Messa kl. 11:00 í Grafarvogskirkju. Séra Arna Ýrr Sigurðardóttir prédikar og þjónar fyrir altari.

Kór Grafarvogskirkju leiðir söng og organisti er Hákon Leifsson.

Sunnudagaskóli á neðri hæð kirkjunnar kl. 11:00.

Brúðuleikhús, söngvar, sögur og límmiðar. Umsjón hafa Þóra Björg Sigurðardóttir og Hólmfríður Frostadóttir. Undirleikari er Stefán Birkisson.

Selmessa kl. 13:00 í Kirkjuselinu í Spöng. Séra Arna Ýrr Sigurðardóttir prédikar og þjónar. Vox Populi leiðir söng og organisti er Hilmar Örn Agnarsson.

Allir velkomnir.

Getraunakaffi Fjölnis verður haldið í fyrsta skipti, eftir langan dvala, laugardaginn 18. nóvember nk. og alla laugardaga eftir það á milli kl. 10:00 og 12:00 í nýju skrifstofum félagsins í Egilshöll (beint á móti bíómiðasölunni).

Það er löngu komin tími á vettvang sem þennan sem gefur Fjölnisfólki tækifæri á að hittast, spjalla og hafa gaman.

Kjörið fyrir foreldra að koma við, kíkja í kaffi og tippa þegar búið er að skutla krökkunum á æfingu t.d.

Heitt á könnunni og bakkelsi frá Bakarameistaranum á boðstólnum.

Reglurnar í leiknum má finna hér:
http://www.fjolnir.is/knattspyrna/getraunir1/ 

Event á Facebook má finna hér:
https://www.facebook.com/events/156613645073279/

 Hlökkum til að sjá ykkur.

Fjölniskveðjur, 

Hermann Hreinsson

Íþróttafulltrúi Fjölnis

hemmi@fjolnir.is

Lionsklúbburinn Fjörgyn stendur fyrir tónleikum til styrktar BUGL – Barna- og unglingadeildar LSH

Eftirtaldir listamenn koma fram og styrkja verkefnið:

Vox Populi – stjórnandi Hilmar Örn Agnarsson

Ari Eldjárn

Disella Lárusdóttir og Gissur Páll Gissurarson

Geir Ólafs

Gréta Salome ásamt hljómsveit

Helgi Björnsson

Raggi Bjarna

Sigríður Thorlacius og Sigurður  Guðmundsson

Við eigum samleið

Guðrún Gunnarsdóttir og Sigga Beinteins

Undirleikarar: Jónas Þórir, Matthías Stefánsson og Þorgeir Ástvaldsson

Miðaverð á svæði A kr; 7.500  – svæði B kr; 6.500

Allra heilagra messa verður í Grafarvogskirkju kl. 14:00 á sunnudaginn.

Séra Sigurður Grétar Helgason prédikar og prestar safnaðarins þjóna. Kór Grafarvogskirkju syngur og organisti er Hákon Leifsson.

Barnakór Grafarvogskirkju syngur undir stjórn Sigríðar Soffíu Hafliðadóttur. Einsöngvari er Þórdís Sævarsdóttir. Eftir guðsþjónustuna verður kaffisala en framlög renna í Líknarsjóð grafarvogskirkju.

Kaffiveitingarnar kosta 2.500 kr fyrir fullorðna, 1.000 kr fyrir unglinga og ókeypis fyrir börn.

Sunnudagaskóli kl. 11:00 á neðri hæð kirkjunnar. Brúðuleikhús, söngvar, sögur og límmiðar.

Umsjón hafa Þóra Björg Sigurðardóttir og Hólmfríður Frostadóttir. Undirleikari er Stefán Birkisson.

Selmessa kl. 13:00. Séra Grétar Halldór Gunnarsson prédikar og þjónar. Vox Populi leiðir söng og organisti er Hákon Leifsson.

Heil og sæl,

Körfuknattleiksdeild Fjölnis í samvinnu við Sambíóin heldur enn eitt árið stórmót í körfuknattleik fyrir yngstu iðkendurnar.  Í ár eigum við von á yfir 600 þátttakendum alls staðar að af landinu á aldrinum 6-11 ára ásamt fjölskyldum, þjálfurum og liðsstjórum. Mótið er það 20. í röðinni.

Þáttttakendur á mótinu eru stelpur og strákar fædd 2006 og síðar og eru þau mörg hver að taka sín fyrstu skref í körfubolta. Því er mikil áhersla lögð á að hafa gaman saman, vera með vinum sínum, kynnast nýjum vinum og spila fullt af körfubolta.

Okkur þætti vænt um ef þið hjá grafarvogsbuar.is mynduð kíkja á mótið og vera með smá umfjöllun á síðunni ykkar.

Mótið fer fram núna um helgina 4. og 5. nóvember 2017 í Grafarvoginum og hefst snemma að morgni laugardags og klárast á bilinu 16-17:30 eftir íþróttahúsum..
Spilað er á 8 völlum í Dalhúsum, Rimaskóla og Vættaskóla-Borgir.

Að venju verður ekki keppt um sætin og stigin eru ekki talin opinberlega, heldur verður það leikgleðin sem ræður ríkjum og fá allir keppendur verðlaunapening og liðsmynd að móti loknu. Mót þetta hefur skipað sér sess í stórmótum vetrarins og þar má jafnan sjá fullt af væntanlegum stórstjörnum, bæði hjá stelpum og strákum.

Þarna sjást oft tilvonandi þjálfarar í efstu deildum sem gjarnan stíga sín fyrstu skref með yngri körfuboltakrakka.

Meðfylgjandi er auglýsing mótsins og nálgast má meiri upplýsingar um mótið inni á heimasíðu þess sambiomot.wordpress.com

Með fyrirfram þökk fyrir jákvæðar undirtektir

Kv.
Salvör Þóra Davíðsdóttir –  s. 844-1421
Mótsjóri Sambíómótsins 2017

Arnar Gunnarsson verður áfram þjálfari Fjölnis

Haldinn var stjórnarfundur í handknattleiksdeild Fjölnis síðastliðinn mánudag. Formaður deildarinnar lagði þar til sáttartillögu sem var samhljóða samþykkt.

Tillagan hefur verið samþykkt af Arnari Gunnarssyni þjálfara. Af gefnu tilefni vill formaður deildarinnar árétta að hann hefur ekki staðið einn í þessu máli og að það er mjög leitt hvernig mál þróuðust.

Fjölnismenn munu nú aftur snúa bökum saman og þétta raðirnar. Framundan eru spennandi og mikilvægir tímar.

Áfram veginn, áfram Fjölnir.

Aðalsteinn Snorrason, formaður hkd. Fjölnis

Kosningar hefjast á föstudag  

Kosningar í íbúalýðræðisverkefninu Hverfið mitt hefjast nú á föstudag þann 3. nóvember og standa til 19. nóvember. Allir Reykvíkingar sem verða 16 ára í ár og eldri geta kosið.

Íbúar í Reykjavík munu kjósa hvaða hugmyndir koma til framkvæmda en til ráðstöfunar eru alls 450 milljónir króna og gefur það umtalsvert svigrúm.  Framkvæmdafé var hækkað í fyrra og mæltist það vel fyrir.

Stjörnu prýdd hugmynd fær aukið vægi

Nýjung í ár er að kjósendur geta að auki sett stjörnu við eitt verkefni og  þannig gefið því verkefni eitt aukaatkvæði. Markmiðið er að sjá hvaða verkefni eru íbúum í hverfunum allra mikilvægust.  Mögulegt er að greiða atkvæði oftar en einu sinni, en það er síðasta atkvæðið sem gildir.

Þegar kosningar hefjast á föstudag verður opnað fyrir kosningavefinn á slóðinni hverfidmitt.is. Fram að kosningum vísar vefslóðin á almenna upplýsingasíðu um verkefnið.

Vonast til að slá ný met í kosningaþátttöku

Hugmyndasöfnun í mars gekk vonum framar og slógu íbúar nýtt met í hugmyndaauðgi, en alls bárust 1.080 hugmyndir. Teymi fagfólks á umhverfis- og skipulagssviði mat í framhaldi hvaða hugmyndir væru tækar í kosningu og hverfisráð stillti upp allt að 25 hugmyndum sem kosið verður um í nóvember. Þessa dagana er verið að undirbúa og álagsprófa kosningakerfið.

Í fyrra var slegið met í kosningaþátttöku en þá kusu 9,4% þeirra sem atkvæðisrétt höfðu. „Við viljum auðvitað slá þátttökumetið aftur,” segir Unnur Margrét  Arnardóttir, verkefnisstjóri hjá Reykjavíkurborg. „ Aukin þátttaka í kosningum og hugmyndasöfnun bendir til að þess að við séum á réttri leið”. 

Þetta er í sjötta sinn sem íbúar í Reykjavík koma að vali verkefna í hverfunum og sífellt er verið að gera  umbætur á verkefninu, vefsíðunni og samráðsferlinu, til að bregðast við athugasemdum og gagnrýni.

Nánari upplýsingar veitir Unnur Margrét Arnardóttir, verkefnisstjóri, sími  6616644

Í frétt á vef Reykjavíkurborgar eru vísanir í tengt efni >   http://reykjavik.is/frettir/hm-kosningar-hefjast-fostudag