Guðsþjónusta í Grafarvogskirkju kl. 11:00. Séra Sigurður Grétar Helgason þjónar. Kór Grafarvogskirkju leiðir söng og Hákon Leifsson stjórnar.
Sunnudagaskólinn er á sínum stað á neðri hæð kirkjunnar kl. 11:00. Dans, söngvar, sögur og ærslagangur. Pétur Ragnhildarson hefur umsjón.
Selmessa í Kirkjuselinu í Spöng kl. 13:00. Séra Grétar Halldór Gunnarsson þjónar. Vox Populi leiðir söng og organisti er Hilmar Örn Agnarsson.
Verið öll hjartanlega velkomin!
Í tilefni alþjóðlega bangsadagsins verður haldinn bangsaspítali á 3 heilsugæslustöðvum á Höfuðborgarsvæðinu:
– Heilsugæslan Efstaleiti
– Heilsugæslan Grafarvogi
– Heilsugæslan Sólvangi
Öllum börnum, ásamt foreldrum/forráðamönnum, er boðið að koma í heimsókn með veika eða slasaða bangsa.
Tilgangur verkefnisins er tvíþættur: Annars vegar til að fyrirbyggja hræðslu hjá börnum við lækna og heilbrigðisstarfsfólk og hins vegar að gefa læknanemum á yngri árum tækifæri til að æfa samskipti við börn
Heimsóknin fer þannig fram að hvert barn kemur með sinn eigin bangsa. Gott er að ræða fyrirfram við barnið um það hvernig bangsinn er veikur (hvort hann sé t.d. með hálsbólgu, magapest eða brotinn fót). Þegar á heilsugæsluna er komið fær barnið að innrita bangsann og að því loknu kemur bangsalæknir og vísar barninu inn á læknastofu þar sem læknirinn skoðar bangsann og veitir honum þá aðhlynningu sem hann þarf á að halda.
Vonumst til þess að sjá sem flesta!
Lýðheilsufélag læknanema
https://www.facebook.com/pages/Bangsaspítali/386161021453461?fref=ts
Tvíhöfði í Dalhúsum næstkomandi föstudag!
Fjölnir – Grótta Handbolti kl. 18:00
Fjölnir – Haukar Topphandbolti U kl. 20:00
Árskort á frábæru verði seld við hurð. Mætum í gulu og styðjum við okkar lið!
Haustfagnaður Grafarvogs verður haldinn í Dalhúsum laugardaginn 13. október. Glæsileg dagskrá, frábær matur og tryllt ball þar sem Skítamórall spilar fyrir dansi fram eftir nóttu. Þetta er viðburður sem þú vilt ekki missa af!
Á matseðlinum verður glóðarsteikt lambalæri, smjörlegið kalkúnaskip, kartöflur, sósur og bæði ofnbakað og ferskt grænmeti.
-Húsið opnar kl. 19:00
-Stórglæsilegt happdrætti verður á staðnum.
-Veislustjóri er hinn eini sanni Maggi Hödd.
-Dóri DNA verður með gamanmál.
-Óvæntur ræðumaður.
-Skítamórall heldur uppi stuðinu fram eftir nóttu.
Miðaverð er einungis 7.900.-
Miðaverð á ball er 2.990.-
Það eru 10 sæti á borði. Borðapantanir sendast á frida@fjolnir.is Fyrstur kemur fyrstur fær!
Fimmtudaginn 20. september kl. 20:00 verður Safnaðarfélagið með opið hús og kynningu á félaginu og starfi þess. Prestarnir koma og segja frá því helsta sem verður á döfinni í vetur. Kaffi og með því að hætti Safnaðarfélagsins! Verið hjartanlega velkomin og takið endilega með ykkur gesti!
Jazz í hádeginu | Tríó Gunnars Hilmarssonar
Leikur lög Django Reinhardt
Borgarbókasafnið | Menningarhús Spönginni
Laugardaginn 22. september kl. 13.15-14.00
Tónleikarnir verða einnig í Grófinni fimmtudaginn 20. september kl. 12.15-13 og í Gerðubergi 21. september kl. 12.15-13.
Gunnar Hilmarsson Tríó (GHT) spilar swing tónlist með tveimur gítörum og kontrabassa. Innblástur að hljómgrunninnum er fenginn frá Róma-gítarleikaranum Django Reinhardt. Á fyrri hluta 20. aldar lagði Reinhardt grunninn að jazzgítarstíl sem í dag er kenndur við hann og er enn í stöðugri þróun. Hljómsveitin hefur einnig verið að máta nýrri lög við þennan búning og tekist vel til. Í janúar 2018 spilaði GHT á Djangohátíð í Amsterdam í Hörpu þeirra Hollendinga: Bimhuis, við góðar undirtektir.
Hljómsveitina skipa:
Gunnar Hilmarsson á gítar
Jóhann Guðmundsson á gítar
Leifur Gunnarsson á kontrabassa
Næstu tónleikar verða 15. 16. o g 17. nóvember í Grófinni, Gerðubergi og Spönginni. Nánar um tónleikana verður auglýst síðar. Fylgist með!
Nánari upplýsingar veitir:
Hólmfríður Ólöf Ólafsdóttir
holmfridur.olafsdottir@reykjavik.is
Sími: 411 6114
Guðsþjónusta í Grafarvogskirkju kl. 11:00. Séra Guðrún Karls Helgudóttir og séra Arna Ýrr Sigurðardóttir þjóna. Fermingarbörnum úr Foldaskóla og foreldrum þeirra er sérstaklega boðið. Pálínuboð, þar sem allir leggja eitthvað til, og fundur með foreldrum fermingarbarna er á eftir guðsþjónustunni. Vox Populi leiðir söng og organisti er Hilmar Örn Agnarsson.
Sunnudagaskóli á neðri hæð kirkjunnar kl. 11:00. Dans, söngvar, sögur og límmiðar. Að auki verður búin til litabók. Pétur Ragnhildarson hefur umsjón.
Selmessa í Kirkjuselinu í Spöng kl. 13:00. Séra Arna Ýrr Sigurðardóttir þjónar. Vox Populi leiðir söng og organisti er Hilmar Örn Agnarsson.
Verið öll hjartanlega velkomin!
Dagrún Ósk Jónsdóttir þjóðfræðingur hefur rannsakað mannát í íslenskum þjóðsögum. Það birtist í nokkrum tröllasögum, yfirleitt eru það tröllskessur sem éta karla, sem vitnar um átök kynjanna í þessum sögnum. Þjóðsögunum var flestum safnað, þær skrifaðar og sagðar af körlum. Hvað segir það okkur um samfélagið sem sögurnar spretta úr?
Í rannsóknum sínum fléttar Dagrún Ósk saman þjóðsögunum og nýrri hugmyndum um femínisma, niðurstöður sínar setur hún fram á veggspjöldum, í samstarfi við teiknarann Sunneva Guðrún Þórðardóttir (þf.) sem teiknaði myndina hér að ofan.
Verið velkomin á opnun sýningarinnar, mánudaginn 10. september kl. 17!
Sýninguna má svo skoða á opnunartíma safnsins, mán-fim 10-19, fös 11-19 og lau 12-16.
Í tengslum við sýninguna heldur Dagrún Ósk fyrirlestur undir yfirskriftinni „Fáir hafa notið bónda síns betur en ég“, mánudaginn 24. september kl. 17:15.
Fjölmargir skólar ákveðið að taka þátt í Göngum í skólann, verkefni á vegum Íþrótta- og Ólympíusambands Íslands, Embætti landlæknis, Mennta- og menningarmálaráðuneytisins, Ríkislögreglustjóra, Samgöngustofu, Slysavarnarfélagsins Landsbjargar og Heimilis og skóla. Göngum í skólann verður sett miðvikudaginn 5. september og lýkur formlega með alþjóðlega Göngum í skólann deginum miðvikudaginn 10. október.
Þetta er í tólfta sinn sem verkefnið er haldið hér á landi og hefur þátttaka aukist jafnt og þétt. Megin markmið verkefnisins eru að hvetja börn til að tileinka sér virkan ferðamáta í og úr skóla og auka færni þeirra til að ferðast á öruggan hátt í umferðinni. Fræða þau um ávinning reglulegrar hreyfingar, að draga úr umferðarþunga, mengun og hraðakstri nálægt skólum. Auk þess er reynt að stuðla að vitundarvakningu fyrir virkum ferðamáta og umhverfismálum og það hversu “gönguvænt” umhverfið er. Á síðasta ári tóku milljónir barna frá 40 löndum víðs vegar um heiminn þátt í Göngum í skólann með einum eða öðrum hætti. Nánari upplýsingar um verkefnið er að finna á vef þess www.gongumiskolann.is
Göngum í skólann í okkar skóla
Skólinn hefur nú þegar verið skráður til leiks og við hvetjum alla til þess að taka þátt. Hugmyndin er að vera með ýmsar uppákomur þann mánuð sem Göngum í skólann stendur yfir, einnig hvetjum við ykkur kæru foreldrar/forráðamenn til þess að nýta ykkur verkefnið og þá umræðu sem skapast þennan mánuðinn til þess að ræða þessi mál við börnin ykkar og fara öruggustu leiðina í skólann með yngstu börnunum.
Follow