Nemendaverdlaun_2014

Nemendaverðlaun skóla- og frístundaráðs voru veitt við hátíðlega athöfn í Fellaskóla mánudaginn 26. maí. 33 nemendur í grunnskólum Reykjavíkur tóku við viðurkenningu fyrir dugnað og elju á hinum ýmsu sviðum skólastarfsins.

Fjölmenni var við athöfnina þar sem nemendur úr Fellaskóla sungu við undirleik Guðna Franzsonar og þverflauturhópur úr Tónaskóla Sigursveins lék.

Oddný Sturludóttir,  formaður skóla- og rístundaráðs sagði m.a. í ávarpi sínu að eitt besta veganestið sem nemendur fengju í grunnskólanum væri færni til góðra samskipta, til að leysa ágreining á lausnarmiðaðan hátt og vera í samstarfi við fólk með margbreytilegan bakgrunn og skoðanir; „Skólamenning sem einkennist af fjölbreytni og jöfnum tækifærum eru verðmæti í sjálfu sér, stöndum saman að því að hlúa að henni, heimilin og skólarnir og stórfjölskyldan í sameiningu“, sagði Oddný.

Nemendur sem tóku við verðlaununum fengu m.a. viðurkenningu fyrir góðan námsárangur, virkni í skólastarfi, frammistöðu í íþróttum, félagsfærni og listsköpun. Markmið verðlaunanna er að hvetja
nemendur til að nýta styrkleika sína og leggja sig enn betur fram í námi, félagsstarfi eða í skapandi starfi. 

1.Sudeska Gema Kuasa 10. bekk Austurbæjarskóla
2.Edda Kristín Óttarsdóttir 10. bekk Árbæjarskóla
3.Leó Ernir Reynisson 7. KG Ártúnsskóla
4.Brynhildur Vala Björnsdóttir 7.bekk Breiðagerðisskóla
5.Starri Snær Valdimarsson 10. bekk Breiðholtsskóla
6.Gylfi Snær Ingimundarson  5.bekk Dalskóla
7.Hanesa Ósk Þórsdóttir 10. bekk Fellaskóla
8.Hans Jón Ívarsson 10.bekk Foldaskóla
9.Hjalti Sigurgeirsson 10. bekk Hagaskóla
10.Selma Lind Davíðsdóttir 7.bekk Hamraskóla
11.Vukasin Krstic 10. bekkHáaleitisskóla
12.Ísabella María Eriksdóttir 7. bekkHáteigsskóla
13.Arnar Geir Geirsson  10. bekk Hlíðaskóla
14.Vanisa Lampar 4.bekk Hólabrekkuskóla
15. Guðmundur Tómas Þorláksson 7. bek Húsaskóla
16.Jóel Örn Einarsson 10.bekk Ingunnarskóla
17.Bjarni Anton Theódórsson 10. bekk Kelduskóla
18.Nevena Cupovic 10. bekk Klettaskóla
19.Thelma Ósk Þrastardóttir 10.bekk Klébergsskóla
20.Hrafnhildur Sigurðard.    8.bekk  Landakotsskóla
21. Hugrún Britta Kjartansd. 10. bekk  Laugalækjarskóla
22.Silja Mist Sturludóttir 5. bekk Laugarnesskóla
23.Helga Kristín Sigurðard.  7. bekk Melaskóla
24.Hildur Aradóttir 10. bekk Norðlingaskóla
25.Steinunn Björg  Hauksd. 10. bekk Rimaskóla
26.Daníel Smári Hlynsson 5. bekk Selásskóla
27. Viktoría Sif Haraldsdóttir 10. bekk Seljaskóla
28.Thanawin Yodsurang 4. bekk Skóla Ísaks Jónssonar
29.Sigurður Jökull Ægisson  8. bekk Sæmundarskóla
30.Samar Uz-Zaman 10. bekk Tjarnarskóla
31.Kamilla Björg Kjartansd. 10. bekk Vogaskóla
32.Ingólfur Jón Ágúst Óskarsson 10. bekk Vættaskóla
33.Fannar Freyr Eggertsson 10.bekk Ölduselskóla

Follow

Reykjavíkurráð ungmenna heldur fund með frambjóðendum flokka til borgarstjórnarkosninga í Hinu húsinu í kvöld klukkan 19.30. Frambjóðendur fá tækifæri til að kynna sig og stefnumál sín fyrir ungu fólki og ungt fólk í Reykjavík fær tækifæri til að spyrja frambjóðendur spurninga. Fundurinn verður í upplýsingamiðstöð Hins hússins, Pósthússtræti 3-5 og hefst 19:30.

Markmið með starfsemi Reykjavíkurráðs ungmenna er m.a. að skapa vettvang og leiðir til þess að gera þeim sem eru yngri en 18 ára kleift að koma skoðunum sínum og tillögum á framfæri við viðeigandi aðila og að þjálfast í lýðræðislegum vinnubrögðum.

Í starfi sínu í vetur sem og síðastliðin ár hafa ungmennaráð fjallað um málefni ungs fólks og tekið þátt í ýmsum verkefnum sem fulltrúar ungs fólks í Reykjavík. Reykjavíkurráð ungmenna er jafnframt samráðsvettvangur allra ungmennaráða sem starfa í borginni.

Follow

Fjölnis stelpur

Stelpurnar í meistaraflokki kvenna hafa spilað einn leik í Íslandsmótinu og var hann gegn BÍ/Bolungarvík og vannst góður sigur 3-0 en leikurinn var spilaður í Egilshöllinni föstudaginn s.l. Esther Rós Arnardóttir var ekki lengi að stimpla sig inn í Fjölnisliðið en hún skoraði tvö fyrstu mörkin og Katrín Elfa Arnardóttir skoraði svo þriðja markið. Næsti leikur hjá þeim er á mánudaginn 26. maí kl. 20.00 í Egilshöllinni gegn Grindavík.

Follow

Borgarbókasafnið mun opna nýtt útibú í þessu húsi í Spönginni í Grafarvogi og þjóna þannig hverfinu mun betur.

Borgarbókasafnið mun flytja í stærra og mun hentugra húsnæði miðsvæðis í Grafarvogi ef samningar takast um leigu á húsnæði  fyrir safnið í Spönginni.

Borgarráð hefur heimilað skrifstofu eigna og atvinnuþróunar að ganga til samningaviðræðna um leigu á húsnæði í Spöng í Grafarvogi fyrir útibú Borgarbókasafnsins.  Útibú safnsins hefur verið í þröngu og óhentugu húsnæði í Grafarvogskirkju og hefur staðið til um nokkurn tíma að finna safninu hentugra húsnæði svo það geti þjónað þessu fjölmenna hverfi.

Hentugt húsnæði er laust til leigu við Spöngina 41 en það er í eigu fasteignafélagsins Reita og hýsti áður líkamsræktarstöð World Class, sem hefur flutt í Egilshöll. Húsnæðið er afar vel í sveit sett fyrir bókasafn, staðsett í verslunarmiðstöðinni í Spönginni miðsvæðis í hverfinu.  Aðgengi að húsinu er mjög gott, bæði fyrir unga sem aldna en hitalagnir eru í gangstéttum við húsið sem gerir aðgengi enn betra.

Nokkrir skólar eru í nágrenninu, t.a.m. Borgarholtsskóli en Spöngin er mitt á milli fjögurra grunnskólahverfa í Grafarvogi.  Heilsugæslustöð er í næsta húsi. Þá opnaði ný félagsmiðstöð á vegum Reykjavíkurborgar í húsinu númer 43 um síðustu helgi. Hefur félagsmiðstöðin hlotið nafnið Borgir.   Staðsetning fyrir bókasafn getur því ekki verið betri í þessu víðfeðma hverfi.

Nýtt húsnæði fyrir Borgarbókasafnið á þessum stað mun styðja við þá framtíðarsýn safnsins að vera miðstöð fjölmenningar, barnamenningar og alþýðumenningar í hverfum borgarinnar, auk þess að þjóna gestum og gangandi sem bókasafn, íverustaður og félagsmiðstöð.

Borgarbókasafnið rekur í dag útibú í kjallara Grafarvogskirkju sem þjónar öllum Grafarvogi.  Húsnæðið er um 702 fermetrar og var opnað 1996. Það húsnæði er að mörgu leyti óhentugt fyrir rekstur bókasafns. Stærsti ókosturinn er staðsetningin en Grafarvogskirkja er í útjaðri hverfisins og aðkoma að safninu er erfið.  Ný staðsetning safnsins mun gjörbreyta allri aðstöðu safnsins til hins betra fyrir íbúa Grafarvogs.

Follow

Helgi skólastjóri og fjórir efnilegir skákkrakkar Rimaskóla taka um helgina þátt í umfangsmikilli og glæsilegri skákhátíð Í Nuuk á Grænlandi sem helguð er minningu Jonathans Mozfeldt skákáhugamanns og fyrsta landsstjóra Grænlands. Það er skákfélagið Hrókurinn sem stendur fyrir skákhátíðinni og fyrir félaginu fer Hrafn Jökulsson skákfrömuður sem bauð Rimaskólasveitinni sérstaklega í þessa ævintýraferð. Með skólastjóra í ferðinni eru skákmeistarar skólans þeir Oliver Aron Jóhannesson, Jóhann Arnar Finnsson, Kristófer Halldór Kjartansson og Róert Orri Árnason á aldrinum 12 – 16 ára. Eftir að hafa heimsótt grunnskólakrakka, teflt fjöltefli í verslunarmiðstöðinni Nuuk Center og sótt boð sendiherra Íslands hafa strákarnir heilað viðstadda með færni sinni og framkomu. Skákhátíðin endar með JM skákmótinu þar sem strákarnir eru allir skráðir til leiks ásamt fjölda íslenskra og grænlenskra skákmanna. Helgi skólastjóri mun á mánudag eiga fund með skólamönnum hér í Nuuk þar sem stofnað verður til frekara samstarfs í skáklistinni á milli skólanna á Íslandi og Grænlandi.

Follow

Á laugardag verður Félagsmiðstöð í Spöng í Grafarvogi tekin formlega í notkun og mun hún bæta þjónustu við eldri borgara í hverfinu. Byggingarkostnaður við Félagsmiðstöðina var 30 milljónum króna undir kostnaðaráætlun.

Íbúar Eirborgar munu njóta þjónustu í nýju Félagsmiðstöðinni, en innangengt er um tengigang milli bygginganna. Korpúlfar, félag eldri borgara í Grafarvogi, verður með aðstöðu fyrir félags- og tómstundastarf sitt og Grafarvogssókn verður með kirkjusel í húsinu.

Matsalur með móttökueldhúsi er í Félagsmiðstöðinni, auk fjölnotasala sem hægt er að opna á milli og skapa stærra rými. Þá er gengt úr fjölnotasölum í skjólsælan suðurgarð hússins.  Í húsinu verður aðstaða fyrir fótsnyrtingu og hárgreiðslu og á efri hæð opna dagdeild fyrir heilab ilaða og skrifstofa félagslegrar heimaþjónustu Reykjavíkurborgar.

Undir kostnaðaráætlun

Framkvæmdakostnaður við hús og lóð er 695 milljónir króna, en kostnaðaráætlun eftir að endanleg hönnun lá fyrir hljóðaði upp á 726 milljónir króna (uppreiknað miðað við verðlag í desember 2013). Mannvirkið er því fullbúið 30 milljónum króna undir kostnaðaráætlun. Auk þess var veittur styrkur úr Framkvæmdasjóði aldraðra að upphæð 95 milljónir króna.  Byggingakostnaður er 453 þús. krónur á fermetra án búnaðar. Innri leiga reiknast á 2.900 krónur á fermetra.

Guðmundur Pálmi Kristinsson verkefnisstjóri bygginganefndar er að sönnu ánægður með þennan árangur og þakkar hann góðri kostnaðargát og hagnýtingu reiknilíkans um líftímakostnað, en Félagsmiðstöðin í Spöng var prófsteinn á innleiðingu þess. „Það er ekki hægt að spara nema vita hvar kostnaðurinn liggur,“ segir hann. „Það er mikilvægt að sýna fram á hvernig hægt er að lækka rekstrarkostnað með hagkvæmari og vandaðri byggingarefnum. Við verðum að þróa og mynda hagkvæmt jafnvægi milli stofn- og rekstrarkostnaðar.“

Reiknilíkan vegna líftímakostnaðar mannvirkja er á ensku kallað Life Cycle Cost – LCC.  Þar er horft í samhengi annars vegar á stofnkostnað og hins vegar árlegan umsýslu-, rekstrar- og viðhaldskostnað.  Þannig er fundinn út árskostnaður yfir líftíma mannvirkisins.  Byggt er á reynslu norðmanna, en Statsbygg í Noregi hefur frá árinu 1998 gert kröfu um að gerðir séu árskostnaðarreikningar fyrir allar opinberar byggingar í Noregi.

Langur aðdragandi

Bygging hússins á sér langan aðdraganda og voru margvíslegar hugmyndir uppi á undirbúningstíma. Þegar línur höfðu skýrst um hverjir myndu verða innan veggja með þjónustu sína samþykkti borgarstjórn á fundi sínum í júní 2011 að skipa byggingarnefnd til að halda utan um útfærslur. Húsið er í anda þeirra ákvarðana og er 1.400 fermetrar að stærð.  Notendur hússins verða Velferðarsvið Reykjavíkurborgar, Hjúkrunarheimilið Eir, Grafarvogssókn og Korpúlfar.

Arkitektar er THG arkitekar hf., sérteikningar Efla hf , lóð Landark og daglegt eftirlir VSÓ Ráðgjöf og aðalverktakar Steinmótun hf. og Sveinbjörn Sigurðsson hf.

Opið hús á laugardag

Á laugardag kl. 13 – 15 er opið hús í nýju Félagsmiðstöðinni í Spöng og geta gestir þá skoðað húsið. Korpúlfar, samtök eldri borgara í  Grafarvogi, taka vel á móti fólki í nýju húsakynnum sínum í Félagsmiðstöðinni. Þá mun stýrihópur um framtíðarsýn Gufuness kallar eftir hugmyndum og ábendingum íbúa um uppbyggingu svæðisins. Nánar má sjá um dagskrá í fréttinni Grafarvogsdagurinn er á laugardaginn

Nánari upplýsingar um Félagsmiðstöðina í Spöng:

• Kynnisblað – samantekt við verklok
• Upplýsingasíða í Framkvæmdasjá: Félagsmiðstöð í Spöng  [   ]

Follow

Margir íbúar Grafarvogs eru byrjaðir að skreyta, þessi sást í Foldahverfinu

Follow