Fyrir helgina gengu tvær öflugar handboltakonur til Fjölnis sem leika munu með liðinu á næsta tímabili í Olís-deildinni. Um er að ræða þær Díönu Kristínu Sigmarsdóttur sem lék síðast með Fylki og Fanneyju Ösp Finnsdóttur sem kemur einnig úr röðum Fylkis

Það liggur ljóst fyrir að með komu þessara leikmanna má sjá mikla innspýtingu í þetta unga spræka Fjölnislið og verður gaman að sjá þessar tvær öflugar í gulu og bláu næsta vetur.

Við bjóðum stelpurnar hjartanlega velkomnar í félagið og hlökkum til að fylgjast með þeim ásamt hinum snillingunum okkar á vellinum í Olísdeildinni næsta vetur.

Hópurinn sem sótti ráðstefnuna alls 120 manns stillti sér upp fyrir framan Norræna húsið eftir að ráðstefnunni lauk.

Íbúalýðræðisverkefnið Betri hverfi var fyrir helgina verðlaunað sem fyrirmyndarverkefni á Norrænu höfuðborgaráðstefnunni. Betri hverfi fékk verðlaun í flokknum Almenn samskipti.

Verðlaunin Nordic Best Practice Challenge eru veitt höfuðborgunum í fjórum flokkum. Alls voru 24 verkefni tilnefnd. Tilgangurinn með verðlaununum er að vekja athygli á þeim verkefnum sem þykja skara fram úr hjá borgunum og geta gagnast öðrum borgum á Norðurlöndunum og víðar.

Halldór Auðar Svansson, formaður stjórnkerfis og lýðræðisráðs, veitti verðlaununum viðtöku á höfuðborgaráðstefnunni í Norræna húsinu í dag. Halldór kvaðst vera stoltur yfir verðlaununum. „Það er frábær viðurkenning að Reykjavíkurborg skuli vinna þessi verðlaun. Þau fara auðvitað líka til allra borgarbúa sem hafa notað Betri hverfi til að setja fram sínar hugmyndir að framkvæmdum sem og til Íbúa sess. sem þróa og reka vefinn að baki Betri hverfum og Betri Reykjavík. Þetta hlýtur að vera Reykvíkingum hvatning til frekari dáða á sviði þátttökulýðræðis,“ sagði Halldór.

Íbúalýðræðisverkefnið Betri hverfi hefur verið í gangi síðan á árinu 2012 og snýst um að íbúar komi sjálfir með hugmyndir að verkefnum í öllum hverfum borgarinnar. Ferlið er tvíþætt, fyrst er óskað eftir hugmyndum frá íbúum, borgin fer yfir hugmyndirnar og stillir allt að 20 hugmyndum fram í rafrænum íbúakosningum í hverju hverfi. Í ár kusu Reykvíkingar 107 hugmyndir að verkefnum í rafrænum íbúakosningum í febrúar. Verkefnin verða framkvæmd að mestu leyti á þessu ári. Kosningaþátttaka var 23% betri miðað við árið í fyrra.

Í flokknum Samgöngur hlaut Óslóarborg verðlaunin fyrir rafvæðingu samgangna. Osló stefnir að því að verða leiðandi höfuðborg raf-farartækja í heiminum en borgin hefur búið í haginn fyrir rafbíla og rafreiðhjól með ýmsum hætti. Borgin hefur m.a. gert samninga um kaup á 1000 raf-farartækjum.
Í flokknum Umhverfi hlaut Kaupmannahöfn verðlaunin fyrir nýja hönnun Tåsinge torgsins en það er hannað til að taka við úrhellisrigningu á umhverfisvænan hátt og veita regnvatni til sjávar, auk þess sem það er mikilvægt grænt svæði í Sankt Kjeld hverfinu á Austurbrú. Torgið er fyrsta svæðið í Kaupmannahöfn sem er hannað til að aðlagast loftlagsbreytingum.

Í flokknum Öryggi fékk Mariehamn verðlaunin fyrir tölvulausn fyrir eldri borgara sem búa einir. Lausnin er afar einföld í notkun og í gegnum hana geta aldraðir verið í myndsambandi heima hjá sér við heilbrigðisstarfsmenn eða félagsþjónustu en auk þess geta nánir ættingjar verið í sambandi í gegnum hugbúnaðarkerfið sem nefnist AIDis.

Að auki fengu verkefni í hverjum flokki sérstaka útnefningu. Stokkhólmur fyrir forskóla án eiturefna, Helsinki fyrir safnstrætóa og sólarorkuver þar sem íbúar geta keypt sólarsellu og fylgst með orkuframleiðslunni og Osló fyrir umferðarsmáforrit sem ætlað er börnum til að finna öruggustu leiðina í skólann.

Allar höfuðborgirnar tilnefndu fulltrúa úr háskólasamfélögunum í dómnefnd. Guðrún Pétursdóttir, dósent við Háskóla Íslands, sat í dómnefndinni fyrir hönd Reykjavíkur.

Joshua Davíðsson og Anton Breki Óskarsson

Bekkjarbræðurnir Joshua Davíðsson og Anton Breki Óskarsson í 4. bekk Rimaskóla hlutu afreks-og æfingabikar skákdeildar Fjölnis sem afhentir voru á lokaæfingu skákdeildarinnar miðvikudaginn 29. apríl. Mikil aðsókn hefur verið á allar skákæfingar vetrarins og þátttakendur alltaf á bilinu 25 – 35.

Helgi Árnason formaður skákdeildar Fjölnis afhenti hina árlegu afreks-og æfingabikara. Joshua fékk afreksbikarinn líkt og í fyrra. Frammistaða hans á æfingunum og á Íslandsmótum hefur verið árangursrík. Hann varð í 1. – 3. sæti á Íslandsmóti barna og var í A sveit Rimaskóla sem vann ótal sigra í vetur, Jólamót SFS og TR, Reykjavíkurmót grunnskóla og Íslandsmót grunnskóla. Anton Breki Óskarsson hefur að mati dómnefndar (HÁ og HÓl) tekið mestum framförum allra í vetur auk þess að mæta á allar æfingar vetrarins. Anton Breki er í sveit Rimaskóla sem vann Íslandsmeistaratitilinn í flokki 1. – 4. bekkjar á Íslandsmóti barna í apríl sl. Svo skemmtilega vildi til að á lokaæfingu Fjölnis urðu þeir Joshua og Anton Breki efstir og jafnir 35 keppenda. Skákmótin á æfingum Fjölnis eru afar vinsæl enda alltaf keppt um fjölda vinninga og dregið í happadrætti. Þeir Dagur Ragnarsson, Oliver Aron og Jón Trausti hafa séð um kennslu á flestum æfingum og tekist vel upp. .

Dag­ur B. Eggerts­son tók þátt í hátíðar­höld­un­um í Folda­skóla í dag. mbl.is/​Golli

Folda­skóli er elsti grunn­skól­inn í Grafar­vogi og stofnaður þegar hverfið var í hraðri upp­bygg­ingu. Mikið hef­ur breyst síðan og hverf­in þrjú sem sækja þjón­ustu í Folda­skóla, Húsa­hverfi, Folda­hverfi  og Hamra­hverfi eru  orðin gró­in og ráðsett.

„Það er búið að ganga mjög vel í dag og verið góð mæt­ing og fal­legt veður. Við erum búin að fá marga góða gesti, borg­ar­stjór­inn var að fara en hann er bú­inn að vera með okk­ur í dag og skoða skól­ann með tveim­ur börn­um sín­um sem var mjög skemmti­legt,“ seg­ir Krist­inn Breiðfjörð, skóla­stjóri Folda­skóla í sam­tali við mbl.is.

„Síðan tók­um við á móti Græn­fán­an­um í fimmta skiptið við hátíðlega at­höfn rétt áðan og vor­um að flagga hon­um.“

Krist­inn seg­ir að gíf­ur­leg­ar breyt­ing­ar hafi orðið í Grafar­vogi síðan að skól­inn var stofnaður árið 1985. „Skól­inn var byggður í hraði. Það var byrjað um ára­mót og svo var flutt inn 1. sept­em­ber sama ár. Þá var allt hálf­klárað en síðan byggðist þetta upp hægt og ró­lega. En upp­bygg­ing­in gekk hæg­ar en nem­anda­fjöld­inn leyfði því hann óx svo hratt,“ seg­ir Krist­inn en árið 1990, fimm árum eft­ir stofn­un, voru 1210 nem­end­ur við Folda­skóla.

/ljósmynd Golli

„Þá var skól­inn reynd­ar með úti­bú í Hamra­hverfi sem síðar varð sjálf­stæður skóli,“ seg­ir Krist­inn. Eft­ir því sem fleiri skól­ar voru stofnaðir í Grafar­vogi fækkaði nem­end­um Folda­skóla jafnt og þétt. „Árið 2012, áður en ung­linga­stigið var sam­einað hér í sunn­an­verðum Grafar­vogi voru nem­end­urn­ir 360 tals­ins. Svo fjölgaði þeim í 500 haustið 2012 þegar að krakk­arn­ir úr ung­linga­stig­inu komu hingað yfir. Það var mik­il breyt­ing.“

Að sögn Krist­ins hafa fjöl­marg­ir fyrr­um nem­end­ur skól­ans mætt á hátíðina í dag. „Við erum hérna með mynd­ir á veggj­un­um af göml­um nem­end­um og fólk geng­ur um og skoðar.“

/heimild MBL.is

/ljósmyndir Golli

Laugardaginn 9. maí verða kórar Grafarvogskirkju með sameiginlega vortónleika kl. 17 í kirkjunni.

Tónleikarnir eru tileinkaðir okkar fremstu laglínumeisturum, þeim Jóni Ásgeirssyni og Gunnari Þórðarsyni. Kór Grafarvogskirkju, Vox Populi og Stúlknakór Reykjavíkur í Grafarvogskirkju koma fram ásamt Sigrúnu Hjálmtýsdóttur, Jóhanni Friðgeiri Valdimarssyni og sjö manna hljómsveit. Stjórnandi tónleikanna er Hilmar Örn Agnarsson.

Flutt verða sígild dægurlög Gunnars ásamt köflum úr Brynjólfsmessu, en sú messa var upptaktur að óperunni Ragnheiði. Flutt verður Biblíukantatan ,,Leyfið börnunum að koma til mín“ eftir Jón Ásgeirsson auk þekktra og sígildra kórlaga eftir Jón.

Aðgangseyrir er 2500 kr. Hægt er að fá miða í forsölu hjá kórfélögum á kr. 2000

Verktakar á vegum Reita vinna nú að endurnýjun húsnæðis Hagkaups og nýju Vínbúðarinnar í Spönginni, en húsið verður klætt stein og timbri. Innanhúss er unnið að því að aðlaga og rýma fyrir nýju Vínbúðinni sem verður um 430 fm. í hluta rýmisins sem hefur hingað til eingöngu hýst Hagkaup.

Reitir gerðu verksamning við Þarfaþing, sem mun sjá um breytingar á ytra byrði hússins, en breytingarnar voru hannaðar af THG. Áætluð verklok eru 28. ágúst.