Það var flottur hópur íþróttamanna hjá Fjölni sem voru heiðruð í dag.

Athöfnin fór fram í hátíðarsal Fjölnis í Dalhúsum.

Þetta er í 27. skipti sem valið fór fram. Valið fer þannig fram að deildirnar tilnefna hjá sér íþróttamann ársins og senda það til valnefndar sem velur svo íþróttamann ársins.

Í valnefnd eru einstaklingar úr aðalstjórn Fjölnis, en þau eru Birgir Gunnlaugsson varaformaður Fjölnis, Laufey Jörgensdóttir og Málfríður Sigurhansdóttir starfsmaður skrifstofu Fjölnis.

Eftirtaldir einstaklingar voru tilnefndir:

Fimleikadeild

Sigurður Ari Stefánsson –

Frjálsíþróttadeild

Ingvar Hjartarson –

Handboltadeild

Kristján Örn Kristjánsson –

Karatedeild

Viktor Steinn Sighvatsson –

Knattspyrnudeild

Viðar Ari Jónsson –

Körfuboltadeild

Garðar Örn Sveinbjörnsson –

Skákdeild

Héðinn Steingrímsson –

Sunddeild

Jón Margeir Sverrisson –

Tennisdeild

Hera Björk Brynjarsdóttir –

Taekwondodeild

Sigursteinn og Þórunn Kristín Snorrabörn

Íþróttamaður Fjölnis árið 2015 er Kristján Örn Kristjánsson úr handknattleiksdeild.

Einnig var valinn Fjölnismaður ársins 2015 og er það Hermann Kristinn Hreinsson sem þann heiður fær að þessu sinni.

Áfram Fjölnir

Myndir frá athöfninni….

Follow

Áramótabrennur í Reykjavík verða á sömu stöðum og með sama sniði og undanfarin ár.  Byrjað er að safna í kestina.

Eldur verður borinn að köstunum kl. 20.30 á gamlárskvöld á öllum stöðum nema tveimur.  Á Úlfarsfelli verður tendrað kl. 15.00 um daginn og í Skerjafirði verður eldur borinn að kestinum kl. 21.00 eftir blysför sem hefst kl. 20.30.

Gestir eru beðnir um að virða þá reglu að vera ekki með skotelda við brennurnar þar sem mannfjöldi er. Stjörnuljós og blys eru betri kostur enda barnvænt og hættuminna.

Áramótabrennurnar verða á eftirtöldum stöðum:

• Við Ægisíðu, stór brenna.
• Skerjafjörður gegnt Skildinganesi 48 – 52,  lítil brenna (tendrað kl. 21.00, eftir blysför sem hefst kl. 20.30).
• Við Suðurhlíðar, neðan við Fossvogskirkjugarð, lítil brenna.
• Vestan Laugarásvegar móts við Valbjarnarvöll,  lítil brenna.
• Geirsnef, stór brenna.
• Við Suðurfell, lítil brenna.
• Fylkisbrennan við Rauðavatn, stór brenna.
• Gufunes við gömlu öskuhaugana, stór brenna.
• Kléberg á Kjalarnesi, lítil brenna.
• Úlfarsfell á athafnasvæði Fisfélagsins ofan við Lambhagaveg, lítil brenna (tendrað kl. 15.00)

Stærð brennanna ræðst af mati Eldvarnareftirlitsins á aðstæðum á hverjum stað.

Follow

Á miðvikudaginn 30 desember 2015, daginn fyrir gamlársdag kl.18:00 fer fram val á íþróttamanni Fjölnis í hátíðarsalnum í Dalhúsum.  Þetta er í 27 skipti sem valið fer fram og hvetjum við alla Fjölnismenn og Grafarvogsbúa að fjölmenna og heiðra íþróttafólkið okkar.  Þetta er orðin árviss hefð og gaman að sjá hversu margir mæta á ári hverju og heiðra íþróttafólkið okkar og fara yfir árið.

Dagskrá

Kynntur er afreksmaður hverrar deildar og þeir heiðraðir sérstaklega

Fjölnismaður ársins valinn

Íþróttamaður Fjölnis valinn

Í fyrra var Arndís Ýr Hafþórsdóttir valin íþróttamaður Fjölnis en hún kemur úr frjálsíþróttadeildinni og Fjölnismaður ársins 2014 var valinn Brynjar Þór Friðriksson úr handboltadeildinni.

Hvetjum alla til að koma og heiðra afreksfólkið okkar

Áfram Fjölnir

Follow

Knattspyrnudeild Fjölnis og Hummel hafa skrifað undir nýjan samstarfssamning til ársins 2019.

Nánari upplýsingar um nýja línu Hummel sem kemur á árinu 2016 og hvernig sölu til iðkenda verður háttað verða veittar fljótlega eftir áramót.

Follow

Á Þorláksmessu og aðfangadag milli kl. 9:00 – 15:00 eru starfsmenn KGRP til aðstoðar í Gufuneskirkjugarði. Þeir aðstoða fólk við að finna leiði og afhenda ratkort ef með þarf. Skrifstofan í Gufuneskirkjugarði, sími: 585 2770 er opin frá kl. 9:00 – 15:00 og geta aðstandendur fengið upplýsingar um leiði þar. Mikil umferð hefur verið í allan dag í kirkjugarðinn.

Sérstaklega verður einnig fylgst með umferð í Gufuneskirkjugarði og verður reynt að greiða fyrir umferð eins og hægt er á báðum stöðum, samkvæmt lögreglunni.

Í Gufuneskirkjugarði verður aðeins hægt að keyra að frá Hallsvegi. Starfsfólk Kirkjugarða Reykjavíkurprófastdæma mun stýra umferðinni þar en ekið verið út úr garðinum norðanmegin og inn á Borgaveg. Þaðan eru ökumenn beðnir að aka í vestur og um Strandveg.

Follow

Vel hefur gengið að hirða tunnur við heimili í Reykjavík og sorphirða er á áætlun. Því munu starfsmenn sorphirðu í Reykjavík ekki vera við vinnu á morgun, aðfangadag.  Sorphirða hefst aftur eftir jól sunnudaginn 27. desember.

Magn úrgangs eykst verulega í desember og árið í ár er enginn undantekning. Íbúar eru hvattir til að flokka það sem til fellur eins og mögulegt er. Einnig að setja allt tilfallandi umframsorp sem ekki rúmast í gráu tunnunni í sérmerkta poka sem hægt er að kaupa hjá N1 stöðvum í Reykjavík og í Þjónustuveri Reykjavíkurborgar í Borgartúni 12-14. Pokinn er eingöngu ætlaður undir blandaðan heimilisúrgang frá heimilum í Reykjavík og skal staðsetja hann við hlið tunnunnar.

Einnig er hægt að skila úrgangi á endurvinnslustöðvar SORPU bs. sem eru sex á höfuðborgarsvæðinu. Opið verður á endurvinnslustöðvum á Þorláksmessu frá kl. 12.30 til 19.30 nema á Breiðhellu en þar opnar kl. 8.00. Endurvinnslustöðvar verða aftur opnar eftir jól kl. 12 þann 27. desember. Benda má á að ávallt er hægt að skila pappírs- og plastefnum til endurvinnslu á 57 grenndarstöðvar í Reykjavík og í bláar og grænar tunnur og dregur það úr því magni sem annars færi í gráu tunnuna.

Skila má öllum gjafaumbúðum úr pappír á grenndar- og endurvinnslustöðvar og í bláu tunnuna, hvort sem þær eru litaðar eða ekki. Umbúðir úr plasti er hægt að setja í grænu tunnuna undir plast sem hefur staðið Reykvíkingum til boða frá því í október og á grenndar- og endurvinnslustöðvar.

Nánar um sorp og endurvinnslu

Follow

Umsjón: Þóra Björg Sigurðardóttir
Jólasögur og jólasöngvar

Tónlistarflutningur frá kl. 17:30

Prestur: séra Vigfús Þór Árnason
Kór Grafarvogskirkju og Stúlknakór Reykjavíkur í Grafarvogskirkju syngja
Einsöngur: Egill Ólafsson
Fiðla: Gréta Salóme Stefánsdóttir
Organisti: Hákon Leifsson
Kórstjóri stúlknakórs: Margrét Pálmadóttir

Aftansöngnum verður sjónvarpað beint á Stöð2 í opinni dagskrá og á visir.is og útvarpað á Bylgjunni

Prestur: séra Guðrún Karls Helgudóttir
Vox populi syngur
Einsöngur: Margrét Eir
Organisti: Hilmar Örn Agnarsson

Prestur: séra Sigurður Grétar Helgason
Félagar úr Kammerkór kirkjunnar syngja
Organisti: Hákon Leifsson

Hér er hægt að nálgast dagskrá Grafarvogskirkju yfir hátíðirnar.

Follow

Grafarvogskirkja

Útvarpsguðsþjónusta kl. 11.
Séra Arna Ýrr Sigurðardóttir prédikar og þjónar fyrir altari ásamt Þóru Björg Sigurðardóttur guðfræðinema.
Kór Grafarvogskirkju syngur ásamt Vox Populi og Stúlknakór Grafarvogskirkju.
Stjórnendur eru Hákon Leifsson organisti, Hilmar Örn Agnarsson og Margrét Pálmadóttir.
Fiðla: Auður Hafsteinsdóttir.
Kontrabassi: Gunnar Hrafnsson

Kirkjuselið í Spöng

Guðsþjónusta kl. 13.00 – Óskajólasálmar jólanna.
Séra Arna Ýrr Sigurðardóttir prédikar og þjónar fyrir altari.
Björg Þórhallsdóttir sópransöngkona syngur.
Organisti: Hilmar Örn Agnarsson.

Follow