Um þessar mundir stendur yfir glæpasagnagetraun í Borgarbókasafninu Spönginni. Það eina sem þú þarft að gera er að svara átta spurningum um efni nokkurra vinsælla norrænna glæpasagna. Svörin við spurningunum er að finna í sérstakri glæpasagnahillu sem sett hefur verið upp á efri hæð safnsins.
Nokkrir heppnir lesendur fá verðlaun í lok sumars þegar dregið verður úr réttum lausnum.
Kíktu á safnið og taktu þátt í getrauninni.
Saga Sif Gísladóttir undirritaði samning við meistaraflokk kvenna á dögunum. Saga Sif leikur stöðu markmanns og er fædd árið 1995 og kemur frá FH þar sem hún er uppalin og hefur leikið allan sinn feril.
Saga er gríðarlega metnaðarfullur og vinnusamur markmaður sem kemur til með að styrkja liðið sem fyrir er. Eftir að hafa spilað í efstu deild í fyrra þá eru stelpurnar staðráðnar í því að koma liðinu aftur upp.
Körfuboltanámskeiðin og -æfingarnar hefjast að nýju eftir verslunarmannahelgiá þriðjudaginn 2. ágúst.
Skráning í sumarstarfið fer fram í iðkendaskráningarkerfi Fjölnis:https://fjolnir.felog.is/
Nánari upplýsingar um mótið má finna á heimasíðu þess: https://sambiomot.wordpress.com/
Ef eitthvað er óljóst endilega sendið tölvupóst á karfa@fjolnir.is.
Þriðja sumarkaffihús sumarsins verður haldið á sunnudaginn. Þetta er hefðbundin guðsþjjónusta en boðið er upp á kaffi á meðan á guðsþjónustu stendgur og setið borð eins og á kaffihúsi. Litabækur og litir eru í boði fyrir börn og fullorðna.
Séra Guðrún Karls Helgudóttir prédikar og þjónar fyrir altari. Hákon Leifsson er oranisti og Matthías Stefánsson leikur á fiðlu.
Velkomin!
Borgarráð hefur sent drög að stefnu um frístundaþjónustu til umsagnar til starfsstaða borgarinnar, félagasamtaka og samtaka foreldrafélaga og foreldraráða.
Í samstarfssáttmála meirihluta borgarstjórnar Reykjavíkur 2014-2018 er áhersla á jafnan aðgang barna að fjölbreyttu og skapandi frístundastarfi og að mótuð verði stefna um hlutverk Reykjavíkur í frístundaþjónustu og félagsstarfi, með sérstaka áherslu á börn og unglinga.
Á vorönn 2015 skipaði borgarstjóri stýrihóp um frístundaþjónustu og félagsstarf. Á fundi borgarráðs 7. júlí sl. voru lögð fram drög hópsins að stefnu um frístundaþjónustu í Reykjavík. Samþykkti ráðið að óska eftir því við svið borgarinnar að senda tillöguna til allra starfsstaða, íþróttafélaga, SAMFOK´s; samtaka foreldra og foreldraráða, hverfisráða, Reykjavíkurráðs ungmenna og fl. og hvetja viðtakendur til þess að senda inn umsögn.
Stýrihópinn skipa Sóley Tómasdóttir (formaður), Skúli Helgason og Marta Guðjónsdóttir. Starfsmaður hópsins er Sigrún Sveinbjörnsdóttir. Stýrihópurinn fékk jafnframt til liðs við sig fulltrúa frá öðrum sviðum borgarinnar.
Umsagnir um stefnudrögin skulu sendar á netfangið borgarradsgogn@reykjavik.is. Frestur til að skila umsögnum er til 16. ágúst nk.
Sjá stefnudrögin
Í síðasta mánuði áttu sér stað miklar framkvæmdir á Extravellinum í Grafarvoginum þar sem sett var upp sjálfvirkt vökvunarkerfi í aðalvöllinn. Með þessari framkvæmd hefur verið tekið enn eitt skrefið í því að bæta aðstöðu félagsins.
Með þessum búnaði er hægt að stýra allri vökvun með miklu nákvæmari hætti og í þessu felst hagræðing þar sem ekki þarf að færa úðara fram og tilbaka á vellinum. Hægt er að stilla kerfið eftir klukku, eða látið skynjara meta vökvun á vellinum eða stýrt vökvuninni með fjarstýringu, til dæmis fyrir leik og í hálfleik.
Vegna þessara framkvæmda var hægt að færa eldri búnað á miðjuna sem er æfingasvæðið félagsins og bætt vökvun þar sem hefur oft verið til vandræða. Kerfið sem varð fyrir valinu heitir HUNTER og er notað víða á knattspyrnuvöllum.
Næsta stóra verkefni á Extravellinum er stúkubygging en hafnar eru viðræður við borgina um það verkefni.
Tour of Reykjavík er ný hjólreiðakeppni sem íþróttabandalag Reykjavíkur mun halda sunnudaginn 11. september 2016.
Boðið verður upp á fjölbreyttar hjólaleiðir fyrir alla þá sem áhuga hafa á hjólreiðum. Keppnin mun hafa upphaf og endi í Laugardalnum og ýmist hjólað alla leið á Þingvelli eða styttri hringi Í Laugardal og í borginni.
Markmið viðburðarins er tvíþætt, annars vegar að almenningur taki virkari þátt í hjólreiðaviðburðum og ekki síður að efla hjólreiðar á afreksstigi hér innanlands. Vonir standa til að erlend þátttaka aukist ár frá ári sem vonandi mun hvetja innlent hjólreiðafólk til dáða.
Hægt er að skoða leiðirnar, keppnisfyrirkomulag og skrá sig á http://tourofreykjavik.is/
Allir eru hvattir til að skrá sig fyrir 11. ágúst því þá hækkar þátttökugjaldið. Einnig er vakin athygli á því að fyrstu 250 sem skrá sig í 110 km vegalengdina fá bol frá Cintamani.
Velkomið að nota myndir á facebook síðu viðburðarins með fréttum um keppnina, ljósmyndari er Pétur Þór Ragnarsson: https://www.facebook.com/tourofreykjavik/
Kveðja
f.h. Íþróttabandalags Reykjavíkur
Kjartan Freyr Ásmundsson
kjartan@ibr.is
s. 820 6110
Fjölnismenn riðu ekki feitum hesti frá viðureign sinni gegn Breiðablik í Grafarvoginum í kvöldi. Lokatölur urðu, 0-3, fyrir Breiðablik. Fjölnismenn höfðu möguleika með sigri að komast í efsta sætið, það gekk ekki eftir, og var liðið langt frá sínu besta í þessum leik. Með sigrinum féll Fjölnir niður um eitt sæti og hefur 19 stig í þriðja sætinu. FH er efst með 22 stig.
Næsti leikur Fjölnis verður á heimavelli gegn Val 24. júlí.
Hin árlega sumarguðsþjónusta verður á Nónholti 17. júli kl. 11:00. Í ár er það Grafarholtssöfnuður sem annast þjónustuna. Pílagrímaganga verður farin frá Grafarvogskirkju kl. 10:30 og gengið saman í Nónholt með nokkrum stoppum á leiðinni. Á sama tíma verður boðið upp á messuhlaup fyrir áhugasöm frá kirkjunni og að Nónholti. Hlaupið er um 3. km.
Séra Sigurður Grétar Helgason annast gönguna og séra Guðrún Karls Helgudóttir hleypur með þeim sem vilja.
Fyrir þau sem vilja koma akandi að Nónholti þá er best að fara niður hjá meðferðarstöðinni Vogi og ganga stuttan spöl þaðan. Fötluðum verður veitt aðstoð við að komast á staðinn.
Að guðsþjónustu lokinni verða veitingar í boði.
Velkomin öll!
