Sæl öll

Síðasta skákæfing vetrarins hjá Skákdeild Fjölnis verður laugardaginn 26. apríl l frá kl. 11:00 – 12.30.

Upphitun, kennsla og keppni, verðlaun og veitingar.

Skák er skemmtileg. Fjölmennum á laugardag og fögnum glæsilegum skákvetri.

Þriðjudaginn 6. maí kl. 17:00 heldur Skákdeild Fjölnis sitt árlega sumarskákmót og verða þar fjölmargir vinningar í boði og keppt um þrjá eignarbikara í eldri flokk, yngri flokk og stúlknaflokk. Formaður mun þá einnig útnefna afreksmann og æfingameistara deildarinnar 2013 – 2014.

Með kveðju

Helgi Árnason

Skólastjóri Rimaskóla

GSM 6648320

helgi.arnason@reykjavik.is

Follow

Skrúðganga-á-sumardeginum-fyrsta

Að venju verður Sumardagurinn fyrsti haldinn hátíðlegur í Grafarvogi. Hátíðarhöldin hefjast með skrúðgöngu frá Spönginni kl. 11:30 að Rimaskóla, þar sem hátíðarhöldin fara fram milli kl. 11:45 – 14:00

Follow

Í nýju fréttabréfi skóla- og frístundasviðs Reykjavíkurborgar má lesa um mörg af þeim fjölbreyttu viðfangsefnum sem unnið er að á sviðinu. Meðal annars er fjallað um jafnréttisskóla, börn sem meta leikskólastarfið, þróunarverkefnið Skína smástjörnur, þátttökubekki sem sérhæft námsúrræði og áhrif staðalmynda á líðan og sjálfsmynd barna. Þá kemur fram að það metnaðarfulla fagstarf sem fram fer í leikskólum, grunnskólum, frístundamiðstöðvum og skólahljómsveitum í borginni verður kynnt með sýningu í Ráðhúsi Reykjavíkur dagana 30. apríl – 3. maí.

Follow

Nú höfum við sett nýju heimasíðuna okkar í loftið með stefnumálum okkar o.fl. Þar getur þú m.a. smellt á þitt hverfi og skoðað hvað við viljum gera fyrir það. Endilega skoðaðu síðuna með því að smella hér: http://www.xdreykjavik.is/

Follow

Páskaliljur

Séra Vigfús Þór prédikar og þjónar fyrir altari.
Einsöngur: Þóra Einarsdóttir óperusöngvari.
Kór Grafarvogskirkju syngur.
Organisti: Hákon Leifsson
Heitt súkkulaði að ,,hætti Ingjaldar“ eftir guðsþjónustu á vegum Safnaðarfélags og sóknarnefndar Grafarvogssóknar.

Follow

Bingóið hefst í kosningamiðstöð Sjálfstæðisflokksins að Stórhöfða 17 (þar sem Íslandsbanki var áður), laugardaginn 19. apríl, kl. 11:00. Bingóstjóri er Guðlaugur Þór Þórðarson alþingismaður.

Spjaldið kostar 200 krónur.

Félag sjálfstæðismanna í Grafarvogi“

Follow

Á fréttamannafundi í Rimaskóla í Grafarvogi í dag kynnti borgarstjóraefni Sjálfstæðisflokksins í Reykjavík Halldór Halldórsson og aðrir frambjóðendur flokksins stefnu sína fyrir komandi borgarstjórnarkosningar. Þar sat Halldór Halldórsson fyrir svörum ásamt frambjóðendum flokksins fyrir borgarstjórnarkosningarnar sem verða 31. maí.

Á fundinum boðaði Halldór Halldórsson m.a. skattalækkun til handa borgarbúum. Betri rekstur skapar svigrúm til lækkunar skatta sem skila sér í auknu ráðstöfunarfé fjölskyldna. Sjálfstæðisflokkurinn í Reykjavík ætlar að endurskoða gjaldskrár með það fyrir augum að sanngjörn gjöld séu á grunnþjónustu.

Í stefnuskrá flokksins kemur fram að foreldrar hafi frelsi til að velja það sem börnunum er fyrir bestu hvort sem það er dagforeldri, ungbarnaleikskóli eða t.d. nærfjölskyldan. Í þeim tilgangi ætlar flokkurinn að koma á þjónustutryggingu til að dekka tímabilið fá því að fæðingarorlofi lýkur þar til barn kemst á leikskóla.

Þá kemur fram í stefnuskránni að höfuðborgarbúar eiga að njóta hagkvæmni stærðarinnar í rekstri sveitarfélagsins sem skilar sér í auknu ráðstöfunarfé fjölskyldna. Flokkurinn ætlar að draga úr álögum á fjölskyldur og lækka skatta á kjörtímabilinu og ætlar ennfremur að endurskoða gjaldskrár með það fyrir augum að sanngjörn gjöld séu á grunnþjónustu

Í stefnuskrá flokksins kemur skýrt fram að flokkurinn vill ekki að Reykjavíkurflugvöllur fari til Keflavíkur. Nefnd um staðarval er að störfum og mun skilar af sér á þessu ári. Flokkurinn ætlar að endurskoða leiðakerfi Strætó, finna staðsetningu fyrir skiptistöð sem mun fækka skiptingum. Stefnan er ennfremur að lengja þjónustutíma Strætó. Í íþrótta- og tómstundamálum ætlar flokkurinn að hækka frístundastyrkinn upp í 40 þúsund krónur með hverju barni strax í upphafi kjörtímabilsins.

Einnig að auka þjónustuna í sundlaugum Reykjavíkur með því að lengja aftur opnunartímann, færa aldursmörk þeirra sem njóta fríðinda vegna aldurs aftur niður úr 70 árum í 67 ára. Jafnframt vill flokkurinn hraða uppbyggingu sundlauga í Úlfársdal og í Fossvogi.

Stefnuskjal flokksins má finna í heild sinni á vefsíðunni www.xdreykjavik.is ásamt ýmsum öðrum upplýsingum um frambjóðendur flokksins. Sjá nánar á www.xd.is

Follow

Nansý

Skákdeild Fjölnis hélt páskaskákæfingu föstudaginn 11. apríl þegar allir krakkar voru á leiðinni í páskaleyfi. Æfingin var fjölmenn því alls tóku 26 krakkar úr Grafravogi þátt í 5 umferða móti. Nansý Davíðsdóttir Rimaskóla sigraði örugglega og lagði alla sína andstæðinga. Þessi nýkrýndi Íslandsmeistari með skáksveit Rimaskóla hefur verið öflug við taflborðið í vetur og er á leið á NM stúlkna síðar í apríl til að verja titil sinn frá í fyrra. Nansý hlaut 5 vinninga en næstir á eftir henni urðu þeir Kristófer Halldór, Joshua og Hilmir Arnarson í Rimaskóla og Sæmundur Árnason Foldaskóla, allir með fjóra vinninga. Aðrir verðlaunahafar voru Róbert Orri, Kjartan Karl, Heiðrún Anna , Baldvin Þór, Hákon, Kacper og Halldór Snær Rimaskóla og Magnús Haraldsson Ingunnarskóla. Verðlaun að þessu sinni voru páskaegg. Allir sem mættu á æfinguna fengu páskaegg í þátttökuverðlaun og undu glaðir við sitt, enda skákmótið mjög öflugt og skemmtilegt.

Follow

Páskarnir eru framundan og margir á faraldsfæti enda enda gott frí í vændum. Margir kjósa að vera bara heima og hafa það notalegt. Margir nota hátíðina til að skella sér í sund og því er ekki úr vegi og líta yfir opnunartímann í Grafarvoglauginni yfir hátíðarnar.

Á skírdag er opið í Grafarvogslaug frá 9-18. Á föstudaginn langa er lokað en laugardeginum er opið 9-18. Á sjálfan páskadaginn er lokað en á annan í páskum er opið 9-18. Þótt lokað verði í Grafarvogslaug á páskadag verður hægt að skella sér í sund í Árbæjarlaug, Laugardalslag og Vesturbæjarlaug en en á þessu stöðum verður opið frá 10-18.

Þess má og geta að aftur er frí á sumardaginn fyrsta nk. fimmtudag en þá verður opið í Grafarvogslaug frá 9-18.

Follow