Aðventufundur Korpúlfa miðvikudaginn 11. Des. í Hlöðunni það verður afar hátíðlegt, sr. Petrína Mjöll Jóhannesdóttir prestur í Grafarvogskirkju flytur hugvekju, leikskólabörn frá Fífuborg mun leika jólahelgileik og síðan syngja leikksólabörnin með kór Kórpúlfa Korpusystkin og með kórnum mun verða einsöngur. Leynigestur, heitt súkkulaði og smákökur.
Fjölnir Íþrótta akademía
Nú í haust var hrundið af stað verkefni sem kallast Íþróttaakademía Fjölnis [ÍAF] og er það tækifæri ætlað unglingum sem æfa boltaíþrótt í Fjölni og í 9. og 10. bekk. Verkefnið snýst um að bjóða upp á skipulagða tækniþjálfun í handbolta, fótbolta og körfubolta ásamt hagnýtri fræðslu í þeim þáttum sem skipta máli, s.s. íþróttasálfræði og næringarfræði. Aðalmarkmið ÍAF er að bjóða upp á þjálfun og fræðslu sem styður við það sem þegar er gert í flokkum félagsins, annað og fleira en gert er nú þegar í deildunum. Þetta verkefni er hugsað fyrir þá íþróttamenn sem vilja ná langt í sinni íþrótt og eru tilbúin að leggja mikið á sig, til að svo megi verða.
ÍAF byggir á samstarfi unglingadeilda grunnskóla Grafarvogs og Umf. Fjölnis og felst tækifærið fyrir unglingana að fá að velja ÍAF sem valgrein í náminu sínu í stað hefðbundinna námsgreina. Þess má geta að verkefnið er unnið að fyrirmynd sem hefur gengið afar vel hjá Haukum í Hafnarfirði, Afreksskóla Hauka, undir stjórn Kristjáns Ómars Kristjánssonar.
Skráning í verkefnið var mjög góð og um 36 nemendur eru nú skráðir, og koma þeir úr boltagreinunum þremur af báðum kynjum. Haldinn var kynningarfundur með foreldrum og iðkendum í byrjun annar og verkefnið kynnt. (sjá mynd)
Ein megin forsenda þess að verkefnið gengur eins vel og raunin er, eru þeir góðu þjálfarar sem fengust til að starfa með okkur. Til að stýra bóklegu tímunum þar sem allar greinarnar koma saman fengum við Elmar Hjaltalín yfirþjálfara fótboltans og Arnór Ásgeirsson íþróttafræðing til liðs við okkur. Um tækniþjálfunina sem er einnig einu sinni í viku sjá þeir Pétur Sigurðsson (körfubolti), Elmar Hjaltalín (fótbolti) og Guðmundur Rúnar Guðmundsson (handbolti).
Haustönnin sem er senn á enda runnin var vonandi aðeins fyrsta af mörgum og mun verkefnið vera í stöðugri þróun næstu misserin. Vonast er til að í framtíðinni verði hægt að bjóða upp á þetta tækifæri fyrir fleiri greinar úr Fjölni. Forsvarsmenn eru þess fullvissir að æfingarnar og fræðslan mun hjálpa íþróttamönnum Fjölnis að ná fram sínum besta árangri þegar fram í sækir.
Helgi Árnason, skólastjóri Rimaskóla, fær Barnamenningarverðlaun Velferðarsjóðs barna í ár. Verðlaunin fær hann fyrir ötult starf sitt í þágu skáklistar sem hluta af skólastarfi.
Verðlaunaféð er ein milljón króna, og rennur helmingur til skákstarfsemi í Rimaskóla og afgangurinn til Skákskóla Íslands. Alls hefur 36 milljónum verið úthlutað úr Velferðarsjóði barna á árinu en heildarúthlutun frá stofnun sjóðsins nemur um 750 milljónum króna.
Rimaskóli hefur sex sinnum orðið Norðurlandameistari og tólf sinnum á árunum 2003-13 tekið þátt í Norðurlandamótum. Þá hefur skólinn tekið þátt í öllum Reykjavíkur- og Íslandsmótum í skák frá stofnun skólans og unnið til fjölda verðlauna.
Íslandsmeistarar KR höfðu betur gegn Breiðabliki, 6:2, í úrslitaleik í Bose æfingamótinu í knattspyrnu sem lauk í Egilshöll í dag.an er tekin á Spán á vormánuðum svo þeir geti undirbúið sig sem best fyrir átökin í Pepsi deildinni í sumar.
Í leiknum um þriðja sætið hafði Fjölnir betur á Fylki, 2:1.
Sigursveit Rimaskóla í yngri flokki. Með þeim á myndinni er Hjörvar Steinn sem var mættur til að styðja sinn gamla skóla.
Rimaskóli vann í þremur flokkum af fjórum á jólaskákmóti Taflfélags Reykjavíkur og skóla- og frístundasviðs sem lauk í fyrradag. Keppnisrétt á mótinu höfðu allir grunnskólar Reykjavíkur og gátu þeir sent 4. manna sveitir til keppni. Þetta var í 31. sinn sem mótið er haldið og samkvæmt venju var keppt í tveimur aldursflokkum, 1.-7. og 8.-10. bekk. Skólar gátu skráð kynjablönduð lið en einnig var hægt að senda lið eingöngu skipuð stúlkum til keppni. Alls tóku 44 sveitir þátt í mótinu sem er nýtt met og ber því gróskumiklu skákstarfi sem fram fer í skólum borgarinnar og úti í taflfélögunum fagurt vitni. Fjórar stúlknasveitir mættu nú til leiks sem verður að teljast afar jákvætt, en í fyrra tók einungis ein stúlknasveit þátt í mótinu.
Yngri flokkur – suður-riðill sunnudaginn 1. desember
Keppni hófst í skákhöll TR sunnudaginn og var á keppt í yngri flokki og alls voru þar 36 sveitir skráðar til leiks frá yfir 20 skólum borgarinnar. Skólunum var skipt í tvo riðla og hófst keppni í þeim fyrri kl. 10.30. Að honum loknum hófst svo keppni í seinni riðlinum kl. 14.00. Tvö efstu lið úr hvorum riðli mættust svo í úrslitum á mánudeginum samhliða keppni í eldri flokki. Öll úrslit og pörun voru nú tölvuvædd sem gerði það að verkum að nánast engin bið var milli umferða og keppnin gekk hratt og örugglega fyrir sig.
Í mörgum sveitum voru krakkar að keppa á sínu fyrsta skákmóti en öll stóðu þau sig með prýði og með flestar reglur á hreinu! Fjölmargir foreldrar fylgdu börnum sínum og skemmtu sér konunglega. A sveit Ölduselsskóla tók fljótlega forystu í suður-riðlinum í yngri flokki og sýndi svo mikla yfirburði með því að vinna allar skákir sínar, 24 að tölu! Sveitin var skipuð mjög ungum strákum sem sannarlega eiga framtíðina fyrir sér við skákborðið. Í öðru sæti hafnaði nokkuð óvænt B sveit Fossvogsskóla eftir harða baráttu við Melaskóla og A sveit Fossvogsskóla. Sveitin var líkt og A sveit Ölduselsskóla skipuð ungum strákum og eflaust hefur þeim ekki leiðst það mikið að verða fyrir ofan A sveitina sína! Melaskóli hafnaði svo á endanum í þriðja sæti hálfum vinning fyrir ofan A sveit Fossvogsskóla. Ölduselsskóli mætti með flestar sveitir í þennan riðil, eða alls þrjár.
Þrjár efstu sveitirnar í suðurriðli fengu verðlaunapeninga og skákhefti úr smiðju formanns Taflfélags Reykjavíkur, Björns Jónssonar. Þá unnu tvær efstu sveitirnar sér þátttökurétt í úrslitum daginn eftir. En það fór enginn tómhentur heim. Allir skólarnir fengu viðurkenningarskjal fyrir þátttökuna og liðsmenn sveita þeirra fengu svo skákhefti að gjöf.
Lokastaðan í suðurriðli
1 Ölduselsskóli A – 24
2 Fossvogsskóli B -15.5
3 Melaskóli – 14.5
4 Fossvogsskóli A – 14
5 Ölduselsskóli B – 13
6 Breiðagerðisskóli- 12
7 Árbæjarskóli A- 11.5
8 Hlíðaskóli- 11
9-10 Grandaskóli- 10.5
Breiðholtsskóli B- 10.5
11-12 Klébergsskóli- 8.5
Breiðholtsskóli A – 8.5
13 Árbæjarskóli B- 7.5
14 Ölduselsskóli C- 6
22 sveitir mættu til leiks í norðurriðli seinnipartinn og þar af tvær öflugar stúlknasveitir. Ein sveit skar sig fljótlega frá hinum og sigraði riðilinn af öryggi með 21 vinning af 24. Það var A sveit Rimaskóla og kom fáum á óvart enda hefur skólinn verið dæmalaust sigursæll á þessu móti undanfarin ár. Sveitin þurfti þó að sætta sig við jafntefli 2-2 gegn öflugri sveit Kelduskóla sem hafnaði að lokum í öðru sæti. A sveit Ingunnarskóla hafnaði svo í þriðja sæti eftir harða baráttu við B sveit Rimaskóla. Ingunnarskóli og Rimaskóli mættu báðir með fjórar sveitir til leiks og þar af eina stúlknasveit. Í þeim flokki var það sveit Rimaskóla sem sigraði og var reyndar í hópi efstu sveita á mótinu, endaði í sjötta sæti með 14 vinninga.
Lokastaðan í norðurriðli:
1 Rimaskóli A – 21
2 Kelduskóli A – 17.5
3 Ingunnarskóli A – 15.5
4 Rimaskóli B – 15
5 Landakotsskóli – 14.5
6 Rimaskóli (S) – 14
7 Sæmundarskóli A – 13.5
8-9 Sæmundarskóli B – 13
Háteigsskóli – 13
10 Laugalækjaskóli – 12.5
11-12 Rimaskóli C – 12
Austurbæjarskóli A – 12
13-14 Foldaskóli – 11.5
Vogaskóli – 11.5
15-17 Ingunnarskóli C – 11
Ingunnarskóli B – 11
Ingunnarskóli (S) – 11
18 Dalskóli – 10
19 Austurbæjarskóli B – 9
20 Húsaskóli A – 6.5
21-22 Háaleitisskóli- 4.5
Húsaskóli B – 4.5
Úrslitkeppni yngri flokks mánudaginn 2. desember
Sveitirnar fjórar sem unnu sér þátttökurétt í úrslitakeppni yngri flokks mættust svo innbyrðis kl. 17.00 daginn eftir samhliða keppni í eldri flokki. Fyrirfram var búist við mjög spennandi keppni, enda allar sveitirnar líklegar til sigurs. Ölduselsskóli hafði unnið riðilinn sinn með fullu húsi og styrkur Rimaskóla var augljós. En engum datt í hug að afskrifa Kelduskóla eftir að hafa gert jafntefli við Rimaskóla í riðlakeppninni eða þá spútnik sveit Fossvogsskóla. Keppnin reyndist líka afar jöfn þar sem þrjár sveitir börðust um sigurinn. Að lokum hafði Rimaskóli nauman sigur. Hlaut sveitin 8.5 vinninga af 12 mögulegum og varð hálfum vinningi á undan sveit Ölduselsskóla. Sveit Kelduskóla sem aftur gerði jafntefli við sveit Rimaskóla í úrslitunum varð síðan í þriðja sæti með 7.5 vinninga. Sveit Fossvogsskóla náði sér hinsvegar ekki á strik að þessu sinni og hafnaði í fjórða sæti.
Sigursveit Rimaskóla skipuðu Nansý Davíðsdóttir, Kristófer Halldór Kjartansson, Joshua Daviðsson og Mikael Maron Torfason. Liðsstjóri sveitarinnar var stórmeistarinn nýbakaði, Hjörvar Steinn Grétarsson. Silfursveit Ölduselsskóla skipuðu Mykhaylo Kravchuk, Óskar Víkingur Davíðsson, Brynjar Haraldsson og Stefán Orri Davíðsson. Liðsstjóri var Guðmundur Daðason. Í bronssveit Kelduskóla voru þeir Hilmir Hrafnsson, Sigurður Bjarki Blumenstein, Sigurjón Daði Harðarson og Andri Gylfason. Liðsstjóri sveitarinnar var Hrafn Loftsson.
Lokastaðan
1 Rimaskóli A – 8.5
2 Ölduselsskóli A – 8
3 Kelduskóli- 7.5
4 Fossvogsskóli B- 0
Eldri flokkur mánudaginn 2. desember
Átta sveitir voru mættar til leiks, þar af tvær stúlknasveitir. Sveit Rimaskóla tók fljótt forystu í opna flokknum og hélt henni örugglega til enda. Fyrir sveitinni fór einn alefnilegasti skákmaður landsins Oliver Aron Jóhannesson en aðrir í sveitinni voru Jóhann Arnar Finnsson, Kristófer Jóel Jóhannsson, Viktor Ásbjörnsson og Mikolaj Oskar Chojecki. Liðsstjóri var Helgi Árnason.
Mun meiri barátta var um annað sætið en ekki síður milli stúlknasveitanna tveggja um sigur í stúlknaflokki. Í opna flokknum náði Árbæjarskóli öðru sætinu og Háaleitisskóli sem sendi tvær sveitir til leiks náði þriðja sætinu. Úrslitin í stúlknaflokki réðust ekki fyrr en í síðustu skák mótsins! Þar þurfti sveit Austurbæjarskóla nauðsynlega á vinning að halda í viðureign sinni gegn sveit Árbæjarskóla. Það gekk ekki eftir þrátt fyrir miklar sviptingar og stúlknasveit Breiðholtsskóla fagnaði að lokum sigri.
Lokastaðan í eldri flokki
1 Rimaskóli- 20
2 Árbæjarskóli – 17.5
3 Háaleitisskóli A – 15
4 Hagaskóli – 13
5-6 Hólabrekkuskóli – 12.5
Háaleitisskóli B – 12.5
7 Breiðholtsskóli (s) – 3
8 Austurbæjarskóli – 2.5
Skákstjórar á mótinu voru þeir Björn Jónsson, formaður Taflfélags Reykjavíku,r og Kjartan Maack. TR og SFS vilja koma á framfæri þakklæti til allra þeirra fjölmörgu
skóla sem tóku þátt og svo sérstaklega til þeirra rúmlega 200 skákkrakka sem tefldu af krafti á þessu einna skemmtilegasta skákmóti vetrarins.
Altarisglugginn í Grafarvogskirkju
Komu jólanna fagnað í Grafarovgskirkju laugardaginn 7.des klukkan 16.00
Fram koma:
Kór Grafarvogskirkju,Vox Populi, Stúlknakór Reykjavíkur
Sérstakir gestir:
Sigríður Thorlacius
Guðmundur Óskar Guðmundsson og hljómsveitin Ylja
Stjórnendur kóranna:
Hákon Leifsson
Hilmar Örn Agnarsson
Margrét Pálmadóttir
Núna er hægt að skoða Logafold safnaðarblað Grafarvogskirkju á vefnum.
http://grafarvogsbuar.is/logafold-safnadarblad-grafarvogskirkju
Fjölnir á sjö leikmenn af ríflega hundrað sem boðaðir eru á úrtaksæfingar hjá yngri landsliðum kvenna í knattspyrnu um næstu helgi, 7.-8. desember.
Þær Elvý Rut Búadóttir, María Eva Eyjólfsdóttir, Tanja Líf Davíðsdóttir og Guðný Ósk Friðriksdóttir verða á meðal 36 leikmanna á æfingum með 97´árgangi, Jasmín Erla Ingadóttir og Stella Þóra Jóhannesdóttir eru í 34 leikmanna hópi 98´árgangsins og Kolbrún Tinna Eyjólfsdóttir er ein 36 stúlkna 99´ árgangsins sem boðaðar eru til æfinga.
Glæsilegir fulltrúar Fjölnis og framtíðin björt í Grafarvoginum
Aðventuhátíðin í Grafarvogskirkja Grafarvogi var vel heppnuð að vanda. Salvör Nordal talaði um þögnina, Stúlknakórinn var frábær eins og alltaf,Hólmfríður söng einsöng með Voxinu sem galddi móðurhjartað, Kirkjukórinn er alltaf góður og ein af stórstjörnum kvöldsins var Þóra Björg sem söng eins og engill.
Því miður tók ég engar myndir úr Jólagospelinu sem var í Borgó í dag en þar voru yfir 130 manns í jólagospelsveiflu og Vox Populi flott þrátt fyrir nokkuð mikil forföll kórfélaga. Kórinn er bara svo góður að hann klikkar aldrei.
Aðventan byrjar vel!
Follow