Í janúar 2009 lokaði ÁTVR Vínbúð í Spönginni en meginástæðan var óhentugt húsnæði. Í vor gerði ÁTVR hins vegar nýjan samning um leigu á um 430 fm húsnæði.

Í vöruvali Vínbúðarinnar í Spöng verða á bilinu 750 – 770 vörutegundir að jafnaði. Sérstakt afmarkað svæði verður fyrir bjór og allt aðgengi að vörum verður hið besta.

Vínbúðin mun opna fimmtudaginn 26. nóvember kl. 11. Opnunartíminn verður 11 – 18 mánudag – fimmtudag, 11 – 19 á föstudögum og 11 – 18 á laugardögum líkt og flestar Vínbúðir á höfuðborgarsvæðinu.

Starfsfólk Vínbúðarinnar  hlakkar til að taka á móti viðskiptavinum í nýrri og glæsilegri Vínbúð.

Borgarráð samþykkti í dag tillögu borgarstjóra um að ganga til viðræðna við RVK Studios um alhliða kvikmyndaver sem verður hluti af framtíðarmynd Gufuness og ein af forsendum í skipulagssamkeppni sem efnt verður til. Ákvörðunin tekur jafnframt mið af tillögum stýrihóps um nýtingu svæðisins og viðbrögðum við auglýsingu Reykjavíkurborgar frá í sumar. 

Baltasar Kormákur og stjórnendur RVK Studios óskuðu í sumar eftir viðræðum um kaup á hluta af gömlu Áburðarverksmiðjunni í Gufunesi og úthlutun lóðar við húsið með það fyrir augum að byggja upp aðstöðu fyrir kvikmyndastarfsemi.  

„Kvikmyndaver í Reykjavík mun stuðla að fjölgun verkefna og efla reynslu íslenskra kvikmyndagerðarmanna. Með fleiri verkefnum eflist stöðugleiki í iðnaðinum, auk þess að til verður áhugaverður kostur fyrir hæfileikafólk sem hingað til hefur að mestu fundið verkefni við hæfi erlendis. Kvikmyndaver í Reykjavík mun þannig styrkja stoðir íslenskrar kvikmyndagerðar og framleiðslu sjónvarpsefnis og auka samkeppni á alþjóðlegum markaði,“ segir í erindinu.  

Borgarráð samþykkti að fela skrifstofu eigna og atvinnuþróunar að ganga til viðræðna við RVK Studios á grundvelli fyrirliggjandi mats á verðmæti eignanna. Samhliða verða teknar upp viðræður við Íslenska gámafélagið um flutning þess af svæðinu og er það í samræmi við ákvæði í leigusamningi. Leitað verður að lausn sem hentar báðum aðilum og er til skoðunar að Esjumelar á Kjalarnesi verði athafnasvæði Íslenska gámafélagsins þegar leigutími þess rennur út í lok árs 2018.  

Sjá frétt á vef Reykjavíkurborgar >   http://reykjavik.is/frettir/kvikmyndaver-i-gufunesi

Níu sundmenn úr Sunddeild Fjölnis tóku þátt í Íslandsmeistaramóti í 25m laug (IM-25) um nýliðna helgi og stóðu sig frábærlega vel.  Enn þau syntu undir merkjum ÍBR ásamt sundmönnum úr Ármanni og KR.

Kristinn Þórarinsson átti fjögur stigahæstu sundin í karlaflokki og er Íslandsmeistari öllum fimm greinunum sem hann tók þátt í (50m, 100m og 200m baksund, 100m og 200m Fjórsund) . Hann átti frábært mót og setti þrjú Fölnismet (50m og 100m baksund og 100 fjórsund) og synti undir lágmörkum á Evrópumót og Norðulandamót.

Jón Margeir Sverrisson setti fjögur Íslandsmet í flokki S-14 og vann ein silfurverðlaun og ein Brons verðlaun. Auk þess setti hann Fjölnismet í 800m skriðsundi.

Daníel Hannes Pálsson er Íslandsmeistari í 200m skriðsundi , Silfur í 400skriðsundi og brons í 50m flugsundi) og synti undir lágmörkum á Norðulandamót.

Hilmar Smári Jónsson bætti sína bestu tíma í öllum greinum og vann silfur og tvö brons.

Steingerður Hauksdóttir vann Silfur í 100m baksundi og Brons í 50m baksundi og 50m skriðsundi. Bætti sig í öllum sínum greinum og setti Fjölnismet í 50m og 100m baksundi.  Auk þess tryggði hún sér lágmörk á Norðurlandamót.

Berglind Bjarnadóttir, Rakel Guðjónsdóttir og Ágústa Rós Róbertsdóttir bættu allar sína bestu tíma og syntu til úrslita enn 8 fyrstu í undanrásum komast áfram í úrslit.  Arey Rakel Guðnadóttirsynti á sínu fyrsta Íslandsmeistaramóti og var meðal yngstu keppenda á mótinu og stóð sig vel.

Auk þess syntu þau í Boðsundsveitum IBR og unnu til verðlauna þar í:

4x200m skriðsund KK = Íslandsmeistarar
4×100 fjór og 4×100 skrið KK silfurverðlaun
4×50 fjór og 4×50 Skrið blönduð sveit  2x Brons.

Sunnudagurinn 15. nóvember kl. 10, 11 og 13 er Dagur Orðsins í Grafarvogskirkju. Dagskráin tileinkuð skáldinu Vilborgu Dagbjartsdóttur.

 Erindi kl. 10.00 – 11.00

 Gerður Kristný skáld. Þrjú erindi um séra Bjarna Þorsteinsson flytur ljóð sitt um Vilborgu Dagbjartsdóttur.

13.00 –13.45

Vilborg Dagbjartsdóttir les eigin ljóð.

Maðurinn

Una Margrét Jónsdóttir dagskrárgerðarmaður.

Þjóðlagasafnarinn

Gunnsteinn Ólafsson tónlistarmaður.

Þorleifur Hauksson rithöfundur

 Flytur erindi um skáldskap Vilborgar Dagbjartsdóttur

Hátíðasöngvarnir

Jónas Ragnarsson ritstjóri

Messa kl.11.00

Hugleiðing: Vilborg Dagbjartsdóttir

Prestar Grafarvogskirkju séra Vigfús Þór Árnason sóknarprestur og séra Guðrún Karls Helgudóttir þjóna fyrir altari.

Guðsþjónusta kl.14.00

Kór Grafarvogskirkju syngur

Einsöngur: Hlín Pétursdóttir Behrens

Prestar Grafarvogskirkju þjóna fyrir altari. Hátíðasöngvarnir fluttir.

Kór Grafarvogskirkju syngur ásamt Yngri barnakór kirkjunnar undir stjórn

Organisti og kórstjóri: Hákon Leifsson

Hákonar Leifssonar organista og Arnhildar Valgarðsdóttur. Jóhann Friðgeir Valdimarsson syngur einsöng.

Hjörleifur Valsson leikur á fiðlu.

Á sama tíma verður sunnudagaskóli á neðri hæð kirkjunnar

Guðsþjónusta og sunnudagaskóli í Kirkjuselinu í Spöng kl. 13.00 .

Að lokinni messu verður boðið upp á léttar veitingar í safnaðarsal kirkjunnar.  Allir velkomnir.

Jón Margeir með gullin sín þrjú um hálsinn.

Jón Margeir Sverrisson tók þátt í sundmóti í Brasilíu um síðustu helgi og gerði sér lítið fyrir og vann til þrennra gullverðlauna. Jón Margeir byrjaði á því að sigra 100 metra bringusund rétt við sinn besta tíma sem verður að teljast ansi gott miðað við framandi aðstæður.

Um hálf tíma síðar var komið að 200 metra skriðsundi. Þar vann hann með minnsta mögulega mun, 0.01 sek. Þriðja gullið vann hann í 200 metra fjórsundi

Núna um helgina fer fram Íslandsmeistaramót í 25 metra laug og hvetjum við alla til að  kíkja í Ásvallarlaug í Hafnarfirði og sjá sundmenn úr Fjölni í baráttunni.

Átta sóttu um stöðu skólastjóra í Foldaskóla og fjórir um skólastjórastöðu í Klettaskóla en umsóknarfrestur rann út 9. nóvember.

Hið vinsæla TORG – skákmót Fjölnis verður haldið í 12. skipti laugardaginn 14. nóvember og hefst kl. 11.00 í hátíðarsal Rimaskóla. 

Þátttakendur eru beðnir um að mæta til skráningar og upphitunar tímanlega. Öllum grunnskólabörnum er boðið að vera með í mótinu og er þátttakan ókeypis. Í skákhléi býður Emmess öllum keppendum upp á íspinna og í lok mótsins verður glæsileg verðlaunahátíð með 20 vinningum og happadrættisvinningum til viðbótar frá Emmess og fyrirtækjunum á TORGINU í Hverafold.

Hægt verður að vinna glæsilega íspakka frá Emmess, hamborgaratilboð, pítsur, tískuvörur frá Coco´s, bækur og blómavörur. Tefldar verða sex umferðir og umhugsunartíminn sjö mínútur.

Heiðursgestur Skákdeildar Fjölnis að þessu sinni verður Össur Skarphéðinsson þingmaður Reykjavíkur norður sem leikur fyrsta leik mótsins.

TORG skákmót Fjölnis eru stutt, skemmtileg og spennandi.

Allir áhugasamir skákkrakkar eru hvattir til að mæta í Rimaskóla laugardaginn 14. nóvember.

Leið 6 hjá Strætó stoppar 100 m frá Rimaskóla.  

Foreldrum velkomið að fylgjast með og þiggja kaffiveitingar.

Markmið Nýtniviku 2015 er að draga úr myndun úrgangs. Lýst er eftir þátttakendum sem hafa áhuga á að standa að viðburðum á Nýtniviku sem verður haldin í Reykjavík vikuna 21. – 29. nóvember 2015.

Reykjavíkurborg verður eins og áður með viðburði í tilefni Nýtniviku og má þar helst nefna:

• Fatasóunarstefnu Vakanda og Rauða Krossins sem haldin verður í Ráðhúsinu í samstarfi við borgina.
• Kynningu á niðurstöðum forrannsóknar á matarsóun heimila í Reykjavík sem Landvernd hefur unnið í samstarfi við borgina, sem er fyrsta rannsókn þessarar gerðar á Íslandi.
• Fésbókarleik á heimasíðu borgarinnar þar sem leitað er að góðum hugmyndum um hvernig hægt er að lengja líftíma vöru.
• Borgarbókasafn Reykjavíkur mun standa fyrir skiptibókamarkaðinum Græn bók – Góð bók: Endurlestur í vikunni.
• Aðrir aðilar munu einnig standa fyrir atburðum í borginni undir formerkjum vikunnar og má þar nefna fésbókarleik Umhverfisstofnunnar þar sem lögð er áhersla á að gefa upplifun í jólagjöf í stað hluta eins og matarveislu, skógarferð, norðurljósagöngutúr, ferð í fjölskyldu- og húsdýragarðinn, skautaferð.

Aðgerðir og atburðir geta meðal annars verið:

• Fræðsla fyrir starfsfólk/birgja/viðskiptavini um fjárhags-, samfélags- eða umhverfislegan kostnað úrgangs og aðgerðir til að draga úr úrgangsmyndun.
• Aðgerðir til að draga úr úrgangi (pappír, plasti, umbúðum o.s.frv.) innan fyrirtækis, stofnunar.
• Verkefni sem miða að því að draga úr úrgangi í framleiðslu vöru eða þjónustu.
• Verkefni sem miða að því að draga úr auðlindanotkun í framleiðslu vöru eða þjónustu.
• Aðgerðir sem snúa að samdrætti í umbúðaúrgangi.
• Verkefni sem ýta undir endurnýtingu og lengja líftíma vöru – t.d. skiptimarkaðir, sala á notuðum vörum, vekja athygli á viðgerðaþjónustu.

Sigurður Grétar Helgason

Grafarvogskirkja

Messa kl. 11.00 – Innsetning í embætti

Séra Gísli Jónasson prófastur í Reykjavíkurprófastsdæmi  eystra, setur séra Sigurð Grétar Helgason  í embætti prests í Grafarvogsprestakalli.
Séra Sigurður Grétar prédikar og þjónar fyrir altari ásamt séra Vigfúsi Þór Árnassyni sóknarpresti og séra Guðrúnu Karls Helgudóttur.
Kór Grafarvogskirkju syngur
Organisti: Hilmar Örn Agnarsson.

Sunnudagaskóli kl. 11.

Séra Arna Ýrr Sigurðardóttir.
Umsjón hefur Rósa Ingibjörg Tómasdóttir
Undirleikari: Stefán Birkisson

Kirkjuselið í Spöng

Selmessa kl. 13.00.
Séra Arna Ýrr Sigurðardóttir prédikar og þjónar fyrir altari.
Vox Populi syngur.
Organisti: Hilmar Örn Agnarsson

Sunnudagaskóli kl. 13.00.
Umsjón hefur Rósa Ingibjörg Tómasdóttir
Undirleikari: Stefán Birkisson