Það hef­ur varla farið fram­hjá nein­um að Gleðigang­an fer fram í dag. Hefst gang­an klukk­an 14 frá Vatns­mýr­ar­vegi og verður gengið niður á Arn­ar­hól. Vegna göng­unn­ar verða tölu­verðar lok­an­ir á göt­um í miðborg­inni eins og lög­regl­an á höfuðborg­ar­svæðinu út­skýr­ir á meðfylgj­andi mynd.

Lög­regl­an biður íbúa gatn­anna af­sök­un­ar á óþæg­ind­un­um sem kunna að skap­ast vegna lok­an­anna. Þá hvet­ur hún fólk til að kynna sér lok­an­irn­ar til þess að forðast taf­ir og sekt­ir.

Jón Margeir | MBL mynd Sverrir Gíslason

Jón Mar­geir Sverris­son úr Fjölni varð í dag Evr­ópu­meist­ari í 200 metra skriðsundi á nýju Evr­ópu­meti þegar hann kom fyrst­ur í mark af miklu ör­yggi á Evr­ópu­meist­ara­móti fatlaðra í Eind­ho­ven í dag.

Jón Mar­geir, sem kepp­ir í flokki þroska­hamlaðra S14, kom í bakk­ann á 1:58,60 mín­útu og bætti fyrra Evr­ópu­metið sitt um 70/​100 úr sek­úndu. Þetta er enn eitt af­rekið hjá Jóni sem vann til gull­verðlauna í grein­inni á Ólymp­íu­móti fatlaðra fyr­ir tveim­ur árum.

Næsti maður á eft­ir Jóni var Bret­inn Thom­as Hamer sem kom í bakk­ann á 2:00,36 mín­út­um.

Thelma í bar­áttu um verðlauna­sæti

Í morg­un kepptu Kol­brún Alda Stef­áns­dótt­ir úr Firði/​SH og Aníta Ósk Hrafns­dótt­ir úr Firði/​Breiðabliki í und­an­rás­um 200 metra skriðsund, í flokki þroska­hamlaðra, en komust ekki í úr­slit. Þær stöll­ur komu í bakk­ann á ná­kvæm­lega sama tíma eða 2:27,72 mín­út­um.

Thelma Björg Björns­dótt­ir komst hins veg­ar í úr­slit í 100 metra skriðsundi, í flokki hreyfi­hamlaðra S6, en hún varð fjórða í und­an­rás­um á 1:26,11 mín­útu. Hún kem­ur því til með að berj­ast um verðlauna­sæti í úr­slit­un­um í kvöld.

Val­ur vann sig­ur á Fjölni í hreint út sagt ótrú­leg­um leik á Voda­fo­nevell­in­um í kvöld. Lauk leikn­um með 4:3-sigri Vals eft­ir að liðið komst í 3:0-for­ystu en þannig var staðan í hálfleik. Fjöln­is­menn bár­ust sem ljón í síðari hálfleik og tókst þeim að skora þrjú mörk en það dugði ekki til.

Leik­ur­inn fór ró­lega af stað en hitnaði í kol­un­um á 16. mín­útu þegar Daði Bergs­son, fram­herji Vals, komst í dauðafæri. Hann fékk þá góða send­ingu frá Magnúsi Má Lúðvíks­syni á hægri kant­in­um inn í víta­teig Fjöln­is. Daði var hins veg­ar lengi að at­hafna sig þar sem hann var einn á móti Þórði Inga­syni, markverði Fjöln­is, og lauk sókn­inni með slöku skoti.

Vals­menn komust yfir á 24. mín­útu þegar Bjarni Ólaf­ur Ei­ríks­son sendi bolt­ann fyr­ir mark Fjöln­is. Í víta­teign­um var Sig­urður Eg­ill Lárus­son mætt­ur og af­greiddi bolt­ann snyrti­lega upp í hægra hornið.

Fjór­um mín­út­um síðar fékk Daði sitt annað dauðafæri á átta mín­út­um. Hann var þá með knött­inn uppi við enda­mörk og kom hon­um ein­hvern veg­inn fram­hjá Þórði. Bolt­inn var á leið yfir lín­una þegar varn­ar­maður Fjöln­is náði til hans og bjargaði.

Daði bætti held­ur bet­ur fyr­ir klúður sín tvö því hann skoraði tvö mörk með þriggja mín­útna milli­bili. Ann­ars veg­ar á 31. mín­útu þegar hann nýtti sér varn­ar­mis­tök Árna Krist­ins Gunn­ars­son­ar sem átti slaka send­ingu til baka á Þórð í mark­inu. Daði komst inn í send­ing­una og átti ekki vand­ræðum með að sneiða hann í hægra hornið.

Á 34. mín­útu fékk Daði svo fasta send­ingu á nær­stöng­ina frá Billy Bernts­son og þrumaði hon­um upp í þak­netið.

Þrem­ur mín­út­um áður en flautað var til leik­hlés var staðan svo næst­um því orðin 4:0 en þá tætti Daði í sig varn­ar­menn Fjöln­is og kom bolt­an­um fyr­ir markið. Krist­inn Freyr Sig­urðsson reyndi þá létta hæl­spyrnu og var bolt­inn næst­um því far­inn yfir lín­una.

Staðan var því 3:0 fyr­ir Vals­menn í hálfleik.

Ágúst Þór Gylfa­son, þjálf­ari Fjöln­ismanna, gerði tvær skipt­ing­ar í hálfleik. Meðal ann­ars kom inn á völl­inn Aron Sig­urðar­son. Sú skipt­ing virt­ist hafa góð áhrif á leik Fjöln­is en Aron lagði upp mark Þóris Guðjóns­son­ar á 49. mín­útu.

Vals­menn urðu fyr­ir áfalli á 55. mín­útu þegar Daði þurfti að fara af velli vegna meiðsla. Það reynd­ist þó ekki meira en svo að eft­ir­maður Daða, Krist­inn Ingi Hall­dórs­son, skoraði ágætt mark á 62. mín­útu. Fékk hann þá stungu­send­ingu inn fyr­ir vörn Fjöln­is frá nafna sín­um, Kristni Frey Stef­áns­syni.

Fjöln­is­menn gáf­ust ekki upp og börðust sem ljón. Upp­skáru þeir með marki á 72. mín­útu en þar var að verki áður­nefnd­ur Aron sem skoraði með glæsi­legu skoti vinstra meg­in úr víta­teig Vals. Hafnaði bolt­inn uppi í hægra horn­inu.

Á 82. mín­útu fengu Fjöln­is­menn svo auka­spyrnu fá­ein­um metr­um fyr­ir utan víta­teig Vals. Títt­nefnd­ur Aron steig á stokk, skaut að marki og inn fór bolt­inn. Skotið var ágætt en Fjal­ar hefði átt að gera bet­ur í mark­inu.

Loka­mín­út­urn­ar voru æsispenn­andi. Á 84. mín­útu fékk Atli Már Þor­bergs­son sann­kallað dauðafæri fyr­ir Fjölni og átti hrein­lega að jafna met­in. Það eina sem hann þurfti að gera var að koma bolt­an­um yfir lín­una þegar hann barst til hans á fjær­stöng­inni. Ekk­ert var á milli hans, bolt­ans og marks­ins. En allt kom fyr­ir ekki og flækju­fót­ur gerði vart við sig.

Þrátt fyr­ir mik­inn sókn­arþunga tókst Fjöln­ismönn­um ekki að skora jöfn­un­ar­markið og þurftu að sætta sig við eins marks tap, 3:4.

Fylgst er með leikn­um í beinni texta­lýs­ingu hér fyr­ir neðan. Þá er fylgst með öll­um leikj­um kvölds­ins í Pepsi-deild­um karla og kvenna hér á mbl.is í ÍSLENSKI BOLT­INN Í BEINNI.

Valur 4:3 Fjölnir

Valur: (4-3-3) Mark: Fjalar Þorgeirsson. Vörn: Billy Berntsson, Magnús Már Lúðvíksson, Mads Nielsen, Bjarni Ólafur Eiríksson. Miðja: Iain Williamson (Halldór Hermann Jónsson 79), Tonny Mawejje, Kristinn Freyr Sigurðsson. Sókn: Sigurður Egill Lárusson, Patrick Pedersen (Haukur Páll Sigurðsson 85), Daði Bergsson (Kristinn Ingi Halldórsson 55).
Varamenn: (M), Haukur Páll Sigurðsson, Kristinn Ingi Halldórsson, Kolbeinn Kárason, Anton Ari Einarsson, Gunnar Gunnarsson, Þórður Steinar Hreiðarsson, Halldór Hermann Jónsson.

Fjölnir: (4-5-1) Mark: Þórður Ingason. Vörn: Árni Kristinn Gunnarsson, Atli Már Þorbergsson, Bergsveinn Ólafsson, Matthew Ratajczak. Miðja: Guðmundur Karl Guðmundsson (Aron Sigurðarson 46), Illugi Þór Gunnarsson, Gunnar Már Guðmundsson, Guðmundur Böðvar Guðjónsson (Guðmundur Karl Guðmundsson 46), Ragnar Leósson. Sókn: Þórir Guðjónsson (Christopher Tsonis 77).
Varamenn: Arnar Freyr Ólafsson (M), Gunnar Valur Gunnarsson, Aron Sigurðarson, Viðar Ari Jónsson, Haukur Lárusson, Magnús Páll Gunnarsson, Christopher Tsonis.

Skot: Valur 7(3) – Fjölnir 7 (5)
Horn: Valur 5 – Fjölnir 5.

Lýsandi: Andri Karl
Völlur: Vodafonevöllurinn að Hlíðarenda
Áhorfendafjöldi: 852

Leikur hefst
6. ágú. 2014 19:15

Aðstæður:
Fimmtán stiga hiti, létt gola og þurrt. Völlurinn í fínu ásigkomulagi.

Dómari: Kristinn Jakobsson
Aðstoðardómarar: Gylfi Már Sigurðsson og Smári Stefánsson

Minningar- og friðarstund verður haldin í Viðey fimmtudagskvöldið 7. ágúst. Ljós Friðarsúlunnar verður tendrað í minningu þeirra barna sem látið hafa lífið á síðustu vikum í hinum skelfilegu stríðsátökum. Friðarsinninn og listamaðurinn Yoko Ono tilkynnti fyrir nokkrum dögum að kveikt yrði á Friðarsúlunni af þessu tilefni og mun ljósið loga til morguns.

Meistaraflokkur Fjölnis í knattspyrnu karla fer og heimsækir Val á Hlíðarenda í kvöld.

Leikurinn hefst kl: 19.15

Hvetjum Grafarvogsbúa og alla aðra stuðningsmenn Fjölnis að mæta og hvetja strákana í baráttunni.

Áfram Fjölnir.

Innipúkinn hefur farið víða síðan hátíðin var fyrst haldin árið 2002. Margir af fremstu tónlistarmönnum og skemmtikröftum landsins hafa komið fram á hátíðinni – og má þar nefna Ómar Ragnarsson, Gylfi Ægisson, Raggi Bjarna, Dikta, FM Belfast, Trabant, Mínus, Mugison, Megas, Hjaltalín, Ólöf Arnalds og svo mætti lengi áfram telja. Auk þess hafa erlendir gestir á borð við Cat Power, Blonde Redhead, Raveonettes, Jonathan Ritchman og Television spilað á púkanum. Innipúki undanfarinna ára hefur verið alfarið íslenskur og verður ekki breyting á því í nú – enda af nægu góðu og skemmtilegu að taka í fjölbreyttri tónlistarflóru landsins.

Verið er að gera við götur hverfisins á næstu dögum.

Vinsamlega farið varlega í umferðinni.

Einnig er víða verið að slá og fögnum við því.

Brúðargjafir, já og allar aðrar gjafir fást hjá okkur í Gallerí Korpúlfsstaðir!

Á morgun fimmtudag, föstudag, laugardag og sunnudag verður opið í Gallerí Korpúlfsstaðir og verður Þóra Björk á vaktinni fimmtudag og föstudag.

Fljótlega opnar Litli Bóndabærinn bakarí og kaffihús á Korpúlfsstöðum og þá er hægt að setjast niður og njóta bæði myndlistar, rjúkandi kaffi og með því á Korpúlfsstöðum en þangað til ætlar Þóra Björk að bjóða upp á kaffi fimmtudag og föstudag milli kl. 14-18.

Verið velkomin að upplifa það sem við sköpum í þessu sögufrægu húsi, Korpúlfsstaði. p.s það má deila þessari tilkynningu til vina.