Úlfar Hinriksson, landsliðsþjálfari U17 kvenna, hefur valið landsliðið sem tekur þátt í Opna Norðurlandamótinu sem fram fer í Svíþjóð í byrjun júlí.

Fjölnir er með tvo leikmenn í þessu liði sem heita Jasmin Erla Ingadóttir og Kolbrún Tinna Eyjólfsdóttir.

Við óskum þeim til hamingju með þennan árangur.

Kolbrún Tinna Eyjólfsdóttir

Jasmin Erla Ingadóttir

Foldabær er 20 ára í dag og héldu starfsfólk og heimilisfólk upp á daginn með veglegri kökuveislu.

Séra Vigsfús prestur í Grafarvogssókn kom ásamt fleiri starfsmönnum kirkjunna og færðu heimilinu gjafir.

Mikil gleði var ríkjandi á meðal gesta.

Það eru 8 konur sem eru búsettar í Foldabæ.

Fimm leikir verða í Pepsi deild karla á sunnudaginn (einn á mánudaginn) og mætum við Fjölnismenn í Garðabæinn og spilum við Stjörnuna á Samsung vellinum kl. 19.15.

Stjarnan er í 2. sæti deildarinnar og eru enn taplausir eftir 8 umferðir með 4 sigra og 4 jafntefli og einungis tveimur stigum á eftir toppliði FH. Stjarnan hefur á að skipa gríðarlega vel mönnuðu liði með Veigar Pál Gunnarsson, Jeppe Hansen, Ólaf Karl Finsen og Garðar Jóhannsson sem fremstu menn meðal jafningja. Í leikmannahópi Stjörnunnar er einning Hilmar Þór Hilmarsson sem spilaði svo vel með okkur Fjölnismönnum í 1. deildinni s.l. sumar. Svo má auðvitað ekki gleyma gleðigjafanum síkáta Pablo Punyed en hann átti frábært tímabil með Fjölni árið 2012.

Nú hafa komið tvö töp í deildinni í röð hjá strákunum (gegn FH og Fram) og eru strákarnir staðráðnir í að selja sig dýrt á sunnudaginn til að rétta við gengið og byrja aftur stigasöfnunina. Svo til allir leikmenn eru heilir en Aron Sig. fékk þungt höfuðhögg gegn Fram en ætti að vera orðin heill í leikinn gegn Stjörnunni. Þórir Guðjóns er einnig kominn á fullt eftir handarbrot og smávægilega tognun í nára.

Nú er ekkert annað en að skella sér útúr bænum um helgina og alla leið í Garðabæinn og hvetja strákana til sigurs. Ekki veitir af því Silfurskeið (stuðningsmannaklúbbur) Stjörnunnar eru rómaðir fyrir mikil læti og stemningu á leikjum Stjörnunnar.

ÁFRAM FJÖLNIR

Góðan daginn !

Minni á að ný námskeið eru að hefjast eftir helgi.

Í viðhengi eru upplýsingar um sumarnámskeiðin sem verða hjá félaginu í sumar.

Starfsfólk skrifstofu Fjölnis veita allar upplýsingar á opnunartíma skrifstofu í sima 578-2700 eða með tölvupósti á aefingagjold@fjolnir.is

Búið er að opna fyrir skráningar í Nóra á heimasíðu félagsins, hér er slóð beint á skráningarsíðuna https://fjolnir.felog.is ein undantekning er þó, skráning í Tennisskóla Fjölnis og Þróttar er í gegnum þessa slóð www.tennishollin.is/tennisskoli  eða í síma 564-4030

Bestu kveðjur,

Málfríður Sigurhansdóttir,

Íþrótta- og félagsmálastjóri,

Ungmennafélagsins Fjölnir.

[su_button url=“http://grafarvogsbuar.is/sumarnamskeid-2014″ target=“blank“ style=“3d“ background=“#1065bd“ radius=“0″]Sumarnámskeið 2014 [/su_button]

Þóra Björk tekur hress og kát á móti öllum á föstudaginn í galleríinu Opið frá kl.14-18

Nú eru flest allir starfsmenn skóla í Grafarvogi komnir í sumarleyfi og lítil sem engin starfsemi í skólum.

Við íbúar Grafarvogs þurfum að huga að okkar nær umhverfi og fylgjast með því að vel sé gengið um.

Það kom ábending frá skólastjórnendum Rimaskóla þeim Helga Árnasyni og Mörtu Karlsdóttir þar sem fram kemur að í tvígang hefur verið ráðist á byggingar Rimaskóla og stórar rúður brotnar.

Rimaskóli hefur blessunarlega verið nokkuð laus við rúðubrot sl. ár og því er það mjög sorglegt og niðurlægjandi fyrir alla sem koma að skólastarfinu, starfsmenn, nemendur og foreldra, að horfa upp á skólann okkar verða fyrir skemmdum að hálfu barna eða fullorðinna.

Rúðubrotin virðast framin um kvöld, nætur og helgar.

Brotnar rúður eru oftar en ekki úr sjónfæri við íbúa eða gangandi umferð, inn í portinu og við neyðardyr á kennsluálmum.

Mig langar að biðja ykkur foreldra um að vera á varðbergi ef að þið hafið tækifæri til að fylgjast með grunsamlegum mannaferðum við skólann sem gætu tengst skemmdarverkum eins og ég er hér ða lýsa.

Einnig ef að þið hafið einhverjar upplýsingar um gerendur þá væru þær vel þegnar til að senda á lögregluna eða skólastjórnendur.

Með óskum um gott og ánægjulegt sumarleyfi

Skólastjórnendur: Helgi og Marta

Ég Þóra Björk Design – Thora Bjork Design, verð í Skúmaskoti á fimmtudaginn.

Kíkið endilega við.

kveðja

Þóra Björk

Eins og safnaðarfólki er kunnugt heldur Grafarvogssöfnuður upp á 25 ára afmæli sóknarinnar á þessu ári en sóknin var stofnuð þann 5. júní l989.

Nýlega ákvað sóknarnefndin að gefa út afmælisbók vegna þessara tímamóta þar sem saga sóknarinnar í þessi 25 ár verður sögð. Sigmundur Ó. Steinarsson, rithöfundur og ritstjóri hefur verið ráðinn til að skrá söguna en hann hefur komið að skráningu nokkurra bóka. Nú síðast Knattspyrnusögu Íslands.

Ljóst er að kostnaður við útgáfu slíkrar bókar, sem verður skemmileg, myndræn og nútímaleg, verður töluverður. Sóknarnefnd ætlar því að leita til fólksins í söfnuðinum og bjóða því að skrá sig á heillaóskalista „Tabula gratulatoria.” Sá sem skráir sig á heillaóskalistann fær nafn sitt birt í afmælisbókinni og bókina afhenta eftir hátíðarguðsþjónustu í kirkjunni þann 21. september nk. kl. 11.00. Biskup Íslands, séra Agnes M. Sigurðardóttir, mun prédika. Kaffisamsæti verður eftir guðsþjónustuna.

Mjög stór hópur fólks hefur tekið virkan þátt í kirkjustarfinu á liðnum 25 árum og því er vonast til að margir vilji eignast bókina og að vel gangi að fjármagna útgáfuna.

Gleðjumst á afmælisári Grafarvogssóknar og eignumst okkar eigin sögu, skráða af kunnáttumanni!

Bókin kostar 5.000 kr.

Heillaóskalisti „Tabula gratulatoria.“ Hjón skrá sig saman og er kostnaður sá sami og hjá einstaklingi

Smelltu hér til þess að panta bókina.