Grafarvogskirkja

Guðsþjónusta kl. 11.00
Fundur með foreldrum og fermingarbörnum úr Rimaskóla
Prestar: séra Vigfús Þór Árnason og séra Sigurður Grétar Helgason
Kór kirkjunnar syngur
Organisti: Hákon Leifsson

Sunndagaskóli kl. 11.00
Prestur: séra Arna Ýrr Sigurðardóttir
Umsjón hefur Ásthildur Guðmundsdóttir
Undirleikari: Stefán Birkisson

Kirkjuselið í Spöng

Guðþjónusta kl. 13.00
Prestur: séra Arna Ýrr Sigurðardóttir
Kirkjuvinir syngja
Organisti: Hákon Leifsson

Sunnudagaskóli á sama tíma
Umsjón hefur Þóra Björg Sigurðardóttir
Undirleikari: Stefán Birkisson

Í desember 2012 skráði Miðgarður, þjónustumiðstöð Grafarvogs og Kjalarness sig til þátttöku í Grænum skrefum í starfsemi Reykjavíkurborgar. Í júní 2013 fengum við viðurkenningu fyrir Skref 1. Í desember 2013 fengum við viðurkenningu fyrir Skref 2 og í mars 2014 fengum við viðurkenningu fyrir Skref 3, fyrst allra þátttakenda. Nú er staðan þannig að við erum búin að ljúka öllu sem til þarf og bíðum spennt eftir því að fá viðurkenningu fyrir Skref 4, sem jafnframt er síðasta skrefið.
Þetta verkefni er búið að vera ákaflega skemmtilegt og hefur ýtt við flestum starfsmönnun. Flestir í það minnsta farnir að flokka meira heima hjá sér en áður var gert. Mikill samhugur hefur verið meðal starfsmanna um að standa sig vel í þessu verkefni og hefur þetta gengið átakalaust fyrir sig, þó vissulega hafi komið upp sú staða að mannskapurinn standi á gati fyrir framan rusladallana okkar alla.
Strax í upphafi lögðum við áherslu á að draga úr magni óflokkaðs sorps. Miðað við niðurstöður Græna bókhaldsins fyrir árið 2014 hefur það heldur betur gengið vel því hjá okkur er óflokkað sorp einungis 7% af öllu sorpi, rest eða 93% er því flokkuð. Þessu ber að fagna. Eins höfum við lagt áherslu á það að minnka orkunotkun, rafmagn og heitt vatn. Þar hefur okkur líka tekist vel upp eins og sjá má á meðfylgjandi myndum.
Þrátt fyrir að Skref 4 sé brátt í höfn hjá okkur munum við alls ekki leggja árar í bát heldur einbeita okkur að því að gera enn betur.
Við lítum svo á að Reykjavíkurborg, annar stærsti vinnustaður landsins, eigi að vera leiðandi í málum sem snúa að því að efla vistvænan rekstur og minnka umhverfisáhrif sveitarfélagsins. Við munum leggja okkar að marki til að styðja við þetta verkefni og hvetjum aðrar stofnanir borgarinnar til að taka þátt. Þetta er bara skemmtilegt!

Tæplega mánuður er síðan að dagur fór að lengja. Þegar sól fer að hækka á lofti eftir vetrarsólstöður og daginn að lengja er stundum sagt að munurinn nemi hænufeti á dag. Morguninn var ægifagur í Grafarvoginum í morgun og sást þá greinilega munurinn á dagsbirtunni en myndin var tekinn rúmlega níu. Áhrif birtunnar eru þó enn meiri seinni partinn.

Fyrsta sólarhring frá sólstöðum, sem var 21. desember, lengdist sólargangurinn í Reykjavík um 9 sekúndur. Annan daginn lengist hann um 27 sekúndur og þriðja daginn um 44 sekúndur. Úr þessu lengist dagurinn hratt en til að mynda 1. fe­brú­ar n.k. verður dag­ur­inn heil­ar 7 klukku­stund­ir og 5 mín­út­ur. Þá verður sól­ar­upp­rás klukk­an 10.09 og sól­set­ur 17.14.

Í gærkvöld fór fram leikur Fjölnis og Hamranna í 1.deild karla í handknattleik í Dalhúsum, Grafarvogi. Fjölnir byrjaði betur og komst í 2-0 og 5-2, en þá spýttu Hamramenn í lófana og náðu að jafna 6-6 og 7-7. Fjölnismenn tóku þá góðan sprett og komust í 12-8, en Hamrar komu aftur til baka, og liðin fóru inn í hálfleik í stöðunni 12-10.

Fjölnisstrákar byrjuðu aftur betur í seinni hálfleik og komust í 14-10 og héldu svo 2-4 marka forystu fram í miðjan seinni hálfleik, þegar Fjölnir komst í 20-15. Enn komu Hamrar til baka og minnkuðu í 21-19, en þá sögðu Fjölnispiltar hingað og ekki lengra og kláruðu leikinn með nokkuð öruggum sigri 28-22.

 Myndir: Þorgils G

Mörk Fjölnis: Kristján Örn Kristjánsson 6, Breki Dagsson 6, Arnar Ingi Guðmundsson 5, Brynjar Loftsson 5, Bergur Snorrason 3, Gísli Steinar Valmundsson, Sveinn Þorgeirsson og Bjarki Lárusson með 1 mark hver. Ingvar Kristinn Guðmundsson varði 24 skot 52% markvarsla.
Mörk Hamranna: Aðalsteinn Halldórsson 4, Jón Heiðar Sigurðsson 4, Arnór Þorri Þorsteinsson 3, Birkir Guðmundsson, Kristján Már Sigurbjörnsson, Valdimar Þengilsson, Patrekur Stefánsson og Almar Blær Bjarnason með 2 mörk hver, og Kristinn Ingólfsson með 1 mark. Markmenn Hamranna vörðu 10 skot (26% markvarsla).

Barna- og unglingastarf

Sunnudagaskólarnir

Sunnudagaskólar eru alla sunnudaga klukkan 11.00 í Grafarvogskirkju og í Kirkjuselinu Spöng.
Tekið er fagnandi á móti fjölskyldunni allri en foreldrar eru hvattir til að mæta með börnum sínum í þessar líflegu guðsþjónustur.
Sunnudagaskólarnir byggja á efni frá Fræðslusviði Biskupsstofu sem útgefið er af Skálholtsútgáfunni.
Þóra Björg Sigurðardóttir hefur umsjón með sunnudagaskóla í Kirkjuselinu og Ásthildur Guðmundsdóttir hefur umsjón með sunnudagaskóla í Grafarvogskirkju.

6-9 ára starf
Er í kirkjunni á þriðjudögum frá kl.16:45 – 17:45. Þar er farið í leiki, sungið og æft gospel, helgistundir, náttfataböll og annað skemmtilegt. Umsjón hefur Þóra Björg Sigurðardóttir.

Listasmiðja 9-11 ára
Í kirkjuselinu í Borgum (Spönginni) á fimmtudögum kl.17:00-18:00. Í listasmiðju er áhersla lögð á að rækta listræna tjáningu. Í listasmiðjunni munum við föndra, syngja, dansa, vera með leikræna tjáningu og margt fleira. Umsjón hefur Þóra Björg Sigurðardóttir.

10 – 12 ára starf
Í kirkjunni á mánudögum kl. 18:00-19:00. Umsjón hefur Þóra Björg Sigurðardóttir.

Tæknihópur 10-12 ára
Í kirkjuselinu í Borgum (Spönginni) á fimmtudögum kl.18:00-19:00.
Tæknihópurinn hittist í 6 skipti yfir önnina og er fyrsta skiptið fimmtudaginn 2. október. Þar gefst þátttakendum kostur á að skyggnast inní tækniheiminn í tengslum við ljós, hljóð og tölvur. Áætlað er að farið verði í 1-2 vettvangsferðir. Fyrir þá sem hafa brennandi tækniáhuga þá er þetta tækifæri sem þú vilt ekki missa af. Tæknihópurinn verður í umsjá Geirlaugs Inga og Þóru Bjargar. Þó munu fleiri koma að námskeiðinu með kynningar á ýmsum tæknimálum. Námskeiðsgjald fyrir tæknihópinn er 5.000 kr á barn. Fjöldatakmörkun er í hópinn og fer skráning fram á netfangið thora hjá grafarvogskirkja.is

Æskulýðsfélag
Í kirkjunni á mánudögum kl. 20:00-21:30 fyrir 8-10.bekk. Umsjón hefur Þóra Björg Sigurðardóttir.

Bendum við foreldrum að heimsækja síðuna www.barnatru.is ásamt börnum sínum.

Upplýsingar um barnastarfið gefur Þóra Björg Sigurðardóttir.

Góðan daginn,

Það er mjög mikilvægt að allir breggðist skjótt við og greiði æfingagjöld hjá félaginu sem fyrst. Hér fyrir neðan eru raktir nokkrir mikilvægir punktar um æfingagjöldin.

• Miða skal við að æfingagjöld séu greidd  í upphafi tímabils eða fyrir 20. janúar 2015.

• Hafi æfingagjöld ekki verið greidd 4. febrúar og barnið verið við æfingar  verður sendur greiðsluseðill á forráðamann.  Ef forráðamaður vill breyta þeim greiðslumáta leggst á aukagjald 1.500 kr.
• Vorgjald verður að greiðast fyrir 20. janúar 2015 eftir það fellur vorgjalda möguleikinn út og þá verður að greiða árgjald.
• Veittur er 5% systkina afsláttur innan deildar

• Athygli er vakin á því að lang hagstæðast er að ganga frá árgjaldi fyrir þá iðkendur sem æfa meira en 3-4 mánuði ári.  Besta leiðin er að úthluta strax 35.000 kr frístundastyrk Reykjavíkurborgar.  Iðkendur með ógreidd æfingagjöld fá ekki að keppa fyrr hönd Fjölnis og hafi ekki verið gengið frá æfingagjöldum eftir eina ítrekun má búast við að þjálfarar vísi iðkendum af æfingum.  

• Greiðsla æfingagjalds er forsenda/skilyrði fyrir þátttöku á æfingum og mótum sem flokkur þess fer á.  Þjálfarar skrá mætingar á hverja æfingu.
• Mikilvægt að hafa samband við skrifstofu ef um fjárhagserfiðleika er að ræða og finna úrlausn sem leiðir til áframhaldandi þáttöku iðkandans.
• Ef þátttakandi hættir æfingum á  miðju tímabili eru gjöldin ekki endurgreidd nema að góð og gild ástæða sé fyrir því að barnið hætti s.s. búferlaflutningur og /eða meiðsli. Hafa skal samband við skrifstofu félagsins sem afgreiðir umsóknir í samráði við deildir. Ekki er heimilt að endurgreiða það sem greitt hefur verið með Frístundakorti Reykjavíkurborgar.Bestu kveðjur,Íþrótta- og félagsmálastjórifrida@fjolnir.is
• 578-2702
• Ungmennafélagsins Fjölnir
• Málfríður Sigurhansdóttir

Nýtt námskeið í fullorðinsfimleikunum hófst í gær og stendur í 12 vikur. Námskeiðið fer fram í aðstöðu fimleikadeildarinnar í Egilshöllinni og er fyrir 18. ára og eldri. Æfingar verða á mánudögum kl:20.00-21:30 og miðvikudögum kl.20:30-22:00. 12 vikna námskeið kostar 19.500 kr.

Eins og áður verður lögð áhersla á góðar þrek- og teygjuæfingar og svo þær fimleikaæfingar sem henta getu hvers og eins. Reynsla af fimleikum er ekki skilyrði fyrir þátttöku heldur reynum við að koma til móts við þarfir hvers og eins. Fimleikar eru frábær alhliða hreyfing og henta vel fyrir þá sem vilja styrkja sig og liðka og hafa gaman af í leiðinni. Þjálfari FFF er Tara Silvana Matthíasdóttir.

Skráning fer fram í gegnum skráningarkerfi félagsins: https://fjolnir.felog.is/ en opið er fyrir skráningu núna.

Snjóruðningsbílar voru kallaðir út seinnipartinn í gær og voru þeir að til a.m.k.  eitt í nótt.  Allir bílar voru svo kallaðir út aftur klukkan 4:00 þannig að stofnbrautir eru færar nú í morgunsárið.

Þá var sérstakur floti kallaður út til snjóhreinsunar í húsagötum klukkan 4:00 í nótt. 14 vélar fóru þá af stað og er verið að fjölga þeim nú í morgunsárið.  Unnið verður í húsagötum í dag og mjög líklega fram á morgundaginn. Ekki er auðvelt að gefa nákvæmar tímaáætlanir.

Vélar sem hreinsa göngu- og hjólaleiðir voru ræstar út klukkan 4:00 eins og viðbragðsáætlun gerir ráð fyrir.  Hreinsun á öllum megin hjólalaleiðum er lokið, en tæpt er að náist að klára gönguleiðir í fyrsta forgangi fyrir klukkan 8:00 eins og á að vera.

Nánari upplýsingar:

Þjónustusíða snjóhreinsunar og hálkuvarna

Aábendingavefur  – Fyrir þá sem vilja koma ábendingum vegna snjóhreinsunar til skila.

Borgarvefsjá    – þar undir „lifandi gögn“ má sjá hvar snjóruðningstæki eru og leiðir sem þau hafa farið undanfarna klukkutíma. Ath. ekki eru skráningatæki í öllum bílum og tækjum verktaka.

Mikill fjöld fólks lagði leið sína í Gufunesbæ í gærkvöldi til að taka þátt í þrettándagleðinni.

Veðrið var mjög gott og stillt, heiðskírt en dálítið kalt.

Jólasveinar skemmtu og tónlistarmenn spiluðu með.

Brennan stór og mikilfengleg ásamt stórkostlegri flugeldasýningu.