Við ræddum við Ingibjörgu og hérna eru upplýsingar um hana og það sem hún hafði að segja um sig og sín málefni.

Ég er fædd og uppalin í Reykjavík og hef ávallt verið virkur þátttakandi í samfélaginu, jafnt á vinnumarkaði sem í sjálfboða- og trúnaðarstörfum. Ég hef góða reynslu úr atvinnulífinu, bæði úr opinbera og einkageiranum, og þekki samkeppnisumhverfi og lögmál vinnumarkaðarins vel.

Mig langar til að leggja mitt af mörkum og vinna að því að auka sátt í samfélaginu. Ég vil stuðla að því að þingmenn hugsi í lausnum með hagsmuni þjóðarinnar að leiðarljósi. Við þurfum að snúa bökum saman og horfa til framtíðar. Úrlausnarefnin eru brýn og allra hagur að leiða þau farsællega til lykta.

Sem frambjóðandi Sjálfstæðisflokksins er ég hluti af heild og þeim stefnumálum sem sett eru fram í kosningum, en ég legg sérstaka áherslu á húsnæðismál, heilbrigðisþjónustuna og málefni aldraðra, ásamt menntamálum og samgöngumálum.

Menntun: MBA frá HÍ í viðskiptafræði og stjórnun, BSc. Í frétta- og blaðamennsku frá Ohio
University í Bandaríkjunum, stúdent frá Verslunarskóla Íslands.
Starfsferill: Mannauðsstjóri Slökkviliðs höfuðborgarsvæðisins (núverandi), mannauðsstjóri
Skýrr (Advania), stjórnunar- og starfsmannaráðgjafi hjá Capacent og blaða- og fréttamaður.
Störf fyrir flokkinn: Ég hef verið varaþingmaður RVK norður þetta kjörtímabil, hef setið
miðstjórn flokksins, í stjórn velferðarnefndar, í stjórn efnahags- og skattanefndar, Varðar og
stýrði starfshópi um rafrænar kosningar. Sat í stjórn Félags sjálfstæðismanna í Grafarvogi og í
hverfisráði Grafarvogs. Ég hef einnig gegnt ýmsum trúnaðarstörfum fyrir flokkinn innan
borgarinnar, m.a. verið varamaður í velferðarráði og mannréttindaráði, í stjórn
hjúkrunarheimilis, í starfshópi um mannréttindi eldri borgara, mannréttindi útigangsfólks,
stýrihóp um hlutverk og framtíð hverfismiðstöðva, og stýrihópi um skipulagningu
Gufunessvæðisins.
Félagsstörf: Ég hef setið í stjórnum ýmissa félagasamtaka og stofnana, m.a. Styrktarfélags
krabbameinssjúkra barna, íþróttafélagsins Fjölnis, fimleikadeildar Fjölnis, Vímulausrar æsku,
hjúkrunarheimilisins Skógarbær, Leiðtoga Auðar og setið í trúnaðarráði VR.
Fjölskylduhagir: Ég er gift Lárusi Elíassyni verkfræðingi og á með honum þrjú uppkomin börn.

Hérna er grein eftir Ingibjörgu sem birtist í Fréttablaðinu…..

Myndband…..

Follow

Haustið 2016 verður stútfullt af sögum!

Dagskrá Söguhrings kvenna er tilbúin, skoðið færslurnar hér fyrir neðan. Við verðum á Borgarbókasafninu Spönginni í Grafarvogi, fyrsta laugardag hvers mánaðar.

http://www.borgarbokasafn.is/is/content/l%C3%ADfss%C3%B6gur-s%C3%B6guhringur-kvenna

Autumn of 2016 will be full of stories! The program of The Women’s Story Circle is ready, check out the posts here below. We will meet on the first Saturday of every month, at Reykjavik City Library Spöngin, in Grafarvogur.

http://borgarbokasafn.is/en/content/life-stories-womens-story-circle

Follow

„Þórður Inga­son kem­ur fram í auka­spyrnu og Óli Palli smell­hitt­ir bolt­an­um á hann og hon­um er fram­lengt á mig. Það er smá sól, ég sé bolt­ann og pota hon­um inn.“

Þannig lýs­ir Ingi­mund­ur Ní­els Óskars­son jöfn­un­ar­marki sínu fyr­ir Fjölni gegn Fylki í Pepsi-deild karla í knatt­spyrnu, en liðin gerðu 1:1-jafn­tefli í Grafar­vog­in­um í kvöld. Jöfn­un­ar­mark Ingi­mund­ar kom eft­ir auka­spyrnu Ólafs Páls Snorra­son­ar rétt fyr­ir fram­an miðlínu á síðustu and­ar­tök­um leiks­ins.

„Þetta var fyrsta markið í sum­ar og það er alltaf gott að skora,“ sagði Ingi­mund­ur enn­frem­ur en þver­tek­ur þó fyr­ir að það hafi verið sætt að skora gegn gömlu fé­lög­un­um. Ingi­mund­ur gekk til liðs við Fjölni frá Fylki í júlí.

„Þeir þurfa virki­lega á þrem­ur stig­um að halda og það er ljótt að gera göml­um fé­lög­um svona óleik. Við erum sjálf­ir í ákveðinni bar­áttu og það þýðir ekk­ert að vor­kenna þeim.“

Ingi­mund­ur kom inn af vara­manna­bekkn­um um miðjan seinni hálfleik og var sátt­ur við eig­in frammistöðu. „Ég átti nokkr­ar hættu­leg­ar send­ing­ar inn í teig­inn. Þannig að jújú, þetta var fín fimma bara,“ sagði Ingi­mund­ur glott­andi. Eins og fram kemur á MBL.is

Myndir frá leiknum hérna….

Follow

EXTRA VÖLLURINN
Fjölnir tekur á móti Fylki í Grafarvoginum sunnudaginn 28. ágúst kl. 18:00

Fjölnir er í toppbaráttu deildarinnar og þarf því góðan stuðning frá Grafarvogsbúum í þessum leik. Mætum á völlinn í gulu með alla fjölskylduna og styðjum Fjölni!

Endilega addið Fjölni á:
Twitter: Fjolnir_FC
Snapchat: umf.fjolnir

Áfram Fjölnir!

Follow

Það er komið að síðasta leik sumarsins í keppnisriðlinum hjá meistaraflokki kvenna í Fjölni en í dag mæta

okkar stúlkur Aftureldingu.

Það verður stórleikur á aðalleikvangi Fjölnis „Extravellinum“ og hefst leikurinn kl 18.00.

Fyrir leik verður boðið upp á grillaðar pylsur/pulsur og gos/svala eins mikið og hver og einn getur í sig látið.

Nú viljum við sjá metmætingu á völlinn og langar okkur til að sjá alla iðkendur og foreldra koma í grill og styðja stelpurnar okkar í síðasta leik sumarsins.

Þetta verður auðvitað stórleikur og mikil skemmtun fyrir alla fjölskylduna. Allir að mæta á völlinn í dag og hvetja stúllkurnar okkar áfram.

Áfram Fjölnir

Sjá hérna myndir af leiknum…….

Follow

Leikskólinn Bakki

Leikskólinn Hamrar

Leikskólarnir Bakki í Staðahverfi og Hamrar í Víkurhverfi í Grafarvogi verða sameinaðir.

Sameining leikskólanna mun koma til framkvæmda eigi síðar en 1. janúar 2017.  Skóla- og frístundaráð samþykkti tillögu þessa efnis á fundi sínum 24. ágúst.

Follow

Viðar Ari
mynd: fotbolti.net

Hans Viktor
mynd: fotbolti.net

Eyjólfur Sverrisson, landsliðsþjálfari U21 landsliðs karla, hefur valið hópinn sem mætir N-Írum 2. september ytra og Frakklandi 6. september ytra í undankeppni EM 15/17.

Í þessum flotta hópi eigum við tvo leikmenn þá Hans Viktor Guðmundsson og Viðar Ari Jónsson

Við óskum þeim góðs gengis í þessu verkefni.

Follow

Það er ánægjulegt að tilkynna að knattspyrnudeild Fjölnis hefur ráðið hinn reynslumikla Þorlák Árnason sem yfirþjálfara barna-og unglingastarfs félagsins. Þorlákur kemur til Fjölnis eftir tveggja ára veru í Svíþjóð þar sem hann hefur stýrt starfi yfirþjálfara hjá atvinnumannafélaginu IF Brommapojkarna. Þorlákur er einn af reynslumeiri yfirþjálfurum landsins. Áður en hann fór til Svíþjóðar stýrði hann U17 landsliðum Íslands bæði hjá strákum og stelpum og stýrði vali og leit að ungu afreksfólki á aldrinum 13 til 17 ára. Þorlákur stýrði meistaraflokki kvenna hjá Stjörnunni ásamt því að vera yfirþjálfari hjá því félagi til fimm ára. Einnig hefur hann starfað í fyrri tíð sem yfir- og meistaraflokksþjálfari hjá Val og Fylki. Þorlákur hefur byggt upp gott og mjög árangursríkt starf hjá öllum félögum sem hann hefur komið að og er ánægjulegt að fá hann til liðs við sterkan hóp þjálfara hjá Fjölni til að leiða áframhaldandi vöxt og uppbyggingu félagsins. Þorlákur hefur störf 15. september. 

 Á myndinni má sjá Þorlák á Extra vellinum í Grafarvogi ásamt þeim Árna Hermannssyni formanni knattspyrnudeildar og  Viðari Karlssyni formanni Barna og unglingaráðs eftir að samningurinn hafði verið undirritaður. 

Follow

Menningarnótt er stærsta hátíð sem haldin er á hér á landi og mikil áhersla lögð á skipulag og öryggismál í miðborginni. Hátíðarsvæðið er lokað fyrir bílaumferð en lokanirnar afmarkast við Snorrabraut, gömlu Hringbraut, Ægisgötu og Mýrargötu. Sæbraut er lokuð frá Snorrabraut. Þetta er eini dagur ársins sem þörf er á svo umfangsmiklum götulokunum.
Á Menningarnótt er miðborgin ein allsherjar göngugata og verður því lokuð fyrir bílaumferð frá kl. 7.00 að morgni til kl. 2.00 eftir miðnætti. Hátt í 300 viðburðir eru í boði í miðborginni og mikilvægt að tryggja öryggi gesta og viðburðahaldara á hátíðarsvæðinu.

Lokunarsvæðið þjónar einnig þeim tilgangi að halda götum greiðum til að sjúkrabílar, lögreglubílar og slökkviliðsbílar geti auðveldlega komist að ef þörf er á. Rúmlega 40 stofnanir, félagasamtök og sérfræðingar koma að útfærslu götulokana, öryggismála, löggæslu og samgangna. Það er ábyrgðarhluti að halda utan um öryggismál á svo stórri hátíð en síðustu ár hafa yfir 100.000 gestir komið í miðborgina á þessum degi. Í ár er búist við sambærilegum fjölda auk þess sem mikill fjöldi ferðamanna er í miðborginni.

ÓKEYPIS STRÆTÓSAMGÖNGUR
Gestir Menningarnætur eru hvattir til að nýta sér ókeypis strætósamgöngur, hjóla eða ganga í bæinn en akstur strætó verður að mestu eins og aðra laugardaga. Vegna götulokana í miðborginni mun strætó aka að og frá Hlemmi og gömlu Hringbraut. þar sem leiðir um miðbæinn stöðvast. Hefðbundið leiðakerfi verður síðan gert óvirkt kl. 22.30 og áhersla lögð á að flytja gesti úr miðbænum frá gömlu Hringbraut og Hlemmi. Síðustu ferðir verða farnar kl. 01.00. Sérstök skutluþjónusta Strætó verður starfrækt frá kl. 7.30 að morgni og til kl. 1.00 eftir miðnætti. Þjónustan er fyrir þá sem vilja komast hratt og örugglega inn á mitt hátíðarsvæðið. Skutlurnar aka frá bílastæði Íslandsbanka á Kirkjusandi með viðkomu á stoppustöðvum Strætó í Borgartúni og Hlemmi og þaðan er farið beinustu leið upp að Hallgrímskirkju og gömlu Hringbraut gegnt BSÍ. Skutlustöðvarnar verða merktar.

FERÐAÞJÓNUSTA FATLAÐRA
Sérstök bílastæði fyrir fatlaða og hreyfihamlaða eru á Skúlagötu, Túngötu og við Tækniskólann. Einnig verður hægt að taka leigubíl inn á Skólavörðuholt, Skúlagötu, Túngötu og BSÍ. Eftir klukkan 21.00 munu leigubílar við Skúlagötu færast yfir á gömlu Hringbraut við enda Njarðargötu. Sérstök salerni fyrir fatlaða eru á nokkrum stöðum á hátíðarsvæðinu.

FERÐAÞJÓNUSTUAÐILAR
Á Menningarnótt verður sérstök aðstaða fyrir hópferðabíla við Túngötu, Hallgrímskirkju og Skúlagötu. Stæðin eru ekki ætluð til að leggja í heldur einungis til þess að taka á móti og skila af sér farþegum.

Follow