Fyrsta kaffihúsaguðsþjónusta sumarsins verður á sunnudaginn kl. 11. Sr. Arna Ýrr Sigurðardóttir þjónar, Hákon Leifsson spilar og Einar Clausen leiðir söng. Kaffi og meðlæti í boði.
Borgarbókasafnið | Menningarhús Spönginni
Dagana 11. – 15. júní kl. 13 – 15
Smiðjustjóri: Sara Sigurbjörns-Öldudóttir & Nika Dubrovsky
Skráning í smiðju – Smellið hér…
Geta allir fengið að tilheyra íslenskri þjóð? Hvað sameinar Íslendinga? Hvaða máli skiptir þjóðerni? Undir handleiðslu vinna börnin eigin hugmyndir og fantasíu í myndir, kort og texta sem sett verða upp í sýningu að smiðjunni lokinni.
Í smiðjunni vinnum við á skapandi hátt með hugtakið þjóð og veltum upp spurningum og umræðukveikjum því tengdu. Í lokin setjum við upp sýningu í Spönginni á afrakstrinum. Krakkarnir vinna bæði inni og úti eftir því sem veður leyfir.
Verkefnið er hugsað út frá mikilvægi þess að hvetja börn og ungt fólk til að nýta eigin sköpunarkraft, beita gagnrýnni hugsun og draga sjálfstæðar ályktanir um uppbyggingu samfélagsins og stofnanir þess. Þannig er lagður grundvöllur að lýðræðisvitund, víðsýni og samfélagslæsi til framtíðar.
Krakkarnir setja að lokum upp sýningu á afrakstrinum í Spönginni sem er jafnframt innlegg í næstu bók Niku Dubrovsky sem er upphafsmaður verkefnisins.
Peningar flestra þjóða prýða konunga, þjóðarhetjur og mikilvæg trúartákn. Í vinnusmiðjunni fá krakkarnir að hanna sinn eigin gjaldmiðil en þar er engin krafa um tignarlega hönnun á gjaldmiðlinum!
Verkefnið tengist tímamótum í íslensku samfélagi og áleitnum spurningum sem þróun heimsmála vekur nú um stundir. Á sama tíma og Íslendingar fagna 100 ára fullveldisafmæli og sigri hugmyndarinnar um sjálfstæða þjóð í sjálfstæðu landi – með sterk tengsl við umhverfi sitt og aldagamla íslenska menningu – er samsetning íslensks samfélags að verða mun fjölbreyttari. Hugmyndin er að stuðla að því að hugmyndir um þjóðina séu ekki frystar í klakaböndum tímans heldur fái að þróast í samræmi við þær breytingar sem samfélag okkar tekur. Efnið og vinnusmiðjurnar sem hér um ræðir hvetja börn til að meta, velta fyrir sér og setja niður eigin „kenningar“ um þetta hugtak sem bæði sundrar og sameinar.
Krakkarnir fá tækifæri til að teikna og kortleggja landið sitt! Landið má vera eyja í skýjunum, svæði á annarri plánetu, neðanjarðarborg eða jafnvel geimstöð sem ferðast um allan geiminn og stoppar aldrei eins og í Star Trek.
Mannfræði fyrir krakka er fjölþjóðlegt og vaxandi samstarf mannfræðinga, menningarfræðinga, sýningarstjóra, listafólks og annarra, auk samstarfsstofnana og styrktaraðila. Aðalhöfundur bókanna og upphafsmaður samstarfsins er frumkvöðullinn og listakonan Nika Dubrovsky. Hún er af rússnesku bergi brotin en lifir og starfar í Berlín, Þýskalandi.
Sara S. Öldudóttir, félagsvísindakona og menningarstjórnandi, er tengiliður verkefnisins á Íslandi og leiðir smiðjurnar.
Verkefnið er unnið í samstarfi við Borgarbókasafnið og List fyrir alla. Aðrir styrktaraðilar eru Fullveldissjóður og Goethe Institut.
Nánari upplýsingar um verkefnið á heimasíðunni www.a4kids.org
Nánari upplýsingar veitir:
Þorbjörg Karlsdóttir, verkefnastjóri barnastarfs
thorbjorg.karlsdottir@reykjavik.is
Hér eru allar upplýsingar um sumarstarf Fjölnis 2018. Við hvetjum ykkur til þess að hafa samband við skrifstofu félagsins í síma 578-2700 ef þið hafið frekari spurningar. Ath. símatími er mánudaga – fimmtudaga frá 9:00 – 11:30. Einnig er hægt að senda fyrirspurnir á netfangið skrifstofa@fjolnir.is
Fimleikar
Frjálsar
Knattspyrna
Fótboltafjör – knattspyrnuskóli
Körfubolti
Sund
Sumarfrístund með sundnámskeiði
Tennis
Sumarnámskeið/æfingar Fjölnir – Þróttur
Sjómannadagsmessa
Helgistund við Naustið kl. 10:00. Séra Arna Ýrr Sigurðardóttir leiðir stundina og félagar úr Björgunarsveitinni Ársæli koma siglandi inn voginn og taka þátt.
Messa kl. 11:00 í Grafarvogskirkju. Séra Arna Ýrr Sigurðardóttir þjónar og Kór Grafarvogskirkju syngur undir stjórn Hákonar Leifssonar. Gísli Vigfús Sigurðsson, fulltrúi Landsbjargar flytur ávarp.
Gæludýrablessun í Kirkjuselinu sunnudaginn 3. júní kl. 13:00.
Séra Arna Ýrr Sigurðardóttir og Maltese tíkin Sansa bjóða öll gæludýr ásamt eigendum velkomin til helgistundar í Kirkjuselinu. Við syngjum um vorið og dýrin, og biðjum fyrir fólki og dýrum. Við hlökkum til að sjá sem flest gæludýr!
Grafarvogsdagurinn, hverfishátíð Grafarvogsbúa, fer nú fram í 21. sinn sunnudaginn 3. júní. Sem fyrr er markmið dagsins að sameina íbúa hverfisins og skapa vettvang til að hittast og gera sér glaðan dag.
Vel hefur tekist að virkja þann mikla mannauð sem býr í hverfinu og mun fjöldinn allur af einstaklingum, fyrirtækjum, og félögum leggja hönd á plóg við að gera dagskrá dagsins sem glæsilegasta.
Helstu dagskrársvæðin að þessu sinni verða í og við Egilshöll, Félagsmiðstöðinni Borgum, á Korpúlfsstöðum og í Gylfaflötinni þar
sem verslunin Krumma og Landsnet bjóða til viðamikillar dagskrár.
Auk þess mun Grafarvogskirkja bjóða fólk hjartanlega velkomið til sín sem og Frístundamiðstöðin Gufunesbær og Grafarvogslaug sem bjóða upp á skemmtidagskrá.
Undirbúningur hátíðahaldanna er í höndum Miðgarðs, þjónustumiðstöðvar Grafarvogs og Kjalarness, en verkefnið er samstarfsverkefni fjölda félaga, fyrirtækja, einstaklinga og stofnana í
Grafarvogi. Mikil vinna hefur verið lögð í dagskrárundirbúning og nú er komið að íbúum hverfisins að taka virkan þátt í því sem boðið verður upp á. Fjölmörg fyrirtæki í hverfinu styðja rausnarlega við bakið á verkefninu og eru þeim hér með færðar sérstakar þakkir fyrir þeirra framlag.
Gerum okkur glaðan dag á sunnudaginn!
Hér eru allar upplýsingar um Grafarvogsdaginn:
Viðburður:
https://www.facebook.com/events/408852806257911/?active_tab=discussion
Bæklingur:
https://issuu.com/grafarvogsdagurinn/docs/grafarvogsdagurinn_web__1_
Leikhópurinn Close Act frá Hollandi með Saurus atriði:
Grafarvogsbúar hafa alla tíð þurft að berjast fyrir bættum samgöngum inn og út úr hverfinu. Í mörg ár var barist fyrir breikkun Gullinbrúar úr einni akrein í hvora átt í tvær í hvora átt. Það hafðist í gegn eftir mikla baráttu íbúa.
1. apríl árið 2014 voru birtar hugmyndir meirihlutans um nýtt deiliskipulag fyrir öll hverfi borgarinnar, þar sem farið var yfir samgöngur til framtíðar í Grafarvoginum. Framtíðarsýn var þar skýr, þar var Gullinbrú með eina akrein í hvora átt fyrir bílaumferð og hjólastígur, bekkir og skreytingar í miðjunni. Gangbraut liggur yfir ytri akreinar báðu megin.
Hver lega svokallaðrar „Borgarlínu“ Dags B. Eggertssonar á að vera er algjörlega hulið, en ljóst að sumar glærur hans sýna leguna yfir núverandi Gullinbrú. Hvernig þetta á allt að koma heim og saman veit enginn. Á að byggja þriðju brúna yfir Grafarvog, taka hjólastígana og skreytingarnar, eða þrengja allt niður í eina akrein í hvora átt fyrir þá íbúa sem kjósa fjölskyldubílinn sem samgöngumáta.
Til þess að geta nýta almenningssamgöngur sem eru á innri akreinum þurfa farþegar að fara yfir akrein sem nýtt er fyrir bílaumferð,leggja sig í hættu ásamt því að stoppa alla umferð um Gullinbrú á meðan, með tilheyrandi mengun, töfum og slysahættu.
Það er dapurt að horfa á stjórnmálamenn í dag, þegar þeir virðast vera orðnir hluti af eigin kreddum og misst tengsl við borgarbúa, þeirra þarfir og óskir. Þeir sem velja sér þennan starfsvettvang verða að muna, að þeir eru að vinna fyrir fólkið í borginni en ekki eigin draumsýnir. Í því felst mikil ábyrgð, auðmýkt og stefnufesta. Greinarhöfundar eru bæði íbúar í Grafarvogi
Valgerður Sigurðardóttir, frambjóðandi í 3 sæti Sjálfstæðisflokksins í Reykjavík
Ólafur Kr. Guðmundsson, frambjóðandi í 12 sæti Sjálfstæðisflokksins í Reykjavík.
Vorhátíð sunnudagaskólans verður sunnudaginn 13. maí kl. 11:00.
Hátíðin byrjar í kirkjunni þar sem við syngjum og hlustum á sögu.
Nemendur úr Tónlistarskólanum í Grafarvogi flytja tónlistaratriði og félagar úr Barnakór Grafarvogskirkju syngja nokkur lög.
Síðan verður hægt að fara út að hoppa í hoppukastala og fá grillaðar pylsur.
Hlökkum til að sjá ykkur!
Fjölnir fagnar 30 ára afmæli sínu í ár en félagið var stofnað í Grafarvogi árið 1988.
Í tilefni af afmælinu hefur Fjölnir ákveðið að hafa lægra miðaverð á leiki í Pepsi-deildinni í sumar fyrir 30 ára og yngri.
Miðaverð á leiki Fjölnis í sumar verður 1000 krónur fyrir stuðningsmenn sem eru 30 ára og yngri.
Fyrsti heimaleikur Fjölnis fer fram í Egilshöll á laugardag klukkan 16:00 þegar KA kemur í heimsókn.
Fjölnir ákvað að byrja í Egilshöll þar sem Extra-völlurinn er ekki klár eftir veturinn.
Annað Powerade sumarhlaupið 2018 er Fjölnishlaup Gaman ferða sem ræst verður í 30. sinn fimmtudaginn 10. maí kl. 11:00 frá Íþróttamiðstöðinni í Grafarvogi við Dalhús á 30 ára afmælisári Fjölnis. Fjölnishlaupið er jafnfram Íslandsmótið í 10 km hlaupi í ár.
Vegalengdir
10 km, 5 km og 1,4 km skemmtiskokk.
Athugið að aðeins 10 km hlaup gildir til stiga í Powerade sumarhlaupunum.
Þátttökugjöld og skráning
3.000 kr fyrir 10 km hlaup og 2.500 kr fyrir 5 km hlaup með forskráningu á hlaup.is fram að miðnætti 9. maí en 3.500 kr (10 km) og 3.000 kr (5 km) ef skráð er á staðnum.
Fyrir skemmtiskokk er þátttökugjaldið 1.000 kr, en hver fjölskylda greiðir að hámarki 3.000 kr fyrir þátttöku í skemmtiskokki.
Afhending forskráningargagna og skráning á staðnum verður í anddyri Sundlaugar Grafarvogs kl. 9:00-10:30.
Hlaupaleiðirnar
10 km hlaupið verður ræst kl 11:00 frá göngustíg við Gagnveg sem er um 500 m norðaustan við Íþróttamiðstöðina í Dalhúsum – sjá kort. Hlaupið verður vestur fyrir fótboltavöllinn eftir Gagnvegi og um Fjallkonuveg og þaðan beygt niður göngustíg í átt að Grafarvogi og hann hlaupinn í vesturátt. Beygt verður inn í Bryggjuhverfið um Gullinbrú og þaðan verður hlaupið eftir göngustíg meðfram Elliðaárósum og yfir gömlu brýrnar við Geirsnef. Réttsælis hringur er tekinn um Geirsnef yfir nýju hjóla- og göngubrýrnar við Elliðaárósa. Síðan verður sama leið hlaupin til baka. Endamark er við Íþróttamiðstöðina í Dalhúsum. Brautin hefur verið löglega mæld og verða því afrek tekin gild í afrekaskrá FRÍ. Brautin er annáluð fyrir góðar bætingar enda mjög flöt ef frá er talinn upphafs- og lokakílómetri.
5 km hlaupið verður ræst kl 11:10 frá endamarki. Hlaupaleiðin er sú sama fyrri helming hlaupsins, en í Bryggjuhverfi verður snúið við og hlaupið sömu leið til baka.
Skemmtiskokkið verður ræst skömmu á eftir 5 km hlaupinu. Í skemmtiskokkinu verður 1,4 km hringur hlaupinn um Dalhús og yfir á Fjallkonuveg – sjá kort. Sjá PDF útgáfu af korti
Tímataka og úrslit
Tímataka verður með flögum í öllum vegalengdum.
Úrslit verða birt á síðum Powerade sumarhlaupanna og hlaup.is
Verðlaun
Aldursflokkar
5 km og 10 km hlaup
Skemmtiskokk
Annað
Drykkir í boði CCEP við 5 km og í endamarki og frítt í sund að hlaupi loknu.
Hlaupstjóri: Erla Gunnarsdóttir, (erlagu@internet.is)
Heimasíða skipuleggjenda: www.fjolnir.is
