Grafarvogskirkja kl. 11:00

Messa í Grafarvogskirkju á sunnudaginn. Sr. Arna Ýrr Sigurðardóttir prédikar og þjónar. Kristján Hrannar Pálsson spilar og Kór Grafarvogskirkju syngur.

Kaffi á eftir!

Sunnudagaskóli kl. 11:00

Sunnudagaskólinn er á sínum stað á neðri hæð kirkjunnar kl. 11:00. Dans, söngvar og skemmtilegar sögur. Svo á Viktoría afmæli og aldrei að vita nema því verði fagnað sérstaklega vel. Pétur Ragnhildarson hefur umsjón og Stefán Birkisson leikur á píanó.

Kaffi og djús á eftir!

Kirkjusel kl. 13:00 – Selmessa

Sr. Sigurður Grétar Helgason leiðir Selmessu. Hilmar Örn Agnarsson er organisti og Vox Populi syngur.

Þýskt messukaffi eftir stundina!

Stelpurnar í körfunni fengu deildarmeistaratitilinn afhentan í gær og strákarnir sigldu nær því að tryggja 2.sætið eftir öflugan sigur.

Lengjubikarinn í fótbolta er í fullum gangi þessa dagana. Strákarnir eru í 2. – 4.sæti eftir 4 leiki og stelpurnar í efsta sæti eftir sigur á Álftanesi.

Ég reikna með að margir séu ennþá með óbragð í munninum eftir úrslit gærkvöldins í handboltanum og í framhaldi af niðurstöðu aganefndar hefur deildin sent kæru til dómstóla HSÍ. Sambandið hefur móttekið kæruna.

Af frammistöðu liðsins verður ekki svitadropi tekinn og það er sárt að hafa þurft að sætta sig við að horfa á úrslitaleikinn í stofunni.

Ég ætla að hvetja alla til að mæta á leik 3.fl karla gegn FH í bikarúrslitum á morgun í Laugardalshöll kl. 16:00.

Dolluna heim!

PS. Takk og aftur takk fyrir stuðninginn í gær. Við sýndum það að Grafarvogurinn mætir þegar kallið kemur!

#FélagiðOkkar

Grafarvogskirkja kl. 11:00 – Erkitýpur og ofurkonur

Útvarpað verður frá guðsþjónustunni. Í tilefni af alþjóðabaráttudegi kvenna, sem haldinn er 8. mars ár hvert, verður fjallað um erkitýpur og ofurkonur í Biblíuni og í veröldinni okkar auk þess sem sagt verður frá verkinu “Móðirin” eftir Kristínu Gunnlaugsdóttur og hangir nú  í kapellu kirkjunnar. Sr, Guðrún Karls Helgudóttir, sr. Arna Ýrr Sigurðardóttir og Kristín Gunnlaugsdóttir, listakona prédika og þjóna ásamt fermingarbörnum og messuþjónum.

Hákon Leifsson organisti stjórnar tónlistinni, Ásgeir Jón Ásgeirsson spilar á gítar og Kór kirkjunnar syngur ásamt Særúnu Harðardóttur, sópran.

Sunnudagaskóli verður á neðri hæð kirkjunnar á sama tíma. Umsjón hefur Pétur Ragnhildarson, æskulýðsfulltrúi.

Kaffi á eftir!

Kirkjusel kl. 13:00 – Selmessa

Sr. Arna Ýrr Sigurðardóttir leiðir Selmessu og Helga Bragadóttir, guðfræðinemi prédikar.

Hilmar Örn Agnarsson er organisti og Vox Populi syngur.

Kaffi á eftir!

Sjaldan er ein báran stök þegar kemur að skólamálum í hverfinu okkar. Sameiningar hafa verið á öllum skólastigum, þ.e. leik- og grunnskólum. Það virðist hreinlega ekki skipta máli hver vilji foreldra og íbúa er í þeim efnum, enda  hingað til hefur engin hlustað. Í þessu samhengi nægir að nefna sameiningu leikskólana Hamra og Bakka sem keyrð var í gegn þvert á vilja íbúa fyrir tveimur árum síðan eða árið 2017.

Núna eru aftur uppi stór áform um breytingar. Jafnvel þau stórtækustu sem við, íbúar í Grafarvogi, höfum séð. Hugmyndirnar snúa að því  að loka Kelduskóla Korpu og sameina starfsemi Kelduskóla Vík við Vættaskóla Engi og Vættaskóla Borgir. Þetta felur í sér mikið rask fyrir börnin okkar enda ekki útséð um í hvaða skóla börnin okkar lenda í milli þessara þriggja skóla.

Það snertir alla íbúa Grafarvogs þegar verið er að leggja niður skóla í heilu hverfi. Fleiri spurningar en svör vöknuðu upp eftir opinn fund í Vættaskóla Engjum í dag enda mjög margar spurningar sem reyndist erfitt að fá svör við. Það er ekki laust við að maður spyrji sig hvað fólki gengur til þegar verið er að bjóða börnunum okkar og samfélaginu upp á slíka óvissu.

Ég vil því hvetja ykkur öll til þess að mæta á opinn fund sem  haldin er í dag 5.mars um sameiningar þessara skóla. Fundurinn mun fara fram í Kelduskóla Vík kl. 18:00. Fundurinn sem var því miður lítið auglýstur er öllum opinn.

Sameiningarsaga skóla í Grafarvogi hefur verið ein sorgarsaga. Stöndum vörð um þá grunnþjónustu sem sveitarfélögum ber skylda til þess að veita og mætum sem flest. 

Valgerður Sigurðardóttir Borgarfulltrúi

Þá er Reykjavíkurmótinu lokið í Listakautum, mótið var haldið í Egilshöll

Fjölnisstúlkur stóðu sig með prýði.

Á Laugardaginn fór fram keppni í félagalínunni.

En í dag sunnudag fór fram keppni í keppnisflokkum skautasambandsins.

Í yngstu tveimur flokkunum eru veittar þáttökuviðurkenningar (ekki raðað í sæti)

• 

• 

• 

• 

Ég er því miður bara með myndir frá laugardagsmorgninum, frá fyrri verðlaunaafhendingunni. En ekki frá laugardeginum eða seinni hluta sunnudagsins.

Bestu kveðjur

Kristín

Fjölnisstelpur í Chicks, Cubs og Basic Novice

Fimm Fjölnismenn luku 6 stóru maraþonunum (six stars) í Tokyo sunnudaginn 3. mars.
Þau eru: Ingibjörg Kjartansdóttir, Aðalsteinn Snorrason, Lilja Björk Ólafsdóttir, Karl Jón Hirst og Magnús Þór Jónsson.
Auk þeirra voru í hlaupinu Fjölnismennirnir: Guðrún Kolbrún Otterstedt, Eyjólfur Ingi Hilmarsson, Guðrún Axelsdóttir, Ingólfur Geir Gissurarson, Margrét Björk Svavarsdóttir og Guðmundur Magni Þorsteinsson en þau eru öll að klára six stars á næstu misserum.

Six stars maraþonin eru: New York maraþon, Chicago maraþon, Boston maraþon, London maraþon, Berlínar maraþon og Tokyo maraþon. Áður en Tokyo maraþon bættist við fyrir nokkrum árum voru hin maraþonin skilgreind sem fimm stærstu maraþon í heiminum.

Myndir: Erla Björg Jóhannsdóttir

• 

• 

• 

• 

Fjölskylduguðsþjónusta í Grafarvogskirkju

Fjölskylduguðsþjónusta er í Grafarvogskirkju klukkan 11:00. Pétur Ragnhildarson og sr. Grétar Halldór Gunnarsson leiða stundina og Stefán Birkisson leikur á píanó.

Kaffisopi og djús eftir messu!

Sunnudagaskólinn

Sunnudagaskólinn verður uppi í kirkjunni og er gengið inn að ofan.

Selmessa í Kirkjuselinu í Spöng kl. 13:00

Selmessa verður í Kirkjuselinu klukkan 13:00. Sr. Sigurður Grétar Helgason þjónar, Vox Populi syngur og fermingarbörn taka þátt í messunni. Organisti er Hilmar Örn Agnarsson.

Kaffisopi eftir messu!

Á sunnudaginn kemur er Biblíudagurinn í kirkjum landsins.  Í tilefni af því þá munum við segja frá spennandi verkefni í guðsþjónustum dagsins. Verið er að koma Nýja testamentinu á hljóðrænt form svo hægt verði að hlusta á það í snjalltækjum og á öðrum fjölbreyttum miðlum. Búið er að stofna til hófjármögnunar sem við hvetjum alla til að taka þátt í! Hægt er að styðja við verkefnið með því að smella hér: Hópfjármögnum

Messa í Grafarvogskirkju

Messa í Grafarvogskirkju klukkan 11:00. Sr. Guðrún Karls Helgudóttir þjónar og Guðrún Eggertsdóttir guðfræðinemi prédikar. Kór Grafarvogskirkju syngur. Organisti er Hákon Leifsson.
Kaffisopi eftir messu!

Sunnudagaskólinn

Sunnudagaskólinn er á sínum stað á neðri hæð kirkjunnar kl. 11:00. Dans, söngvar, skemmtilegar sögur og nú hvetjum við ykkur að koma með hatt því það er hattadagur. Pétur Ragnhildarson hefur umsjón og Stefán Birkisson leikur á píanó.

Selmessa í Kirkjuselinu í Spöng kl. 13:00

Selmessa með Harry Potter þema verður í Kirkjuselinu klukkan 13:00. Sr. Arna Ýrr Sigurðardóttir þjónar og Vox Populi syngur. Organisti er Hilmar Örn Agnarsson.
Kaffisopi eftir messu!

Mánudaginn 25. febrúar og þriðjudaginn 26. febrúar verða vetrarfrí í grunnskólum Reykjavíkur. Að því tilefni verða ýmsir viðburðir fyrir fjölskylduna um og eftir helgi. Fjölskyldan er hvött til að vera saman í vetrarfríinu og foreldrar/forráðamenn geta sótt ókeypis frístund og menningu séu þau í fylgd barna. Hægt er að sjá dagskrá í viðhengi og/eða á eftirfarandi slóð, https://reykjavik.is/frettir/vetrarfri-grunnskolum-reykjavikur

Góð kveðja,
skóla- frístundasvið Reykjavíkurborgar