Þrjú félög voru dregin út með slembiúrtaki á fundi mannréttindaráðs 22. september 2015: Fjölnir, Knattspyrnufélag Reykjavíkur og Þróttur. Settur var á fót vinnuhópur til að sjá um úttektina og í honum áttu sæti starfsfólk frá mannréttindaskrifstofu Reykjavíkurborgar, íþrótta- og tómstundasviði Reykjavíkur (ÍTR) og Íþróttabandalagi Reykjavíkur (ÍBR). Úttektin var svo unnin í samvinnu við fulltrúa frá íþróttafélögunum þremur og efni hennar kynnt á fundi með þeim þann 27. janúar 2016.

Úttektin byggist í fyrsta lagi á svörum við spurningalista sem sendur var til íþróttafélaganna. Svör bárust frá félögunum í mars 2016 og miða tölur um kynjahlutföll í stjórnum o.fl. við þau svör. Í öðru lagi var byggt á upplýsingum um kynjahlutföll iðkenda hjá íþróttafélögunum, 6-18 ára, samkvæmt skráningu árið 2015. Í þriðja lagi voru vefsíður félaganna skoðaðar.  Ekki var unnt að greina skiptingu fjármagns eftir kyni í þessari úttekt og eru ástæður þess raktar á bls. 21.

Hægt er að lesa skýrsluna hérna…..

Follow

Jólafótboltamót Fjölnis 2016 var haldið, líkt og undanfarin ár, nú 10. desember í Egilshöllinni. Mótið er fyrir 6. og 7. flokk kvenna.
Voru um 550 hressar fótboltastelpur í jólafótboltastuði og eitthvað um 1000 foreldrum til að styðja við bakið á þeim.
Spilaður var 5 manna bolti, leiktími 10 mín og hvert lið lék 5 leiki.
6. flokkur byrjaði um morguninn og svo tók við 7. flokkur. Viðaveran í Egilshöll var um 2,5 klst. hjá hverju liði.

Þátttökugjald var 2500 kr. Innifalið var: verðlaunapeningur, þátttökuverðlaun og pizzuveisla.
Sportbitinn var opinn og boðið var uppá kaffi og bakkelsi á sanngjörnu verði í umsjá foreldrafélags 3. flokks kvenna Fjölnis. Þá sáu iðkendur 4. flokks kvenna og karla Fjölnis um dómgæslu á mótinu.

Foreldrar og þátttakendur áttu ánægjulegan dag í Egilshöllinni með því að fara í bíó í Sambíóunum, keilu í Keiluhöllinni, skauta á Skautasvellinu eða æfingu í World Class og borðað á eftir á Shake and Pizza. Einnig voru margir sem fóru í Grafarvogslauginni, en Reykjavíkurborg bauð stelpunum frítt í sund í Grafarvogslauginni að móti loknu.
Jólafótboltamót Fjölnis !

Follow

Grafarvogskirkja kl. 11:00

Guðsþjónusta með skírn – Séra Grétar Halldór Gunnarsson prédikar og þjónar fyrir altari ásamt messuþjónum. Kór kirkjunnar syngur og Hákon Leifsson er organisti.

Sunnudagaskóli á neðri hæð kirkjunnar – Umsjón hafa Þóra Björg Sigurðardóttir og séra Sigurður Grétar Helgason. Undirleikari er Stefán Birkisson.

Kirkjuselið kl. 13:00

Selmessa – Séra Sigurður Grétar Helgason prédikar og þjónar fyrir altari. Vox Populi syngur. Organisti er Hilmar Örn Agnarsson.

Sunnudagaskóli – Umsjón hefur Matthías Stefánsson og undirleikari er Stefán Birkisson.

Velkomin í kirkju!

Follow

Fátt kemur manni í meira jólaskap en bingó. Laugardaginn 10. desember ætlum við að hjálpa þér að komast í jólaskap með okkar víðfræga jólabingói. Spjaldið kostar ekkert og vinningarnir verða af fjölbreyttum toga.

Allir sem bingóspjaldi geta valdið eru velkomnir.

Follow

Svona mun Gufunes líta út samkvæmt verðlaunatillögunni. Mynd: jvantspijker + Felixx

Arkitektastofan jvantspijker + Felixx hreppti fyrstu verðlaun í hugmyndasamkeppni um Gufunessvæðið. Þetta var tilkynnt við hátíðlega athöfn í Borgarbókasafni –  Menningarhúsi í Spönginni í Grafarvogi í gær en þetta kemur fram á vefsíðu Reykjavíkurborgar.

Sex tillögur bárust í hugmyndasamkeppnina frá arkitektastofum sem valdar voru til þátttöku að undangengnu forvali.  Í áliti dómnefndar segir m.a. að allar tillögurnar sex séu vandaðar og vel unnar. Arkitektastofan jvantspikjer+Felixx hlaut fyrstu verðlaun fyrir tillögu sína Fríríki frumkvöðla.

„Vinningstillagan sýnir einstaklega vandaða vinnu og tekst það vandasama verk að vera frumleg á sama tíma og hún fer vel með anda staðar. Þetta er sannfærandi og raunhæf tillaga með skýra heildarhugmynd. Borgarmiðað og skilvirkt gatnakerfi ásamt góðum útirýmum og mannlegum kvarða eru sterkir og mótandi þættir í byggðinni á svæðinu sem fær sitt eigið aðdráttarafl með spennandi áherslu á frumkvöðla og framtíðaratvinnuþróun á svæðinu,“ segir m.a. í álitinu.

Sjálfbærar samgöngur og borgarbragur

Í vinningstillögunni segir að Gufunes eigi að verða eins konar ventill fyrir ungt fólk sem kýs grósku og borgarbrag í stað úthverfa. Tillagan nýtir óhefluð umhverfisgæði og staðaranda sem grunn að samfélagi þar sem tækifæri, hagkvæmni og upplifun verða í forgrunni. Í Gufunesi verður blönduð byggð fyrir íbúðir, smærri atvinnurekstur, skapandi iðnað, menningu, menntun, sýningar- og atburði, ferðamannaiðnað og sjálfbærar samgöngur.

Tillöguhöfundar telja að Gufunes geti orðið einstakt hverfi í borginni þar sem iðnaðarmannvirki, manngert landslag, afþreying- og útivist, og stórfengleg fjallasýn við sjávarsíðu mynda órjúfanlega heild.

Tillaga jvantspijker + Felixx gerir m.a. ráð fyrr öflugum ferjusamgöngum á milli Gufuness og miðborgarinnar þar sem m.a. er gert ráð fyrir að fólk geti tekið með sér reiðhjól.

Tvær aðrar tillögur fengu viðurkenningu

Dómnefndin ákvað að veita tveimur öðrum tillögum sérstaka viðurkenningu. Hornsteinar arkitektar fengu viðurkenningu fyrir frábæra landslagshönnun og hönnun útivistarsvæða, ásamt Plús arkitektum og Landslagi sem fengu viðurkenningu fyrir sterka framtíðarsýn á frekari uppbyggingarmöguleika á svæðinu.

Báðar tillögurnar voru álitnar hafa þætti sem gætu styrkt vinningstillöguna við frekari úrvinnslu.

Þróunin í Gufunesi

Í mars 2013 skipaði borgarstjóri hóp til að fjalla um tækifærin í Gufunesi. Vinnuhópurinn, sem starfaði undir stjórn Dags B. Eggertssonar þáverandi formanns borgarráðs, lagði m.a. til að framtíðarskipulag svæðisins færi í opna hugmyndasamkeppni meðal fagaðila.

Hugmyndasamkeppnin var síðan auglýst í mars sl. og haldin í samstarfi við Félag íslenskra landslagsarkitekta (FÍLA). Markmiðið með samkeppninni var að kalla eftir hugmyndum að skipulagi og hönnun í samræmi við gildandi aðalskipulag Reykjavíkur 2010-2030.

Megintilgangur samkeppninnar var að skoða hvernig svæðið nýtist best fyrir nærliggjandi hverfi og borgina í heild. Leitað var eftir sterkri heildarsýn fyrir Gufunessvæðið.

Þátttakendur í hugmyndasamkeppninni

Arkitektastofan jvantspijker + Felixx hreppti fyrstu verðlaun. Frá vinstri Sigurborg Ósk Haraldsdóttir, formaður dómnefndar, Marnix Vink, Julio Gil, Jaakko van ‘t Spijker, Orri Steinarsson, og Dagur B. Eggertsson borgarstjóri.

Samkeppnin var skilgreind sem lokuð hugmyndasamkeppni um rammaskipulag. Valdir voru sex aðilar að undangengnu forvali en þeir voru: April arkitekter, Hornsteinar arkitektar, jvantspijker + Felixx, Karl Kvaran + OLGGA architects, Plús arkitektar og Landslag og VA arkitektar.

Í dómnefndinni á vegum umhverfis og skipulagsráðs sátu eftirtaldir: Sigurborg Ósk Haraldsdóttir, fyrir hönd umhverfis- og skipulagsráðs, formaður dómnefndar, Marta Guðjónsdóttir, f.h. umhverfis- og skipulagsráðs, Björn Axelsson skipulagsfulltrúi f.h. umhverfis- og skipulagssviðs, Helgi B. Thóroddsen, f.h. Arkitektafélags Íslands og Áslaug Traustadóttir, f.h. FÍLA. Björn Ingi Edvardsson landslagsarkitekt og verkefnisstjóri hjá skipulagsfulltrúa var ritari dómnefndar.

Allir þátttakendur í samkeppninni fá greitt fyrir tillögur sínar kr. 1,5 milljónir króna auk vsk. Verðlaunatillagan fær að auki eina milljón króna auk virðisaukaskatts. Reykjavíkurborg áskilur sér rétt til að nýta hverja tillögu að hluta eða í heild.

Áframhaldandi skipulagsvinna á svæðinu er ekki bundin við þátttakendur né verðlaunahafa eingöngu.

Talsverðar breytingar á starfsemi í Gufunesi hafa þegar verið ákveðnar. Reykjavík Studios hefur keypt gömlu Áburðarverksmiðjuna og hyggst reka þar kvikmyndaver. Þá hefur verið samið við Íslensku gámaþjónustuna um að flytja starfsemi sína úr Gufunesi upp á Esjumela.

Dómnefndarálit

Kynningarspjald verðlaunatillögu

Verðlaunatillaga Jvantspijker + Felixx

Follow

Þétt fagsamstarf grunnskólanna í Grafarvogi hefur skilað sér í rafrænni handbók um námsmat samkvæmt nýrri Aðalnámskrá.

Hefð er fyrir faglegu samstarfi sjö grunnskóla í Grafarvogi og á Kjalarnesi. Þannig gáfu þessir skólar út sameiginlega lestrarstefnu á árinu 2011 og samstarf var um að innleiða Aðalnámskrá grunnskóla á skólaárinu 2014-2015.

Meginmarkmið þessa skólasamstarfs er að byggja upp öflugt lærdóms-samfélag í hverfinu með skýrri sýn og stefnu sem m.a. birtist í námskrá skólanna og námsmati.

Á síðasta skólaári fengu skólarnir sjö styrk úr Sprotasjóði til þess að endurskoða námsmat í tengslum við innleiðingu á Aðalnámskrá grunnskóla. Stýrihópur með fulltrúum allra skóla hefur haldið utan um það verkefni. Hann hefur nú þegar útbúið sniðmát fyrir kennara til að setja inn hæfniviðmið úr Aðalnámskrá fyrir hvern aldurshóp og leiðir til að ná þeim.

Inn í það sniðmát hafa kennarar einnig sett fram matsviðmið og tengt hæfniviðmiðunum þannig að nemendur eigi auðveldara með að setja sér skýr markmið í náminu.

Árný Inga Pálsdóttir, skólastjóri í Kelduskóla, segir á vefsíðu Reykjavíkurborgar þetta samstarf skólanna sjö afar gagnlegt. Það byggi á sterkum faggrunni sem veiti kennurum og skólastjórnendum öryggi við námsmatið. Þetta sé fjölbreyttara námsmat en áður sem meti alla þætti námsins, þekkingu, hæfni og leikni og sé um leið hvetjandi.

Sjá rafræna handbók fyrir kennara um leiðir að fjölbreyttu námsmati

Rafræn handbók með sýnishornum af matslistum fyrir leiðsagnarmat

Follow

Borgarstjórinn í Reykjavík, Dagur B. Eggertsson, fylgdi þeirri hefð um helgina að höggva eigið tré í Jólaskógi Skógræktarfélags Reykjavíkur.

Jólaskógurinn í ár er á Hólmsheiði rétt norðan við nýja fangelsið og er leiðin frá Suðurlandsvegi vel merkt.  Skógræktarfélag Reykjavíkur nýtir hefðina til að grisja skógræktarsvæði sín og mun í staðinn fyrir hvert tré sem höggvið er gróðursetja fimmtíu ný. Á vef félagsins segir að Íslensk jólatré séu ræktuð án eiturefna og einnig er umhverfisvænt að þau eru ekki flutt á milli landa.

Jólaskógurinn er opinn allar helgar til jóla kl. 11-16. Alla dagana verður líf og fjör, jólasveinar verða á staðnum og logandi varðeldur. Hægt er að kaupa heitt kakó og smákökur og jólalögin sungin, segir á vef Skógræktarfélagsins – heidmork.is – og þar er einnig leiðarlýsing.

Nánari upplýsingar:

• heidmork.is – leiðarlýsing

Follow

Grafarvogskirkja
Guðsþjónustua kl. 11.00
Séra Arna Ýrr Sigurðardóttir prédikar og þjónar fyrir altari.
Kór kirkjunnar syngur. Organisti er Hákon Leifsson.

Sunnudagaskóli kl. 11.00
Umsjón hefur Matthías Guðmundsson.
Undirleikari er Stefán Birkisson.

Kirkjuselið í Spöng
Selmessa kl. 13.00
Séra Sigurður Grétar Helgason þjónar fyrir altari ásamt
séra Grétari Halldóri Gunnarssyni.
Vox Populi syngur. Organisti er Bjarni Jónatansson.

Sunnudagaskóli á sama tíma.
Umsjón hefur Matthías Guðmundsdóttir.
Undirleikari er Stefán Birkisson.

Follow

GALLERÍ KORPÚLFSSTAÐIR opið í dag 14-18.
Úrval einstakra listmuna beint frá býli.
Àsdís á vaktinni og hlakkar til að bjóða ykkur velkomin.

Follow