Annað Powerade sumarhlaupið 2018 er Fjölnishlaup Gaman ferða sem ræst verður í 30. sinn fimmtudaginn 10. maí kl. 11:00 frá Íþróttamiðstöðinni í Grafarvogi við Dalhús á 30 ára afmælisári Fjölnis. Fjölnishlaupið er jafnfram Íslandsmótið í 10 km hlaupi í ár.

Vegalengdir
10 km, 5 km og 1,4 km skemmtiskokk.

Athugið að aðeins 10 km hlaup gildir til stiga í Powerade sumarhlaupunum.

Þátttökugjöld og skráning
3.000 kr fyrir 10 km hlaup og 2.500 kr fyrir 5 km hlaup með forskráningu á hlaup.is fram að miðnætti 9. maí en 3.500 kr (10 km) og 3.000 kr (5 km) ef skráð er á staðnum.
Fyrir skemmtiskokk er þátttökugjaldið 1.000 kr, en hver fjölskylda greiðir að hámarki 3.000 kr fyrir þátttöku í skemmtiskokki.

Afhending forskráningargagna og skráning á staðnum verður í anddyri Sundlaugar Grafarvogs kl. 9:00-10:30.

Hlaupaleiðirnar
10 km hlaupið verður ræst kl 11:00 frá göngustíg við Gagnveg sem er um 500 m norðaustan við Íþróttamiðstöðina í Dalhúsum – sjá kort. Hlaupið verður vestur fyrir fótboltavöllinn eftir Gagnvegi og um Fjallkonuveg og þaðan beygt niður göngustíg í átt að Grafarvogi og hann hlaupinn í vesturátt. Beygt verður inn í Bryggjuhverfið um Gullinbrú og þaðan verður hlaupið eftir göngustíg meðfram Elliðaárósum og yfir gömlu brýrnar við Geirsnef. Réttsælis hringur er tekinn um Geirsnef yfir nýju hjóla- og göngubrýrnar við Elliðaárósa. Síðan verður sama leið hlaupin til baka. Endamark er við Íþróttamiðstöðina í Dalhúsum. Brautin hefur verið löglega mæld og verða því afrek tekin gild í afrekaskrá FRÍ. Brautin er annáluð fyrir góðar bætingar enda mjög flöt ef frá er talinn upphafs- og lokakílómetri.

5 km hlaupið verður ræst kl 11:10 frá endamarki.  Hlaupaleiðin er sú sama fyrri helming hlaupsins, en í Bryggjuhverfi verður snúið við og hlaupið sömu leið til baka.

Skemmtiskokkið verður ræst skömmu á eftir 5 km hlaupinu. Í skemmtiskokkinu verður 1,4 km hringur hlaupinn um Dalhús og yfir á Fjallkonuveg – sjá kort. Sjá PDF útgáfu af korti

Tímataka og úrslit
Tímataka verður með flögum í öllum vegalengdum.

Úrslit verða birt á síðum Powerade sumarhlaupanna og hlaup.is

Verðlaun

• Farandbikarar fyrir 1. sæti karla og kvenna í 10 km hlaupum
• Verðlaunagripir fyrir fyrsta sæti karla og kvenna í öllum vegalengdum
• Verðlaunapeningar fyrir fyrsta sæti karla og kvenna í hverjum aldursflokki í öllum vegalengdum
• Þátttökupeningar
• Tvenn gjafabréf frá Gaman ferðum í útdráttarverðlaun að verðmæti 50 þús. kr hvort
• Fjöldi annara glæsilegra útdráttarverðlauna
• Keppendur í 10 fyrstu sætum karla, kvenna og í aldursflokkum í 10 km hlaupi öðlast stig í keppni um stigahæstu hlaupara í Powerade sumarhlaupum

Aldursflokkar

5 km og 10 km hlaup

• 18 ára og yngri
• 19-39 ára
• 40-49 ára
• 50-59 ára
• 60 ára og eldri

Skemmtiskokk

• 10 ára og yngri
• 11-12 ára
• 13-14 ára
• 15 ára og eldri

Annað
Drykkir í boði CCEP við 5 km og í endamarki og frítt í sund að hlaupi loknu.
Hlaupstjóri: Erla Gunnarsdóttir, (erlagu@internet.is)
Heimasíða skipuleggjenda: www.fjolnir.is

Follow

Kæru foreldarar
Í apríl voru 35 ár frá stofnun SAMFOK. Jafnframt fögnum við því að málþingaröðinni „Allir með – tölum saman um skólamenningu á Íslandi“ er lokið.  

Af því tilefni bjóðum við þér, samstarfsaðilum okkar og velunnurum að fagna með okkur í Tjarnarsal Ráðhússins miðvikudaginn 9. maí kl. 16.30 – 18.00.  

Við hlökkum til að sjá þig,

Stjórn SAMFOK

Follow

Messa kl. 11:00 í Grafarvogskirkju sunnudaginn 6. maí. Séra Arna Ýrr Sigurðardóttir prédikar og þjónar. Kór Grafarvogskirkju leiðir söng og organisti er Hákon Leifsson.

Sunnudagaskóli á neðri hæð kirkjunnar kl. 11:00. Umsjón hefur Hólmfríður Frostadóttir og undirleikari er Stefán Birkisson.

Aðalsafnaðarfundur Grafarvogsssóknar verður haldinn þriðjudaginn 15. maí 2018, kl. 17:30.
Venjuleg aðalfundarstörf.

Follow

Nú styttist í sumarfrí hjá öllu skólafólki,  eins og vant er verðum við með fjölbreytta sumardagskrá í sumar. 

Í viðhengi eru kynningar á námskeiðunum sem eru í boði í sumar,  allar skráningar eru gerðar í skráningarkerfi félagsins https://fjolnir.felog.is/  nema námskeiðin sem eru í samstarfi við frístundarheimilin sjá „sumarfrístund með sundnámskeiði og sumarfrístund með fótbolta og fimleikum“ skráningar á þau eru í gegnum sumarskráningarvef Reykjavíkurborgar  http://sumar.fristund.is  . Ath. ekki er hægt að greiða sumarnámskeið með frístundastyrk, reglur um úthlutun leyfa það ekki. Námskeið þurfa að vera að lágmarki  10 vikur til að hægt sé að ráðstafa frístundastyrk á þau.  

Allar frekari fyrirspurnir um námskeiðin veita starfsmenn skrifstofu félagsins, netfang skrifstofa@fjolnir.is  sími 578 2700  ath. símatími félagsins er mánudaga – fimmtudaga 9:00 11:30. Skrifstofa félagsins er í Egilshöll, opnunartími skrifstofnar er mánudaga – fimmtudaga frá 9:00 – 15:00. 

Knattspyrnuskóli……..

Frjálsar…………

Körfubolti……..

Gufunesbær frístund…….

Frístund með sundi……

Sund………

Tennis…….

Hermann K. Hreinsson
Íþróttafulltrúi. 

Málfríður Sigurhansdóttir
Íþrótta- og félagsmálastjóri.

Follow

Fjórði flokkur drengja hjá Fjölni í knattspyrnu er að fara til Salou á Spáni í æfinga- og keppnisferð í maí.

Af því tilefni hefur ætlar flokkurinn að halda fjáröflunar bingó sem er opið öllum. Mikið af flottum vinningum eru í boði, meðal annars verður hægt að vinna:
– Gisting og morgunmatur fyrir tvo á Icelandair Hotels
– Gisting og morgunmatur fyrir tvo á Hótel Húsafell
– Sous-vide 1500w hægeldunartæki
– Nespresso kaffivél
– Leikhúsmiðar
– Alls konar vegleg gjafabréf og margt margt fleira…

Verðmæti vinninga er hátt í 500.000 kr.

– Verð per spjald
– 1 spjald – 1000 kr.
– Tilboð – 3 spjöld 2000 kr.
– Hvert spjald eftir 3 spjöld er á 500 kr.

Veitingar verð seldar á staðnum.

Við hvetjum þig til að mæta með fjölskylduna og vini og taka þátt í skemmtilegri kvöldstund með okkur.

Follow

Lokasýning nemenda á listnámsbraut Borgarholtsskóla opnar í Borgarbókasafninu menningarhúsi Spönginni fimmtudaginn 3. maí kl. 17 – 19. Þeir listnámsbrautarnemendur sem eiga verk á sýningunni hafa sérhæft sig í grafískri hönnun. Verk þeirra eru fjölbreytt, á sýningunni eru m.a. teikningar, skjáverk, bækur og margskonar önnur prentverk ásamt ferilmöppum.
Þeir sem eiga verk á sýningunni eru: Birkir Elís Benediktsson,
Bjarmi Bergþórsson, Björn Andri Bergsson, Brynjar Þór Agnarsson, Brynjar Þór Agnarsson, Magnús Valur Willemsson Verheul og Yasser Ali Anbari.

Follow

Messa kl. 11:00 í Grafarvogskirkju. Séra Arna Ýrr Sigurðardóttir prédikar og þjónar. Kór Grafarvogskirkju leiðir söng og organisti er Hákon Leifsson.

Sunnudagaskóli kl. 11:00 á neðri hæð Grafarvogskirkju. Umsjón hafa Þóra Björg Sigurðardóttir og Hólmfríður Frostadóttir. Undirleikari er Stefán Birkisson.

Selmessa kl. 13:00 í Kirkjuselinu. Séra Grétar Halldór Gunnarsson prédikar og þjónar. Vox Populi leiðir söng og organisti er Hilmar Örn Agnarsson. Þetta er síðasta Selmessan fyrir sumarfrí og af því tilefni ætlar Vox Populi að halda litla tónleika fyrir messuna frá kl. 12:30.

Follow

Færeyjar, þessar eyjar rétt sunnan við okkur, byggðar okkar minnstu frændum, okkar bestu vinum sem réttu fram hjálparhönd þegar aðrir sneru við okkur bakinu. Færeyingar, sem eru eina þjóðin sem eru færri en við og tala svo fyndið tungumál. Hvað vitum við eiginlega um þjóðina sem dansar Orminn langa, étur skerpukjöt í hvert mál, klæðist þjóðbúningum við hvert tækifæri, heldur upp á Ólavsvöku, les William Heinesen og hlustar á Eivør?

Sif Gunnarsdóttir er nýflutt heim eftir fimm ára dvöl hjá þessum nágrönnum okkar og ætlar að reyna að útskýra hversvegna hluti af hjarta hennar varð eftir í Færeyjum og afhverju henni finnst að allir verði betri menn af því að skreppa þangað í heimsókn.

Follow