Um viðburðinn

Öryggi og vellíðan í samskiptum

Námskeið

Fyrsti hópur 17. nóvember í ,,Rými til Vaxtar“ Grafarvogskirkju.
Njóttu þín betur í samskiptum á vinnustað eða í daglega lífinu. 

Forðastu 3 hættur sem steðja að fólki á vinnumarkaði:

,,Burn out“ eða kulnun í starfi
Að setja engin mörk á milli vinnu og einkalífs
Óþægileg eða óæskileg samskipti.

Auktu á:

vellíðan í kynningum
vellíðan á fundum og í hópsamtali
öryggi í tengslamyndun.

Viltu auðvelda þér að hefja samtal – hvar og hvenær sem er?
Viltu komast að þvi hvað þú getur í sambandi við kynningar?

Skráðu þig strax hérna !  ……

Dagskrá frá kl 10.00 – 15.30 (húsið opnar kl 9.30)
Aldurstakmark 20 ára

G

Follow

Gylfaflöt Dagþjónusta verður með opið hús næst komandi fimmtudag og er húsið opið fyrir alla 🤗 við ætlum að kynna starfsemina og það væri gaman að sjá grafarvogsbúa mæta við erum staðsett í Grafarvoginum og ég hugsa að það séu ekki margir sem vita af okkur eða hvað við gerum og svo auðvitað verður listasmiðjan opin og sala á okkar munum.

Allir velkomnir

Follow

Allt frá 2012 hef ég sem formaður Skákdeildar Fjölnis boðið efnilegum skákungmennum með mér á fjölmennasta helgarskákmót Norðurlanda í Västerås í Svíþjóð. Flest eru þau núverandi eða fyrrverandi nemendur mínir úr Rimaskóla. Frábær frammistaða hjá þessum samstæða hóp nú um helgina á 250 manna móti.
Hinn 21 árs gamli Dagur Ragnarsson (2247) gerði sér lítið fyrir og vann mótið ásamt stórmeistaranum Yuri Solodoinichenko (2554). Stórhækkar á skákstigum. Hinir á myndinni voru einnig að vinna til verðlauna. Komum heim með tæplega 200.000 ísl.kr í verðlaunafé.
Ég er ekki á flæðiskeri staddur hvað varðar efnilega skákmenn. Ótrúlega stoltur af þessum áhugasömu ferðafélögum. Helgi Árnason

Follow

Guðsþjónusta í Grafarvogskirkju kl. 11:00. Sr. Arna Ýrr Sigurðardóttir þjónar, Organisti er Einar Bjartur Egilsson. Karlakór Grafarvogs syngur, stjórnandi er Íris Erlingsdóttir. Hildur Kristín Thorstensen syngur einsöng.

Sunnudagaskólinn er á sínum stað á neðri hæð kirkjunnar kl. 11:00. Dans, söngvar, sögur og falinn hlutur. Pétur Ragnhildarson hefur umsjón.

Selmessa með altarisgöngu í Kirkjuselinu í Spöng kl. 13:00. Sr. Arna Ýrr Sigurðardóttir þjónar, Vox Populi syngur, undirleikari er Stefán Birkisson. Fermingarbörn og foreldrar eru hvött til að mæta.

Verið öll hjartanlega velkomin!

Follow

Fjölnir bætir við sig Hokkídeild og Listskautadeild með samkomulagi við Skautafélagið Björninn.

Á framhaldsaðalfundi Skautafélagsins Bjarnarins í gær var samþykkt tillaga um að öll starfsemi félagsins skyldi yfirtekin af Ungmennafélaginu Fjölni og starfrækt þar frá 1. október 2018. Fundurinn var vel sóttur og var tillagan samþykkt með rúmlega 80% atkvæða. Öll starfsemi Bjarnarins verður lögð inn í Fjölni og þar verði stofnaðar tvær deildir, hokkídeild og listskautadeild, sem taka við núverandi starfi Bjarnarins og starfrækja það áfram undir merkjum Fjölnis. Við gildistöku þessa samkomulags munu allir starfsmenn og iðkendur Bjarnarins færast yfir til Fjölnis.

Fjölnir mun yfirtaka allar íþróttalegar skyldur Bjarnarins, eignir, skuldir og skuldbindingar við þjálfara, iðkendur og samstarfsaðila sbr. 1. mgr.

Eftir að samkomulagið öðlast gildi verður engin starfsemi í Skautafélaginu Björninn.

Núverandi stjórnir í hokkídeild og listskautadeild verða skipaðar stjórnir í sömu deildum hjá Fjölni fram að þeim tíma að haldnir verða aðalfundir í umræddum deildum þar sem kosning stjórna fer fram.

Íþróttabandalag Reykjavíkur styður þetta samkomulag og mun færa styrki vegna starfsemi deildanna yfir til Fjölnis frá og með 1. október 2018.

Í samræmi við framanritað mun Fjölnir taka formlega við umræddri starfsemi Bjarnarins frá og með 1. október 2018. Frá og með sama tíma mun Fjölnir taka þá yfir samninga við ÍBR og Reginn.

Við viljum bjóða nýja iðkendur, forráðamenn þeirra, þjálfara og starfsmenn velkomna í Fjölni og hlökkum til að vinna með þeim áfram það góða starf sem unnið var í Birninum.

Markmið okkar með þessu samkomulagi er að reka sterkari stoðir undir starfsemina almennt, bæta þjónustu og mæta auknum kröfum sem gerðar eru til íþróttafélagsins. Við þetta samkomulag verður Fjölnir 12 deilda félag og með um 4.000 iðkendur á öllum aldri. Með þessu styrkist staða félagins enn frekar í Egilshöll þar sem HJARTAÐ SLÆR. Þar verður félagið með starfsemi á samastað í knattspyrnu, handbolta, körfubolta, karate, fimleikum, frjálsum, íshokkí, listskautum, íþróttum eldri borgara, íþróttaakademíu í samstarfi við Borgarholtsskóla ásamt skrifstofu og félagsaðstöðu. Skákdeildin okkar er í Rimaskóla, sunddeildin er í sundlaug Grafarvogs og Laugardalslaug og svo erum við með tennisdeild í Tennishöllinni í Kópavogi en við erum að vinna í því að koma henni aftur í gang í Egilshöll á næstu mánuðum ásamt frekari uppbyggingu þar í framtíðinni enda félagið í stóru vaxandi hverfi og á marga iðkendur í austurborginni.

Follow

2. flokkur karla í knattspyrnu sigraði FH í úrslitaleik 

Follow

Grunnskólamót Reykjavíkur fór fram fyrr í mánuðinum og sigraði Rimaskóli glæsilega í öllum flokkum. Í tilefni af því var efnt til verðlaunahátíðar í skólanum í dag þar sem Ólympíufararnir og ÍR-ingarnir Aníta Hinriksdóttir og Guðni Valur Guðnason voru meðal gesta. Það gladdi gesti að fá þetta frábæra íþróttafólk til að veita ungu og efnilegu fólki verðlaun en Aníta og Guðni eru sannarlega glæsilegir fulltrúar ÍR og íþróttarinnar í heild.

Myndir tók Baldvin Örn Berndsen  Sjá myndir hérna….

Einstaklingsverðlaun : Snædís Eir Ingólfsdóttir (7. bekkur) 60 m hlaup , Hilmir Arnarson (8. bekkur 600 m hlaup, Brynjar Kári Gunnarsson kúluvarp (8. bekkur) Andri Dagur Árnason kúluvarp (9. bekkur)

Fulltrúar

6. bekkjar: Freyja Dís, Björg Margrét, Jósef og Garðar Snær

7. bekkjar: Tómas Orri, Egill Örn, Freydís Lilja, Sara Rut

8. bekkjar: Kristófer Aron, Garðar, Bergdís og Hildur Vala

9. bekkjar: Oliver Piotr, Guðmundur Óli, Nína Rut og Erla María

Aníta Hinriksdóttir, Guðni Valur Guðnason og Kristín Birna Ólafsdóttir – gestir

Follow

Mánuður myndlistar hefst á Korpúlfsstöðum með því að listamenn opna vinnustofur sínar og taka á móti gestum laugardaginn 6. október kl. 13-17.
Gallerí Korpúlfsstaðir er opið frá kl.12-17 og býðst þar fjölbreytt úrval af myndlist og hönnun.
Veitingar á kaffistofunni (Rósukaffi)
Allir velkomnir í heimsókn á stórbýlið við borgarmörkin.

Follow

Borgarráð hefur samþykkt fyrsta áfanga að deiliskipulagi í Gufunesi. Markmiðið er að til verði hugavert og spennandi svæði fyrir kvikmyndaþorp í sambland við íbúðabyggð.

Meginmarkmið deiliskipulagsins í fyrsta áfanga er að mynda sterkan ramma almenningssvæðis utan um sveigjanlega og sjálfbæra byggðarþróun með það að leiðarljósi að skapa forsendur fyrir fjölbreytt og skapandi samfélag þar sem gott er að búa, starfa og njóta lífsins.

Nánast allar byggingar sem þegar eru á svæðinu verða endurnýttar, sem er jákvætt fyrir umhverfið því það lágmarkar allt rask á svæðinu og framlengir líftíma húsanna, jafnframt því sem saga svæðisins tengist nýju hlutverki þess.

Deiliskipulagstillagan styrkir svæðið með fjölgun íbúða til samræmis við stefnu um þéttingu byggðar í Aðalskipulagi Reykjavíkur 2010-2030. Með tillögunni fjölgar íbúum á svæðinu sem stuðlar að betri nýtingu á núverandi innviðum borgarinnar og styrkir verslun og þjónustu í nálægðum hverfum.

Follow