Grafarvogskirkja

Fermingardagar vormisseri 2014

23. mars 10:30                Kelduskóli Vík 8. P
23. mars 13:30                Kelduskóli Vík 8. K

30. mars kl. 10:30          Kelduskóli Vík 8. T
30. mars kl. 13:30          Vættaskóli Engi 8. AS

6. apríl kl. 10:30             Vættaskóli Engi 8. AR
6. apríl kl. 13:30             Foldaskóli 8. EA

Pálmasunnudagur
13. apríl kl. 10:30           Foldaskóli 8. LÓ
13. apríl kl. 13:30           Vættaskóli Engi 8. MJ

Skírdagur
17. apríl kl. 10:30           Rimaskóli 8. BAS
17. apríl kl. 13:30           Foldaskóli 8. HM

Annar í páskum
21. apríl kl. 10:30          Foldaskóli 8. KJ
21. apríl kl. 13:30          Rimaskóli 8. GH

Smelltu á tengilinn hér fyrir neðan til þess að sjá nöfn fermingarbarna og fermingardaga þeirra 2014:

Follow

X-D

Við frambjóðendur Sjálfstæðisflokksins í Reykjavík ætlum að ganga í öll hverfi Reykjavíkurborgar í þessari og næstu viku. Frambjóðendur og hverfisbúar munu ganga hvert hverfi með það fyrir augum að sjá hvað þurfi að laga, hvað sé vel gert og ræða um stöðuna í hverfinu. Tekin verður saman staðan í hverju hverfi og verður það haft til hliðsjónar þegar stefna Sjálfstæðisflokksins í hverju hverfi fyrir sig verður gefin út.

Við hefjumst handa á morgun miðvikudag klukkan 17.30 í Grafarvogi þar sem við ætlum að hittast við heilsugæsluna Spönginni.

Eins og sést á myndunum þá stækkaði hópurinn er á leið. Fólk tók strax til við að ræða við frambjóðendur um hverfið okkar og hvað betur má gera.

Follow

Það var mikið um að vera í Rimaskóla í síðustu viku þegar 40 manna hópur skólastjórnenda og kennara víðsvegar frá Ítalíu kom í heimsókn þangað og kynnti sér skólastarfið. Forsvarsmaður ítalska hópsins var Sarah Spezially kennslufræðingur sem fyrir sex árum var skiptinemi við Menntavísindasvið Háskóla Íslands og stundaði  vettvangsnám við Rimaskóla í list-og verkgreinum.

Helgi Árnason skólastjóri tók á móti hópnum og ásamt sérstakri móttökunefnd sem í voru þau Jóhann Þór deildarstjóri, Sigrún Garcia námsráðgjafi og Sif H. Bachmann umsjónarkennari.

Ítölsku gestirnir heimsóttu bekkjardeildir og spjölluðu við kennara og nemendur skólans. Þeir hrifust af húsnæði og búnaði Rimaskóla og þeim hlýju móttökum sem þeir fengu.

Follow

Þingmenn og ráðherrar lesa úr Passíusálmunum á 400 hundruð ára árstíð Hallgríms Péturssonar.

Mars

Apríl

Follow

Borgarholtsskóli sigraði MA í undanúrslitum Gettu Betur.

Lið Borgarholtsskóla fór með sigur af hólmi í viðureign skólans við lið Menntaskólans á Akureyri í undanúrslitum spurningakeppni framhaldsskólanna, Gettu betur, í kvöld.

Borgarholtsskóli keppir því til úrslita við lið Menntaskólans við Hamrahlíð.

Follow

Nýr göngu- og hjólastígur úr Hamrahverfi að Gufunesbæ sem lagður var sl. haust og íbúar í Grafarvogi kusu í íbúakosningunum í fyrra.

Dagana 11. – 18. mars verða haldnar rafrænar hverfakosningar í Reykjavík.

Kosið verður um ný verkefni í öllum hverfum borgarinnar.

Reykjavíkurborg hvetur íbúa í Grafarvogi til að kynna sér verkefnin sem kosið er á milli af kostgæfni og taka þátt í hverfakosningunum. Kosningarétt hafa allir sem voru orðnir 16 ára um síðustu áramót.

Kosningarnar fara fram á sama hátt og tvö síðastliðin ár en íbúar í Reykjavík hafa nú þegar kosið yfir 200 verkefni til framkvæmda í hverfum borgarinnar, sem Reykjavíkurborg hefur framkvæmt eða eru á undirbúningsstigi. Síðastliðin ár hafa íbúar í Grafarvogi kosið fjölmörg verkefni sem íbúar hafa komið með hugmyndir að sem bæta mannlíf, leiksvæði, aðstöðu til útivistar og umferðaröryggi.

Reykjavíkurborg hefur varið 600 milljónum króna til verkefna sem íbúar velja sjálfir í hverfunum, síðastliðin tvö ár. Í ár verður 300 milljónum króna varið til slíkra verkefna í hverfunum. Þar af fara 40,9 milljónir til verkefna í Grafarvogi 2014.

Vefslóð kosninganna er kjosa.betrireykjavik.is

Follow

Skemmtilegar myndir frá dagforeldrum í Hamravík í Grafarvogi sem voru með öskudagsskemmtun s.l. miðvikudag.

Follow

Frá undirritun samnings við Reykjavíkurborg, (f.v.) Eva Einarsdóttir, formaður íþrótta- og tómstundaráðs, Jón Karl Ólafsson, formaður Fjölnis, Jón Gnarr borgarstjóri og Guðmundur L Gunnarsson, framkvæmdastjóri Fjölnis.

Reykjavíkurborg og Ungmennafélagið Fjölnir í Grafarvogi undirrituðu nýjan samning í Ráðhúsi Reykjavíkur í dag. Samkvæmt honum fær Fjölnir aðstöðu í nýju fimleikahúsi sem fasteignafélagið Reginn mun byggja við Egilshöll. Þá mun Fjölnir áfram reka íþróttahús og velli við Dalhús í Grafarvogi.

Mikill uppgangur hefur verið í íþróttastarfi Fjölnis síðustu árin, segir í tilkynningu frá borginni. Fjölnir hefur verið með íþróttaaðstöðu við Dalhús og í Egilshöll. Þar hefur félagið haft knattspyrnuæfingar á inni- og útivöllum, frjálsíþróttaæfingar inni, bardagaíþróttir, fimleikaæfingar í tveimur bráðabirgðasölum auk skrifstofu. Þar að auki hefur félagið eitt stórt íþróttahús í Grafarvogi til æfinga og keppni í hand- og körfuknattleik og annað minna íþróttahús í Rimaskóla til æfinga.

Mestu tíðindin í samkomulaginu eru þau að Reginn hyggst byggja nýtt fimleikahús við hlið Egilshallar fyrir fimleikadeild Fjölnis. Reykjavíkurborg mun leigja húsið til afnota fyrir Fjölni en jafnframt láta af hendi núverandi aðstöðu fyrir fimleika í Egilshöll. Árlegt leigugjald vegna nýrrar aðstöðu verður rúmlega 50 milljónir króna til viðbótar við núverandi leigusamning við Reginn vegna íþróttaaðstöðu í Egilshöll. Áætlað er að fimleikahúsið verið tekið í notkun veturinn 2015 en það verður 2.250 fermetrar að stærð og tengist núverandi húsnæði.

Samkvæmt samningnum mun Fjölnir reka áfram íþróttahús og velli við Dalhús í Grafarvogi. Þá verða teknar upp viðræður við Borgarholtsskóla um nýtingu íþróttamannvirkja í Grafarvogi fyrir nemendur skólans og fyrir afreksíþróttasvið skólans.

Follow

Gunnar Steinn Jónsson, landsliðsmaður í handknattleik, hefur skrifað undir tveggja ára samning við þýska liðið Gummersbach. Gunnar Steinn gengur til lið við þýska liðið í sumar þegar núverandi samningur hans við Nantes í Frakklandi rennur út.

Gunnar Steinn vakti verðskuldaða athygli með íslenska landsliðinu á Evrópumeistaramótinu í handknattleik í Danmörku í janúar. Hann tók þátt í öllum leikjum íslenska landsliðsins í mótinu. Í framhaldinu vaknaði áhugi liða á krækja í Gunnar Stein sem verið hefur í herbúðum Nantes síðustu nærri tvö ár. Þar áður lék hann með Drott í Svíþjóð um nokkurt skeið en vakti fyrst athygli með HK hér á landi.

Ég vonast eftir að verða í stóru hlutverki í vörn og sókn sem er mikilvægt fyrir metnað minn með landsliðinu,“ sagði Gunnar Steinn í samtali við mbl.is áðan en hann er afar spenntur fyrir væntanlegum vistaskiptum.

Þetta er ekki fyrsta sinn sem Gummersbach sýnir Gunnari Steini áhuga því hann var einnig undir smásjá forráðamanna félagsins áður enn hann gekk til liðs við Nantes fyrir tveimur árum.

Nokkrir Íslendingar hafa leikið með Gummersbach sem er eitt sögufrægasta handknattleikslið Þýskalands. Meðal þeirra má nefna Guðjón Val Sigurðsson, Guðlaug Arnarsson, Sverre Andreas Jakobsson og Róbert Gunnarsson sem var fyrirliði Gummersbach sem varð Evrópumeistari bikarhafa 2010. Alfreð Gíslason  þjálfaði Gummersbach frá 2006 til 2008 þegar hann tók við þjálfun Kiel.

Greint er m.a. frá félagsskiptum Gunnars Stein í frétt á heimasíðu Gummersbach.

Follow