Vormót Sunddeildar Fjölnis fór fram um nýliðna helgi í Laugardalslaug. Met þátttaka var í þessu árlega sundmóti og komu rúmlega 300 keppendur frá Reykjanesbæ, Akranesi, Mosfellsbæ, Hafnafirði, Kópavogi, Reykjavík, Hveragerði og Vestmannaeyjum. Alls um 1800 stungur.

Liðum sem tóku þátt í mótinu er þakkað kærlega fyrir þátttökuna og einnig þeim fjölmörgu foreldrum sem hjálpuðu til við framkvæmd mótsins. Svona mót er ekki hægt að halda nema af því eiga svona glæsilegan foreldrahóp í Sunddeild Fjölnis, sem er tilbúinn að leggja sunddeildinni lið. Árangur á mótinu var mjög góður og voru sett nokkur Íslandsmet met í flokki fatlaðra.

Stigahæstu einstaklingar mótsins voru (þrjár greinar samtals)

Karlafokkur: Daníel Hannes Pálsson, Sunddeild Fjölnis
Kvennaflokkur: Íris Ósk Hilmarsdóttir, Íþróttabandalag Reykjanesbæjar
Drengjaflokkur: Brynjólfur Óli Karlsson, Sunddeild Breiðablik
Telpnaflokkur: Karen Mist Arngeirsdóttir, Íþróttabandalag Reykjanesbæjar
Sveinaflokkur: Patrik Viggó Vilbergsson, Sunddeild Breiðabliks
Meyjaflokkur: Arey Rakel Guðnadóttir, Sunddeild Fjölnis

Krakkarnir úr Fjölni stóðu sig öll með sóma enn alls tóku rúmlega 40 sundmenn þátt í mótinu frá Sunddeild Fjölnis. Krakkarnir hjá Inga Þór í Höfrungum, Háhyrningum og Hákörlum hafa verið að sýna miklar framfarir og það verður spennandi að sjá hve margir ná lágmörkum á AMÍ í sumar. Krakkarnir í A-hóp eru öll að nálgast IM-50 lágmörkin og nokkrir búnir að tryggja sig inn á Íslandsmeistaramótið. Krakkarnir í Afrekshóp eru í þungum æfingum og gott var að nota þetta mót til að sjá hvar þau standa fyrir Íslandsmeistaramótið sem fram fer eftir 6 vikur.

Follow

Skák

Skákmót Rimaskóla var haldið í 21. skipti í hátíðarsal skólans og bar að þessu sinni upp á bolludag. Líkt og í fyrra var mótið opið öllum skákkrökkum á grunnskólaaldri og teflt um titilinn Skákmeistari Rimaskóla 2014. Einnig var teflt um um tvö laus sæti í úrslitum á Barna-blitz mótinu, en úrslit þess móts ráðast Hörpunni n.k. laugardag. Það voru tæplega 70 krakkar sem tóku þátt í veglegu skákmóti þar sem öllum þátttakendum var boðið upp á rjómabollu í tilefni dagsins og veitt 20 verðlaun. Meðal keppenda voru allir sterkustu skákmenn Rimaskóla auk þess sem skákmeistarar úr Álfhólsskóla og Ölduselsskóla mættu til leiks og gerðu mótið mun sterkara. Oliver Aron Jóhannesson í 10. bekk Rimaskóla vann mótið örugglega enda langhæstur allra þátttakenda á stigum (2200). Oliver Aron sem varð núna skákmeistari Rimaskóla þriðja árið í röð vann allar sínar sex skákir. Í næstu sætum með 5 vinninga voru þau Mykael Kravchuk Ölduselsskóla, Nansý Davíðsdóttir, Joshua Davíðsson og Jóhann Arnar Finnsson Rimaskóla og þeir Felix Steinþórsson og Dawid Kolka Álfhólsskóla. Önnur í stúlknaflokki á eftir Nansý varð Heiðrún Hauksdóttir Rimaskóla og Tinna Björk Rögnvaldsdóttir í Rimaskóla varð þriðja, báðar með 3 vinninga.

Í keppninni um tvö laus sæti í úrslitum á Barna-blitz urðu þau Mykael og Nansý efst og voru stigamun á undan Felix og Joshua, en öll fengu þau 5 vinninga á mótinu.

Mótsstjóri var Stefán Bergsson og afhenti hann Oliver Aroni farandbikar skólans til varðveislu næsta árið. Aðeins Hjörvar Steinn Grétarsson hefur oftar orðið skákmeistari Rimaskóla en stórmeistarinn nýkrýndi  varð skólameistari í sjö ár. Alls voru veitt 20 verðlaun, pítsur, bíómiðar og sælgætispokar.

Með kveðju

Helgi Árnason

Skólastjóri Rimaskóla

Follow

Krakkarnir í 7. bekk Korpu eru að taka þátt í áhugaverður verkefni í samstarfi við Korpúlfa í Grafarvogi, en það er félag eldri borgara í Grafarvogi. Korpúlfum er boðið upp á tölvufærninámskeið þar sem krakkarnir í 7. bekk eru leiðbeinendur, þ.e. þau kenna eldri borgunum á það sem þeir vilja vita meira um, t.d. að senda viðhengi í tölvupósti, setja mynd inn í texta í Word, leita eftir upplýsingum á netinu o.m.fl. Í fyrra tók 7. bekkur í Vík þátt í þessu samstarfi og reyndist það mjög vel. Í ár koma Korpúlfarnir til okkar í Kelduskóla Korpu einu sinni í viku og er hvert námskeið í þrjár vikur. Í ár verður boðið upp á þrjú námskeið og er búinn fyrsti tíminn á örðu námskeiði. Í lokinn verður svo öllum nemendum boðið í heimsókn upp á Korpúlfsstaði þar sem þau fá veitingar og viðurkenningarskjöl.

Follow

VERKEFNIÐFJÁRÖFLUN TIL TÆKJAKAUPA

Geislameðferð er mikilvægur þáttur í baráttu við krabbamein

Í hálfa öld hefur beiting háorku (MV) ljóseindageislunar frá línuhröðum verið sú tækni sem mest hefur verið notuð fyrir geislameðferð krabbameinssjúklinga.

Geislameðferð hefur skilað umfalsverðum árangri. Vaxandi fjárfestingar nágrannaþjóða okkar í tækjabúnaði fyrir geislameðferð vitna um að litið sé á geislameðferð sem öflugan og hagkvæman kost fyrir krabbameinssjúka.

Tveir línuhraðlar eru á Landspítala

Línuhraðall

Fyrsti línuhraðall okkar Íslendinga var settur upp í K-byggingu Landspítala árið 1989, en fyrir honum var safnað með sölu Lions-manna á rauðri fjöður árið 1985. Áður hafði geislameðferð á Landspítala verið framkvæmd með kóbalttæki. Kóbalttækið þjónaði hlutverki sínu fram til ársins 1995 en þá var keyptur nýr línuhraðall. Árið 2004 var enn keyptur nýr línuhraðall til að taka við af tækinu sem hafði þjónað landsmönnum í 15 ár, sem er mjög góð ending á þess konar tækjabúnaði. Árið 2012 eru því í notkun á Landspítala tveir línuhraðlar, annar frá árinu 1995 (17 ára tæki) og hinn frá árinu 2004 (8 ára).

Í áætlunum Landspítala var gert ráð fyrir endurnýjun á línuhraðli árið 2010. Ástand ríkisfjármála í kjölfar efnahagshrunsins 2008 og niðurskurður á fjárveitingum Landspítalans komu í veg fyrir að við þetta væri staðið. Það ber tæknimönnum spítalans og starfsfólki við meðferðina gott vitni að tekist hefur að halda áfram meðferð með þetta gömlu tæki. Öryggis- og gæðaeftirlit línuhraðlanna sýnir að þeir uppfylla enn þær kröfur sem gerðar voru til þeirra þegar þeir voru keyptir. Nú þegar er viðhaldskostnaður mikill og kaup á varahlutum í gömul tæki orðin fjárhagi spítalans erfið.

Gert er ráð fyrir að um helmingur þeirra sem greinist með krabbamein þurfi að fá geislameðferð vegna sjúkdóms síns. Nýjar geislameðferðir á Landspítala á árinu 2011 vour 600 og komu sjúklingar í 10.754 heimsóknir á geisladeildina til að fá meðferð gefna.

Breytingar sem vænta má með nýju tæki

Mikil þróun hefur verið á liðnum árum í tækni línuhraðlanna og notkun þeirra við meðferð. Á Norðurlöndum hafa stjórnvöld fjárfest í búnaði til að nýta þessa hagkvæmu leið til hagsbóta fyrir krabbameinssjúklinga. Starfræktir eru 56 línuhraðlar í Danmörku (þ.e. einn línuhraðall fyrir hverja 96 þús. íbúa), 42 tæki í Noregi (einn línuhraðall fyrir hverja 109 þús. íbúa) og í Svíþjóð eru starfræktir 67 línuhraðlar (einn línuhraðall fyrir hverja 137 þús. íbúa). Meðferðardeildir erlendis sem hafa 8 – 12 línuhraðla í rekstri fjárfesta í nýjuðum búnaði og nýrri tækni á eins til tveggja ára fresti og fylgja þróun.

Hvaða nýjar meðferðarleiðir fást með nýjum línuhraðli?

Bætt tækni línuhraðla gefur kost á auknum möguleikum í meðferð og sérhæfingu fyrir ákveðnar tegundir krabbameina. Síðustu ár hafa komið fram í nýjum línuhröðlum tæknilegir möguleikar eins og styrkmótuð snúningsmeðferð, sem gefur kost á aukinni nákvæmni við þrívíða geisladreifingu í líkama sjúklings og gefur mikilvæga möguleika við geislun í kviðarholi og víðar um líkamann. Öndunarstýrð geislameðferð gefur kost á að stöðva geislun þau sekúndubrot sem hreyfing líffæra eða krabbameinsæxla veldur óhagstæðri legu. Þannig gefst kostur á að minnka geislaálag á heilbrigðan vef. Betri tækni er við myndstýrða geislameðferð (IGRT) sem eykur nákvæmni innstillinga geislareita. Vélrænn stöðugleiki nýrra línuhraðla gefur kost á stereotaktískri geislameðferð þar sem unnt er að geisla mjög smá rúmmál með háum geislaskömmtum.

Framsýnir menn safna nú fjármagni til kaupa á línuhraðli

Eins og kunnugt er þá er hafin af miklum krafti söfnun til að fjármagna kaup á nýjum línuhraðli fyrir geislameðferð krabbameinssjúklinga. Þannig er komin af stað fjáröflun undir merkjum „Bláa naglans“ og félag manna sem fengið hafa krabbamein í blöðruhálskirtil, „Framför“ safnar fjármagni til kaup á línuhraðli. Þessir aðilar eiga þakkir skildar fyrir að leggja í þá miklu vinnu sem hér er hafin. Um er að ræða háa upphæð. Samtakamáttur Íslendinga hefur áður skilað ótrúlegum árangri og í þessari söfnun mun vissulega reyna á. Það er mikilvægt að vel sé tekið á móti sölufólki “Bláa naglans” sem nú er komið af stað og að samtakamáttur þjóðfélagsins komi þessu máli í höfn.

Follow

Christopher P. Tsonis hefur skrifað undir samning við Fjölni til loka tímabilsins 2014. Chris spilaði með Tindastól í 1. deildinni í fyrrasumar við góðan orðstýr og skoraði 6 mörk í 20 leikjum ásamt því að skora 3 mörk í 3 leikjum í Borgunarbikarnum.

Chris flýgur heim til Bandaríkjanna í dag og er svo væntanlegur um miðjan mars mánuð til Íslands og ætti því að verða í toppstandi fyrir Pepsi deildina í sumar.

Á mynd hér að neðan eru Kristján Einarsson formaður knattspyrnudeildar Fjölnis og Chris Tsonis að handsala samninginn. Til að fyrirbyggja misskilning þá er Chris Tsonis í fagurgula Fjölnisbúningnum.

Follow

Íbúafundir um uppstillingu hugmynda til rafrænna hverfakosninga hafa verið haldnir í hverfum Reykjavíkur að undanförnu en  dagana 11.-18. mars n.k.verða haldnar  rafrænar hverfakosningar um verkefni í Betri hverfum. Áður en að því kemur hafa verið haldnir kynningarfundir með íbúum til að fara yfir þær hugmyndir sem bárust inn á vefinn Betri hverfi í nóvember. Fundur með íbúum Grafarvogs var haldinn í Miðgarði  í vikunni og var hann í alla staði málefnalegur og fræðandi.

Ýmsar tillögur og hugmyndir skutu upp kollinum á fundinum og verður þeim komið áleiðis til borgaryfirvalda og verkefnisins betri hverfi. Fundinn með íbúum Grafarvogs sátu fulltrúar frá Miðgarði og frá verkefninu Betri hverfi. Farið verður yfir allar hugmyndir sem bárust í hverfinu  á fundinum, bæði þær sem stillt verður upp í kosningunum og þær sem ekki voru valdar. Á fundunum var hægt að spyrja spurninga um ferlið og koma með athugasemdir.

Þá voru hugmyndir um framtíð og þróun verkefnisins Betri hverfi sérstaklega velkomnar. Allar hugmyndirnar sem kosið verður um verða rækilega kynntar á vef Reykjavíkurborgar og víðar áður en kosningarnar hefjast.

Follow

Vissir þú….

..að það starfa í dag um 4o listamenn á Korpúlfsstöðum ….?

.. að listamenn bjóða gesti velkomna inn á vinnustofur sínar 1.mars…?

.. að á Korpúlfsstöðum er rekið ”Gallerí Korpúlfsstaðir”….?

.. að á Korpúlfsstöðum er ”Litli Bóndabærinn” með kaffisölu….?

.. að sýningin ”Kjallara Mottur” er sýning mánaðarins í Örsalnum á Korpúlfsstöðum…?

.. að söngur og ljúf tónlist mun óma um sali Korpúlfsstaða á Opnu Húsi…?

Nei þú vissir það ekki….en….  

Á Korpúlfsstöðum eru allir listamenn félagsmenn SÍM og bjóða þeir gestum til sín 4 sinnum á ári til að koma og upplifa það sem er að gerast innandyra Korpúlfsstaða.                                                     Verið hjartanlega velkomin til okkar  1.mars. milli kl. 13-17.      KorpArt Hópurinn

Follow

Hvatningarverðlaun skóla- og frístundaráðs Reykjavíkur 2014

Viltu vekja athygli á gróskumiklu leikskóla-, grunnskóla eða frístundastarfi á vegum Reykjavíkurborgar?
 Veistu af metnaðarfullu þróunarverkefni, skemmtilegum tilraunum eða annarri nýbreytni í skóla- og frístundastarfi Reykjavíkurborgar?
 Viltu veita starfsfólki skóla- og frístundastarfs í Reykjavík viðurkenningu og hvatningu?

Auglýst er eftir tilnefningum til hvatningarverðlauna skóla- og frístundaráðs vegna leikskóla-, grunnskóla- og frístundastarfs Reykjavíkurborgar.
Allir geta tilnefnt til verðlaunanna; foreldrar, kennarar, ömmur og afar, borgarstarfsmenn, leikskólar, grunnskólar, frístundastarf, aðrar stofnanir og samtök. Við val á verðlaunahöfum verður haft til hliðsjónar að verkefnið sé öðrum til eftirbreytni og hvatning til góðra verka, svo og að fjölbreytt verkefni fái viðurkenningu. Níu verkefni sem skara fram úr verða verðlaunuð.
Hvatningarverðlaun skóla- og frístundaráðs verða afhent við hátíðlega athöfn í maí og felast í viðurkenningarskjali og verðlaunagrip sem starfsstaðurinn fær til eignar.
Eyðublöð eru á heimasíðu skóla- og frístundasviðs, www.skolarogfristund.is
og er skilafrestur til 28. mars 2014
Frekari upplýsingar á www.skolarogfristund.is

Follow

Skák

Rimaskólanemendur í  1. – 10. bekk  Aðrir grunnskólanemendur velkomnir sem gestir

 Skákmót Rimaskóla 2014 + Undanúrslit í Barnablitz

 Verður í sal skólans mánudaginn

3. mars. Ókeypis þátttaka

Kl. 13:00 – 15:00

Verðlaun eru 7 pítsur og 7 bíómiðar

Hver verður skákmeistari Rimaskóla 2014. Skákmeistarinn fær nafn sitt skráð á skákbikar skólans frá árinu 2009

Undanúrslit í Barnablitz  – Tvö sæti í úrslit í Hörpuna

Tefldar sex umferðir. Umhugsunartími 7 mínútur

Þátttakendur sem klára mótið fá skráð leyfi frá 12:40

Skákstjórar: Helgi Árnason og Stefán Bergsson

Rjómabolla Sollu og Sellu og mjólk í skákhléi, nammi namm

Follow