Frímúraramessa kl. 11:00 í Grafarvogskirkju. Séra Halldór Reynisson þjónar fyrir altari og Jóhann Heiðar Jóhannsson læknir flytur hugvekju. Karlakór Grafarvogs syngur undir stjórn Írisar Erlingsdóttur. Organisti er Hilmar Örn Agnarsson. Frímúrarabræður flytja ritningarorð og bænir. Kaffi og veitingar eftir messu.
Sunnudagaskólinn hefst á ný 14. janúar.
Selmessur hefjast á ný 14. janúar.
Guðrún Benedikta Elíasdóttir opnar sýningu á málverkum sínum, þar sem náttúran og náttúruöflin skipa stóran sess, ekki síst jöklarnir og átök elds og íss.
Verkin vinnur hún með temperu eða litablöndu sem hún býr til sjálf og kallar „patine au vin“, en blandan inniheldur m.a. hvítvín og egg, ösku úr Eyjafjallajökli og steinmulning sem Guðrún hefur safnað víða á Íslandi. Efni úr náttúrunni fá nýtt hlutverk á striganum, segja má að verkin séu umhvefisvæn endurvinnsla.
Biðin eftir yfirvofandi eldgosi er nálæg í verkum Guðrúnar, jöklarnir eru fyrirferðamiklir, en árið 1976 féll hún í jökulsprungu í Fláajökli og tók það hana hátt í 30 ár að safna kjarki til að fara aftur á jökul.
Nú eins og þá er Guðrún heilluð af litastpilinu og fegurðinni sem stafar af þessum magnþrungnu risum sem minnka þó allt of hratt. Einnig heilla hana vangaveltur um átök elds og íss, öskufall á fannhvíta snjóbreiðuna og afleiðingarnar af því.
Nánar um listakonuna hér: www.rbenedikta.com
Verið öll velkomin á opnun á þrettándanum kl. 14!
Sýningin stendur yfir til 15. febrúar 2018.
Þrettándagleði með söng og brennum verður á þremur stöðum í Reykjavík laugardaginn 6. janúar.
Í Grafarvogi verður árleg þrettándagleði Grafarvogsbúa haldin við Gufunesbæ. Kakó- og vöfflusala verður í Hlöðunni frá kl. 17.00 og kl. 17.55 hefst blysför með álfum og jólasveinum. Kveikt verður í brennu og skemmtun á sviði kl. 18.00 þar sem Ingó Veðurguð heldur uppi fjörinu og gleðinni lýkur síðan með flugeldasýningu kl. 18.30.
http://reykjavik.is/threttandagledi
Þrettándaganga og gleði Grafarholts
Í Grafarholti verður safnast saman við Guðríðarkirkju um kl. 18.30 og lagt af stað í blysför kl.18.45 með Skólahljómsveit Grafarvogs í broddi fylkingar. Kyndlar verða seldir við Guðríðarkirkju og í Leirdalnum. Um kl. 19.15 kveikir brennukóngurinn Júlíus Eyjólfsson í glæsilegri brennu og jólasveinar taka lagið og skemmta börnunum. Dagskránni lýkur um kl. 20:00 með glæsilegri flugeldasýningu í boði FRAM.
Þrettándahátíð í Vesturbænum
Þrettándahátíð í Vesturbænum hefst kl. 18.00 við Melaskóla. Þar leiða ungmenni úr grunnskólum Vesturbæjar fjöldasöng og síðan verður gengið með blys að brennunni á Ægissíðu. Borinn verður eldur að kestinum kl. 18.30 og flugeldasýning verður kl. 18.45 og er hún í samstarfi við KR-flugelda. Þá verður Rauði krossinn með heitt kakó til sölu gegn vægu verði.
Séra Guðrún Karls Helgudóttir prédikar og þjónar. Einsöngvari er Sigrún Hjálmtýsdóttir. Kór Grafarvogskirkju syngur og organisti er Hilmar Örn Agnarsson
Séra Grétar Halldór Gunnarsson prédikar og þjónar. Einsöngvari er Björg Þórhallsdóttir. Kór Grafarvogskirkju syngur og organisti er Hilmar Örn Agnarsson.
Flottur hópur Mynd: Þorgils G
Valið fór fram í gær, föstudaginn 29 desember og er þetta í 28 skipti sem valið fer fram.
Þetta er í fyrsta skipti sem við veljum íþróttakonu og íþróttakarl Fjölnis.
Íþróttakona Fjölnis 2017 Andrea Jacobsen, handknattleiksdeild
Íþróttakarl Fjölnis 2017 Þórður Ingason, knattspyrnudeild
Fjölnismaður ársins 2017 Óskar Hlynsson, frjálsíþróttadeild
Íþróttafólkið í deildunum
Fimleikadeild
Íþróttakona Þórhildur Rósa Sveinsdóttir
Íþróttakarl Elio Mar Rebora
Frjálsíþróttadeild
Íþróttakona Arndís Ýr Hafþórsdóttir
Íþróttakarl Bjarni Anton Theódórsson
Handknattleiksdeild
Íþróttakona Andrea Jacobsen
Íþróttakarl Kristján Örn Kristjánsson
Karatedeild
Íþróttakona Sunna Rut Guðlaugsdóttir
Íþróttakarl Gústaf Karel Karlsson
Knattspyrnudeild
Íþróttakona Íris Ósk Valmundsdóttir
Íþróttakarl Þórður Ingason
Körfuknattleiksdeild
Íþróttakona Berglind Karen Ingvarsdóttir
Íþróttakarl Alexander Þór Hafþórsson
Skákdeild
Íþróttakona Nansý Davíðsdóttir
Íþróttakarl Davíð Kjartansson
Sunddeild
Íþróttakona Steingerður Hauksdóttir
Íþróttakarl Jón Margeir Sverrisson
Breytingar á leiðakerfi Strætó
Í viðhenginu má finna samantekt yfir leiðakerfisbreytingar Strætó sem taka gildi þann 7.janúar næstkomandi.
Jólaball Fjölnis verður haldið í anddyri Egilshallar 28.desember frá klukkan 17-18.30
Jólahljómsveit Fjölnis spilar fyrir gesti og jólasveinar mæta og dansa með börnunum í kringum jólatréð
Aðgangur er ókeypis.
Mætum öll og höfum gaman saman.
Fjölnir
Vísir.is segir frá því að GN Studios hefur keypt lóðarréttindi og byggingarétti í landi Gufuness af Reykjavíkurborg 1,6 milljarð króna. GN Studios er meðal annars í eigu leikstjórans Baltasars Kormáks og stofnað í tengslum við fyrirætlanir framleiðslufyrirtækisins RVK Studios að reisa kvikmyndaþorp á Gufunesi.
Kaupsamningurinn var borinn undir borgarráð fyrr í dag þar sem hann var samþykktur með fimm atkvæðum borgarráðsfulltrúa Samfylkingarinnar, Bjartrar framtíðar, Vinstri grænan og Pírata gegn tveimur atkvæðum borgarfulltrúa Sjálfstæðisflokksins.
Borgarráðsfulltrúar Sjálfstæðisflokksins og áheyrnarfulltrúi Framsóknar og flugvallarvina lögðu fram bókun þar sem þeir gerðu athugasemdir við að almennt útboð skuli ekki hafa farið fram vegna uppbyggingarinnar í Gufunesi heldur samið við einn aðila, en þeir segja að gera megi ráð fyrir að hægt verði að reisa 230 til 260 íbúðir á svæðinu.
Gerð voru tvö möt á verðmæti svæðisins og segir í sömu bókuninni að meirihlutinn hafi kosið að miða við lægra verðmatið og veita að auki tíu prósenta afslátt af því. Sögðust fulltrúarnir ekki hafa neitt á móti uppbyggingu á svæðinu í þágu skapandi greina að þeir telja að gæta verði hagsmuna borgarbúa í hvívetna þegar eignir Reykjavíkurborgar eru seldar.
Borgarráðsfulltrúar Samfylkingarinnar, Bjartrar framtíðar, Vinstri grænna og Pírata lögðu fram bókum þar sem þeir sögðu afsláttinn veittan frá verðmatinu vegna umfangs viðskiptanna, frumkvæðis stúdíósins og þess mikla frumkvöðlastarfs í skapandi greinum sem fyrirtækið sinnir ásamt þeirri framsýnu klasauppbyggingu í kvikmyndagerð sem er að verða að veruleika í Reykjavík.
„Það er allra hagur að upp byggist í Gufunesi sannkallað Fríríki frumkvöðlanna eins og vinningstillaga hollensku arkitektastofunnar JvantSpijker kallaði Gufunes framtíðarinnar. Gufunesið verður því ekki lengur undir áburðarverksmiðju og úrgang, heldur fyrir íbúa, það verður heimili lítilla og meðalstórra fyrirtækja í fjölbreyttum atvinnugreinum, og ekki síst vagga íslenskrar kvikmyndagerðar,“ segir í bókuninni.
Mynd: Þorgils G
Styrktarleikur og gleði í Dalhúsum miðvikudaginn 20.desember frá 19:00-21:00.
1.500 kr inn. ( Happadrættismiði innifalinn)
Sjoppa á staðnum.
Happdrætti í hálfleik
Meistaraflokkar boltagreina karla og kvenna spila
Ingvar (Byssan) kynnir
Skemmtiatriði ( nánar þegar nær dregur) Áttan og fleiri
Skotkeppnir
Dagskráardrögin eru þá svona hjá okkur:
19:00 – Liðin kynnti út á völl
19:10-20:00 – Spilaður körfubolti og handbolti milli liðanna ( mfl kk og kvk í hand,körfu og fótbolta spila) ásamt utanaðkomandi fyrirliðum.
20:00-20:40 – Happadrætti og sprell.
Skemmtiatriði
20:40-21:00 – Leikir kláraðir.
21:00. Fulltrúi Hugarafls afhendur ágóðinn og dagskrá slitið.
Búið er að stofna bankareikning fyrir þá sem að komast ekki á viðburðinn eða vilja leggja í púkkið.
0331-13-111231
250689-2179.
Þetta árið ætlar Fjölnissfjölskyldan að safna fyrir Hugarafli.
„Félagasamtökin Hugarafl starfrækja notendastýrða endurhæfingu og virknimiðstöð fyrir fólk með geðraskanir.
Hugarafl og Geðheilsa-eftirfylgd ( teymi fagfólks ) veita stuðning í
bataferli sem byggir á að efla geðheilsu og tækifærin í daglegu lífi. Sá sem slæst með í för eða óskar eftir stuðningi, kynnist því bæði faglegum stuðningi og þekkingu notanda í bata og það getur orðið sameiginlegt veganesti í bataferlinu. Samhliða því getur einstaklingur sótt liði á dagskrá sem styðja við bataferli viðkomandi og síðar unnið að auknum tækifærum í samfélaginu, s.s. skólagöngu, atvinnu og auknum lífsgæðum. Hugarafl er stærsta opna úrræði á Íslandi sem veitir einstaklingum með
geðraskanir stuðning og þjónustu. Með opnu úrræði er átt við að það er opið öllum sem telja sig þurfa á því að halda óháð aldri, stöðu, tilvísunar og sjúkdómsgreiningar. Einstaklingur getur leitað til
Hugarafls á eigin forsendum og ekki er gerð krafa um milliliði.
Til Hugarafls leyta 30 – 60 einstaklingar á dag eftir þjónustu, hvort
sem er í formi viðtala, hópavinnu, samveru með batahvetjandi umræðum, sækja fyrirlestra ofl.
Mjög öflugt starf er í Hugarafli fyrir ungt fólk ( 18 – 30 ára ) þar sem
fjöldi fólks hefur farið aftur útí lífið eftir mikla einangrun.
Hugarafl eru líka baráttufélag og stendur vörð um að rödd þeirra sem nota geðheilbrigðiskerfið fái að heyrast, láta til sín taka með að kynna geðheilbrigði fara með geðfræðslur í grunn- og framhaldskólana. Síðasta ár hefur félagið barist fyrir lífi sínu, ef svo má að orði komast þar sem styrkir / stuðningur frá ríki og borg var í sögulegu lágmarki. Og þar sem um frjáls félagasamtök er að ræða eru það þeir styrkir auk stuðnings frá fyrirtækjum og einstaklingum á landinu sem halda starfinu gangandi.“
Af heimasíðu hugarafls
