Skagamenn eru komnir aftur á sigurbraut eftir frábæran sigur gegn Ólafsvíkingum sem virðast ekki geta hætt að tapa.

ÍA spilaði afar vel og átti skilið að sigra, en Þórður Þorsteinn Þórðarson, Garðar Bergmann Gunnlaugsson og Arnar Már Guðjónsson skoruðu mörkin.

Árni Vilhjálmsson skoraði fyrra mark Blika gegn Þrótti R. og hefði getað sett nokkur í viðbót í leiknum. Oliver Sigurjónsson skoraði seinna markið með glæsilegu skoti úr aukaspyrnu.

Bæði lið fengu frábær færi til að bæta við mörkum en gerðu ekki og góður sigur fyrir Blika í toppbaráttunni.

FH heldur toppsætinu eftir ósannfærandi sigur í toppbaráttuslag gegn Fjölni í Grafarvogi.

Það gerðist lítið í leiknum og fengu heimamenn bestu færin en það var Emil Pálsson sem gerði eina mark leiksins og stal sigrinum.

Hann kom inná á 86. mínútu og skoraði úr sinni fyrstu snertingu, með skalla eftir hornspyrnu.

Sjá fleiri myndir hérna…..

Knattspyrnudeild Fjölnis og Elmar Örn Hjaltalín yfirþjálfari hafa komist að samkomulagi um að Elmar Örn láti af störfum sem starfsmaður deildarinnar.  Þetta ber frekar brátt að en niðurstaðan er sú að Elmar hættir í dag.  Vill knattspyrnudeildin þakka Elmari fyrir gott starf fyrir deildina á liðnum árum og óskar honum góðs gengis í framtíðinni.

Yfirlýsing frá Elmari Erni sem hann sendi á facebook til þjálfara og 4 flokks karla sem hann þjálfaði líka.

Kæru foreldrar frá og með deginum í dag hef ég látið af störfum hjá Fjölni. Það hefur legið í loftinu undanfarið að BUR og Knattspyrnudeild Fjölnis vildu breytingar þannig að niðurstaðan var sú að ég hætti strax. Ég þakka ykkur öllum kærlega fyrir samstarfið sem við höfum átt síðastliðinn ár og óska ykkur velfarnaðar. Það er búið að vera gaman að vinna með ykkur og ég vona að þið haldið ykkar góða starfi áfram.

Áfram Fjölnir!

Tilkynning um ráðningu á nýjum yfirþjálfara verður tilkynnt fljótlega.

Unnið er að lausn með að brúa bilið með þjálfara í 4 flokki karla fyrir restina af keppnistímabilinu og stefnt að því að leysi það frá og með næstu viku til loka tímabilsins.

Knattspyrnudeild Fjölnis.

Menningarnótt verður haldin í 21. skipti laugardaginn 20. ágúst.

Dagskrá hennar er nú fullmótuð og nýbirt á vefnum menningarnott.is. 

Menningarnótt verður haldin í 21. skipti laugardaginn 20. ágúst. Þá fylla stórir og smáir viðburðir götur og torg miðborgarinnar, húsasund, garða, gallerí, verslanir, menningarstofnanir og heimahús. Dagskrá hennar er nú fullmótuð og nýbirt á vefnum menningarnott.is. Á heimasíðunni er hægt að kynna sér glæsilega dagskrá Menningarnætur, hvernig best er að komast í bæinn og heim aftur. En skemmtilegt er að segja frá því að frítt verður í strætó á Menningarnótt, sem er heppilegt vegna þess að akstur verður ekki leyfður í miðborginni þennan dag.
Kíktu á menningarnott.is!

Mótið er haldið í Dalhúsum, grassvæði Fjölnis fyrir neðan sundlaugina.

Mótið er spilað á átta völlum í einu og dæmir meistaraflokkur karla mótið auk þess sem meistaraflokkur kvenna verður með sölutjald á svæðinu.

Sjá myndir frá mótinu hérna….

Góðan dag,

Þetta er ákall til Grafarvogsbúa að mæta á völlinn, gul og glöð, með alla fjölskylduna til að styðja Fjölni í næstu leikjum hjá meistaraflokkunum okkar. Stelpurnar okkar spila mikilvægan leik á sunnudaginn og svo er sannkallaður toppslagur á mánudaginn þegar FH mætir í heimsókn í Grafarvoginn!

Fjölnir – Keflavík sunnudagur 14. ágúst kl. 18:30 – Extra völlurinn (mfl. kvk.)
Fjölnir – FH mánudagur 15. ágúst kl. 18:00 – Extra völlurinn (mfl. kk.)

Gott hamborgaratilboð á vellinum, pizzur í sjoppunni og allur pakkinn!
Mætum í gulu á völlinn með krakkana, höfum gaman og styðjum Fjölni.

Við hvetjum ykkur til að taka þátt í umræðunni með Fjölni á samskiptamiðlunum þar sem m.a verða gefnir miðar á leikinn gegn FH í Pepsi-deildinni.
Twitter: Fjolnir_FC
Snapchat: umf.fjolnir

Áfram Fjölnir!

Dr. Sigurjón Árni Eyjólfsson prédikar og spilar ásamt Bjarka Guðmundssyni. Guðrún Karls Helgudóttir sóknarprestur þjónar fyrir altari. Þetta er síðasta sumarkaffihúsið á þessu sumri.

Boðið verður upp á kaffi, litabækur, liti og gott samfélag.

Velkomin!

Tíu umsækjendur eru um embætti prests í Grafarvogsprestakalli Reykjavíkurprófastsdæmi eystra. Embættið veitist frá 1. september nk.

Umsækjendurnir eru mag. theol. Anna Þóra Paulsdóttir, mag. theol. Arnór Bjarki Blómsterberg, séra Fritz Már Berndsen Jörgensson, dr. Grétar Halldór Gunnarsson, séra Jón Ásgeir Sigurvinsson, can.theol. María Gunnarsdóttir, séra Páll Ágúst Ólafsson, séra Sigfús Kristjánsson, séra Stefán Már Gunnlaugsson og cand.theol. Sylvía Magnúsdóttir.

Frestur til að sækja um embættið rann út 8. ágúst sl. Matsnefnd um hæfni til prestsembættis mun velja þrjá – fimm hæfustu umsækjendurna og kýs kjörnefnd prestakallsins síðan prest úr þeim hópi. Kjörnefnd prestakallsins er skipuð 29 einstaklingum auk prófasts sem leiðir störf nefndarinnar. Biskup Íslands skipar í embættið í samræmi við niðurstöðu kosningar kjörnefndarinnar.

Foreldrar eru minntir á að skrá börn sín í grunnskóla svo upplýsingar um nýja nemendur liggi tímanlega fyrir.

Reykjavíkurborg minnir foreldra á að skrá börn sín í grunnskóla eða breyta umsóknum vegna flutninga á milli skóla. Undirbúningur fyrir næsta skólaár er í fullum gangi og mikilvægt að grunnskólarnir hafi sem fyrst allar upplýsingar um nýja nemendur. Grunnskólarnir verða settir mánudaginn 22. ágúst.

Gert er ráð fyrir nokkurri nemendafjölgun milli ára í grunskólunum þar sem árgangur barna sem fædd eru á árinu 2010 er nokkuð stór líkt og var með árganginn 2009.

Rúmlega 14.000 nemendur munu stunda nám í grunnskólunum á næsta skólaári, en börn sem eru að setjast á skólabekk í fyrsta sinn verða um 1.500.

Mynd: Hrund Þórsdóttir

Laugardaginn 20.ágúst næstkomandi fer Reykjavíkurmaraþon Íslandsbanka fram. Skráning í hlaupið gengur mjög vel en nú þegar hafa um 8700 skráð sig til þátttöku sem er 14% fleiri en á sama tíma í fyrra. Skráning í hlaupið fer fram á vefnum marathon.is og verður rafræn skráning opin til kl.13 fimmtudaginn 18.ágúst. Einnig er hægt að skrá sig á skráningarhátíð hlaupsins í Laugardalshöll en þá er þátttökugjald hærra. 

Flestir hafa skráð sig í 10 km hlaupið eða rúmlega 3800 manns en næst flestir í hálft maraþon þar sem rétt tæplega 2500 eru skráðir. Þegar er búið að slá þátttökumet í maraþoni en þar eru nú 1583 búnir að skrá sig til þátttöku. Gamla metið var sett í fyrra, 1262 skráðir þátttakendur. 

Mikil aukning er í þátttöku erlendra gesta, 3710 hafa skráð sig en þeir voru 3140 í heildina í fyrra og höfðu þá aldrei verið fleiri. Erlendu gestirnir eru af 77 mismunandi þjóðernum, flestir frá Bandaríkjunum, Bretlandi og Kanada. 

Um 2300 þátttakendur í Reykjavíkurmaraþoni Íslandsbanka 2016 eru að safna áheitum til góðra málefna á vefnum hlaupastyrkur.is. Nú þegar hafa safnast 19,2 milljónir sem er um 30% hærri upphæð en búið var að safna á sama tíma í fyrra. Á hlaupastyrkur.is er hægt að safna áheitum fyrir 162 mismundi góðgerðafélög og því ættu allir að geta fundið málefni sem þeir brenna fyrir. Í fyrra söfnuðust rúmlega 80 milljónir til góðra málefna. Heildarupphæð áheita sem safnast hafa í tengslum við Reykjavíkurmaraþon Íslandsbanka frá árinu 2006, þegar áheitasöfnun hófst, nálgast nú 500 milljónir. 

Kveðja

f.h. Reykjavíkurmaraþons

Anna Lilja Sigurðardóttir

annalilja@ibr.is

s. 868 6361

Stólpi Gámar