Malbikun er nú lokið við nýjan göngu- og hjólastíg meðfram Gufuneskirkjugarði við Borgaveg. Frágangur er að mestu eftir en verkinu á að verða lokið að mestu í byrjun nóvember. Verkefnið var kosið af íbúum Grafarvogs í rafrænum íbúakosningum vegna Betri hverfa á þessu ári. Kostnaður við verkefnið er 14 milljónir.

Í nóvember verður opnað á ný fyrir innsetningu hugmynda frá íbúum inn á vefinn Betri hverfi 2014 en til stendur að halda rafrænar íbúakosningar í mars 2014. Fylgist með og sendið endilega sem flestar hugmyndir fyrir hverfin ykkar. Með því verður borgin blómlegri.

Follow

Á íbúafundi um hverfaskipulag Grafarvogs sem haldinn var í síðasta mánuði kom fram megn óánægja hve mikið af þjónustu hefur horfið úr hverfinu á síðustu árum og er í því sambandi hægt að nefna ýmsar verslanir, pósthús, banka og verslun ÁTVR. Íbúum hverfisins finnst þetta slæm þróun en í Grafarvogi búa um 18 þúsund manns.

Áfengisverslun var í nokkur ár í Spönginni en hátt í fimm ár eru síðan henni var lokað. Íbúar þurfa því að leita út fyrir hverfið til að sækja þjónustu ÁTVR.

,,Það hefur engin ákvörðun verið tekin um opnum áfengisverslunar á ný í Grafarvogi. Við vorum ekki ánægð með húsnæði búðarinnar sem var í Spönginni á sínum tíma og því var búðinni lokað. Sala á áfengi hefur líka dregist saman eftir hrun og eins og ég sagði áður hefur ákvörðun um opnum á nýjan leik ekki verið tekin eins og málum háttar,“ sagði Sigrún Ósk Sigurðardóttir, aðstoðarforstjóri ÁTVR, í samtali við Grafarvogsbúa.is.

Follow

Hinn árlegi fundur lögreglunnar á höfuðborgarsvæðinu um málefni Grafarvogs og Kjalarness verður haldinn í Miðgarði, þjónustumiðstöð Grafarvogs og Kjalarness, Gylfaflöt 5, þriðjudaginn 22. október kl. 16:00. Fundurinn eru opinn öllum íbúum hverfisins og öðrum áhugasömum, en fulltrúar hverfisráðs, íbúasamtaka, foreldrafélaga og skólastofnana eru sérstaklega velkomnir.

Á fundinum verður farið yfir helstu verkefni lögreglunnar í hverfinu, afbrotatíðni skoðuð o.fl. Í kjölfarið fá fundargestir tækifæri til að beina spurningum sínum til forsvarsmanna lögreglunnar. Meðal gesta á fundinum verður Stefán Eiríksson lögreglustjóri höfuðborgarsvæðisins.

Follow

Heildverslunin Geiri ehf. Byggir á áratuga gömlum grunni var stofað 1984. Hóf fyrst að selja vörur tengdar útgerð ásamt búnaði fyrir kjöt og fiskvinnslur. Árið 2001 hóf fyrirtækið innfluttning og sölu á stóreldhús tækjum og búnaði fyrir mötneyti, veitingahús og þessháttar starfsemi.

Þekking og ráðgjöf starfsmanna Geira ehf
Við erum samheldinn hópur sem vinnur þétt saman að okkar þjónustusviðum sem skiptast upp í Kjöt og fiskvinnslusvið, vetingar og iðnaðarsvið, hótel og veitingarhús,
mötuneyti og stórelhús, og svo verkstæði.

Kjöt og fiskvinnslusvið
Geiri ehf býður upp á flest allt sem þarf við vinnslu á kjötvinnslu og fiskvinnslu vörum. Reynsla starfsmanna okkar nýtist viðskiptavinum okkar við mat á lausnum
og val á réttum tækjabúnaði og við keppumst við að finna réttu tækin á hagkvæmu verði í hvert skipti. Láttu okkur finna fyrir þig réttu tækin.

Veitingar og Iðnaðarsvið
Geiri ehf býður veitinga og iðnaðarsviði mikla þjónustu meðal annars við veitingahús, hótel, Þvottahús, stóeldhús, mötuneyti, matvælafyrirtæki og flest allan annan matvælaiðnað.

Hótel og veitingahús
Geiri ehf veitir margþættar lausnir, og þar skitpir reynsla starfsmanna miklu máli viða val á tækjabúnaði, húsgögnum og innréttingum. Ef þig vantar að fá ráðgjöf
fyrir hótel,veitingastaði eða bara hvað sem er þá skalt þú hafa samband við okkur.

Mötuneyti og stóreldhús
Geiri ehf býður upp á margþættar lausnir fyrir mötuneyti skóla, fyrirtækja, heilbrigðisstofnana. Við hjálpum þér að skipuleggja eldhúsið eða vinnusvæðið þannig að hver fermeter nýtist sem best. Með réttri hönnun og skipulagi skapast betri vinnuaðstaða og afköstin margfaldast. Þú getur treyst okkur fyrir skipulagningu á þínum vinnustað

Hafðu samband við okkur ef það er eitthvað sem við getum hjálpað þér með í s. 511-2030 eða e-mail geiriehf@geiriehf.is

Geiri ehf.
Bíldshöfða 16
110 Reykjavík

Follow

Rekstrarfélag 10-11 gerði nýlega fínar breytingar á versluninni í Langarimanum. Helstu breytingarnar voru varðandi innganginn í verslunina sem var færður til, þannig  að allt aðgengi að versluninni er orðið mun þægilegra fyrir viðskiptavini okkar, við  endurskipulögðum alla uppsetningu á hillum, yfirfórum vöruúrvalið í búðinni, stækkuðum nammibarinn o.fl.,  einnig tókum við hraðbankann inn til okkar og á næstu vikum munum við opna sjálfsafgreiðslu „ísbar“ í samvinnu við Ísgerðina inní búðinni okkar.

Þetta sagði Sigurður Karlsson Rekstrarstjóri 10-11.

Follow

Fyrri hluti Íslandsmóts félagsliða í skák fór fram í Rimaskóla helgina 10. -13. október. Um 400 skákmenn tefla undir sama þaki í fjórum deildum og fjölmargir áhorfendur lögðu leið sína á skákstað til að fylgjast með. A – sveit Fjölnis keppti nú að nýju í 1. deild eftir árshlé og teflir fram yngstu og efnilegustu skáksveitinni í deildinni. Þeir Dagur Ragnarsson, Oliver Aron Jóhannesson og Jón Trausti Harðarson sem nýlega urðu Norðurlandameistarar með Rimaskóla stóðu aldeilis fyrir sínu í fyrri hluta mótsins og fengu 60% vinninga þrátt fyrir að tefla „upp fyrir sig“ allan tímann. Tveir erlendir skákmeistarar tefldu með A sveitinni, þeir Thomas Henrichs frá Þýskalandi 80% vinninga og Floris van Asseldelft frá Hollandi sem var með 40% vinninga.

Þrátt fyrir fallspá liðsstjóra 1. deildar félaga þá gekk Fjölnismönnum betur en nokkur átti von á og með frammistöðunni í fyrri hluta Íslandsmótsins þá er A – sveit Fjölnis nú þegar búin að tryggja sér áframhaldandi veru í deild hinna bestu.

Staðan í 1. deild eftir 5 umferðir af 9.

Follow

Skákfélagið GM Hellir leiðir í fyrstu deild Íslandsmóts skákfélaga en 2. umferð fór fram í kvöld. Sveitin vann skáksveit Taflfélags Bolungarvíkur 5,5-2,5 og hefur 13 vinninga.

Taflfélag Vestmannaeyja, sem vann b-sveit GM Hellis er í 2. sæti með 12,5 vinning. Íslandsmeistarar Víkingaklúbbsins unnu Taflfélag Reykjavíkur 5-3 en þessar sveitir eru jafnar í 3.-4. sæti með 10,5 vinning.

Önnur úrslit kvöldsins voru þau að Skákfélag Akureyrar hafði betur gegn Fjölnismönnum 4,5-3,5 og Vinaskákfélagið byrjar veru sína í efstu deild ákaflega vel og vann b-sveit TR 5-3.

Þriðja umferð fer fram á morgun og hefst kl. 11.  Þá mætast forystusauðirnir, í GM Helli, b-sveit Taflfélags Reykjavíkur og Eyjamenn mæta Bolvíkingum. Íslandsmeistarar Víkingaklúbbsins mæta nýliðum Vinaskákfélagsins.

Follow

Forsetahjónin  Ólafur Ragnar Grímsson og  Dorrit Moussaieff heimsóttu Rimaskóla á forvarnadeginum 2013. Forsetinn átti fund með nemendum 9. bekkjar, kennurum og stjórnendum skólans. Forsetinn kynnti góðan árangur forvarnastarfs á Íslandi á síðustu áratugum þar sem Ísland mælist lægst hvað neyslu vímuefna meðal ungmenna varðar. Rimaskóli kynnti forsetanum og gestum hans ánægjulegan árangur við að uppræta einelti meðal nemenda skólans. Þar skora nemendur Rimaskóla lægst í síðustu Olweus- eineltiskönnun hvað varðar tíðni eineltis og mikilvægt að skólinn verji þá góðu stöðu. Forsetinn heilsaði upp á fjölmarga nemendur skólans í frímínútum og kynnti sér kennlsu í byrjendalæsi í 2-HJ. Með forseta íslands í för voru m.a. forseti ÍSÍ og forstöðumaður Miðgarðs.

Follow

Fyrri hluti Íslandsmóts skákfélaga 2013-2014 fer fram dagana 10.-13. október nk. Mótið fer fram í Rimaskóla í Reykjavík.  Fyrsta umferð (eingöngu í 1.deild) mun hefjast kl. 19.30 fimmtudaginn 10. október.

Aðrar deildir munu hefja taflmennsku föstudaginn 11. október kl. 20.00 og síðan verður teflt laugardaginn 12. október kl. 11.00 og kl. 17.00 sama dag. Síðasta umferðin í fyrri hlutanum hefst kl. 11.00 sunnudaginn 13. október.

Um 350 – 400 þátttakendur verða að tafli í Rimaskóla þessa helgi og nemendur 10. bekkjar sjá um veitingasölu þar sem allur ágóði rennur til útskriftarferðar árgangsins næsta vor. Skákdeild Fjölnis sendir þrjár skáksveitir á Íslandsmót skákfélaga. A sveitin teflir í 1. deild en B og C sveitir Fjölnis í 4. deild. Garfarvogsbúar eru velkomnir á keppnisstað til að fylgjast með spennandi keppni þar sem allir bestu skákmenn landsins eru meðal þátttakenda.

Follow