Guðsþjónusta í Grafarvogskirkju kl. 11:00. sr. Sigurður Grétar Helgason þjónar og barn verður borið til skírnar. Kór Grafarvogskirkju syngur. Stjórnandi er Hákon Leifsson.

Sunnudagaskólinn er á sínum stað á neðri hæð kirkjunnar kl. 11:00. Dans, söngvar, sögur og leynigestur kemur í heimsókn. Pétur Ragnhildarson hefur umsjón með stundinni.

Selmessa í Kirkjuselinu í Spöng kl. 13:00. sr. Arna Ýrr Sigurðardóttir þjónar. Elísabet Ormslev mun koma og syngja ásamt Vox Populi. Undirleikari er Hilmar Örn Agnarsson.

Verið öll hjartanlega velkomin!

Follow

Þegar við fórum af stað með verkefnið Hagkvæmt húsnæði, ungt fólk og fyrstu kaupendur vissum við að við myndum fá margar góðar hugmyndir frá uppbyggingaraðilum enda mikil gerjun á húsnæðismarkaði. Hugmyndirnar í upphafi voru tæplega sjötíu talsins en á fundinum í morgun voru níu aðilar sem höfðu skorað hæst sem kynntu verkefnin sín. Þessir níu hópar er afrakstur afar vandaðs mats á innsendum hugmyndum þar sem ólík atriði vógu misþungt, allt frá grænum lausnum upp í framkvæmdahraða og endanlegt verð til kaupenda eða leigjenda.

Þá verður hluti af kvöðunum sem borgin setur ætlað að tryggja að verð og leiga skili sér til væntanlegra kaupenda og leigjenda í samræmi við tillögur uppbyggingaraðila. Þessi nýsköpun og í raun brautryðjendastarf á húsnæðismarkaði er algjörlega einstök og það er mjög spennandi að uppbygging geti farið að hefjast, meðal annars á ríkislóðum sem hafa staðið ónotaðar um áratugaskeið.

 hér er svo hægt að skoða allar kynningar af fundinum

Follow

Á allra heilagra messu verður minningarguðsþjónusta í Grafarvogskirkju klukkan 14:00. Prestar safnaðarins þjóna og séra Grétar Halldór Gunnarsson prédikar. Í þessari guðsþjónustu minnumst við sérstaklega þeirra sem hafa látist á árinu og verið jarðsungin í Grafarvogskirkju eða af prestum safnaðarins.

Eftir guðsþjónustuna verður kaffisala þar sem framlögin renna í Líknarsjóð Grafarvogskirkju. Kaffiveitingarnar kosta 2500 fyrir fullorðna og 1000 fyrir unglinga og ókeypis fyrir börn.

Sunnudagaskólinn er á sínum stað á neðri hæð kirkjunnar kl. 11:00. Ljónaveiðar, dans, söngvar og sögur. Pétur Ragnhildarson hefur umsjón.

Selmessa í Kirkjuselinu í Spöng kl. 13:00. sr. Sigurður Grétar Helgason þjónar. Vox Populi syngur og undirleikari er Hilmar Örn Agnarsson.

Follow

Frístundamiðstöðin Gufunesbær fagnar tuttugu ára starfsafmæli þann 8. nóvember n.k. Af því tilefni verður boðið í veglega afmælisveislu í Hlöðunni og eru allir velunnarar frístundamiðstöðvarinnar velkomnir til að fagna þessum tímamótum.

Frístundamiðstöðin Gufunesbær var fyrsta frístundamiðstöðin sem stofnuð var í borginni og hefur allt frá stofnun hennar haft aðsetur í Gufunesi. Starfsemin hefur vaxið og dafnað og í gegnum tíðina hefur mikill fjöldi borgarbúa sótt þjónustu frístundamiðstöðvarinnar.

Í dag heyra undir frístundamiðstöðina átta frístundaheimili og fimm félagsmiðstöðvar. Þar að auki hefur frístundamiðstöðin umsjón með frístundagarði við Gufunesbæinn, starfrækir miðstöð útivistar og útináms og heldur utan um starfsemi skíðasvæðanna innan borgarmarkanna.

Follow

Guðsþjónusta í Grafarvogskirkju kl. 11:00. sr. Arna Ýrr Sigurðardóttir þjónar. Kór Grafarvogskirkju syngur. Stjórnandi er Hákon Leifsson.

Sunnudagaskólinn er á sínum stað á neðri hæð kirkjunnar kl. 11:00. Dans, söngvar, sögur og nú er blöðrudagur. Pétur Ragnhildarson hefur umsjón.

Skírnarstund í Grafarvogskirkju klukkan 12:30. Sr. Arna Ýrr Sigurðardóttir heldur utan um stundina. Skírnarstundin er foreldrum að kostnaðarlausu og organisti kirkjunnar annast tónlistina. Þau sem vilja láta skíra eru beðin um að hafa samband hingað í kirkjuna í síma 5879070 eða í netfangið grafarvogskirkja@grafarvogskirkja.is. Einnig er hægt að hafa samband við Örnu Ýrr á netfangið arna@grafarvogskirkja.is

Selmessa í Kirkjuselinu í Spöng kl. 13:00. sr. Guðrún Karls Helgudóttir þjónar. Vox Populi syngur og undirleikari er Hilmar Örn Agnarsson.

Verið öll hjartanlega velkomin!

Follow

Dagana 29. október – 9. nóvember næstkomandi býðst börnum í 1. – 6. bekk að prófa handbolta í VINAVIKUM.

– Handknattleiksdeild Fjölnis er í sífeldum vexti bæði hvað umgjörð og þjálfun varðar.

– FRÁBÆR árangur hefur náðst síðustu ár hjá yngri flokkum félagsins og má helst nefna góður árangur 3. flokk karla í Íslandsmóti.

– Ár hver eru mörg ungmenni valin til æfinga í yngri landsliðum HSÍ.

– Vel menntaðir og reynslumiklir þjálfarar í bland við unga og efnilega eru eitt af áherslum deildarinnar.

Í VINAVIKUM býðst iðkendum deildarinnar að koma með vin eða vinkonu á æfingu. Fyrir það fær iðkandinn og vinurinn eða vinkonan ísmiða á Gullnesti. Ef vinurinn eða vinkonan byrjar að æfa þá fá bæði bíómiða í Sambíóin.

Upplýsingar um æfingatíma má nálgast hér: http://www.fjolnir.is/handbolti/aefingatoflur-handbolti/

Upplýsingar um flokkana má nálgast hér: http://www.fjolnir.is/handbolti/flokkar-handbolti/

Það er gaman í handbolta 🙂

#FélagiðOkkar

/assets/2018_Komdu-í-handbolta.pdf

Follow

Kæru íbúar í Grafarvogi, Grafarholti og Úlfarársdal!
Innilega velkomin á samráðsfund um framtíð og eflingu íbúasamráðs Reykjavíkurborgar.

Um þessar mundir er stýrihópur kjörinna fulltrúa Reykjavíkurborgar að störfum með það fyrir augum að yfirfara og styrkja íbúasamráð hverfanna, sem hingað til hafa gengið undir nafninu hverfisráð.

Í tengslum við vinnuna verða haldnir samráðsfundir með hagsmunaaðilum og íbúum í hverfum borgarinnar. Fundur með Grafarvogi, Grafarholti og Úlfarsárdal er þriðji fundur þessarar fundarraðar, og verður haldinn í Dalskóla Úlfarsbraut118-120, 113 Reykjavík
Yfirstandandi vinna verður kynnt stuttlega áður en opnað verður fyrir umræður um hvernig samráði skuli háttað og hlutverk ráðanna.

Allar hugmyndir og athugasemdir vel þegnar!

Stýrihópurinn styðst við eftirfarandi gögn sem vert er fyrir áhugasama að kynna sér fyrir fundinn:

Skýrsla um framtíðarsýn hverfisráða 2021 https://reykjavik.is/sites/default/files/ymis_skjol/skjol_utgefid_efni/framtidarsyn_hverfisrada_2021.pdf

Skýrsla Þjónustumiðstöðvar og hverfisráð: úttekt innri endurskoðunar Reykjavíkurborgar 2016. https://reykjavik.is/sites/default/files/ymis_skjol/skjol_utgefid_efni/uttekt_innri_endurskodunar_reykjavikurborgar_a_thjonustumidstodvum_og_hverfisradum_2016.pdf

Bestu kveðjur,
fulltrúar í stýrihóp um endurskipulagningu og framtíðarskipan fyrir hverfisráð Reykjavíkurborgar

Dóra Björt Guðjónsdóttir
Þorkell Heiðarsson
Gunnlaugur Bragi Björnsson
Örn Þórðarson
Daníel Örn Arnarsson

Follow

Guðsþjónusta í Grafarvogskirkju kl. 11:00. sr. Sigurður Grétar Helgason þjónar. Kór Grafarvogskirkju syngur og að auki kemur nemandi úr Söngskóla Reykjavíkur og mun syngja tvö lög. Stjórnandi er Hákon Leifsson.

Sunnudagaskólinn er á sínum stað á neðri hæð kirkjunnar kl. 11:00. Dans, söngvar, sögur og töfrabrögð sýnd. Pétur Ragnhildarson hefur umsjón.

Selmessa með altarisgöngu í Kirkjuselinu í Spöng kl. 13:00. sr. Sigurður Grétar Helgason þjónar. Vox Populi syngur og undirleikari er Hilmar Örn Agnarsson.

Verið öll hjartanlega velkomin!

Follow

Borgarbúar ganga nú til kosninga á vefnum hverfidmitt.is um ýmsar framkvæmdir í hverfum Reykjavíkur en þetta er í sjöunda sinn sem slík íbúakosning fer fram á vegum borgarinnar.

Borgin leggur 450 milljónir til verkefnisins í ár og hefur þeirri fjárhæð verið skipt á milli hverfana eftir fjölda íbúa.

Íbúar sem eru eða verða 15 ára á árinu hafa kosningarétt en hingað til hefur aldurstakmarkið verið 16 ár.

Forval verkefna hefur þegar farið fram og kosið er á milli verkefna sem komust í gegnum fyrri síu.

Meðal verkefna sem kjósa má um í flestum hverfum eru gönguþveranir gatna, vatnspóstar, endurbætur á göngustígum, leik- og sparkvöllum, fjölnota hreysti- og klifursvæði, þurrgufuböð við sundlaugar, nýjar ruslafötur og fleira.

Auk framangreindra verkefna gefst íbúum í Grafarvogi kostur á að kjósa um rafræna vöktun við innganga í hverfið sem kosta myndi 33 milljónir, íbúar í Vesturbænum geta kosið um hundagerði við Vesturbæjarlaug fyrir 4 milljónir og Árbæingar gætu varið sömu fjárhæð í deilihjólastæði.

Snjallvæðing Breiðhyltinga vekur athygli en þeir gætu kosið sér hleðsluskápa fyrir snjalltæki og snjallbekki til að setjast á meðan hlaðið er.

Íbúar Grafarholts geta kosið sér meira skjól með auknu fé til gróðursetninga og íbúar Hlíða kosið bætt aðgengi að stríðsminjum í Öskjuhlíð og tjörn á Klambratúni. Kjalnesingar kosið að virkja vindinn með vindmyllu fyrir 4 milljónir. Þeir eiga þess einnig kost að auka rafræna vöktun í sínu hverfi líkt og Grafarvogsbúar.

Kosningin hófst í gær og fer fram á vefnum hverfidmitt.is. Íbúar hafa allan októbermánuð til að kjósa.

Follow