Hinn tvítugi og efnilegi skákmeistari Fjölnis, Oliver Aron Jóhannesson varð í dag Norðurlandameistari 20 ára og yngri í skólaskák. Norðurlandamótið var að þessu sinni haldið í Finnlandi.

Oliver Aron var fjórði stigahæsti skákmaðurinn í A flokki en lét það engu skipta, tefldi af miklu öryggi og endaði mótið á 30 ára afmælisdegi Fjölnis með tveimur glæsilegum sigurskákum.

A flokkurinn var afar jafn og fyrir síðustu umferðina voru fjórir skákmenn jafnir með 3,5 vinninga. Oliver Aron náði strax góðri stöðu gegn sænskum unglingameistara í lokaskákinni og sá sigur dugði á 1. sætið. Þess má geta að árið 2013 var Oliver Aron kjörinn íþróttamaður Fjölnis þá nemandi í Rimaskóla. Hann varð 4 sinnum Norðurlandameistari með Rimaskóla.

Umf. Fjölnir óskar Oliver Aron til hamingju með þennan frábæra árangur og þakkar honum fyrir góða og eftirminnilega afmælisgjöf

Öll hirða er mjög þung þessa dagana og því óskar starfsfólk sorphirðunnar eftir því við íbúa að þeir moki frá tunnum eins og mögulegt er.  „Við erum í Vesturbæ að hreinsa gráu tunnuna eða heimilissorpið og síðan austan Snorrabrautar að hreinsa grænu og bláu fyrir pappír og plast,“ segir Sigríður Ólafsdóttir, rekstrarstjóri sorphirðu. Á morgun verða þau í miðbænum. Þetta kemur fram á vefsíðu Reykjavíkurborgar.

Vandasamt getur verið að komast að tunnunum í tíðarfari sem þessu, stundum eru sorpgeymslur í kjöllurum og inn í görðum. Borgarbúar eru því beðnir um að kanna aðstæður og fylgjast með losun samkvæmt sorphirðudagatalinu.

Sorphirða Reykjavíkur þakkar kærlega fyrir og mun gera sitt besta til að losa allar tunnur samkvæmt áætlun en bendir á að mikilvægt sé að íbúar leggi lið við snjómoksturinn. Gott er einnig að athuga með lýsingu við sorpgeymslur og skýli.

Tengill      

Sorphirðudagatal

Messa kl. 11:00 í Grafarvogskirkju. Séra Guðrún Karls Helgudóttir prédikar og þjónar. Kór Grafarvogskirkju leiðir söng og organisti er Hákon Leifsson.

Sunnudagaskóli á neðri hæð kirkjunnar kl. 11:00. Brúðuleikrit, sögur, söngvar og límmiðar. Umsjón hafa Þóra Björg Sigurðardóttir og Aldís Rut Gísladóttir. Undirleikari er Stefán Birkisson.

Selmessa kl. 13:00 í Kirkjuselinu. Séra Sigurður Grétar Helgason prédikar og þjónar. Ragnheiður Gröndal er einsöngvari. Vox Populi leiðir söng og organisti er Hilmar Örn Agnarsson.

Í dag föstudaginn 9. febrúar ætlum við að halda upp á afmæli félagsins í Egilshöll,  við eigum afmæli 😊 „Ungmennafélagið Fjölnir verður 30 ára 11. febrúar“.

 DJ startar fjörinu klukkan 17:45. Eurovision þátttakendurnir Aron Hannes og Áttan ætla svo að taka boltann og keyra stuðið áfram.

Shake and Pizza og Egilshallarbíó ætla að taka þátt í afmælishátíðinni með okkur.

Shake and Pizza bjóða upp á frían Ís, Fjölnispizza og pizzu sneiðar verða á sérstöku tilboðsverði.

Egilshallarbíó verður með fjórar myndir í boði, þær fyrstu byrja klukkan 17:00 og seinustu 17:50.

Sýningarnar verða á sérstöku Fjölnisverði, 500 krónur miðinn, ath, ekki selt á netinu bara á staðnum.

 Sjá auglýsingu hérna…. 

Berg­sveinn Ólafs­son, fyrr­ver­andi fyr­irliði knatt­spyrnuliðs Fjöln­is, er geng­inn í raðir fé­lags­ins á ný eft­ir tveggja ára veru hjá FH. Guðmund­ur Karl Guðmunds­son er einnig kom­inn í Fjölni á ný frá FH eft­ir eins árs dvöl en hann var fyr­irliði Fjöln­is í eitt ár eft­ir að Berg­sveinn fór í FH.

Skrifuðu þeir und­ir samn­ing við Fjölni á blaðamanna­fundi sem nú stend­ur yfir í Eg­ils­höll­inni. Berg­sveinn samdi við Fjölni til þriggja ára og Guðmund­ur til tveggja ára. Báðir eru þeir upp­al­d­ir í fé­lag­inu, Berg­sveinn frá barnæsku en Guðmund­ur kom 15 ára til Fjöln­is frá Ægi í Þor­láks­höfn.

Berg­sveinn er 26 ára gam­all og var lyk­ilmaður í Fjöln­isliðinu sum­arið 2015 og lék þá í hjarta varn­ar­inn­ar. Guðmund­ur er 27 ára og er nokkuð fjöl­hæf­ur en hef­ur gjarn­an leikið á miðjunni.

Fjöln­ir varð í kvöld Reykja­vík­ur­meist­ari karla í fót­bolta í fyrsta skipti eft­ir 3:2-sig­ur á Fylki í úr­slita­leik í Eg­ils­höll­inni. Þórir Guðjóns­son skoraði öll mörk Fjöln­is, það síðasta var sig­ur­markið á 80. mín­útu.

Þórir skoraði fyrsta markið sitt á 10. mín­útu og kom með því Fjölni í 1:0. Fylk­ir gafst ekki upp því Al­bert Brynj­ar Inga­son jafnaði á 41. mín­útu. Fram­herj­inn var svo aft­ur á ferðinni á 52. mín­útu og kom Fylki í 2:1.

Þórir jafnaði hins veg­ar á 69. mín­útu og eins og áður seg­ir, skoraði sig­ur­markið á 80. mín­útu. Ásgeir Börk­ur Ásgeirs­son fékk beint rautt spjald und­ir lok­in fyr­ir ljótt brot.

Myndir frá leiknum má sjá hérna….

Messa kl. 11:00. Séra Grétar Halldór Gunnarsson þjónar. Kór Grafarvogskirkju leiðir söng og organisti er Hilmar Örn Agnarsson.

Sunnudagaskóli á neðri hæð kirkjunnar kl. 11.00. Brúðuleikhús, söngvar, sögur og límmiðar. Umsjón hafa Þóra Björg Sigurðardóttir og Aldís Rut Gísladóttir. Undirleikari er Stefán Birkisson.

Selmessa í Kirkjuselinu kl. 13:00. Séra Arna Ýrr Sigurðardóttir þjónar. Vox Populi leiðir söng og organisti er Hilmar Örn Agnarsson.

Verið velkomin!

Getraunakaffi Fjölnis á laugardaginn milli kl. 10:00 og 12:00 í Egilshöll. Allir velkomnir! 

Við ætlum að bjóða til sannkallaðrar veislu núna laugardaginn 3.febrúar!

Guðni Bergsson, formaður KSÍ, mun heiðra okkur með nærveru sinni og halda erindi í tilefni af 30 ára afmæli Fjölnis í Getraunakaffinu kl. 11:00.

Þetta er eitthvað sem enginn vill missa af.

Frábærar veitingar í boði; sérstök Fjölnis-afmæliskaka frá Myllunni, gos, kaffi, mjólk, kristall og auðvitað snúðar og vínarbrauð frá Bakarameistaranum.

Á Heimsdegi barna gefst börnum og fjölskyldum tækifæri að taka þátt í fjölbreyttum smiðjum og ævintýrum í menningarhúsum Borgarbókasafnsins í Árbænum, Gerðubergi, Grófinni, Kringlunni, Sólheimum og Spönginni.

Í ár hafa myrkvaverur tekið yfir söfnin; draugar, nornir, beinagrindur, skrímsli og uppvakningar. Þorir þú að kíkja í heimsókn? Boðið verður upp á búningasmiðjur, föndursmiðjur, slímgerð, getraunir og æsispennandi Háskaleika!

Kynntu þér hvað verður um að vera á þínu safni í dagskránni hér fyrir neðan:

Spöngin:
– Uppvakningar herja á Grafarvoginn! Hvernig er hægt að stoppa þá? Hvað er til ráða?

– Gakktu til liðs við her Uppvakninga og búðu til þinn eigin uppvakningabúning í Spönginni.

– Fáðu einnig ógnvekjandi andlitsförðun og enginn mun þora að mæta þér í myrkrinu!

– Seiðkarlar og nornir frá Sirkus Íslands koma í heimsókn og kenna alls kyns kúnstir og galdrabrögð.

Athugið breyttan opnunartíma en opið verður í öllum söfnum frá 13:00-16:00.

Kíktu á vef Vetrarhátíðar, www.vetrarhatid.is

Gerðuberg:
– Hvað gera berrössuðu beinagrindurnar þegar myrkva tekur?
Búðu til þína eigin beinagrind og dansaðu með henni í drungalegu skuggaleikhúsi.

– Leynast draugar meðal okkar? Móri, Kasper, Djákninn á Myrká eða Næstum-hauslausi Nick?
Í draugasmiðjunni bregðum við okkur í draugabúninga, bregðum á leik og bregðum hinum fullorðnu.

– Viltu koma og máta grímur og búninga jarðarfólksins?
Jarðarfólkið eru verndarar jarðarinnar og gæta hennar eftir fremsta megni. Settu þig í spor þeirra og fáðu mynd af þér í ævintýralegu gervi.

– Hlæjandi nornir, svífandi draugar og skoppandi galdrakarlar koma í heimsókn frá Sirkus Íslands og sýna listir sínar fyrir gesti og gangandi.

– Hvað viltu verða? Norn, vampíra, varúlfur eða kónguló?
Þú getur fengið andlitsmálningu sem fær alla til þess að óttast þig!

– Hægt verður að taka þátt í ógnarlegri getraun á bókasafninu.
Getur þú fundið faldar ævintýraverur í bókahillunum?

– Ert þú næsti Mozart? Beyoncé? Björk?
Búðu til þitt eigið tónverk með ógnvekjandi hljóðum sem fá hárin til að rísa!

Kringlan:
– Hver kemur frá Transylvaníu, sefur í líkkistu og finnst gott að drekka blóð?

– Kíktu í Drakúlasmiðjuna og búðu til þína eigin skikkju og blóðþyrstar tennur.

– Þorir þú að kasta tengingunum sem stýra örlögum þínum?
Komdu þá í Spiladýflissuna og spilaðu hlutverkaspil að hætti Seiðkarlsins.

– Hægt verður að taka þátt í ógnarlegri getraun á bókasafninu.
Getur þú fundið faldar ævintýraverur í bókahillunum?

Sólheimar:
– Í Sólheimum hafa undarleg skrímsli sest að! Þau eru vinaleg en geta breytt um ham á svipstundu!
Komdu og teiknaðu þessi skrýtnu skrímsli og prófaðu að blanda þitt eigið skrímslahor!

Árbær:
– Óhugnaðurinn mun svífa yfir vötnum í Árbæ en þar verður hægt að búa til sitt eigið draugaslím sem lýsir í myrkri!
Hver getur búið til hræðilegasta slímið?

– Einnig verður hægt að smakka kóngulóarsnarl og drekka galdraseyði.

Grófin:
– Í myrkrinu leynast margar kynjaverur og vættir sem vakna til lífsins. Þær fundið sér íverustað í Grófarhúsi og fara á kreik þegar dimma tekur og leynast í skúmaskotum á öllum hæðum. Kjarkmiklum krökkum er boðið að koma og taka þátt í háskaleikunum og fara um húsið og takast á við voðalegar áskoranir!

Nánari upplýsingar veitir:
Guðrún Baldvinsdóttir, verkefnastjóri viðburða og fræðslu
Netfang: gudrun.baldvinsdottir@reykjavik.is
Sími: 411 6182 / 661 6178
Ókeypis aðgangur

Ath. Í tilefni Heimsdagsins verður einnig opið í Borgarbókasafninu Árbæ þennan laugardag.

Hvetjum ykkur til að kynna ykkur dagskrá Vetrarhátíðar á www.vetrarhatid.is