Hvernig getur þitt hverfi orðið enn betra? Þú getur komið hugmynd á framfæri á hverfidmitt.is. Sendu inn þína tillögu fyrir 24. mars 2017.
Kosið verður í október og þær hugmyndir sem koma til framkvæmda á næsta ári.
Skoða hugmyndir sem komnar eru
Fjölskylduguðsþjónusta kl. 11:00. Séra Grétar Halldór Gunnarsson og Þóra Björg Sigurðardóttir hafa umsjón. Undirleikari er Stefán Birkisson. Barnakór Grafarvogskirkju syngur við undirleik Hákonar Leifssonar.
Selmessa kl. 13:00. Séra Guðrún Karls Helgudóttir þjónar fyrir altari og Þóra Björg Sigurðardóttir prédikar. Vox Populi syngur. Hljómsveit Hilmars Arnar Agnarssonar spilar. Börn úr barnastarfi Grafarvogskirkju flytja bænir.
Boðið er upp á ókeypis tækni- og tilraunaverkstæði í Spönginni fyrir krakka á aldrinum 6-12 ára. Þar munu leiðbeinendur Kóder kynna smátölvuna Raspberry Pi, Scratch, sem er einfalt forritunarmál, og Makey Makey sem getur breytt alls kyns hlutum í stjórntæki fyrir tölvuna. Hægt er að nota banana, leir eða hvað sem manni dettur í hug til að tengja við tölvu. Um tveggja tíma námskeið er að ræða. Það er því gott að mæta tímanlega. Ef þátttaka er mikil verður nauðsynlegt að samnýta tölvur og skiptast á. Gott er að koma með USB lykil svo hægt sé að taka verkefnin með sér heim.
Dagskrá vorið 2017 má sjá á heimasíðu Borgarbókasafns: http://
ENGLISH
We invite children and their families to our makerspace in the library. There it is possible to try out the computer Raspberry Pi, the simple programming tool Scratch and Makey Makey which can turn different things into controllers for games. You can use bananas, playdough or what ever comes to mind to operate the games you make in Scratch.
Instructors from the organisation Koder will assist guests. Note that the curriculum and the instructions are in Icelandic. The instructors can offer assistance in English.
This is around about 2 hour long course and it is good to be there on time. If there are many participants we might have to ask guests to share a computer. Those interested can bring a USB memory stick to save their projects on, that is not a necessity.
The course is aimed at kids from 6-12 years old. However we welcome both younger and older participants.
Information about other events can be found on the libraries website: http://borgarbokasafn.is/
Föstudaginn 24. febrúar fór fram Miðgarðsmót grunnskóla í skák.
Mótið er haldið árlega og er öllum grunnskólum í Grafarvogi og á Kjalarnesi boðið að taka þátt. Í ár voru 10 sveitir skráðar til keppni úr 4 skólum, en mótið fór fram í Rimaskóla.
Keppnin var mjög hörð og skemmtileg og var það B-sveit Rimaskóla sem bar sigur úr bítum annað árið í röð með hálfan vinning fram yfir A-sveit Rimaskóla. Í þriðja sæti hafnaði sveit Foldaskóla.
Laugardaginn 4. mars opna eftirtaldir listamenn á Korpúlfsstöðum vinnustofur sínar og bjóða gesti velkomna í heimsókn.
Anna Gunnlaugsdóttir
Ásdís Þórarinsdóttir
Auður Inga Invarsdóttir
Beta Gagga – Elísabet Stefánsdóttir
Dóra Árna
Dóra Kristín Halldórsdóttir
Edda Þórey Kristfinnsdóttir
Hafdís Brands
Irene Jensen
Ninný – Jónína Magnúsdóttir
Ólöf Jóna Guðmundsdóttir
Sigríður Helga Olgeirsdóttir
Siggi Valur
Sólveig Hólmarsdóttir
Sólveig Dagmar Þórisdóttir
Svafa Einarsdóttir
Þorgerður Hlöðversdóttir
Þórdís Elín Jóelsdóttir
Æja – Þórey Bergljót Magnúsdóttir
Það er tilvalið að bregða sér í heimsókn á þetta sögufræga stórbýli við borgarmörkin, heimsækja listamenn , skoða húsið og njóta veitinga.
KorpArt
Skriðsundnámskeið vor 2017.
Fyrsta námskeiðið er frá 9. janúar til 9.febrúar
Annað námskeiðið er frá 27. febrúar til 30. mars
Þriðja námskeiðið er frá 24. apríl til 1. júní
Æfingarnar verða á mánudögum og fimmtudögum kl 19:30 til 20:30.
Námskeiðið er 5 vikur eða 10 skipti.
Við erum síðan með 1 aukatíma, 3 vikum eftir að námskeiðinu lýkur. Námskeiðið kostar kr. 15.000 (11 skipti), aðgangseyrir ofan í laugina er ekki innifalinn
Þjálfarar: Hilmar Smári Jónsson sími: 699-2656
skoða auglýsingu
Skráning á https://fjolnir.felog.is
Ef að það vakna einhverjar spurningar endilega sendið
póst á netfangið sundkennslafjolnis@gmail.com
(lágmarksþátttaka er 6 manns)
Dr. Erla Björnsdóttir mun fjalla um mikilvægi svefns fyrir andlega og líkamlega heilsu ásamt því að fjalla um algengust svefnvandamálin og fara yfir góðar svefnvenjur.
Erla hefur haldið fjölmörg námskeið og fræðslufyrirlestra um svefnvandamál og er með doktorspróf í svefnrannsóknum frá Læknadeild Háskóla Íslands í samstarfi við Háskólann í Pennsylvaniu. Hún hefur sérhæft sig í hugrænni atferlismeðferð við svefnleysi (HAM-S) og sinnt þeirri meðferð undanfarin ár. Rannsóknir Erlu fjalla um samband svefnleysis, andlegrar heilsu og kæfisvefns og hafa vísindagreinar eftir hana birst í virtustu fræðiritum heims á sviði svefnrannsókna. Erla starfar hjá Sálfræðiráðgjöfinni þar sem hún sinnir m.a. meðferð við svefnleysi. Erla er einnig að skrifa bók fyrir almenning um svefn.
Í leiðinni er röð fræðandi fyrirlestra sem haldin er í Borgarbókasafninu Spönginni síðasta mánudag í hverjum mánuði, frá kl. 17.15 til 18.00.
Aðgangur ókeypis – allir velkomnir!
Innritun barna fædd árið 2011 í grunnskóla og frístundaheimili er hafin á Rafrænni Reykjavík, en hún frestaðist fyrir viku vegna tækniörðugleika. Þetta kemur fram á vefsíðu Reykjavíkurborgar.
Foreldrum barna sem hefja grunnskólagöngu í haust er bent á að áður en sótt er um dvöl á frístundaheimili þurfa börn að vera skráð í grunnskóla í gegnum Rafræna Reykjavík.
Skráning barna sem verða í 2.-4 bekk á næsta skólaári hefst fimmtudaginn 2. mars, en umsókn um frístundaheimili gildir fyrir eitt skólaár í senn.
Foreldrar geta leitað til þjónustuvers Reykjavíkurborgar í síma 411-1111 til að fá leiðbeiningar við að skrá börnin.
Íslandsmót fatlaðra í frjálsum íþróttum fór fram í Laugardalshöll helgina 18. og 19. febrúar. Fjölnir átti 2 keppendur á mótinu þau Bergrúnu Ósk Aðalsteinsdóttur og Jón Margeir Sverrisson. Stóðu þau sig frábærlega og unnu flestar greinar sem þau kepptu í auk þess sem þau voru að bæta sinn persónulega árangur í mörgum greinum.
Bergrún varð Íslandsmeistari í 60m, 200m, 400m og 800m hlaupum og í kúluvarpi. Varð hún í öðru sæti í langstökki. Var hún að bæta árangur sinn í 60m, 400m, langstökki og kúluvarpi.
Jón Margeir varð Íslandmeistari í öllum sínum greinum þ.e. 200m, 400m, 800m og 1500m hlaupum. Var hann að bæta sinn persónulega árangur í 200m hlaupi.
Þetta er aldeilis glæsilegur árangur hjá þessu flotta íþróttafólki. Æfa þau með hópi iðkenda 15 ára og eldri undir styrkri stjórn yfirþjálfara deildarinnar honum Óskari Hlynssyni.
Öll úrslit mótsins eru hér.
Á myndinni eru Bergrún og Jón Margeir.
