Skráning í matjurtagarðana er hafin. Reykjavíkurborg vill koma til móts við þá borgarbúa sem vilja leigja matjurtagarða sumarið 2015.

Tvöhundruð matjurtagarðar verða leigðir út á vegum borgarinnar í Skammadal auk sexhundruð fjölskyldugarða (áður Skólagarðar Reykjavíkur) í Breiðholti, Árbæ, Vesturbæ, Fossvogi, Laugardal og Grafarvogi.

Hvað kostar að leigja matjurtagarð?

Leigugjöld ársins 2015 eru 5.000 kr. fyrir garðland í Skammadal (ca. 100m2) og 4.800 kr. fyrir garð í fjölskyldugörðunum (ca. 20m2).  Umsóknir þurfa að berast fyrir 31.mars. Úthlutun garða verður afturkölluð hafi greiðsla ekki borist á eindaga.

Aðstaða í görðunum

Görðunum verður skilað tættum og merktum.  Hægt verður að komast í vatn hjá öllum görðum. Plöntur og útsæði fylgja ekki með görðunum.

Hvernig er sótt um þjónustuna?

Upplýsingar má finna hjá mhverfis- og skipulagssviði í síma 411-1111. Umsóknir sendist á netfangiðmatjurtagardar@reykjavik.is

Hvenær eru garðarnir afhentir?

Garðarnir verða tilbúnir upp úr miðjum maí og verður tilkynning sett á heimasíðu Reykjavíkurborgar.

Fyrirspurnir og/eða ábendingar
Reykjavíkurborg hefur einnig gert samning við Garðyrkjufélag Íslands um rekstur matjurtagarða í Stekkjarbakka og Grafarvogi.   Nánari upplýsingar um þá er að finna á heimasíðu Garðyrkjufélags Íslands, www.gardurinn.is , undir Grenndargarðar.
Umhverfis- og skipulagssvið Reykjavíkurborgar

Follow

Við íbúar Grafarvogs fögnum því að sjá þetta.

Það er mikil þörf á viðgerðum um alla borg.

Follow

Forráðamenn Skákdeildar Fjölnis geta verið ánægðir með árangur skáksveitanna þriggja sem tefldu fyrir deildina á Íslandsmóti skákfélaga 2015 sem lauk í Rimaskóla um helgina. A sveitin, sem á sæti í deild hinna bestu, B sveit sem var að tefla í fyrsta sinn í 3. deild og C sveit sem tefldi í 4. deild. Fjölnir virðist standa best í skákinni af öllum deildum félagsins því 4. sætið í 1. deild af 10 liðum er betri árangur en þekkist í boltaíþróttunum. Skákdeildin hefur á 11 árum unnið markvisst barna-og unglingastarf sem er að skila sér órtrúlega vel. Í sterkri A sveit í 1. deild eru þrír 16-17 ára gamlir strákar sem urðu margsinnis Norðurlandameistarar með Rimaskóla.

Enginn skákmaður getur lengur bókað sigur gegn þeim Degi, Oliver Aroni eða Jóni Trausta. Það sama á við um B sveitina sem náði 5. sæti, nýliðar í 3. deild. B sveitin er líka að stórum hluta afrekskrakkar úr Rimaskóla á aldrinum 13 – 23 ára og eru þessir krakkar allir bara á uppleið. Dagur Ragnarsson hinn 17 ára gamli Norðurlandameistari í A flokki sýndi enn og aftur hversu sterkur skákmaður hann er orðnn því að hann fór taplaus í gegnum Íslandsmót skákfélaga 1. deild og hlaut 7 vinninga af 9 mögulegum.

Í B sveitinni í 3. deild var það Hörður Aron Hauksson sem stóð sig best og ótrúlega vel, því að hann fékk 6,5 vinninga úr þeim 7 skákum sem hann tefldi. Hörður Aron varð Norðurlandameistari með Rimaskóla árin 2004 og 2008 en hvíldi skákina á menntaskólaárum. Skákdeildin státar af þremur afreksstúlkum sem tefla með B – sveitinni, þær Nansý, Hrund og Sigríður Björg. Skákdeild Fjölnis er nokkurs konar „spútniklið“ 1. deildar og að halda 4. sætinu með engan erlendan skákmann síðustu tvær umferðirnar er auðvitað bara afrek sem góð liðsheild og litlar breytingar innan hópsins skapa.

Follow

Grafarvogskirkja

Ferming kl. 10.30.
Séra Vigfús Þór Árnason og séra Sigurður Grétar Helgason.
Kór kirkjunnar syngur.
Organisti: Hákon Leifsson.
Sjá fermingarbörn

Sunnudagaskóli kl. 11.00.
Umsjón hafa séra Arna Ýrr Sigurðardóttir og Þóra Björg Sigurðardóttir.
Undirleikari er Stefán Birkisson.

Ferming kl. 13.30.
Séra Vigfús Þór Árnason og séra Guðrún Karls Helgudóttir.
Kór kirkjunnar syngur.
Organisti: Hákon Leifsson.
Sjá fermingarbörn

Kirkjuselið í Spöng

Guðsþjónusta kl. 13.00
Séra Arna Ýrr Sigurðardóttir prédikar og þjónar fyrir altari.
Vox Populi syngur.
Organisti: Hilmar Örn Agnarsson.

Sunnudagaskóli á sama tíma.
Umsjón hefur: Ásthildur Guðmundsdóttir.
Undirleikari: Stefán Birkisson.

Follow

Fjölnir unnu öruggan sigur á ÍH í 1.deild karla í kvöld á heimavelli, 33-16. Staðan í hálfleik var 16-8, fyrir Fjölni og sigurinn var aldrei í hættu líkt og tölur sýna.

Með sigri Fjönis komust þeir upp við hlið Selfoss í 3.sæti deildarinnar með 27 stig og eru allar líkur á því að þessi lið munu mætast í umspili um sæti í Olís-deild en Selfoss eiga heimaleikjaréttinn eins og staðan er nú þegar tvær umferðir eru eftir af deildinni.

Sindri Freyr Gunnarsson var markahæstur í liði Fjölnis í kvöld með 12 mörk og Björgvin Páll Rúnarsson gerði átta mörk í leiknum. Í liði ÍH var Guðni Guðmundsson markahæstur með fimm mörk.

Fjölnir 33-16 ÍH (16-8)

Mörk Fjölnir: Brynjar Loftsson 12, Björgvin Páll Rúnarsson 8, Kristján Örn Kristjánsson 4, Breki Dagsson 3, Bjarki Lárusson 3, Unnar Arnarsson 2, Sveinn Þorgeirsson 1.

Mörk ÍH: Guðni Guðmundsson 5, Jón Ásbjörnsson 4, Þórir Bjarni Traustarson 2, Ólafur Fannar Heimisson 2, Aðalstein Gíslason 1, Snorri Rafn Thedórsson 1.

Follow

Mikill fjöld krakka horðu á sólmyrkvann í morgunn.

Follow

Oliver Aron Jóhannesson (2212) 16 ára Fjölnismaður varð efstur í flokki ungmenna á alþjóðlega skákmótinu Reykjavik Open sem lauk í Hörpu sl. miðvikudag. Árangur Olivers í mótinu, en hann hlaut 7 vinninga af 10,  var sérlega glæsilegur, og hann var eini titillausi keppandinn í efstu 49. sætunum. Hinir í hópi efstu voru allir stórmeistarar, alþjóðlegir meistarar eða FIDE meistarar. Oliver Aron endaði í 31. sæti af 271 keppanda.

Með þessum árangri rýkur hann upp ELÓ-stigatöfluna. Stórmeistari okkar Fjölnismanna Héðinn Steingrímsson hlaut 6,5 vinninga og ungu skákstirnin Jón Trausti Harðarson og Dagur Ragnarsson hlutu 5,5 vinninga.

Nansý Davíðsdóttir 13 ára hækkaði um 50 skákstig á mótinu og bróðir hennar Joshua sem tefldi á sínu fyrsta alþjóðlega móti fer inn á stigalistann eftir þetta mót með árangur 1500 stiga skákmanns.

Systkinin Hörður Aron og Hrund Hauksdóttir og Jóhann Arnar Finnsson 14 ára hækkuðu öll á stigum með góðum árangri á mótinu. Öll tefldu þau eða tefla fyrir Rimaskóla í gegnum árin.

Næsta verkefni þessara afreksmanna er að tefla fyrir Skákdeild Fjölnis á Íslandsmóti félagsliða í Rimaskóla dagana 19. – 21. mars.

Follow

Jón Karl Ólafsson var sæmdur starfsmerki UMFÍ.

Jón Karl Ólafsson var endurkjörinn formaður Ungmennafélagsins Fjölnis á aðalfundi félagsins sem haldinn var í Egilshöllinni í Grafarvogi 12. mars. Helga Jóhannsdóttir, stjórnarmaður í Ungmennafélagi Íslands, sæmdi á aðlfundinum Jón Karl Ólafsson formann Fjölnis starfsmerki UMFÍ.

Auk Jón Karls formanns skipa stjórn Fjölnis þau Birgir Gunnlaugsson, Ásgeir Heimir Guðmundsson, Kristján Friðrik Karlsson, Sveinn Ingvarsson, Laufey Jörgensdóttir og Ólöf Inga Guðbjörnsdóttir.

Almenn bjartsýni ríkti á fundinum en starfið innan félagsins er gríðarlega mikið og á síðasta ári var fjölgun í flestum deildum. Bygging á nýju fimleikahúsi er í fullum gangi en það verður tekið í notkun á næsta ári. Þá eiga Fjölnismenn í viðræðum við borgaryfirvöld um byggingu á íþróttahúsi.

Follow