komnir á bragðið og komust 3 mörkum yfir 15-12 eftir 40 mínútur. En munurinn hélst áfram í 2 mörkum, staðan 19-16 þegar 10 mínútur voru eftir.

Munurinn jókst og Víkingar voru einfaldlega of stekir undir lokin, munurinn fór í 4 mörk 20-16. Víkingar einfaldlega létu þetta ekki fara í neina vitleysu undir lokin og sigruðu 26-19.

Meira á www.fimmeinn.is

Tólf hressir hokkýspilarar á unglingsaldri frá Geraldton og Greenstone District í Ontario í Kanada komu ásamt kennurum sínum og þjálfurum í heimsókn í Rimaskóla þriðjudagsmorguninn 28. apríl. Nemendur og kennarar unglingadeildar Rimaskóla tóku á móti gestunum. Fyrir hópnum fór Tim Griffin hokkíþjálfari sem hélt áhugaverðan fyrirlestur á breiðtjaldi í hátíðarsal skólans um Greenstone héraðið í norðurhluta Ontaríofylkis þar sem veðrátta og landslag svipar til Noregs og Svíþjóðar, ískaldir vetur og hlý sumur. Lífið hjá unglingunum snýst afar mikið um Hokkí leikinn og útivist í nágrenni fjalla, vatna og skóga.

Kennarar Rimaskóla, þau Anna Kristín og Baldur tóku á móti gestunum í fjölnýtistofu Rimaskóla þar sem þeir kynntu Ísland með aðstoð nemenda sinna. Unglingadeildarnemendur stóðu sig mjög vel í að spjalla við kanadísku kollega sína og halda þeim selskap. Kanadísku gestirnir komu færandi hendi og veittu gjafir og viðurkenningar, einkum til þeirra sem voru með þekkingu a NHL, National Hockey League deildinni í BNA og Kanada. Skólinn fékk að gjöf forláta svartbjarnarbangsa „American black bear“ sem var uppáklæddur sem alvöru hokkíspilari. (HÁ)