Daniel Ivanovski, varnarmaðurinn öflugi, sem lék með Fjölnismönnum fyrri hluta síðasta tímabils hefur skrifað undir nyjan samning við félagið.

Ivanovski mun því spila með Grafarvogsliðinu í Pepsi-deildinni sumar.

Ivanovski var öflugur í vörn Fjölnis í byrjun móts í fyrra en hann óskaði eftir að vera leystur undan samningi í júní af fjölskylduástæðum.

Fjölnir fékk spænska varnarmanninn Jonathan Neftali til að fylla skarð Ivanovski í fyrrasumar en hann fór frá liðinu í haust líkt og fyrirliðinn Bergsveinn Ólafsson sem fór í FH.

Fjölnismenn hafa því verið í leit að miðverði og nú hafa þeir samið við Ivanovski. Fleiri lykilmenn hafa farið frá Fjölni undanfarið líkt og Aron Sigurðarson og Kennie Chopart en nú hefur liði fengið liðsstyrk.

Ivanovski er 32 ára Makedóníumaður en hann lék í sænsku úrvalsdeildinni áður en hann kom til Fjölnis í fyrra.

Follow

Grafarvogskirkja kl. 11:00

Guðsþjónusta – Séra Arna Ýrr Sigurðardóttir prédikar og þjónar ásamt messuþjónum. Stúlknakór Reykjavíkur í Grafarvogskirkju syngur undir stjórn Margrétar Pálmadóttur. Organisti er Hilmar Örn Agnarsson.

Sunnudagaskóli – Umsjón hefur Þóra Björg Sigurðardóttir, æskulýðsfulltrúi og séra Vigfús Þór Árnason. Undirleikari er Stefán Birkisson.

Kirkjuselið kl. 13:00

Selmessa – Séra Vigfús Þór Árnason prédikar og þjónar fyrir altari. Vox populi syngur undir stjórn Hilmars Arnar Agnarssonar organista.

Sunnudagakóli – Umsjón hefur Rósa Ingibjörg Tómasdóttir. Undirleikari er Stefán Birkisson.

Kirkjukaffi á báðum stöðum.
Velkomin!

Follow

Opinn dagur í Tónskóla Hörpunnar, Spönginni, fyrir ofan Apótekið. Allir velkomnir, hljóðfærakynning, nemendur spila, opin kennsla og heitt á könnunni.

Í tilefni Dags tónlistarskólanna verðum við með opið hús laugardaginn 13. febrúar milli kl. 13 og 16.
Nemendur leika, kennsla fyrir opnum dyrum, hljóðfærakynning, myndasýning, kaffiveitingar.
Allir velkomnir.

Gítarnámskeið fyrir fullorðna

Á veturna eru haldin kvöldnámskeið fyrir fullorðna í gítarleik.
•Kennslan fer fram í hóptímum.
•Verkefnin eru gítargrip og hljómaásláttur, með það að markmiði að geta leikið undir almennan söng.

Námskeiðsgjald: kr. 18.000.

•Námskeiðið er 6 tímar (einn tími á viku), í 6 vikur.
•Kennslan fer fram á mánudagskvöldum.
•Hver tími er 60 mínútur.

Follow

Fjölnir hefur samþykkt að selja kantmanninn Aron Sigurðarson til Tromsö í Noregi.

Aron er á leið til Noregs þar sem hann mun skrifa undir þriggja ára samning eftir læknisskoðun.

„Kaupverðið er trúnaðarmál. Samhliða sölunni á Aron þá hafa félögin tvö gert með sér samkomulag um frekara samstarf sem m.a. mun fela í sér að Fjölnir mun senda efnilega leikmenn til æfinga hjá Tromsö,“ segir í yfirlýsingu frá Fjölni.

Aron fór til Tromsö á reynslu í janúar og félagið hefur verið í viðræðum við Fjölni að undanförnu.

Hinn 22 ára gamli Aron spilaði sinn fyrsta landsleik á dögunum og skoraði gegn Bandaríkjunum.

Aron er uppalinn Fjölnismaður en hann hefur skorað 23 mörk í 103 meistaraflokksleikjum á ferli sínum.

Frétt frá Fótbolta.net.

Við óskum honum góðs gengis hjá Tromsö.

Follow

Þetta er búið að sprengja utan af sér fyrir þó nokkru síðan og er staðan þannig að mikill hiti er í foreldrum og forráðamönnum þeirra sem stunda þessar íþróttir.

Eins og mátti lesa í Morgunblaðinu í dag þá „Stefnir í uppreisn í Grafarvogi“

Follow

Nemendur og starfsmenn Rimaskóla skörtuðu flestir grímu-og furðufatabúningum á öskudagshátíð skólans.

Nemendur byrjuðu daginn með því að útbúa öskupoka með aðstoð kennara og starfsmanna. Í nestistíma mættu foreldrar með skúffukökur í hundruða tali. Forsvarsmenn MS voru rausnarlegir og gáfu öllum 550 nemendum skólans mjólkurdrykk til að skola kökunum niður.

Efnt var til grímuballs í hátíðarsal Rimaskóla þar sem góð stemmning myndaðist og allir viðstaddir tóku þátt í dansinum. Rúsínan í pylsuendanum var síðan þegar Alda Dís sigurvegari í  „Iceland Got Talent 2015“ gaf allt í og söng vinsælustu lögin og endaði á Júróvisionlaginu sínu „Augnabliki“.

Nemendur voru vel með á nótunum í öllum lögunum og tóku vel undir sönginn. Öskudagsgleðinni lauk með pítsuveislu sem skólinn bauð upp á.

Um hádegisbilið var skóla lokið og flestir nemendur stefndu niður í bæ að syngja og sníkja sér nammi eins og hefðin segir til um.

Follow

Hvatningarverðlaun skóla- og frístundaráðs vegna grunnskólastarfs voru afhent á árlegri fagstefnu grunnskólakennara í dag, Öskudagsráðstefnunni, þar sem 600 kennarar settust á rökstóla um nemendamiðað skólastarf.

Hvatningarverðlaunin fengu þrír grunnskólar fyrir framsækið fagstarf; Hagaskóli, Klébergsskóli og Rimaskóli. Þá fengu Breiðholtsskóli, Laugarnesskóli og Vogaskóli sérstaka viðurkenningu.

Hagaskóli fékk hvatningarverðlaunin fyrir verkefnið Barnasögur í leikskóla en í því vinna nemendur í 10. bekk að því að semja og myndskreyta barnasögur fyrir leikskólabörn. Markmiðið með þessu skemmtilega verkefni sem hófst fyrir fjórum árum er að hvetja nemendur í 10. bekk til ritunar og auka samstarf unglinga og leikskólabarna í hverfinu.

Klébergsskóli hlaut hvatningarverðlaunin fyrir verkefnið Nýtt námsmat í anda nýrrar aðalnámskrár. Þrír kennarar við skólann þróuðu nýtt námsmat og færðu það úr tölum yfir í matskvarða í orðum og með táknunum rauður, gulur, grænn.  Í umsögn dómnefndar um það þróunarstarf segir m.a.: „ Hér er á ferðinni framtak og frumkvæði lítils kennarahóps í litlum skóla til að innleiða hæfniviðmið og matsviðmið aðalnámskrár grunnskóla á einfaldan og skýran hátt fyrir nemendur, kennara og foreldra. Allir nemendur á unglingastigi fá upplýsingar um hvar þeir eru staddir í námsferlinu og vita þá að hverju er að stefna. Þessi skýra útfærsla skólans hefur vakið athygli Menntamálastofnunar sem valdi það sem eitt af þremur námsmatsverkefnum til að kynna sérstaklega fyrir öðrum skólum.“

Rimaskóli fékk hvatningarverðlaunin fyrir verkefnið Leið þín um lífið, valáfanga fyrir nemendur í 8. – 10. bekk sem Anna Kristín Jörundsdóttir lífsleiknikennari setti saman. Markmið hans er  að byggja upp sjálfstraust, samskiptahæfni og núvitund nemenda og stuðla að aukinni vellíðan þeirra, þannig að þeir geti betur tekist á við sitt daglega líf á jákvæðan og uppbyggilegan hátt.

Laugarnesskóli fyrir verkefnið Viltu verða drekameistari? en í því er lesturinn gerður að ævintýri.  Vignir Ljósálfur Jónsson kennari á skólasafni hafði frumkvæði og umsjón með verkefninu.

Breiðholtsskóli og leikskólarnir Borg og Bakkaborg fengu svo viðurkenningu fyrir samstarf sitt um Fjölmenningarhátíð í Neðra Breiðholti.

Skúli Helgason, formaður skóla- og frístundaráðs og Eva Einarsdóttir formaður dómnefndar afhentu hvatningarverðlaunin við líflega athöfn á Öskudagsráðstefnunni þar sem nemendamiðað skólastarf var í brennidepli.

Follow

Umræða um dekkjakurl og mögulega skaðsemi þess hefur verið áberandi undanfarna mánuði. Notkun gúmmíkurls á þessum völlum hefur valdið nokkrum áhyggjum því það getur innihaldið ýmis hættuleg efni sem geta losnað út í umhverfið. Gúmmíið er ekki hættulegt ef snerting við það er í takmörkuðu mæli. Ákveðin hætta er þó fólgin í því að ef gervigrasið og gúmmíið er ekki endurnýjað reglulega þá byrji smám saman að kvarnast úr gúmmíinu sem þyrlast þá frekar upp og valdi loftmengun vegna ryks og gúmmíagna.

Á mörgum gervigrasvöllum er notað gúmmíkurl sem oft er fengið úr notuðum bíldekkjum. Endurunnið gúmmí með þessum hætti er ódýrara en nýtt en inniheldur meira af óæskilegum efnum. Gúmmí getur verið misjafnt að gerð en þó er oftast nær óhjákvæmilegt að nota ýmis skaðleg efni við framleiðsluna eins og þungmálma á borð við blý, zink og kadmíum.

Það versta við endurunna gúmmíið er að við framleiðslu bíldekkja hér áður fyrr var notað mikið af olíu sem inniheldur fjölhringa arómatísk vetniskolefni (PAH) sem eru þrávirk og geta m.a. valdið krabbameini. Notkun slíkrar olíu við framleiðslu hjólbarða hefur nú verið bönnuð. Þá eru sumir næmir fyrir náttúrulegu gúmmíi eða latexi og ef loftræsting er ekki nægileg í yfirbyggðum gervigrasvöllum þá er þeim hætt við að fá ofnæmisviðbrögð.

Gúmmíkurl getur líka haft skaðleg áhrif á lífríki í námunda við velli utanhúss því þungmálmar eiga það til að leka út í nálægt umhverfi og skaða lífverur í vatni og jarðvegi. Nokkur Evrópuríki hafa verið með til skoðunar hvort eðlilegt sé að leyfa þessa notkun á dekkjakurli. Í Svíþjóð og Noregi hefur verið mælt með að banna lagningu nýs gervigrass með endurunnu gúmmíi en á gervigrasvöllum í notkun verði engar slíkar kröfur gerðar, en skipt út eftir þörfum.

Umhverfisstofnun hefur  kallað eftir upplýsingum frá þremur innflytjendum um efnainnihald gúmmíkurls úr dekkjum sem notað er á gervigrasvöllum. Ekki er til mörk fyrir efni eins og PAH í dekkjakurli hér á landi, en mörk fyrir PAH í dekkjum sem seld eru á Íslandi er 10 mg/kg.   Einnig hefur komið fram hjá innflytjendum að gúmmíkurlið er flutt inn í tollflokki 4004.0000; úrgangur, afskurður og rusl úr gúmmíi (þó ekki harðgúmmí) og duft og korn úr því. Stofnunin er jafnframt að skoða hvaða þýðingu það hefur, ef dekkjakurl er skilgreint sem úrgangur.

Follow